Nonsense

疫情嚴重了，公司又要開始WFH，但lunch還是要吃的，今天就選擇了在家不遠的餐廳來個lunch+tea。經朋友介紹下，才知道土瓜灣北帝街也有幾間特色的西餐廳。看完menu後選擇到這間又有主食又有甜品的餐廳。坐了在近門口的位置，有一個很大的窗，變了一個半開放式的環境，空氣流通，對於現在疫情來說相當重要。這裡的裝修和環境也給人一種很悠閒舒服的感覺。食物方面：1.午餐：參巴辣蝦醬海鮮意粉$78 (評分：8/10）想選擇一個特別一點的主食，所以看見“蝦醬”就叫了！味道辣辣地，又不會太辣，很惹味香口，很有泰國／馬來西亞的的風味，配料有大蝦、魷魚圈、露筍，幾好味～ 不過這道菜不像在一間西餐廳環境下吃到，有點不太配搭呢。2.下午茶：日本柚子芝士蛋糕+法式焦糖燉蛋 $48（評分：7.5/10）上碟很漂亮，有棉花糖及士多啤梨醬伴碟，未吃看到也覺得很開心。蛋糕很細件，但有淡淡柚子味，芝士味也很濃，很好味～ 焦糖燉蛋雖然放了很久才進食，但燉蛋上的焦糖沒有融，仍是脆脆的、厚厚的，燉蛋味道也很好，甜品為這段期間苦中帶一點甜～

一大班朋友聚餐，揀咗呢間有酒飲既西餐聚舊，可惜要分2張枱坐呢，無法有限聚令。餐廳門面開揚，氣氛很好呢，對住水吧可一睹bartender 沖調飲品。 座位與座位之間都有空位，大家聚舊聊天時亦不會太焗促。食物嘅質素很高， 而且沖調的酒精飲品 很不錯，睇得出廚師及水吧水準不低，且用心製作。這個我當starter食的黑松露薯條十分喜愛， 簡直想encore再點一份， 被朋友阻止了 😂😂 要留肚食正餐呢....很驚訝這個fusion菜, 日式松葉蟹配西式海鮮再加港式煲仔飯 ，竟意外地融合在一起， 熱辣辣最啱喺飲酒前暖下個胃 👍慢煮黑毛豬鞍扒份量唔夠食 😂 肉質軟硬適中，好入味，而旁邊焦糖蘋果好正好好食，可惜無得單獨要一份 🙈呢份和牛柳肉質軟腍嫩滑， 加埋調配嘅醬汁簡直一流， side dish嘅蔬菜亦不馬虎，強烈推介!!相比之下軟殼蟹意粉同平時嘅差不多呢，不錯但無咩驚喜。甜品多人好辦事，叫嚟share 下都唔錯。仲有太多食物未試，下次要再試埋其他先。

這餐廳服務良好。Openrice卜後有人whatsapp確認。侍應態度顯示這裡歡迎小朋友，會逗小孩開心，又請了小朋友飲果汁。常添水。其實帶幼兒的客人，食物係其次（係好食），最緊要係個餐廳侍應和環境都welcome小朋友唔怕他們有時會嘈，土瓜灣有這餐廳很好。

中午咁岩想食下all day breakfast，身為土記街坊，自然諗起北帝街尾果堆西餐廳。都算係一個有人專登黎打下卡既地方，加上價錢貴少少，比我個印象就係食好野。無research，見門口餐牌有all day，唔洗排隊，價錢都可接受，就入去坐低咗。失哂望。環境方面：先講好野，坐得的確幾舒服，環境唔會擠迫，星期日中午唔算多人，裝潢都幾靚仔，除咗餐廳入面啲字形裝飾燈用咗譚仔隻綠色夾鮮紅色，睇落去幾唔舒服。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿服務方面：侍應一黎劈低兩份餐牌係枱面，由於份餐牌係木板底，個碰撞聲都幾響亮，嚇咗一跳。以為係唔小心，不過之後水同食物都係「劈低」既，件事就同舊冰室飛碟野上你枱面差唔多。順帶一提，呢間餐廳係有收加一既。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿野食方面：All day breakfast焗豆，煙肉同豬肉腸凍凍地。煙三文魚有陣腥味，似係放咗係室溫一段時間。大啡菇出哂水（或者係油）得黎，食落去只有一陣油味炒蛋，沙律同多士正常發揮。由於餐牌上聲稱即叫即煮，要等20分鐘的，不過等咗大約10分鐘就上菜，算係幾快手，不過另一

在家附近逛下逛下，走進一家簡約設計嘅餐廳，由於疫情有好多餐廳都用膠板間開，但這家餐廳卻用屏風，頓時感到安全，衞生，有格調，仲有輕鬆的音樂及熟識的歌曲"楊千樺嘅可惜我是水瓶座"！😊😊講到食物我選了軟芝士牛肝菌意粉，這套餐有湯及餐飲，價錢合理，只需HK$73+10%😍味道方面，湯有兩款，我選擇南瓜湯，湯料足夠;講到主菜份量十足，吃到牛肝菌嘅香味，更吃到其他菇類及奶油嘅味道，喜愛吃菌類嘅朋友一定讚不绝口！雖然有軟芝士但沒有溜嘅感覺，厨師好聰明加配左幼嫰嘅露荀，感到很細心嘅製作講到員工們十分友善，服務好好藉得推介

通常到北帝街，都會選擇到HeySoNuts，雖然梳乎厘pancake好正，但人流太多，要等位兼限時，便決定轉陣到Nonsense，今次是第一次幫襯，座位充足，因為大家都習慣先選擇HeySoNuts。甜品都算多選擇，可能為了避免與對手競爭，種類都與對手有明顯分別，以芝士蛋糕及果批為主，果批很適合夏天，我選了熱情果芒果批配雪糕，酸甜味道，非常開胃，有增加食慾的效果。朋友要了宇治抹茶芝士蛋糕，但抹茶味太輕，完全感受不到。記得同區有間小方糖，甜品都是配上雪糕，總覺得小方糖的雪糕較為好味。飲品方面，我揀了ginger apple，很清新，好飲。至於朋友的凍咖啡，他認為不及HeySoNuts。有朋友另外試過午餐，說水準不錯，價格合理，而且味道適中，或許下次會一試。

土瓜灣啲小店真係越開越多 而且每間嘅質素都絕對唔差同樣嘅質素係尖沙咀嗰啲一定再賣貴d 始終嗰邊啲鋪租貴咁多🤭覺得自從Heysonut進駐後 cafe越開越多 對街坊黎講簡直係一大福音唔使搭車出去都可以吃好野🥳Nonsense我已經吃過幾次 因為真係好好吃！😋吉列豬扒蘑菇蛋貝果三文治配薯條 $128 連飲品呢個係我既愛之一 豬排一d都唔嚡同乾 仲帶有d肥膏 吃落夠哂甘香 一吃就知係d靚豬排👍🏻蘑菇蛋就無咩特別 應該志在加返d口感Bagel焗到好脆 就算加左d醬汁依然可以保持到個脆度😋薯條都係亮點之一 條條都炸到外脆內軟 中間仲有d薯仔蓉既粗身薯條 諗起又想吃啦🤤而且份量都好多 可以同大家開心share🍟兩個人去吃最好一個叫Bagel 一個叫意粉 咁份量就剛剛好了☺️唯一要挑剔嘅就係咁樣會有啲熱氣 樣樣野都咁脆咁香口🤣但同人share吃就無問題啦🥳🥳叻沙海鮮炒意粉 $128炒得好干身 都幾惹味 但唔算辣海鮮唔會有雪味 蝦都彈牙呢個價錢可以收貨了🤣

去左食午飯，食物還可以，賣的係fusion 食物。lunch set 唔算好貴不過亦都無咩特別。套餐跟餐湯同飲品，餐湯好飲。不過依家大家咁擔心疫情，反而覺得佢地防疫做得唔夠。每張台中間有屏風，不過可能為左美觀，屏風係透氣的，其實病毒一樣可以傳播，似係做樣多過真係有防疫效果。仲有有位侍應戴口罩無蓋過個鼻😅 其實唔太食得安心，不過落單先見到。不過亦都有位女侍應好好服務態度，非常積極。就算係咁呢排應該都唔會再黎。

連續三間小店，其中一間可能有賣廣告所以要拎飛排隊而且得60分鐘用餐，最後跟友人商量後便到nonsense♡職員態度友善有禮，環境舒適，室內溫度剛好不過冷或唔夠冷氣食物質素方面大驚喜，兩個人用了三小時食了四份餐♡♡♡先黎份量十足原隻炸軟殼蟹拉絲芝士焗飯，入面仲有南瓜粒驚喜另一份係all day breakfast，個大啡菇很juicy♡個香草麵包勁野味最後3pm時間到便嗌甜品啦～個柚子芝士餅很香口清新唔會漏，配法式焦糖布甸，布甸很滑，甜度易入口舒服仲有個金莎口感既朱古力味雪糕，配新鮮生果既waffle，仲有靚靚棉花糖伴碟

7人打羽毛球之後⋯要吃甜品心情更開心、下午16:00仍然食店內多人、幸好等了5mins有位、下午茶menu 幾多選擇、太好！抹茶cake n cheese cake 幾好味，而且碟上圖案設計幾好！mocha就太甜，其餘的甜點就麻麻地.服務生態度幾好👍要讚下

跟住openrice嘅熱門推介叫野食，果然道道菜都好好食。和牛好林身，pasta好creamy，避風塘茄子好惹味，煲仔飯好特別，咖喱配roti都好正，甜品唔會太甜，個crème brûlée好出色，窩夫外脆內軟。強烈推薦佢地嘅cocktail，自家調製，個infuse oolong好好飲，而且係好有心思嘅一杯飲品。餐廳嘅員工每個都好nice，同客人有傾有講，老闆仲好好心機介紹佢地嘅飲品食物，食到好飽，最後仲送左壺桂花茶俾我地飲超級貼心。呢間餐廳必須要encore😍

是日老同學跟我在這𥚃慶祝生日小店食物質素很平均😋我哋叫咗一個炒𧐢當餐前小食，炒𧐢賣相色香味俱全另外order咗一客黑松露蘑菇意粉同豬扒豬扒肉質唔錯，Caramel sauce 亦同豬扒夾得幾好值得一提係呢度嘅服務態度非常良好例如我哋表示冷氣比較凍，佢會即刻幫我哋調教溫侍應態度很友善亦主動唯一美中不足係星期五晚上人多餐廳比較嘈😅

◦•●◉✿✿◉●•◦😋: 𝟡/𝟙𝟘💭: 今次介紹呢間小店好有驚喜🤤 Oswin今次一行5人叫左8樣食物，其實樣樣都好滿意！最鍾意係個和牛～入口即融🤩，豬鞍扒都好林好好味🐷🤍另外個雞泡干唔係個種頹頹翻熱，而食得出用碳爐燒個種，讚👍🏻 意粉個sauce夠creamy但唔會太漏，煲仔飯撈埋蟹膏加飯焦～雙重享受🥳p.s. 餐廳店員服務好好，一定會再黎😆◦•●◉✿✿◉●•◦

兩星期前嚟過，忍唔住又帶埋屋企人一齊嚟再食晚飯。頭盤我哋食咗一個蟹肉釀磨菇，菠蘿雞·沙律同埋鵝肝起初我都驚個雞胸肉會好鞋口，但係出奇地又OK喎煎鵝肝就中規中矩。主菜我哋叫咗一個煲仔飯，一個椰香咖喱配薄餅同埋羊架三樣餸菜都好好食。咖喱嘅份量都幾多，所以我哋再追加左四個薄餅仔最後叫咗兩個甜品。甜品就不過不失呢一間小店好用心做，服務態度真係好好。屋企人第一次嚟都讚不絕口平日都座無虛席一定要訂位

我老公成日食好野,  之前佢同朋友食過幾次, 食完都同我講食了什麼什麼......之後我叫佢同我去食, 終於今日帶我去食"Nonsense", 係吧桌+餐廳2個人點了4樣食物+2杯飲品......嘩~人地以為我地生蟲 而食物水準係中上, 好好味下次會再去食其他款食物, 因為餐廳其他食物都好吸引，其實想同朋友傾計都好正! 因為有提供紅酒、白酒及各式雞尾酒等飲品。餐廳老板很好人, 而且好熱情, 而且服務很好，如果想查詢及訂位可以whatsapp佢地, 好方便。(以上內容本人沒有任何賣廣告成份!) 純粹個人真心分享~