NON CAFE

营业中

休息中

最近發覺多了一些主力賣越南法包的店舖，計灣仔及漆咸圍後，在亞士厘道又開多了一間，這裏以越南法包及越南咖啡為主打，其它奶啡也是以越南咖啡為基底，也是幾有趣的嘗試。越式扎肉法包外微脆帶煙韌，餡料非常豐富，內有越南扎肉、越南肝醬、蛋黃醬、肉鬆、芫荽、醃菜、紅蘿蔔、蕃茄、返肉鬆，大部分食材也是切成條狀。另一款越式kho quet法包，餡料多加入了越南蝦米及五花肉，也因此增加咗香氣及油脂，感覺味道更佳，但價錢貴多$40，是否物超所值，就真係見人見智了。店內比傳統外賣店大了不少，也有幾張枱可供客人慢慢享用，當然價錢貴少少也是情有可原。留意套餐(包+沙律)配飲品可享半價優惠，但只叫包配飲品便要收全費，不要攪錯。越南煉奶咖啡，甜度偏高，啡味淡薄；越南黑咖啡，口感較好，但味道偏苦，香氣低。#另加一服務費#NON CAFE地址: 尖沙咀亞士厘道24-38號天星大樓地下C號舖電話: 93862464

白色牆身，樓底高，落地大玻璃，自然採光，配上綠葉植物，牆上打卡英文金句，米色藤椅及越南風畫作，非常文青舒適。9月初新開嘅小店，我到訪當天係試業第五日。由一班年輕人主理，當中包括一位越南人，服務有禮。最吸引我嘅係河內蛋咖啡，$55，香港真係極少地方有。蛋咖啡嘅發明係因為好耐以前越南牛奶好貴，但為咗做到cappuccino嘅口感，越南人以打發起嘅蛋代替奶泡，久而久之就成為越南河內最有特色嘅飲品。呢度特別選用咗日本蛋。蛋咖啡有熱或冷嘅選擇，店員建議先試熱嘅，其實都係微暖，所以夏天飲都唔怕。感覺就好似食緊蛋味非常香濃嘅日式厚梳乎厘pancake，好香甜。底層嘅咖啡亦都用咗靚豆，非常濃郁。餐廳亦都有提供越式法包等食物。