Munch (已結業)

看這食店的食評這樣好，早幾日便和辣椒女兩個來一試。這店唔算太大間，但都算坐得幾舒服！看完餐牌後，決定了叫日式咖喱羊肉伴椰菜花薯蓉和香煎美國珍寶帶子鮮露筍意大利飯。南瓜湯和凱撕沙律，每人只可選一樣，我們便各選一樣。南瓜湯- 南瓜味幾香濃，又唔會太甜，都算幾好飲。凱撕沙律- 比較簡單，生菜加沙律醬和麵包粒及幾細片肉粒，沒有什麼特別，相信選擇湯會比較好一點。日式咖喱羊肉伴椰菜花薯蓉- 羊肉帶有淡淡的羊羶味，肉質鮮嫩幼滑，咖喱汁味道都幾好，只是淡口了一點；幾喜歡那些薯蓉，真係幾好食，還有點唔夠喉的感覺。香煎美國珍寶帶子鮮露筍意大利飯- 帶子很新鮮又甜，加上經過火的燒煮過程，更增加了一點香味，意大利飯唔會太硬，一粒粒很入味。食物真的幾好，價錢又唔算太貴，值得一試。反而餐飲沒有什麼特色，偏普通一點。

星期日去尖沙嘴食晚飯，又唔知去哪好。搜尋本店找到此店。舖位唔算好大，二人座位頗窄。兩個人不是太餓，只要了兩個意粉，全部Pasta/Risotto都係用organic，幾特別：(詳細名稱已忘記)1)蘆筍巴馬火腿粗意粉蘆筍唔錯，味道也幾好，車厘茄都好新鮮，不過巴馬火腿切粒上，多油而且偏鹹。雖然唔識分別有機意粉同普通意粉的分別，但個質地做得剛好，有彈性也不太腍。2)大蝦意大利粉配黑菌欖油大蝦雖然唔算很大隻，不過蝦肉都新鮮，而且蝦頭有膏，配上香草的意粉很有口感，黑菌就真係唔多見，只知成碟意粉又係多油。個餐包一般貨色，唔夠熱。兩客意粉油太多，雖說橄欖油含不飽和脂肪酸，但始終感覺很油膩，跟有機意粉的健康形象大相逕庭。聽講Munch的cake好似有名?下次有機會再試。

要揀環境,食物,服務,衛生等各方面都面面俱到的餐廳,仲要加埋抵食tim,我一定會揀Munch. Munch賣的是西式餐飲,菜帶點organic,亦強調素食,這方面同店內環境裝潢及menu設計頗為一致,簡單亦不失美感,而且俾人一種好light ge感覺.當然,佢ge食物味道絕對係剛剛好,唔太濃,亦唔會label了自己係健康食物亦淡而無味.大蝦芒果沙津,sauce酸酸甜甜,跟有牛油果醬,材料亦好新鮮.Chicken roulade,雞肉卷內放了一層芝士,sauce好特別,好好味,我會食不會煮,實在唔知係咩sauce.仲有放左雞底下的薯茸,雖然只係簡單ge薯茸,但唔知點解都可以好好食,應該一試.另外,強烈推介南瓜飯,非常creamy,非常非常好味,想不到可用咩字眼來形容. 好ge食物應該親身試,言語間難以一一表達. 可以一去再去,只怕終有一次發現佢趺watt,好在so far都仍是心水之一.

是日食o左銀鱈魚糙米反和火局菠菜芝士雞柳头盘有salad 和carrot 汤。主菜有銀鱈魚下面系用旦包住既糙米反，一眼看埋去以為鬼佬煮飯好難食啦，而且仲要系糙米添。但食落去，又好得o我。連我朋友少食米既人都將個反食灑。而我果粉雞柳呢，煮法好特別。好多菠菜，好健康。芝士上面有點特製番茄醬。飯後有飲品送，叫左杯咖啡，色香味俱全. 掂!雖然服務員漏左上個湯(等到主菜來時，我地同拒講“個湯仲未來o我”，拒至彷然大悟)，但系整體來講都ok既

9點鐘, 唔係講少,竟然仲要等???!!!兩個人叫左3樣野1) Salad ~三文魚唔知咩比....有smoked 三文, 蕃茄粒, 芒果粒, 芫茜, 石榴片and石榴汁做Salad醬smoked 三文超咸, 石榴汁酸, 蕃茄粒, 芒果粒好甜, 芫茜有清香, 再加上唔知落左d乜, 我食到有少少spicy..... 但攪埋一次過入口, 又另一番新口味, 真係幾特別.2) 大蝦意粉意粉炒得乾手, 油唔多, 入面有蕃茄仔, 露筍, 大蝦3隻,仲有一樣野架, 黑色一粒粒, 唔係peper , 唔知係乜, 有水準3) 咸火腿pizza 一般, 有mushroom , 芝士, 咸火腿幾脆, 不過咸左d水準有番咁上下, 埋單220, 等位都有半個鐘(個時已經係晚上9點@_@....) 起菜慢左d, 仲有個奇境, 成個餐廳食客得兩個男性, 全部都係Lady喎, 會唔會係男既走哂去睇波留底d女仕們呢?

終於來了一試, 星期五也沒有set dinner, 唯有散叫, 我地2個人叫了一個焗魚柳菠菜闊麵和一個豬頸肉薄pizza, 味道都不錯, 我較喜歡pizza, 好似餅乾咁,無咁"流", 相反個焗麵落左勁多芝士, 我地食食下都已經好飽, 不過d魚柳又整得幾好味. 跟住最後都忍唔住叫左個cheese cake share, 在蛋糕柜選好, 本來以為佢就咁俾我地, 點知原來拿入kitchen再set好碟才俾我地, 意外! 我地選左蘋果cheese cake, 幾好味呀, 但由於我地都勁飽, 一件都食唔晒~

上次食完一壽司行過見到哩間Munch，cake好似好好味，早兩日終於試到。三個人叫︰白汁鴨胸長通粉(set dinner) - 沙律冇乜特別，個長通粉個汁好稀，而且味道麻麻巴拿馬火腿蘑菇蕎麥薄餅- 餡加蕎麥餅味道麻麻，火腿好咸青蘋果芝士餅- 幾好味，同自己整0既差唔多，不過芝士餅好難整得難食冇想像中咁好味，食物真係麻麻，都應該冇乜機會再lu...

初初發現的係佢D cake,真係好正,試過豆腐味,綠茶味,都幾好架. 咪諗住試下dinner la (try 左個吉列魚), 不過唔係好得,可能我叫set la...

第一次寫同一間食肆兩次完全係因為當中發生既事實在不能不寫…等齊人期間先吃釀蜜糖雞翼三隻雞半翼入面釀左菜菜肉肉菜比較多唔太飽幾好Weekend原來無set dinner散叫主菜四個菠菜魚柳有機寬條麵菠菜豐富味濃雞胸糙米飯無咩印象十安士西冷配草莓汁好夠秤明明叫五成熟但上到檯好似熟晒咁炒大蝦意粉真係重點三頭大蝦相當鮮甜而且蝦頭蝦羔極為豐富正當我努力地切開蝦頭準備享受之際頸項突然泛起一陣灼熱感覺再來便是朋友們大叫一聲用紙巾一抹便發現全頸都沾滿了蝦羔原來連白色tee同外套都中晒招重點係我仲未切落去架因為係我坐斜對面近來成日失而復得的好朋友所賜近來亦比較好人既我當然並無嬲佢啦只係要即刻入toilet清理清理左一大輪幸好出黎再食返蝦頭仍然多汁美味都算有返少少安慰各主菜碟頭不算大加上時間尚早仍有空間試試甜品荔枝紅莓芝士蛋糕荔枝同紅莓分開兩層無咩話夾唔夾但各自都算好食紅豆有機米班戟配綠茶雪糕可能有機真係唔同尐班戟好香豆味同米味但紅豆就硬左少少圖中既鮮果伴香醋雪糕最特別上檯之前完全估佢唔到係咁樣既橙橙地色既香醋雪糕醋意唔算勁反而味道似足陳皮梅第一下酸酸地但之後好ok配各款生果都唔錯不少菜式都加上有機字樣係

要了lunch set 的泡菜燒雞意大利飯(risotto), risotto 同以往一樣好味, 加了泡菜汁, 酸辣開胃.青豆湯則不過不失, 而且今次我覺得service 改善了, 起碼waitress/waiter 反應快了不少

年幾之前去過一次, 感覺o的o野食非常好, 個三文魚菠菜千層麵令我一試難忘。尋晚有機會再去, 一心諗住再食佢回味一番, 點知話宜家冇左哩樣o野, 仲要話有另一款千層麵, 不過都只係星期五六供應, 唉......唯有改叫個燒雞南瓜意大利飯啦, 都幾好食, 但雞肉麻麻地。唔知係唔係因為佢地主打健康食品為主, 似乎哩o既肉類(雞肉, 牛扒之類)都好普通下, 有待改善。今次冇食到甜品, 而前好有水準的, 唔知宜家點呢不過我都係想食返你個三文魚菠菜千層麵, 唔知有冇其他人食過o既都有此同感呢!?

星期日晚到此一食。本來唔太餓，今餐食少啲啦。一份牛排，肉質幾好，比豉油西餐高檔，但肉味幾乎食不出。紅酒汁和薯蓉比想像中好很多，值得一讚。百零蚊咁嘅質素，係廚師手勢好過材料，ok啦。墨西哥辣牛肉薄餅，脆脆地，幾好味。朱古力慕絲蛋糕，朱古力夠濃，如果冇咁硬，口感會好啲。以上，係兩個人食嘅...不過，坐得唔舒服，好難令我返去食囉。

電影節第一場前來到慕名已久的munch可惜掛住傾偈又要趕入場結果都係無得食甜品咁難先約到太后出巡真係有少少可惜…只係食左兩個set dinner幸好有太后摰愛既南瓜湯南瓜味不會太重及太杰鍾唔鍾意南瓜都buy主菜係有好多蔬果伴住既吉列豬扒沙沙橫諗掂諗都諗唔起究竟自己食左個龍利定牛柳天使麵總之水準相當不俗件頭好似不大但唔知點解真係好飽亦都相當好味有空一定會再來再坐多一會最好太后大鑑都有空一齊出黎啦…是晚結論獨裁者的愚昧固然令人不安但小魚兒的乏人共鳴卻使我更不安也許這就是寂寞罷

昨日己是第二次去食,相隔不足一星期,原因係想試下set dinner 的main course,因散叫好似貴d,昨日叫了2個set,一個好似叫西梅汁鴨肉薯茸, 另一個係帶子露荀意大利飯,因個人偏好意飯,再試其他款(上次已試過南瓜雞肉,都唔錯),但今次有失望,首先講個鴨,肉較乾及無味,伴著西梅就好些,薯茸我表姐話唔夠滑.另一個帶子就有3粒,火候控制唔錯因質感幾好但有一粒我覺得唔係好新鮮,(我食了2粒)個汁無南瓜好但好在有魚子就顯得矜貴些.個湯係CARROT,I TRY TWO SPOON FEEL THAT OK AND THE SALAD ALSO BUT TOO LITTLE, MAY BE THAT'S STARTER,反而上之散叫的酥皮XX,AND MUSHROOM PIZZA IS BETTER THAN THIS TIME 加上價錢相差不大,我推介散叫可能重好,D 款會多些及可能較好味^_^重有就係有好多蚊仔今之同上之都有,需要改善!!

昨晚和男友在apm看完大熱斷背山後便特地走來此處吃吃飯行行街,其實亞士厘道一帶都有唔少選擇,但都係想食呢間故此需要等位都照等因為其實一心想嚟食risotto,所以點了一個risotto set dinner,但waiter 話賣曬,噢!!真掃興,咁就唯有散叫,叫了南瓜雞肉risotto and 西冷牛扒(8oz)鵝肝醬配紅酒汁,risotto 口感唔錯有少少咬口,芝士0既份量亦唔少,夠creamy,加上有d 什菌中和冇咁漏,但雞肉係冰鮮貨色有d鞋口,呢個係唯一不足之處西冷牛扒(8oz)鵝肝醬配紅酒汁-下層係薯蓉,上層係牛扒,旁邊有幾粒鵝肝仔加上簡直係豉油顏色0既紅酒汁,waitress問我地要唔要芥茉同埋mint jelly(但我心諗唔係食羊先會用呢d醬咩),就放了少少在碟邊try try,其實對呢碟菜式係有d失望,因為我以為會係有一少塊鵝肝在牛扒之上,但原來只得幾粒,早知得咁少就不如俾68蚊叫一個starter 仲抵,仲有牛扒完全沒有應有0既牛味,很淡口,但就燒得幾靚仔,如果唔係有d醬點下,唉...埋單$21x,都唔算抵,不過味道都ok la