NINETYs Roastery

营业中

休息中

Bumped into this lovely coffee shop in CWB. The stuff are nice they will recommend which type of coffee that suit you. Cozy Environments that I can spend all day. Beautiful presentation of the latte with a latte art of swan. The coffee has a smell of chocolate and nutty in taste. With a good roast. It’s so cute that it will have a card to let your know more about the coffee.got a chocolate cookie here, thr price is a little bit high. cost around 50. the size is giantic which can compensate it.

係銅鑼灣行街行到攰總係想坐底飲杯野休息下😂行到利園二期附近抬頭見到窗邊有幾個人好chill咁嘆緊啡小妹都唔輸洩上左去坐陣抖抖🤭叫左個RED BEAN MOCHI MUFFIN 我覺得佢似係比人夾扁左既紅豆麻糬包😂佢既外皮烘到脆卜卜但裏面嘅包就仲係鬆軟既唔會實左！🤭紅豆蓉唔會太甜，配上煙靭嘅麻薯係好夾既。TONIC ESPRESSO 基本上只要間餐廳有呢杯野小妹都會嗌😂成杯野飲最緊要個分層！小妹就係中意佢夠靚佢仲加左Lemon酸酸地。配撘咖啡既微苦別有一翻風味，亦夠晒refreshing 😆

晏晝同同事嚟食lunch 選擇唔算多 價錢唔係平但係難得星期五就嚟消費下飲杯咖啡但係食物有驚喜！嗌左個燒春雞飯 雞滑而且入味 食完好滿足炒滑蛋同個飯都好夾再加埋杯dirty🥰成個午餐超級滿足

平日夜晚6點幾去到餐廳，當日客人好少，除左我地果枱無其他食正餐晚客人，其他枱都係只係飲緊野。.首先入到餐廳因為我地比較多野，朋友又拎背囊，雖然有一張空櫈係隔離比我地放袋，但依然唔夠啦，然後我見到咁無辦法咁我攬著自己個袋啦，點知對面吧枱有一堆布籃係用尼比客人放袋，但啲侍應完全冇諗過拎比我用，要我出到聲問佢先識做🤷🏻‍♀️🤷🏻‍♀️.食到一半，咁有多兩枱飲野客人都走左，都無其他食晚餐既客人入店啦，咁間店好多個員工，計埋吧枱見到既起碼有7-8個，唔知啲員工係咪太得閒啦，不段係到傾計，仲有講有笑，成間餐廳好嘈，就係因為啲員工不停係到傾計，搞到我同朋友完全enjoy唔到餐飯呀，因為個環境好似茶餐廳咁，唔係食正常西餐或者cafe既感覺，野食野味道已經唔係個重點，係我完全專注唔到喺啲嘢食度😡😡.我唔明我點解要比服務費囉，落單用QR，水又唔識添，服務欠佳，仲要聽著佢地傾計啲雜聲。.晚市野食銅鑼灣尼講都算中上價錢，我地兩個人叫左4樣野食無叫野飲甜品都600蚊，絕對唔係平，咁其實食物質素係ok，算對得住個價錢，但服務係0囉，絕對唔會去第二次！

𝓒𝓦𝓑#我呢啲咖啡精真係少一日吸入咖啡因都唔掂，行過銅鑼灣利園記得有間NINETY,呢度啲豆全部自己店內磨制 ，你鐘意都可以買佢哋既咖啡豆同drop bag,對咖啡有要求既你一定要黎試下，入面仲有野食，餐廳環境都好唔錯！今次外賣🥡1-ICE Cappuccino + OAT MILK HKD30 (中午外賣現金付款-HKD25)好抵飲，咖啡豆揀nutty 📍 NINETYs Roastery (銅鑼灣)銅鑼灣恩平道28號利園二期1樓116號舖#foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃

運動完搵個地方飲杯咖啡休息下，呢頭仲未試過ninetys，所以特登黎試下。星期日一點幾都唔洗等，相信同食物定價進取都有關係。今次冇特別要求坐窗邊打卡位，入面位置枱與枱之間空間尚可，但如果隔離枱主要係吹水既，都會聽得好清楚🤣所以都唔好預左會好清靜黎hea 啦。不過抵讚既係櫈有放軟墊，坐得都算舒服👍🏻👍🏻譾返咖啡，叫左叫左fruity blend tasting set, long black, piccolo, single espresso。咖啡上枱微暖，可能係要等冲三杯？ piccolo咖啡同奶比例岩岩好，入口順口，又唔會蓋過晒咖啡味。long black 入口較淡，然後有微酸苦濃味。single espresso口味就好強烈，先微酸，後有濃烈苦澀味，比較適合配cake。基本上咖啡好飲，可試👍🏻個人評價：咖啡好飲，適合食野吹水，但不適合想清靜睇書做野hea既朋友🤣

叫咗個叉燒蘭王蛋飯真心好難食我完全食咗一半都食唔落，咁樣收我$17x?!! 仲要作為一間Cafe連自己Wi-Fi都冇，要我用利園嘅Wi-Fi得30分鐘免費，真係以後都唔會再去囉！呢個價錢我加埋杯咖啡我都就嚟食到omakase啦

室內裝修有驚喜， 絕對有理由相信棵樹係真嘅！樹下嘆coffee 真心chill😤, 重點有冷氣唔怕熱溶個妝同晒黑💯未飲已經可以聞到濃郁嘅咖啡香味，再細啖係口到溶化，杯咖啡真心好正，成個人好😏陳豪！細心留意會見到咖啡有輕微掛杯狀態，真係肉眼都睇到嘅濃厚👀🤤✔️個三文魚飯，重點係個飯度！每一粒都吸收咗魚油同調味汁，唔洗多舊魚剩飯都食到三文魚味，加埋啲菜一齊食又變成另一種味覺，三文魚變咗配角，慘慘😆

望住餐牌，咖啡種類繁多，特色的Dirty 、 大眾化的white cappuccino 都有，對咖啡有要求、又想坐得休閒舒服，這裡是個好選擇。最值得推介的是店內的bakery，今日點了dark chocolate cookie和Chocolate Hazelnut Roll，cookie出色好味暖笠笠，配埋咖啡可以慢慢嘆。

銅鑼灣利園二期新開左呢間咖啡店😍之前係灣仔分店都試過一次😋裝修好有工業風，好靚😉上次試飲過Mocha，記得有啲偏甜🤭今次就試Cappuccino，揀左Choco Oat Milk Cappuccino 🥰Choco 係有啲Hazelnut, Caramel, Dark chocolate既味道❣唔會好甜，但可以溫和咖啡既濃味👏Cappuccino 咖啡味好香濃細滑👍原價$45 （Oat Milk +$5），而家takeaway仲做緊半價，$25就飲到，真係好抵🤩佢地個外賣杯都好特別，好似個爆谷盒咁😛下次唔趕時間既話可以坐低慢慢嘆咖啡💨佢地個環境都係好舒服，服務態度亦都好好👍👍/📌NINETYs Roastery銅鑼灣恩平道28號利園二期1樓116號舖/😋食物質素：7.5/10🍽️用餐環境：8/10💰性價比：8/10👣回頭率：8/10

Waffle 吾知用乜野料做嘅,勁碎,超難义尼食,加埋些不知明難食生果醬簡直超吾好食,炸雞嘅粉又吾好食油膩膩及加咗些辣椒物體浸過冇晒雞味, 為什麼要這樣制作呢？不過我最後都付款, 其實比得好吾順, 唯有以後吾尼及不推薦給友人吧！

閒日既銅鑼灣比我想像中少人大概12點幾黎到可以直入餐廳有餐桌位，有圍住樹既擺設近窗位亦有靠窗榻榻米座位🍚SIU WAN RICE 銷魂飯 ($178)🍱自家製厚身日式叉燒，日本蘭王蛋🥚，日本菜苗，日本珍珠米飯🍚一來到見到大大碗的飯上面鋪滿了半肥瘦叉燒叉燒燒得好靚，有好多汁😋上面灑左黑白芝麻加點香味🧂叉燒汁甜甜地， 叉燒本身唔會好肥太瘦反而唔好食而叉燒下面有兩隻蘭王蛋！！🍳🍳第2幅圖既橙色就係佢個蛋黃同埋啲叉燒汁混合咗個味好濃郁帶甜，又有好香蛋味整體黎講好夠味，啲汁可以送到成碗飯非常滿足同飽肚😛🍗SPICY CHICKEN RICE ($138)一上枱嘩左一聲因為有成半隻燒春雞，好大份珍珠米飯亦有好多上面鋪滿左日本菜苗，紫椰菜，蕃茄仔🍅，蘿蔔絲🥕，粟米🌽仲有橙黃色既蘭王炒蛋！🍳個炒蛋好滑，似乎係用左奶炒但係因為有啲辣辣地嘅汁係飯入面同SIU WAN RICE相比之下蛋味唔算好出個燒春雞係剛剛燒好，用左摩洛哥式既香料醃製好濃郁同入味，有少少辣味一食落口就有種異國風情既感覺🥻雞肉好嫩滑，一啲都唔鞋因為雞肉份量好夠最後啲飯都食唔哂😅食物整體來說好夠味兩碗飯都略嫌配菜份量太多可以少返少少🤏☕Fl

餐廳裝修帶工業風，走stylish 路線，不過枱與枱之間相隔好近，唔係可以俾客人慢慢chill嘅感覺。☕️Dirty - 最近天氣咁熱，Dirty成為我去coffee shop 嘅指定飲品。凍牛奶同提神咖啡嘅配合，可以替我趕走悶熱。NINETYs嘅Dirty presentation 有心思。除咗有張咭仔介紹咖啡成份之外，仲提供一小碟藍莓乾俾客人同時品嚐，藉以突出咖啡嘅味道。（店員無話我知小碟上係藍莓乾，係我自己喺OpenRice 上食評睇到😆其實藍莓乾似咖啡豆多D！）🧇Chicken Waffles - 賣相精緻，Mixed Berries 上面仲有少許金箔作點綴。Waffle入面塗有薑味果醬，口味獨特又開胃，可以中和炸雞嘅油膩感。炸雞扒份量頗大，外皮酥脆，肉質依然保持嫩滑，可惜辣粉落得太多，辣度高咗少少。

環境：枱與枱之間很逼，只夠一個人剛好穿過，枱面也細小，飲杯咖啡食件cake 就可以，叫lunch 就不太夠位放食物… 食物：帶子海膽烏冬，帶子有兩隻，挺新鮮，海膽有一小塊，有兩隻半熟蛋，烏冬也是靚烏冬，配蕃茄仔，蘆筍，豆苗，creamy 湯底有點過咸過漏… 加配了 檸檬味的danish 是一大伏，吃不到有檸檬味，乾乾爭爭的一塊方包而已，所謂的2pcs 就是一塊切開兩塊，笑話… Lemongrass ginger tea, 茶壺幾有效果，但味道不突出又貴又坐得唔舒服… 掃barcode 叫餐，其實就是一間coffee shop 的格局，要加一！

銅鑼灣人氣咖啡店😵‍💫今日同朋友約咗去打卡Cafe食，諗住喺利園應該唔會伏啦，可惜真係好失望🥲🥲🥲講咗好食先，Omega 3 on rice(三文魚蘭王旦丼飯）本身係冇咩特別，但係因為加入咗日本蛋，令到每一啖飯蛋香都非常濃郁。同兩個朋友去，大家都覺得好食。可惜性價比偏低。藍莓bagel 👌呢款叫做OK啦，不過上面加咗乳酪同埋新鮮藍莓仲有少少燕麥片。食落都OK嘅，但性價比唔高炸雞waffle 🤢🤢呢個簡直係大伏，首先炸雞唔夠脆，然後皮肉分離嚴重。Waffle係朱古力味，本身偏硬，配上餐廳自製生薑果醬，不倫不類。最主要係個果醬出事，一浸怪味，亦唔夠甜