Nonsense

上網睇啲相幾吸引，所以bk咗尼間餐廳試下，位置都算方便，土瓜灣站行5-10分鐘就到。今次嗌咗個香煎鵝肝黑松露意大利飯、炸軟殼蟹咖喱鍋（小辣）、芝士蟹用大啡菇小食，同埋芋泥蛋卷加焦糖布丁。首先上咗個意大利飯，賣相不錯，鵝肝煎得好香，好淋，味道一百分，一啲都唔腥，個意大利飯口感偏硬，我就覺得一般，配黑松露食都還好。咖哩鍋配烤油餅，個炸軟殼蟹係主角，切開好多膏，配埋啲咖喱幾夾，啲咖哩有啲芝士鋪面，有個爐係下面煮溶，用烤餅點黎食，兩塊有啲少，再要要加錢追加，芝士拉絲係食既時候比較麻煩，啲海鮮都OK，有蝦，魷魚同青口。至於小食大啡菇好普通，有啲薯泥係底上面係大啡菇，蟹肉加芝士鋪面，三樣夾埋一齊食我自己覺得唔係好夾，味道一般。到最後甜品，芋泥蛋卷同焦糖布丁，個蛋卷好出食，有啲士多啤梨cream，配埋一齊食非常夾，好香芋泥同士多啤梨味，個焦糖布丁就一般般，無咩特別。

星期六下午黎到土瓜灣覓食😋行到接近門口心諗死喇咁多人，點知原來全部都係等緊隔離🙈入到餐廳發現都仲有好多空位唔洗等，叫左兩個holiday brunch 🔆三文魚柳西西里蕃茄意粉$118舊三文魚整得幾適中，食落仲好嫩，魚皮撒上少許鹽，調味恰到好處🥰意粉質地彈牙，整體唔算太特別🔆鵝肝黑松露雜菌意大利飯$148黑松露味唔單止聞到好香，食落都好濃🤩而佢嘅意大利飯唔會為左有口感而煮得過硬，只係飯芯保持少少硬度🤏🏼塊大鵝肝好邪惡😭食落醇厚肥嫩，味道濃郁🔆丸久小山園抹茶日式卷蛋$58 屬於爆餡類型😋外層蛋糕有點茶甘味，而忌廉內餡就好綿滑，係我鍾意嘅果種帶少少甜嘅抹茶香💚🔆Okinawa black sugar latte$20 (跟餐半價)唔飲咖啡嘅我唔知點解叫左😂不過加左黑糖嘅咖啡☕️易入口左，無咁苦澀🙈🔆Iced chocolate$22.5 (跟餐半價)🐰整體食物質素都唔錯，但兩個brunch份量唔係好多，男仔應該唔係好夠食😶惟有叫多個甜品或者小食啦🤣

土瓜環呢個地方對我嚟講既陌生又熟悉細個讀書成日係呢頭出沒事隔多年呢度都的確改變咗好多交通方便咗 多咗新嘅樓宇唯一冇變嘅係仍然都係個美食集中地🌟今次搵到呢間係宋王臺公園附近嘅餐廳裝修較簡約 但環境都算闊落坐得幾舒服以多國菜為主 西式 港式 日式 韓式都有而且菜式亦好有創意意想不到嘅配搭黑毛豬肋肉日式煲仔飯見到日式煲仔飯都好奇係咩嚟用鐵鍋代替瓦煲飯面鋪滿豬肋條仲加咗啲菇 打上窩蛋襯熱倒入醬油同半熟蛋黃一齊攬拌豬肋條無咩醃製過較重豬肉味個人覺得有啲羶肉質爽口偏肥 較韌油脂滲咗入白飯裡令飯有油香食到最尾仲會有飯焦成個飯係幾豐富不過調味較淡要落多啲醬油先夠味叻沙龍蝦尾炒意粉非常特別嘅菜式超香又濃郁嘅叻沙味道根本就係叻沙醬撈意粉😆意粉質感彈牙條條都沾滿叻沙醬辣辣地好惹味帶少少椰香 好食！龍蝦尾就冇乜調味但夠哂厚肉 爽口不過偏細份可能因為龍蝦定價都較貴！參巴辣蝦醬炒牛舌粒牛舌質感軟腍帶少少爽口用參巴辣蝦醬炒味道好有四川辣感辣辣地開胃又惹味鍾意食辣嘅人真係要試下！特濃伯爵茶日式卷蛋呢度嘅卷蛋都係每日新鮮製造所以味道數量都係限量 賣完就冇啦咁多款卷蛋都好吸引🤩身為茶控就揀咗伯爵茶味🤎卷蛋好大件蛋糕體鬆軟

今日坐屯馬線去玩，根據open rice 牛棚藝術村，附近有間西餐廳不錯，就去試試，果然好味😋 服務很好，有禮貌😊中午一點，到步，剛巧有兩位，坐門口，否則就要等位。和牛漢堡好好食😋值得推介👍炸軟殼蟹加沙沙意粉，賣相一般，如果換隻大碟，再加一啲香草在蟹上面，更加好，軟殼蟹新鮮炸好，好味😋鵝肝焦糖蘋果，香煎鵝肝，很好👍凍奶茶，一般般

話說食唔成小炒，咁就喺 openrice 揾第 2 間，土瓜灣區勝在有唔少好西，我哋就揀咗呢間。去到安排入座，侍應就企咗我哋附近一陣，有點感覺催落單咁，同事問有乜推介，佢介紹咗封門柳，但由於我唔食牛所以無叫，跟住我哋話睇吓先佢就行開咗。其實未夠 6 點又唔係好餓，侍應又叫我哋留肚食佢哋出名嘅甜品，所以我哋叫咗一個黑毛豬煲仔飯同冬蔭公炒意粉。黑毛豬煲仔飯有飯焦 👍👍👍 但黑毛豬似係無醃過，得豬味，加小小鹽同胡椒粉輕輕醃吓可能香啲，反而我喜歡煲仔飯啲菇，好好味 😅冬蔭公炒意粉有啲驚喜，意粉好入味 😋😋😋至於甜品，可能因為侍應特別叫留肚我有點期望，其實味道唔太差，但比起某些網店，性價比有點比下去！Cappuccino 有點像 Mocha，我比較欣賞 7仔嗰杯 🤣🤣🤣我哋清晒張檯啲食物仲傾多陣先走，值得一讚係有位男士問要唔要加水，見我凍我較高冷氣扇頁，但另一位女士就不停執檯，有點騷擾。

午餐同同事一齊食nonsense, 餐廳唔算好大，我哋十幾個人去，d同事傾計有點嘈。四個人share四樣嘢餐湯係南瓜湯,味道好濃郁，好滑。軟殼蟹咖哩飯軟殼蟹炸得好鬆脆,大細都足夠四個人分，每人有一小舊。不過咖哩就普通啲三文魚菠菜燴飯正正常常，唔算好特別明太子意粉味道最濃郁，好creamy，同事都話好好味，每次來都會嗌,不過唔記得影相窩夫雪糕未到已經聞到窩夫嘅香味，不過都等咗好耐。外表係心型嘅，好靚，四個人分一人一塊，啱啱好，窩夫好鬆軟， 伴碟嘅哈蜜瓜都好甜。 加埋雪糕一齊食，做飯後甜品最適合 不過窩夫雪糕唔係餐，所以冇嘢飲。 餐廳冷氣有啲凍，啲食物嚟到好快凍曬，所以要快啲食啦。

🦐明太子蝦忌廉意粉 $98（7.5/10）忌廉汁唔會好水～每啖都充滿明太子嘅味🤓但味道鹹返少少會更加好味，食到後面因為忌廉汁嘅關係，有少少膩。🦀炸軟殼蟹叻沙炒意粉 $128（8/10）依款好惹咪好香口✨😛叻沙味超濃同好creamy! 係3款主食入面最好味。🐟香煎挪威三文魚柳芫茜醬意大利飯 $118（7.7/10）我唔係芫茜嘅fans~但試左少少感覺芫茜撈埋忌廉嘅味啱啱好，唔會好膩～三文魚唔會好鹹，襯埋個飯味道都好夠。🍓蝶豆花草莓日式卷蛋 $48（9.5/10）超級大推卷蛋😍因為真係勁好味！好厚身之餘入面嘅忌廉係杰杰地同凍的！蛋糕質地好濕潤而且中間酸酸甜甜嘅士多啤梨cream好正～🍵丸久小山園抹茶日式卷蛋 $58（9.5/10）同樣都係厚身加味道超濃超夠味！唔會好甜而且忌廉同蛋糕有埋抹茶甘甘地嘅味～凍食超正✨✨🍎富士蘋果生芝士蛋糕配法式焦糖燉蛋 $48（8.5/10）份量唔算好大～芝士蛋糕帶清甜嘅蘋果，唔甜同幾fresh! Cream brulee 好重忌廉同蛋味！☕️Latte +$19（7/10）☕️Flat white +$28.5（7.2/10）🍶烏龍茶 +$0 咖啡整體都中規中矩，

Nonsense主打多款fusion菜式，有松葉蟹甲羅盛海鮮煲仔飯、軟殼蟹海鮮芝士咖喱鍋、香煎帶子蟹膏味噌risotto等等，亦有意粉扒類供選擇。實不相瞞，今次遠到而來其實係為咗每日新鮮製造嘅卷蛋！除左長駐嘅蝶豆花草莓、特濃伯爵茶、小山園抹茶，仲有每日限定嘅口味~▪️黑毛豬肋肉日式煲仔飯 $168煲仔飯舖滿黑毛豬肋肉、雜菌、爽口盧荀。豬肋肉厚厚一條帶咬口，肉味都幾濃，其油脂會滲透至米飯中。米飯粒粒分明有咬口，個底仲有香口飯焦！篤穿温泉蛋，拌匀蛋汁，淋埋甜甜地嘅醬汁，齋食飯都完全無問題。▪️避風塘日本小茄子 $68茄子一口size，軟腍多汁，裹滿炸蒜同辣椒，鹹鹹地帶微辣，惹味得來唔會太重口味。▪️雙重芝士蟹肉焗大啡菇 $63一切開芝士大啡菇，就會見到絲絲蟹肉。底下舖滿軟滑帶薯粒嘅薯蓉。多汁嘅大啡菇配上芝士蟹肉 基本上係不敗組合，略嫌整體調味偏淡，如果芝士更具鹹香 薯蓉更富奶香 蟹肉更為鮮甜就好啦。▪️黑松露白松露炸薯條 $82炸薯條份量十足，外脆內飽滿，唔會太油膩。松露醬又幾濃喎！▪️特濃伯爵茶日式卷蛋 $58厚切日式卷蛋 中間啲忌廉多到！蛋糕體濕潤，較一般嘅綿密。伯爵茶忌廉茶香濃郁，質地較為杰身

無意中路過，因為隔離間餐廳冇我想食的甜品就來這間找食!我17:25入內，本來餐牌寫要18:00後才有晚餐食，好在店員好好人，幫我問廚師可否做比我，所以有得食!而且耐心幫我這選擇困難症的人揀菜單，加分啦!這才是用心待客呢!如果喜歡黑松露蘑菇湯，一定要試!😋😋合理價錢! 靓! 正!👍有口感的蘑菇湯，不是味精湯!這 Motcha roll cake，好香滑，柔軟，有香綠茶味!不會甜到呕!抹茶控必愛!😋😋个黑豚肉日式煲仔飯就差d了。d豚肉太多咬不爛的。味是不差的，可惜!最後配了杯熱飲，抹茶latte, no sugar 無糖喎，已經好有綠茶及奶香味，正!完滿!😋😋

雖然我對屯馬開通冇乜好感，不過的確係方便咗去土瓜灣🤣今次嚟到呢間食fusion菜嘅餐廳，佢地會定期轉menu等客人唔好覺得悶，佢地嘅食物﹑甜品同飲品都係自家制，感受到佢地好用心🥰.❥Snacks#沙薑炸雞翼 ($68)😋好味指數：(7.5/10)一放上枱已經聞到好香嘅沙薑味，平時普通嘅沙薑雞翼就食得多╴估唔到用嚟做炸雞都咁好食😋#參巴辣蝦醬炒牛舌粒 ($75)😋好味指數：(7.5/10)牛舌粒認真唔錯😆佢口感軟熟而且夠彈牙。仲有川辣嘅味道，鍾意食辣嘅朋友可以一試😚.#香煎鵝肝 焦糖蘋果 無花果黑醋汁 ($88)😋好味指數：(7/10)好鍾意食鵝肝多士😍加咗蘋果同埋黑醋汁之後冇咁油膩😙.❥Salad#燒菠蘿 慢煮雞胸 沙律 ($98)😋好味指數：(7.5/10)一聽到雞胸第一時間就會覺得好乾好柴，不過呢個就相反😎食落去好軟淋，配埋菠蘿同沙律好開胃😙.❥Claypot Rice#日本鰻魚。日式煲仔飯 ($175)😋好味指數：(8/10)面頭鋪滿鰻魚同木魚碎，分量有好多而且仲有少少飯焦添😋隔離有一壺仔醬汁，可以按自己嘅喜好加幾多🥰好值得食😆.❥自家制甜品系列+$12 法式焦糖布丁#特濃伯爵茶

🍵【丸久小山園抹茶日式卷蛋】$58 afternoon set卷蛋係小店自家製 有驚喜✨蛋糕部分鬆軟 濕潤抹茶cream爆餡級份量 好滑 用咗小山園抹茶 茶味夠濃 帶少少甜 唔苦😋想再濃茶味啲 仲有抹茶醬可以倒埋食～伴碟士多啤梨cream值得一讚! 好味!!!除咗抹茶味 仲有其他味~ 都可以訂購原條~*afternoon set包普通熱飲 無酒精飲品原價半價-

哩個湯一上泥就已經加左分啦~ 對松露迷泥講,真系要再去食多次... 配埋個鵝肝真系無得輸 (重點系唔膩~)NORMAL ALL DAY~ THAT'S ALL要早D留定既甜品,唔系好飽既話我會加$12蚊要埋個焦糖蛋~整體都讚既~ 店員都好NICE. 而且D野食系真系用心整.食到我地好滿足~ 

唔好以為係土瓜灣會冇好野食!其實呢度有好多高質既餐廳嫁~🥰🥰🥰難得同男朋友兩個人出黎食好西, 當然要食得好啲放到成枱都係🤣避風塘日本小茄子 - 迷你的茄子放上滿滿炸蒜蓉以避風塘味示人既迷你茄子, 咸味唔會太過重黑毛豬肋肉日式煲仔飯 - 幾中意呢款日式煲仔飯😍 食落帶有飯焦香味，仲有好多厚厚既黑毛豬肋肉，肉質軟軟但有口勁，唔係林啤啤嗰啲感覺！同男朋友都好中意食呢個飯，三扒兩撥就消滅左啦🤣👍🏻炸軟殼蟹海解芝士咖哩鍋 配 烤油餅 - 呢款份量幾多，一放上枱已經覺得好吸引！咖哩似係幾款混入而成，所以味道同平時嘅印度咖喱同日式咖喱好唔同，除咗咖喱味唔算好強烈之外，上面放咗芝士，令到整盤咖喱鍋更加香，配烤餅一齊食嘅味道的確唔錯！最後當然唔可以錯過嘅係食甜品啦！呢度嘅職員推介左伯爵茶卷蛋，質感軟綿綿，口感鬆軟，內裏放咗滿滿嘅伯爵茶忌廉，忌廉相對比較厚實，但食落去唔會覺得過分地硬，軟硬適中，而且鍾意佢唔係好甜！如果唔鍾意卷蛋嘅，不妨試吓佢哋嘅焦糖燉蛋，質感好滑溜！煮食方面水準質素真係好高，反正我又住喺土瓜灣，回頭率高😀✨

第一次試這一間店，我之前只有試過旁邊兩間Cafe，其實兩間都很不錯，這條街競爭激烈。以環境來說，這一間比較窄，感覺不是很chill。Set lunch有七八款，原本看名字全部都普普通通，就像有game玩那種樓上Cafe的menu，價錢平過旁邊兩間，所以原本打算穩打穩扎點個麪。餐湯是蘑菇湯，一上來已經見到全部蘑菇蓉，已經比想像之中好。到上正餐，發現$88套餐的麪，竟然有真蟹肉！？！？而且肉還滿多呢！！！口味是淡淡的忌廉口味，有一點蟹籽，非常好吃。Rose Latte要加$20，比旁邊兩間加得多，但因為主菜性價比超高，所以加多一點也不算什麼。這間肯定有下次！

原本係為了松葉蟹甲羅盛煲仔飯同炸軟殼蟹海鮮芝士咖喱鍋來到Nonsense的，但只能怪自己沒有查問清楚，所以入座後才知道這兩款食品都只限晚巿供應。不過唔緊要，我地都order了一個set lunch同小食，支持下小店。Lunch Set，當中包括了一碗雜菌湯、香煎鵝肝黑松露雜菌意粉 & 一杯Home Made Lemonade同另外order了一客雙重芝士蟹肉焗大啡菇。雜菌湯 - 好香濃，D雜菌切到好細粒好細粒，每啖湯都好有口感。香煎鵝肝黑松露雜菌意粉 - 兩大塊鵝肝好邪惡，每咬一啖都覺得充滿罪惡感，但實在煎得太香，所以都係 “食埋呢餐先減啦”，而黑松露既味道都好濃郁，意粉煮到剛剛好，軟硬度適中。Home Made Lemonade - 很久沒有飲過Lemonade，由於之前個碟意粉味道濃烈，所以實在很適宜配上這杯清新的飲品，而這杯飲品亦都真係好飲。雙重芝士蟹肉焗大啡菇 - 這個小食都唔錯，唔算話好好食，ok la，不過亦都唔係難食，隻大啡菇煎到有少許菇汁流出，但蟹肉就略嫌少左d。整體來說，這是值得幫襯的一間小店，期待下次晚巿再來可以食到松葉蟹甲羅盛煲仔飯同炸軟殼蟹海鮮芝士咖喱鍋啦。