N.28 Teppanyaki

营业中

休息中

今日朋友仔想食鐵板燒，就係尖沙咀同佢一齊搵！🥗前菜二重奏🐚鮑魚仔與響螺-強烈煙燻香氣，以清酒點啜，彈嫩中透出鮮甜，清新喚醒味覺。 🥚蟹肉蒸蛋-茶碗蒸的精緻版，滑嫩蛋液裹著絲絲松葉蟹肉，高湯鮮味層層滲透。 ✨主菜🍤鐵板煎蝦卷脆米絲-海老裹上金黃米絲，酥脆與Q彈雙重口感，雞尾酒醬的微酸。 🌊鮑魚配海苔醬-鮑魚經鐵板燒瞬間鎖住溏心質地，極之彈牙，自製海苔醬襯托香氣。 🐠季節香魚-魚皮煎得酥脆，魚腹仍飽滿甘香，多春魚強化版。🍞鵝肝多士-鵝肝厚切搭配焦糖菠蘿、藍莓及楊梅，油潤與酸甜完美平衡，嫩香回味👍🏻 🥩A5和牛薄燒-和牛霜降紋理在鐵板上融化，以壽喜燒作汁底，香甜蜜味帶肉汁爆發。 🍚炒飯-以和牛粒及櫻花蝦炒製蛋香飯，鑊氣十足。 🥣 鮮魚豆腐湯-嫩豆腐配上清甜魚湯，暖胃解膩。 🍨雪糕-以朱古力及荔枝雪糕作結，口味次次不同。總括嚟講，味道唔錯，擺盤都吸引，值得推薦！

N.28 Teppanyaki 鐵板燒，廚師席前烹飪，與客人互動，客人能欣賞到廚師的技藝和食材的鮮美，增添用餐趣味。烹飪過程中，香氣彌漫，讓人期待美食的到來。裝潢結合日式元素、和式屏風及木質家具，營造優雅感覺。今次選了 <精選優惠套餐 $790> 及<廚師發辦套餐 $690>，各有十道菜式，除了不同的主菜，前菜、炒飯及吸物也一樣，可以同朋友互相分享。前菜前菜拼盤精緻，梅貝肉質彈牙，淡淡煙燻香氣，口感滑嫩，鮮味可口。磯煮鮑魚以醬汁加海苔慢火炆煮，入口鮮甜、帶嚼勁，令人回味。醃漬蓮藕爽脆口，伴隨酸甜的醃漬味，開胃十足。特色鐵板蒸蛋茶蛋香滑柔嫩，濃滑蛋香，加上一絲絲的蟹肉，鮮香融入蒸蛋中，令人溫暖。 <3款主菜- 精選優惠套餐>鐵板大蝦配蝦膏醬大蝦表面焦脆，肉質爽彈，傳來陣陣鮮香。蝦頭充滿金黃蝦膏，可一啖品嚐惹味蝦膏、彈牙蝦肉，雙重享受。 日本帆立貝配魚籽帆立貝厚身，煎至表面金黃，口感滑溜、濕潤，搭配魚籽的鹹香，瞬間帶來海洋風味。·香煎比目魚配雞尾酒醬比目魚外表焦香，魚皮入口吱嚓聲，清脆鮮香，魚油滿滿，沾上酸甜的雞尾酒汁，令人食指大動。<

🦐 鉄板煎蝦卷脆米絲配雞尾酒醬蝦肉爽彈，外層脆米絲炸到金黃香脆，配微酸雞尾酒醬，開胃又惹味！🐚 香煎鮑魚配海苔醬配蔬菜三點鮑魚新鮮到上鐵板時仲識郁，煎到剛剛好，肉質彈牙，海苔醬帶出海洋鮮味，配埋清爽時蔬，完美！🍞 鵝肝多士鵝肝外脆內軟，入口即溶，油脂香濃但唔膩，配埋烤多士同莓醬，酸甜平衡，超正！🥩 A5宮崎和牛薄燒和牛油花均勻，燒到五成熟，包住炸蒜同蔥花，牛味濃郁，肉汁爆棚，真係一試難忘！🍺 啤酒買一送一$78食鐵板燒點可以冇啤酒？呢度嘅Suntory生啤買一送一，$78就有兩杯，爽！

位於尖沙咀的N.28 Teppanyaki以其優雅的環境和精緻的日式鐵板燒體驗脫穎而出。喜歡高雅又親切的氛圍及開放式鐵板燒檯。 主廚在顧客面前以行雲流水的技藝烹調，刀工與火候掌控令人嘆為觀止，為用餐增添了視覺與味覺的雙重享受。從點餐到上菜的每一個細節都體現出日式款待的周到精神，一個令人難忘的體驗-我們點選了新推出的套餐，價格合理，份量適中，食材新鮮且搭配巧妙🇯🇵 前菜前菜以精緻的小份量開啟了這場味蕾盛宴。煙燻鮑魚散發出淡淡的香氣，口感Q彈且帶有海洋的鮮甜，與螺肉的嫩滑形成有趣的對比。醃蓮藕酸爽脆口，帶有微妙的甜味，為前菜增添了一抹清新的日式風味，讓人對後續菜式充滿期待。-🇯🇵特色鐵板蒸蛋蒸蛋入口如絲般順滑，質地柔軟得彷彿入口即化，宛如日式布丁。加入蟹肉後，鮮味在舌尖綻放，柴魚高湯的幽香若隱若現，層次豐富卻不搶戲。完美詮釋了日式料理對細膩口感的追求，為整頓飯局定下了高雅的基調-🇯🇵 鐵板煎蝦卷•脆米絲配雞尾酒醬這道菜是視覺與味覺的雙重享受。天使麵經鐵板煎至金黃酥脆，包裹著鮮嫩多汁的蝦肉，三文魚子的爆漿口感為菜式增添了奢華感。搭配的雞尾酒醬酸甜適中，與翠玉瓜的清爽形成完美平衡。整體口感層次

這間位於尖沙咀的日式鐵板燒，嚴選精緻食材入饌，加上師傅熟練的鐵板燒技藝，一場味覺、視覺、嗅覺交織的盛宴，就在鐵板爐前悄然展開。餐廳最新推出定價親民的晚市套餐，每位只需 $690，品嚐日本蝦夷鮑魚、日本金賞米沢和牛等多款鐵板料理。前菜🦋車厘木煙燻海螺｜汁煮鮑魚🦋蟹肉蒸蛋蛋香濃郁，蟹肉鮮甜，入口滑如絲綢。🦋鐵板煎蝦脆米絲配雞尾酒醬蝦肉鮮甜彈牙，搭配香脆米絲增添層次，沾上微酸微甜的雞尾酒醬，清爽醒胃，令人食慾大開。🦋鮑魚配海苔醬蔬菜三點鮑魚口感柔軟彈牙有咬口，配搭青海苔醬，令鮑魚鮮味更突出，令人咂嘴。🦋季節燒魚外皮煎得香脆，魚肉鮮而不腥，伴隨鐵板高溫激發出的焦香氣息，鮮香撲鼻。🦋鵝肝多士鵝肝油脂豐厚，油香香氣縈繞口腔，久久不散。🦋沙律不僅平衡油膩感，更為味蕾提供喘息空間。🦋A5 和牛薄燒A5 和牛油花分佈均勻，薄燒後香氣四溢，配搭壽喜燒醬汁的甘甜鹹香，入口即化，肉味濃郁。🦋鐵板炒飯鐵板燒的經典之作，加上完美的太陽蛋加持，滿足感爆燈。🦋湯🦋甜品雪糕

放工約咗朋友食飯，揀咗品嘗席前鐵板燒🥰 餐廳環境充滿格調，食材時令新鮮✨ 今次坐吧枱位可以欣賞師傅烹調手藝，體驗更加正呢☺️❀ 前菜 🥢打開玻璃蓋後散發陣陣煙霧效果，好啱打卡😍 磯煮鮑魚及汁煮花螺口感爽彈，兩款都整得好入味✨❀ 特色鐵板蒸蛋 🥚蒸蛋口感好滑溜，蟹肉鮮甜而且份量十足😝❀ 天使麵蝦卷 🦐將天使麵炸起再卷住虎蝦✨ 外層好酥脆，蝦肉新鮮彈牙，加入三文魚籽作點綴，食落更有鮮味👍🏻❀ 香魚 🐟魚肉細嫩鮮美，烤得好香，旁邊配以清甜嘅北海道白粟米，蘸上酸汁食更惹味👅❀ 南非鮑魚 🥢上菜前仲見到鮑魚好生猛咁郁緊😆 鮑魚整得軟腍爽彈，蘸滿海苔醬更提鮮，鹹香入味❀ 鵝肝多士 🦆厚切鵝肝入口滑嫩且油香滿溢，配上烤多士食好滋味☺️ 伴上燒菠蘿及雜莓，酸酸甜甜中和油膩感~❀ A5和牛薄燒 🐮和牛燒至五成熟，肉質保持軟嫩多汁✨ 夾埋蔥花及蒜片一齊食，非常香口呢😚❀ 炒飯 🍚炒得夠乾身，加入櫻花蝦及蔥花炒香，鑊氣十足❀ 魚湯 🥣❀ 甜品 🍨最後以荔枝雪糕作結～

今日同好朋友慶祝生日，特別揀左去尖沙咀食鐵板燒！以尖沙咀區黎講呢間一間set價錢吾過$1000，仲食得飽，性價比幾高。每個套餐都有冷熱前菜、沙律、海鮮、肉類、炒飯,感覺比一般既豐富。我地今次食左2款set。精選優惠套餐 $790前菜一凍一熱, 凍既有鮑魚同螺, 以煙燻方式呈現,除左增加視覺效果, 仲令到食物更入味。鐵板蟹肉蒸蛋蒸蛋好滑, 蟹肉都幾多, 而且蟹肉既鮮味完全滲透到入雞蛋內, 所以整體味道不錯。燒大虎蝦蝦肉夠彈牙, 再配左自家調製既蝦醬,呢個蝦醬唔會好咸, 加左會令虎蝦鮮味更突出。燒帆立貝肉質鮮肉軟嫩, 自製醬汁帶酒香。燒比目魚柳比目魚柳燒到表面金黃, 有少少魚油香味, 配cocktail sauce意外地夾! 另外會配3款蔬菜, 分別係翠肉瓜、南瓜同冬菇。鵝肝最印象深刻既一道菜, 個人本身對鵝肝麻麻, 因為唔太鐘意個陣腥味, 但呢件鵝肝因為無加粉, 而且慢慢去燒, 將油脂完全迫出, 去除左腥味, 入口滑嫩, 連埋烤多士一齊食好食。另外仲配左燒鳳梨同雜莓, 2種味道夾埋意想不到地好食!A5宮崎和牛薄燒5成熟,配埋蒜片同蔥包住黎食, 和牛肉質好嫩,推介!N.28 周年套餐 $9

見網上咁多推介，帶點期待訂了位，我哋心諗嚟一趟高質鐵板燒生日晚餐，點知——期望愈高，落差愈大。開場頭盤有驚喜，蒸蛋滑溜、煙燻鮑魚賣相精緻，視覺味覺都叫人滿意；鵝肝亦算有水準，但食落去始終無令人「嘩，好味呀！」嘅感覺，未夠驚艷。跟住輪到主菜環節——份量令人皺眉。三人分兩隻龍蝦，要補錢加碼卻又細隻得緊要，我哋三個唔算大胃口，竟然都覺得唔夠飽。整體食完，竟然無咗平時食鐵板燒嗰種滿足感，實在難言抵食。本來朋友特別安排咗生日驚喜，點知要我哋開口提醒先「記得」，而當晚全場只有兩枱客，呢種疏忽實在講唔過去，誠意欠奉。服務方面，侍應熱情到經常打斷我哋傾計，上菜節奏急促，一道接一道上——若你想邊食邊慢慢傾偈，呢度未必啱心水。師傅明明喺面前煮煎，但全程零交流，連眼神接觸都冇一下，感覺就似喺戲棚睇緊場默劇。作為鐵板燒，互動缺席係一個大失分位。香港餐飲今時今日競爭激烈，想贏人心，唔止靠網上廣告更要有細節、誠意與火喉。否則，食客嚟過一次，就只會得一句：「下次唔駛啦。」

首先講返，當日係約咗下午2:00嘅。入到去，就揀咗最貴嘅龍蝦餐 而我哋亦都係冇用任何團購優惠。仲加多咗隻鮑魚。首先講食材佢係非常新鮮嘅，因為隻鮑魚仲郁緊。但唔知係唔係因為我哋係下午嘅尾場。佢哋應該係3:00落場 。所以好似勁趕時間咁樣，首先D菜已經上得勁快，根本未食完上一道菜，已經上下一道。再加上可能佢哋太趕時間嘅關，同時間將幾樣食材一齊煮。都想錯之前只係喺度翻熱下，可以將原本好新鮮嘅鮑，都煮到勁難食，柴哂。到後尾3:00嘅時候，直程趕人走。途中個廚師同個侍應，喺我哋食飯嘅途中，不停傾偈，完全冇服務可言。估唔到俾咗七百幾蚊一餐嘅lunch ，2個人埋單成千幾，都可以比咁既服務人。上次喺北角，就算人哋落場。都會有得你喺度坐，最多唔serve你。重點係連啲食物都因為趕住落場，而一次過煮晒，搞到勁難食。我覺得可以有權，想準時落場。如果係咁個booking就唔好俾人哋book兩點。直接最後booking一點咪算，又要俾人book兩點又要俾咁嘅服務人。真心差無下次

食物唔差，呢個價錢係唔錯，擺盤，餐廳環境都好。 可惜唔明點解，上菜勁快，全餐飯只係用左45分鐘，廚師就可以收工，期間不停上菜，完全無停頓，每位$600鐵板燒嚟講我自己個位竟然可以有3樣食物，侍應仲話要襯熱食🙄，全餐廳只係得2檯客，唔明趕咩。鐵板燒其實都需要享受食飯嘅過程，侍應又會一路上菜，一路同同事/廚師傾計。

多年同学从美国转机经过香港，找了好久，选中这家。很庆幸做了正确的决定，食物新鲜可口，而且环境不错，靠近年关，当天中午居然只有我们一台客人（服务员说接下来的几天中午晚上都是Full Booking）印象最深的是肉卷，五分熟刚刚好。龙虾是很鲜活的，螺肉里面的汤汁也很好喝，吃得好满足的一餐！摆盘也很精美，厨师现场制作，干净卫生，价格合理（其他同等档次的餐厅基本没有出售优惠套餐）！餐厅在尖沙咀的小巷子里，属于隐藏款的美食！

食材新鮮，服務到位，值得推薦食鐵板燒到主要都係食師傅嘅功架同埋食材。馬友魚雖然係普通食材，但係今晚呢條馬友魚係非常之厚身，師傅切咗魚嗰層皮出嚟再煎到脆卜卜，好似食炸魚皮咁👍🏻👍🏻龍蝦劏開晒仲響度郁吓郁吓，師傅做到龍蝦肉啱啱熟，再配埋龍蝦膏👍🏻👍🏻師傅同埋員工服務到位，亦都好好傾，體驗滿分一個星期食咗兩餐鐵板燒，一間係銅鑼灣龍頭大哥一間係尖沙咀小店，但呢間小店絕對唔差，支持香港飲食業

同同事lunch去咗尖沙咀一間日式鐵板燒餐廳～ 叫咗兩個午市精選套餐，真係食得好滿足! 我哋叫咗香煎鐵板大蝦拼深海馬友，另外一個就係安格斯牛扒拼香煎比目魚。套餐裏面首先有個魚湯，湯底清淡，味道鮮美，飲落好舒服。接住就係餐前沙律，沙律嘅配料新鮮，有生菜、番茄同埋少少海藻，淋上咗一啲日式嘅醬汁，味道清新，幫助開胃。然後就係我哋期待已久嘅主菜！香煎鐵板大蝦真係一絕，蝦肉鮮嫩多汁，外面煎得香脆，咬落去有啲彈牙，配上少少檸檬汁，味道更加提升。深海馬友就更加驚喜，魚肉滑嫩，帶有淡淡嘅海味，搭配鐵板燒嘅醬油，簡直係完美。安格斯牛扒就更加唔使講，牛肉質地極好，煎得剛剛好，外焦內嫩，肉質多汁，咬落去有種幸福感。香煎比目魚都唔錯，魚肉香香，吃落去非常嫩滑，味道亦都幾清淡，唔會搶咗牛扒嘅風頭，反而可以均衡一下口味。甜品可以選擇豆腐同埋抹茶雪糕。我地各一～ 抹茶雪糕，味道非常濃郁，甜度適中，豆腐就有豆腐嘅香氣！食完之後口感依然清新，真係一個完美嘅結尾。

比較少有的平日午市鐵板燒在尖沙咀上班的話可以試試呢分享一下其中兩個餐目每個套餐除主菜外會包括沙律、湯、白飯、甜品主菜不錯，總體份量較細不過價錢只需百多元到二百多元。香煎鐵板大蝦拼深海馬友 $228大蝦質素不錯，口感彈牙馬友魚肉入味嫩滑 。安格斯牛扒拼香煎比目魚 $188 安格斯牛扒燒後肉汁香口、配以多款調味好喜歡比目魚細嫩肉質。炒飯(+$20)粒粒分明夠香脆乾身。魚湯有驚喜、非常入味。最後有荔枝/芝麻雪糕作結

朋友介紹下 帶咗我去食呢間鐵板燒竟然係喺尖沙咀巷仔入面 唔講真係唔知餐廳環境唔錯 服務周到我哋叫咗個套餐 有我最鍾意食嘅和牛Overall菜品都質素OK🔸A5宮崎和牛薄燒和牛燒到5成熟 入口即融包住蔥蒜食味道更有層次🔸香脆魚苗配鵝肝呢個配搭好新穎！外面係魚苗嚟㗎～炸得好香脆中間係鵝肝，口感外脆內軟🔸香煎比目魚配雞尾酒汁及時令蔬菜比目魚煎到外面香脆 魚肉嫩滑配上雞尾酒汁酸酸甜甜好開胃