影片
更多
2020-10-18
1132 浏览
中午咁岩想食下all day breakfast，身為土記街坊，自然諗起北帝街尾果堆西餐廳。都算係一個有人專登黎打下卡既地方，加上價錢貴少少，比我個印象就係食好野。無research，見門口餐牌有all day，唔洗排隊，價錢都可接受，就入去坐低咗。失哂望。環境方面：先講好野，坐得的確幾舒服，環境唔會擠迫，星期日中午唔算多人，裝潢都幾靚仔，除咗餐廳入面啲字形裝飾燈用咗譚仔隻綠色夾鮮紅色，睇落去幾唔舒服。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿服務方面：侍應一黎劈低兩份餐牌係枱面，由於份餐牌係木板底，個碰撞聲都幾響亮，嚇咗一跳。以為係唔小心，不過之後水同食物都係「劈低」既，件事就同舊冰室飛碟野上你枱面差唔多。順帶一提，呢間餐廳係有收加一既。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿野食方面：All day breakfast焗豆，煙肉同豬肉腸凍凍地。煙三文魚有陣腥味，似係放咗係室溫一段時間。大啡菇出哂水（或者係油）得黎，食落去只有一陣油味炒蛋，沙律同多士正常發揮。由於餐牌上聲稱即叫即煮，要等20分鐘的，不過等咗大約10分鐘就上菜，算係幾快手，不過另一
失哂望。
環境方面：
先講好野，坐得的確幾舒服，環境唔會擠迫，星期日中午唔算多人，裝潢都幾靚仔，除咗餐廳入面啲字形裝飾燈用咗譚仔隻綠色夾鮮紅色，睇落去幾唔舒服。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
服務方面：
侍應一黎劈低兩份餐牌係枱面，由於份餐牌係木板底，個碰撞聲都幾響亮，嚇咗一跳。以為係唔小心，不過之後水同食物都係「劈低」既，件事就同舊冰室飛碟野上你枱面差唔多。順帶一提，呢間餐廳係有收加一既。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
野食方面：
All day breakfast
焗豆，煙肉同豬肉腸凍凍地。
煙三文魚有陣腥味，似係放咗係室溫一段時間。
大啡菇出哂水（或者係油）得黎，食落去只有一陣油味
炒蛋，沙律同多士正常發揮。
由於餐牌上聲稱即叫即煮，要等20分鐘的，不過等咗大約10分鐘就上菜，算係幾快手，不過另一碟帶子墨魚汁蒜香意粉就等咗30分鐘喇。
帶子墨魚汁蒜香意粉
賣相可能本身唔差的，不過侍應劈碟意粉落黎果下啲帶子都反哂面，所以無咩感想。
意粉個質地就偏硬，可能因為煮得時間短，墨汁同意粉既味分得好開。而帶子都係正常發揮。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
飲品方面：
叫咗兩杯凍奶茶，除咗唔同顏色，味道亦都相當有驚喜。
一杯正常淺啡，一杯同凍朱差唔多深色。深色果杯有攪過，不過都係無起色。望落相當濃，但飲落又好淡味，呢種感受幾難想像的。加咗少少糖試下，結果杯野得翻糖既甜味，不過我唔抗拒甜，總算飲哂。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
總括黎講，以上兩個人食既Holiday Brunch，埋單三百蚊，我認為係唔抵既，亦都好唔滿足。可能呢間唔岩我，無謂勉強既。雖然下次有人問我「土瓜灣有咩西餐廳好食」我都仲係答唔出，至少我可以答到咩野唔推薦，都算有啲得著。
张贴