NON CAFE

营业中

休息中

出開尖沙咀竟然發現呢間新開以越南做主題嘅Cafe，環境寬敞舒適，幾鍾意佢簡潔嘅裝修風格。越式牛丸同生牛肉湯河粉份量十足，牛肉有五大塊，牛味濃，湯底清甜，加埋配菜同青檸一齊食，越食越開胃。叫左全份越式扎肉法包，店員好細心將辣醬分開上，法包香脆但唔會硬到戒口，餡料正宗，勁豐富！椰子雪糕咖啡椰子味好香，配埋濃郁嘅咖啡，味道唔會太甜，恰到好處。蛋咖啡真係好特別，充滿蛋香同飲落好香滑，飲完仲好提神！每食滿$180原來有得玩彈珠遊戲，重點係一定有獎中！玩咗兩次，有杯免費越式黑咖啡同半分越式法包，未試過食完一餐，仲有免費野送，又唔收加一！