Neko Puff (已結業)

買完牛角包窩夫後，見到有拿破崙，甜品控朋友表示想食。上網一睇，發現品牌原來曾於世界比賽奪冠，重點是一小時即叫即焗，新鮮之餘，仲可以拯救無數太忙唔記得訂蛋糕，或是最後先訂蛋糕的deadline王！設有10多款口味供選擇，包括：玉桂蘋果、法式栗子、黑朱古力咖啡、韓國草莓麻薯、焦糖燉蛋拿破崙及3.6牛乳燉蛋白拿破崙等等，立即有選擇困難症。🔸 伯爵茶無花果拿破崙為了確保味道質素，大部份食材都由法國直送，令拿破崙入口鬆脆，牛油香氣滿滿，忌廉散發幽幽的伯爵茶味，配上清甜無花果，口感和味道都豐富而不複雜，食完仲不會覺得太甜膩呢！