Neko Puff (已結業)

有超唔同蛋糕/甜品多款式，拿破崙要預訂，有啲蛋糕可以現成買，但我反正都去排壽司所以就買拿破崙😂 連個拿破崙Menu都超多口味，最後千揀萬揀揀咗伯爵茶無花果拿破崙，其他口味都好吸引，但呢個最特別❤️伯爵茶主要係中間層cream，茶味超突出，一切開已經聞到淡淡清香，加上無花果蓉味道都比較淡，兩樣嘢好夾 😚 當然唔少得鋪面嘅無花果肉新鮮的😍😍😍 買返去同屋企人食前最緊要打個靚卡先😂 搵左少少乾花松果一齊影，放上IG呃like，可以做廣告相了🤣

去屯市一田購物日掃貨順便買想食好耐嘅拿破崙返屋企🤣 之前成日唔記得預訂，次次都冇的起心肝去等，今次一田幫到手，去shopping前落單臨走就可以拎🤣🤣🍌🍫 香蕉麻薯朱古力拿破崙果然名不虛傳！灑上面嘅可可粉好香濃，中和左熟香蕉嘅甜味，中間嘅忌廉當然係朱古力味，同時都食到少少香蕉味，成個甜品將香蕉同朱古力融為一體😋 拿破崙皮唔使講，攞晒長咁當然有佢嘅秘訣做到鬆脆又唔乾硬，麻薯林林地都幫到手令口感更平衡👍🏻

買完牛角包窩夫後，見到有拿破崙，甜品控朋友表示想食。上網一睇，發現品牌原來曾於世界比賽奪冠，重點是一小時即叫即焗，新鮮之餘，仲可以拯救無數太忙唔記得訂蛋糕，或是最後先訂蛋糕的deadline王！設有10多款口味供選擇，包括：玉桂蘋果、法式栗子、黑朱古力咖啡、韓國草莓麻薯、焦糖燉蛋拿破崙及3.6牛乳燉蛋白拿破崙等等，立即有選擇困難症。🔸 伯爵茶無花果拿破崙為了確保味道質素，大部份食材都由法國直送，令拿破崙入口鬆脆，牛油香氣滿滿，忌廉散發幽幽的伯爵茶味，配上清甜無花果，口感和味道都豐富而不複雜，食完仲不會覺得太甜膩呢！

Neko Puff人氣熱賣拿破崙之前有個朋友一直推介我去食呢間，話佢嘅拿破崙蛋糕好好食，今次特登山長水遠試吓何方神聖。Neko Puff 首創一小時即叫即焗拿破崙，訂單好爆，記得提早預訂。有15款口味，全部新鮮製作。平時鍾意食雜果蛋糕，芒果就最穩陣，今次就試吓鮮芒果拿破崙。三層千層酥，每一層都新鮮鬆脆， 夾雜著滿滿的cream，唔會好甜，中間嘅夾住好多幼滑嘅乳酪味忌廉，配搭鮮甜果肉，一啲都唔膩，係我食過最好食嘅拿破崙蛋糕🍰，仲好食過帝苑🤣因為我鍾意多cream，餅皮厚身，唔會一整就碎😋食過返尋味冇睇佢細細件，其實都好飽肚。唯一缺點就係店舖比較偏遠😂如果喺九龍區開返間就好啦～ᶘ ᵒᴥᵒᶅ個人口味評分：9/10

老爸年年生日都指定要食栗子蛋糕🌰，次次都係栗子蓉加海棉蛋糕，呢個配搭佢唔厭我都厭，栗子口味不能改，咁就改下唔用海綿蛋糕，變成拿破崙，既唔會得失佢老人家，我哋又有新嘗試🤣Neko Puff 首創既一小時即叫即焗拿破崙，仲要係世界賽冠軍得獎拿破崙，大部分食材由法國直送，用料夠哂優質，最開心嘅係我唔使入到屯門先拎到，因為佢登陸銅鑼灣Pancake Senmon 😍，放工過銅鑼灣拎啱晒！【 法式栗子拿破崙 】成個拿破崙都係滿滿的栗子蓉🌰，完全係滿瀉既狀態，栗子蓉密密麻麻，佢嘅栗子蓉比較幼，食落超綿滑，拿破崙新鮮鬆脆，層層分明，切既時候仲聽到清脆既聲音，牛油味香濃🧈，千層既酥皮夾著栗子蓉，再結合幼滑無比的忌廉，忌廉仲帶有淡淡既奶香🥛，味道香甜而不膩，入口順滑，完全感受到濃濃的法式栗子情懷，夠哂澎湃🤩🤩我地全家都一試愛上，老爸都大讚，佢仲有超過十款不同口味，而且拿破崙都有唔同既磅數size，無論人多人少都岩，下次要試下其他口味😋

去屯門朋友屋企開生日party，我負責買蛋糕，當然去屯市行吓，經過neko puff kiosk，啲蛋糕幾colorful，再望望餐牌原來有我最愛嘅拿破崙😍因為即叫即整所以要等一個鐘，咁我訂咗之後就同男朋友食個飯，跟住返去拎啱啱好😙買咗韓國草莓麻薯，八大粒超甜士多啤梨放喺面，雖然過咗當造季節，但都好甜好多汁😚 啲cream好幼滑唔會太甜，當然重點係拿破崙超級酥脆，Cream同麻薯fill up晒入面嘅空間但都唔會整林個酥皮！

 平時好鍾意食某P字頭既crème brûlée, 貪佢面頭焦糖脆口, 入面燉蛋又夠滑, 上星期行屯市見到原來拿破崙都有焦糖燉蛋味, 咁就要試吓la😌個酥皮好厚, 但超鬆化! 因為新鮮整, 切開完全冇問題👍🏻酥皮厚當然crémé層都厚😍 但食落完全冇膩嘅感覺, 只係味覺同嗅覺上都享受住好香嘅雲呢拿味, 好滑嘅燉蛋同creamTopping嘅士多啤梨同藍莓酸酸哋有賦予多一個層次, 食落好fresh, 就算我哋食飽飯先食呢個甜品都完全開胃😁

Give Me 2 $348 呢度嘅拿破崙係拎過LRN Worldwide Instagram Contest 30th 世界賽冠軍🏆，係得獎嘅高質拿破崙！Give Me 2 拿破崙係可以自選兩款拿破崙蛋糕🧁，一次過食到兩款唔同口味👍🏻，今次就揀咗3.6牛乳蛋白同韓國草莓麻薯兩款，牛乳蛋白入面拿破崙中間有牛奶蛋白奶凍🥛，而韓國草莓麻薯免頭有幾粒大大粒嘅韓國士多啤梨🇰🇷🍓，拿破崙中間同樣有新鮮士多啤梨同埋口感煙煙韌韌嘅麻薯，賣相唔錯，餅底都夠新鮮鬆脆😋

來到屯門，除了較早前食到嘅牛角包窩夫外，更有一出名的法式拿破崙蛋糕，他們選材及製作均是一絲不苟，貫徹力臻完美，難怪獲獎無數。 他們更有一系列得獎拿破崙，望見真係流哂口水，想食真係要提早落單，因為全部都係即叫即焗，如果太多單，就真係唔好意思…快快手訂番一個先！真係節日/紀念日見到都絕不失禮！胃食嘅我一叫就叫了Give Me 2 ，可自選兩款拿破崙口味，咁咪可以一次過雙重享受😎！Give Me 2 - 當黑朱古力咖啡遇上鮮芒果拿破崙賣相相當吸引，拿破崙頂層一邊時紅桑子襯上黑朱古力🍫、另一邊則是香滑忌廉添上粒粒清甜芒果🥭，那心思裝作，令人著迷。滿滿餡料下接著一層拿破崙，再加軟滑輕盈忌廉，又一層拿破崙，接著則時一層朱古力醬加上約6-8粒金莎朱古力…無錯係原粒金莎朱古力，真係落足材料！手起刀落，拿破崙酥皮酥香鬆化，層次分明，很有質感，入口更帶牛油香，與香滑輕盈忌廉，甜美金莎朱古力醬，多層次口感，甜而不膩的絕佳好滋味。

Neko Puff喺最近嘅世界賽拎左冠軍 質素確係有保證🏆拿破崙蛋糕口味有成十二款選擇咁多🤩而且最正係每日新鮮即整👍🏻.📌Give Me 2 拿破崙 (1lb) $348建議十二小時內食 最佳嘗味期限係一日內 如果擺過落雪櫃嘅話可以拎出嚟攤10-20分鐘💕Give Me 2可以自選兩款口味 揀左焦糖燉蛋拼3.6牛乳燉蛋白🍮原本以為面頭嗰個係麻糬 但原來係荔枝😂仲有士多啤梨🍓藍莓🫐同黑朱古力薄片🍫每一個夾層除左有忌廉之外 仲分別多左焦糖燉蛋同牛乳燉蛋白✨切開酥皮嗰下已經知佢超級酥脆 咔咔聲😍牛油味好香 不過可能天氣熱咗 拎到番屋企即食已經有少少淋左🤏🏻個忌廉好出色 係用左法國忌廉 奶味好濃厚 比較企身可以撐起個酥皮 口感好軟滑輕盈 份量超多但完全唔漏🤍內餡相當有驚喜 上層嘅牛乳燉蛋白 蛋白味好香奶味都好濃郁 而且好滑🥚下層嘅焦糖燉蛋 就偏蛋黃香 唔太覺有焦糖味🤔不過燉蛋白, 燉蛋同忌廉三者嘅口感都比較似 所以層次感就差左啲🙈但整體真係唔錯 唔會好甜好膩 size夠四個人分 飯後食就啱啱好🙌🏻

介紹返! 世界賽冠軍得獎拿破崙出沒注意🥳剛榮獲由瑞士著名的甜品品牌La Rose Noire舉辦的 LRN Worldwide Instagram Contest 30th Competition 世界賽冠軍，位於屯門市廣場1期1樓Kiosk 7號舖嘅Neko Puff，首創的一小時即叫即焗拿破崙👏更有多達15款精緻人氣拿破崙任君選擇👍小編為作為拿破崙控嘅另一半見到即訂!店舖話保證新鮮鬆脆，所以非常期待揀左玉桂蘋果作為當晚嘅豐富甜品。製餅材料大部分食材均由法國直送，除左經典傳統原味還有以下口味選擇：1️⃣ 伯爵茶無花果 2️⃣ 玉桂蘋果3️⃣ 法式栗子 4️⃣ 沖繩紫薯5️⃣ 黑朱古力咖啡 6️⃣ 糖蔥餅椰蓉芝麻7️⃣ 香蕉麻薯朱古力 8️⃣ 鮮芒果9️⃣ 韓國草莓麻薯 1️⃣0️⃣焦糖燉蛋拿破崙1️⃣1️⃣ 3.6牛乳燉蛋白拿破崙1️⃣2️⃣ Give Me 2 【自選兩款口味拿破崙】1️⃣3️⃣【The One】 傾情 ·拿破崙【 頂層：草莓 / 中層：芒果 / 底層：紅豆、麻薯】1️⃣4️⃣ 預料將會為父親節呈獻獨家混合造型口味。玉桂蘋果味道清新開胃中帶一點甜香，切餅時刷刷聲👏 建議用刀尖陰力慢慢切開，千層酥皮呈獻啖啖鬆脆🤤無論係唔係拿破崙控都值得一試

🧡 Please follow my IG : orororenji☆ 𝙉𝙚𝙠𝙤 𝙋𝙪𝙛𝙛屯門屯順街1號屯門市廣場1期1樓Kiosk 7號舖✦ Give me 2 (芒果+韓國草莓麻薯) 1lb正呀！呢個give me 2真係岩晒我呢d心大心細又想揀呢樣又想揀個樣嘅人，我揀左2款生果口味，每一層一個口味，分量十足！士多啤梨同芒果都好甜，然後士多啤梨入面仲有麻薯，幾重口感咁好正，至於個拿破崙真係好好味，就咁睇已經好清楚咁見到層次分明，然後充滿牛油香味，超級鬆脆！想比大家睇下入面幾靚，不過我切得樣衰左d添XD呢到最快一個鐘頭落單，即叫即焗，真係好新鮮呀，難怪個拿破崙咁好食。

-🦄NEKO PUFF @neko.puff.hk -黑朱古力咖啡拿破崙 Hkd308Rating🌕🌕🌕🌕🌑-身為屯門牛牛的我的家附近有這間店真幸福每次經過這間店的時候總會忍不住要望兩望它們家的法式拿破崙蛋糕實是太美太吸引了-之後再上網查閱才知道他們是世界賽的冠軍如果有興趣了解他們的輝煌成就跟比賽事跡就要請大家自行到他們店家的網站上查詢了我自問不是什麼拿破崙達人也不太懂去評價但看到他們是世界賽冠軍之後就真是超期待拿破崙是一小時即叫即焗確保其新鮮和酥脆所以當我拿到的時候也能感受到微微的溫度在云云十五款口味中 我就選擇了咖啡x黑巧感覺會是很好吃的 苦甜的 像大人般的口味~我切它的時候 只能說酥皮真是很酥脆又鬆化酥皮們全部都在滿天飛 來殺我一個措手不及它絕不是一些硬實的酥皮 是外酥裡嫩又芳香否則都不會釀成是次的酥皮大逃脫的意外吧拿破崙酥皮充斥住濃郁的牛油香 真是很邪惡幾乎每吃一口都能感受到它牛油的幸福香氣但奇妙的點是你不會覺得很油膩又或是飽滯反而會乖乖的一口接一口慢慢把蛋糕吃掉了然後到蛋糕忌廉的部分是很軟滑輕盈的口感忌廉是一圈接一圈的穩固在每一層酥皮之上就如波浪泛起了漣漪般 也感受到店員的用

Neko Puff出品有高級酒店質素～拿破崙蛋糕仲獲得LRN Worldwide Instagram Contest 30th Competition世界賽冠軍！食完都覺得實至名歸喔！🍓韓國草莓麻糬 $3081LB嘅拿破崙蛋糕份量十足！三層千層酥皮層次分明，層層都鬆化香脆~表面滿滿韓國士多啤梨🍓中間嘅忌廉輕盈唔膩，仲有呟煙靭嘅麻糬粒喺中間～訂個千層蛋糕只需要１個鐘前通知／網上訂購就可以！仲可以即叫即焗添！如果唔記得買特別嘅蛋糕都唔怕啦～

Made with Twinings earl grey tea, the ample cream had a subtle flavour and made a fantastic base for the crispy pastry, which was a little on the salty side. Just wish there were more figs inside each layer, instead of just only as a decoration on top Tip: all cakes are made to order, so contact them at least 1 hour in advance