Munch (已結業)

Ｓｉｎｃｅ　前一日食ｏ左許多無益ｏ既ｄｏｕｇｈｎｕｔｓ，今個ｌｕｎｃｈ決定要善待自己個身體，於是就ｏ黎ｏ左尖沙咀ｏ既Ｍｕｎｃｈ　ｏ剌，事關Ｍｕｎｃｈ所有食物ｏ既ｉｎｇｒｅｄｉｅｎｔｓ都係ｏｒｇａｎｉｃ　ｏ既，夠晒健康ｏ拉一點幾ｏ黎到，客人都只有兩三個．．．．．．可能係周日，ｐｐｌ想趁機大魚大肉，ｓｏ　ｈｅａｌｔｈｙ　ｆｏｏｄ　ｂｅｃｏｍｅ　ｔｈｅｉｒ　ｌｅａｓｔ　ｐｒｉｏｒｉｔｙ店舖面積ｏ吾算寬敞，但環境尚算ｃｏｍｆｏｒｔａｂｌｅ．．．．．睇ｏ下食ｏ羊好先．．．．就要個Ｐｕｍｐｋｉｎ　Ｒｉｓｏｔｔｏ　ｗｉｔｈ　Ｗｉｌｄ　Ｍｕｓｈｒｏｏｍ　ａｎｄ　Ａｓｐａｒａｇｕｓ　（ｖｅｇｅｔａｒｉａｎ　ｄｉｓｈ）等了又等，，，，悶死人不過，遠遠見到ｗａｉｔｒｅｓｓ姐姐托著賣相吸引ｏ既ｄｉｓｈ時，我就當堂精神晒　ｍｍｍｍ　好香ｃｈｅｅｓｅ味ｏ尼一泣泣獨立而彈牙ｏ既意大利飯，濕潤地ｂｌｅｎｄｓ　ｗｉｔｈ　ｔｈｅ　ｓｌｉｇｈｔｌｙ　ｓｗｅｅｔ　ｏ既南瓜同芝士ｓａｕｃｅ，ｓｏ　ｗａｒｍ．．．．．ｄ芝士味濃得ｏ黎ｏ吾會有種油膩ｏ既感覺，一路食ｄ　ｃｈｅｅｓｅ絲不斷　ｓｔｉｃｋ　著，好似食ｐｉｚｚａ　ｏ個陣ｏ甘

星期六4:00pm 我與男友在門外看餐牌，剛巧門打開了！看到2位侍應坐在最裡面我問"今日有冇tea set?"侍應"咩話？我"你可唔可以行出黎！"侍應起身步出我問"今日有冇tea set?"侍應"冇"咁既態度，冇興趣幫襯！

19-01-2007(五) 8:00pm 2人同朋友book左呢度食晚飯!order完有2個麵包比我地食住先,叫左一個意粉(幾好),一個意大利飯(飯再林d更好,芝士多左少少),一個pizza(幾好味),份量算大,估唔到我地兩個女仔咁食得基本上食物都唔錯,只係當日冇set dinner 叫,散叫我地會唔知叫乜黎食好..有機會會再黎食埋單$240

食物幾好味, 不過只叫了兩款: 海觧白菌寬面$95 同BBQ pork pizza $55 一男一女食飯, 寬面夠食, pizza size算mini可分4份. 已經岩岩好. 或者可以再叫甜品. 不過我就無試, 俾唔到意見.埋單收$165服務員質素參差, 電話預約果時個服務員唔係好識得答問題, 亦唔算太了解餐廳的菜式.環境一般, 個晚未滿座, 730 至9pm 座位數目有廿幾, 不過擺得幾迫, 出入唔算方便餐聽設計無咩特別或特色. 得個乾淨. 一個以有機作主題的餐廳, 食物雖然得, 但係室內設計上真係要多花心思. 兩個菜式就百六, 咁既環境可能令人揀番隔離既意粉屋.

Emphasizing on healthy ingredients, all the pasta and pasta dough is wheat-based. Two of us shared a pasta and a pizza with shrimps. Both tasted really good and healthy because the portion was not big and the texture of the pasta is lighter than the usual ones. Although the price is above average, but is of good value since they give you real food (your can tell from looking at the size of the shrimp on the pizza) rather than medicore kind.They also have a variety choice of (cheese)cakes which

今日同朋友食tea,hehe... 原來有tea set!一個set要左(自選三款料)pizza(叫左雞肉，豬柳同菠蘿)另一個係意式多士，兩個都好好味=)不過下次唔會一齊叫，因為兩樣野都香脆，好似好熱氣咁!個pizza既餅底用蕎麥粉整，好特別!而且d料好多，size同散叫一樣，有埋夥飲先係$35, 好抵!!!

1 月19 日同朋友到此食晚飯!基本上食物都唔錯, 唯一美中不足係冇set dinner 叫, 好唔方便, 又要唸, 我呢d 懶人就至怕, 哈哈哈~~order 完野食就上2 個麵包比我地, 熱熱地幾好味!!我地點左一個雞肉芝士意大利飯, 幾好食, 好香芝士味, 不過都幾滯!!一個牛肉pizza 都幾好, 仲有一個巴拿馬火腿意粉(希望冇記錯名啦) 都ok la!食完都幾飽下!!

見到食評食得咁好，昨天便book了位試試，一行3人order了燒豬頸肉pizza、燒雞南瓜意大利飯、凱撒沙律、杏仁慕士朱古力蛋糕及青蘋果提子批配雪糕。每樣食品都好味，要數最喜歡的，我們3人一致認為是那個意大利飯，汁好滑飯好煙刃；pizza都好味，但無乜驚喜。青蘋果提子批賣相好靚，但批皮比餡好吃，因為蘋果略酸提子乾又太甜；朱古力蛋糕好濃郁，但都幾溜，建議share吃，一個人吃就太heavy了。店子雖小，服務倒很好，會再幫襯呢﹗

試過午餐, 再試晚餐, 卻沒有套餐, 要星期日到星期四才有, 何解??看看餐牌, 款式與午餐差不多, 價錢卻貴了20多元, 點了橙汁黑醋雞柳扁意粉, 外表像豉油皇炒面, 味道都像用老油炒的, 完全吃不到所謂橙汁和黑醋, 滿以為會帶來驚喜的味道, 安慰的是扁意粉很彈牙.另外叫了泰式辣牛肉長通粉, 牛肉是切碎的, 小許辣但不是泰式的辣, 長通粉很硬太乾了, 應該沒有煮熟吧.這一餐飯完全焦驚喜, 不過我下次還會再去, 我想試薄餅和蕃茄醬意粉.

那天到Munch吃午飯, 原來平日才有套餐, 只好散叫, 我叫了南瓜什菌芝士意大利飯, 意大利米跟我們家裡吃的不同, 比較大顆而硬了一點, 口感還是不錯的, 不過嫌南瓜肉不夠多, 醬汁很香很合我胃口, 我妹妹就叫了椰汁海鮮意大利粉, 椰汁味的意粉很香, 但醬汁太濃和油膩膩了, 意粉的口感不錯呀, 比較粗一點, 我們一起分享吃, 要不然真的太膩會吃不下的.地方是太少了, 桌子排得太密, 滿座的時候一定坐得不舒服.下次我會再去試其他的意粉和薄餅的.

因為友人生日，記得這間好想試的Munch可以訂生日蛋糕，就進去睇睇。原來要兩日前訂的，因為時間關係，只好要她們明天送來的款式，變左只有幾種選擇。好特別的，這兒的蛋糕是計直徑幾多吋，唔計磅的。見她們的朱古力玉桂蛋糕無貨，心想一定好好食，所以訂了這個，訂金都不用付的，有點奇怪，真係各處鄉村各處例。第二日拿了，食的時候發現蛋糕是三層的，表面是慕絲同cream，中間是濃濃的、軟軟的、滑滑的朱古力，還有玉桂隱藏於其中；最底就是有2厘米左右的底層，都有點甜味，我覺得好好食，少少硬，不過友人個個都嫌硬......如果她薄少少會好一點。因為友人好多都唔滿意，只可以講不是個個都喜愛這蛋糕，如果喜歡濃滑蛋糕的，可以一試。整個賣三百元，分開一件件就不知道了。環境同乾淨我俾唔到分，不過她們的服務態度幾好。

兩個人, 3樣野:燒雞凱撒沙津, 南瓜燒雞什菌意大利飯, 蜜糖炭燒豬頸肉香葱有機蕎麥薄餅. 絕對唔難食, 不過又未去到勁好味囉~環境一般, 較窄,唔覺有音樂; 暗得黎又冇乜feel.我地星期六晚7點幾去,half-house倒啦. 可能冇乜人既關係, 服務幾好架. 由於個度較靜, 所以如果係較為多人去gathering就唔太合適. 燒雞凱撒沙津: 燒雞好味(有4塊),但沙津唔夠南瓜燒雞什菌意大利飯: d料幾足, 但個汁咸左d, 飯又硬左少少, 同唔夠南瓜味蜜糖炭燒豬頸肉香葱有機蕎麥薄餅: 足料,但太多蜜糖. 蕎麥餅底有特色. 之前聽五天精華遊既"五揀一"講Pizza 時都有提到呢間餐廳. 我諗佢最特別都係個蕎麥餅底, 而除左個燒豬頸肉之外, 其他既款式聽落都好似唔錯,幾新穎.我相信香港一定有更好食既gourmet pizza 既,但以50幾蚊黎講算唔錯啦~佢地其他菜式聽落都幾吸引架,而我見佢都有心機decorate 下咁, 望到其人他食個d都唔錯.~

二人晚餐, 之前打去話book 20:30, d 職員話20:30 後冇得book, 有位叫我.八點半去到見到有位但唔知點解d 職員話冇, 行左出門口幾分鐘諗住找第二間食又打俾我話有, 好, 算.環境唔錯, 一個傾計既好地方.點左(1)燒雞, 南瓜意大利飯$85: 有d 芝士係面, 同埋d 飯一舊舊的, 有點汁, 應該係一種特色. 有d 脆條, 好正. 見點解食黎食去都冇雞, 個侍應話個師傅漏左. 呢樣野真係好頂癮, 莫非真的如menu 所示, 燒雞, 南瓜意大利飯, 係分開的? 燒雞幾鬆化, 唔肥膩, 不錯的.(2)有機蜜糖炭燒豬頸肉香葱有機蕎麥薄餅$55: 個名好長, 但真係幾正. 蜜糖炭燒豬頸肉固然入味, 最正係個薄餅, 唔係普通好多油果d, 脆卜卜的, 同埋感覺上蕎麥點都有營養點吧!冇叫野飲, 淨係飲水.

無煙, 有機, 新鮮人食物味道真係幾好食, 食材又係有機, 價錢都唔算好貴, 而環境亦好ok, 全部係sofa, color好fresh, 音樂好聽, service好, 抵佢有咁多笑臉, 呢間同上面條街既red ant真係天堂地獄之分

時不時都會Munch，因為我鍾意食pasta。今日同男朋友食lunch，叫:1. set lunch香草燴羊肉配有機糙米飯- 羊肉炆得好淋，唔錯，有羊味不過唔會覺得\"蘇\"，個汁唔係好識形容係乜味，不過都唔錯，不過個飯份量好細，我諗如果男仕肚餓話又或者大食就一定唔搞飽。2. 雞球蕃茄幼麵(linguine) - exactly個名唔記得，不過我成日都食呢個，通常set lunch睇唔(好似今日咁)就叫呢個。雞球煎得好香，加埋蘆筍同車厘茄，好好味。最鍾意Munch就係佢\pasta永遠都煮得好時間，唔會未熟or過熟。成日覺得如果間舖大大家坐得舒服咁我會去多Munch。