Moment (已結業)

The western food is very nice and reasonably priced also there are a lot of board games for customers to have fun .the only downside is there is only person for the service and kitchen . I recommend folks and couples can come visit this place amidst Causeway Bay.

Enjoy our Moment今日晏就放lunch 約左個朋友食Moment 但個入口有小小隱蔽 如果朋友唔講真係唔知呢道有間Cafe仔 上去到環境好舒服 亦都無咩人我地叫左兩個lunch set一個係黑松露忌廉海鮮扁意粉另一個係日式麻醬冷烏冬配炸豬扒要注意既係，呢道上菜都幾慢下我地叫左半個鐘先上到 😅😅😅個黑松露扁意粉幾好食 又夠熱冷烏冬就一般了 又唔夠汁豬扒得三四舊 唔係好夠食哂成碟 味道還可以我地另外每人加左九蚊叫左一杯凍Latte同一杯凍Mocha,, 可惜既係呢道既咖啡一般P.S 呢道有D board game可以玩但我地兩個都急住翻工 就無慢慢玩了

在銅鑼灣的鬧市裹，一個角落裏，你會發現一間擁有寧靜環境的樓上cafe, 雖然設計風格單調，但卻與cafe 的食物互補不足，我這次點了共三個套餐，其中野菌飯飯粒較黐，適合喜歡吃多水點的飯的朋友，調味可以接受。而三文魚意粉則適合喜歡調味較重之朋友，因為三文魚味道較重。最後也是最值得嘗試的是鴨胸意粉，味道不錯而且肉汁飽滿，其意粉的忌廉汁也很濃郁。另外值得一提的是一個晚餐另有湯和甜品，湯為粟米忌廉湯，味道較淡但有調味補足，甜品則沒有驚喜，是雪米糍。整體來說，這間餐廳也算滿意。

第一次寫食評因為真係覺得太好=）港島區朋友想搵間坐得嘅cafe 傾下偈其實好困難，今次係因為本身訂咗檯嘅cafe 突然跳fuse 所以先無意中上咗嚟moment~上到去無乜人，坐低覺得staff 都幾nice (因為先前嗰間一入去已被黑面），set dinner 都幾多選擇！可惜因為材料問題無晒啲burgers...staff 好細心同我哋講兩個女仔食唔晒兩個set dinner (乜覺得我哋咁細食?!)，最後嗌咗一個肉醬扁意粉set+椒鹽雞翼+黑松露薯條，飲品係拖肥咖啡+榛子朱古力咖啡 (隻杯好靚!），staff 仲好好咁俾多一碗餐湯我哋! 😃 碟意粉嚟到……嘩!大碟到!!我終於明點解staff 話一人一碟會食唔晒😲 但認真足料好味~ 另外黑松露薯粉個醬堅正😋 雞翼個味幾好但略為乾咗啲! 而且我哋嗌呢少少野就坐咗人哋三個鐘，仲有免費wifi,真係物超所值!

第101篇了！這個Moment的心情有點難以形容！小時候會寫日記，會將暗戀的趣事全都寫下；20年後竟然又會寫食評，想起半年前開始的原因也有點傻，2016年可算是我人生中一個轉捩點。一個下雨的中午，離開蘋果店，向上望，見到一間樓上Cafe，就決定來這裏吃個午餐，順便避雨。這是一個商住大廈，乘搭一部舊式電梯上二樓，門口小小的，經過一個半開放式廚房，餐廳面積也算大，可以放四張四人枱，還有一張小吧枱對着落地大玻璃，欣賞著人來人往的銅鑼灣街景。差不多下午二時，我點了一份午餐鮮茄野菌炒烏冬＄49，配凍檸茶。周末午餐餐牌主要分三種價錢，$49/$59/$69 另外需要加一服務費，套餐餐飲包一杯普通餐茶或咖啡，如飲梳打類另加$7，健康特飲類另加$8，特色咖啡或朱古力另加＄9，還有養顏花茶另加＄24。凍檸茶先上枱，味道不太甜，茶味亦不太濃。不久，熱辣辣的鮮茄野菌炒烏冬亦上枱，野菌的份量很少，不過尚且新鮮；醬汁味道偏酸，應該是落糖調味的份量太少吧！而且醬汁黏着烏冬，沒有炒的乾身效果，像鮮茄燴烏冬一樣，令烏冬麵質偏淋，份量也很少，整體不過不失。雖然餐廳有播着純音樂，可惜吃午餐的人太多，又有嬰兒的哭泣聲，室內

銅鑼灣樓上cafe，食物竟然有驚喜!從地下望上去，簡潔嘅外觀，好大個落地玻璃係寶明大廈2樓，叫Moment Lunch set都有九個選擇，價錢好合理，仲包杯飲品我同朋友叫左蛋黃醬流心蛋吞拿魚意粉，黑松露大蝦意粉個意粉好creamy, 個醬調教得好好味大蝦意粉都唔客氣，有四隻大蝦，好彈牙！最重要係個環境，因為有落地玻璃，好光猛舒服，我同朋友傾左三個鐘，都唔會有人趕你走

我份人比較鐘意簡簡單單, 唔太鍾意浮誇同華麗, MOMENT正正就係我要搵嘅地方! 入到去只係見到藍色白色牆, 左手邊有一個架掛滿左老闆之前去旅行嘅post card, 呢個架亦係牆上唯以一裝飾, 非常非常簡約! 坐低就見到有人上網, 有人做功課, 有人玩緊board game, 有人傾計, 感覺好舒服, 座位亦好闊落, 最重要係無!限!時! 係呢個寸金尺土嘅香港要搵間真真正正無限時任坐而又可以放鬆心情嘅地方真係唔多, 我好好彩今日比我搵到😁食物方面比起其他以相機食先嘅cafe係比較平凡, 但係味道不錯! 尤其係雙層芝士火腿飛碟, 不得了, 一咬落去見到個d拉芝就😍😍各方面都好滿意, 只係上菜慢左少少, 不過以一間小型cafe黎講, 已經做得好好!

銅鑼灣每多樓上 cafe，這天經過這間，就來一試。餐廳有免費 wifi，下午茶時間來到當然是叫 tea set，一樣有意粉烏冬吃。環境很好，情調優雅，坐得很舒服。下午茶選擇甚多，烏冬，炒飯，意粉也有，味道整體水準也是中上；因為是樓上舖，所以人也不多，很容易就有位。烏冬來了，有鮮味，而且很香，吃得很飽。意粉也是不錯的選擇，賣相看上去也很好。要提提這個黑松露炒飯，用黑松露炒很入味，將味道帶出來，很香，吃得很滿足。咖啡水準也是中上。可以再來。

雞翼小食我鍾意，扁意粉又好好味好少上樓上Cafe，是次夜晚經過銅鑼灣想食少少野等個朋友，睇完個menu, 叫左兩款雞翼, 泰式雞翼同明太子雞翼泰式雞翼上的辣醬加上香草碎真係好正明太子雞翼更加係我嘅最愛等等下又見餓，朋友又仲未到，再追加一個蒜蓉忌廉雞肉扁意粉，好香，扁意粉煮得啱啱好最後嘆左杯蜂蜜蘋果，完成左美味嘅等人晚餐P.S. 最終係俾人放左飛機架，但至少食左餐好

今次黎MOMENT嘅目的主要係想試下菜，皆因同男朋友訂咗25號晚係渡過我地嘅Christmas night！上網睇到comment話呢到嘅環境好舒服，又唔洗同人逼住坐，今次第一次上到嚟果然無信錯openrice，好似坐係白沙道中間食飯咁，哈哈！我同男朋友都好滿意呢個feel，一望就即刻愛上！我地今次點咗兩個小食，一個炒飯同兩杯飲品，相就無影喇，不過講個名for返你地reference！小食 - 泰式雞翼 + 黑松露蛋黃醬薯條主菜 - 鰻魚炒飯飲品 - 焦糖朱古力咖啡 + 荔枝梳打我要高度讚揚個黑松露蛋黃醬薯條，佢地係用粗薯條，好大碟，黑松露勁香！炸薯條周圍都有，但係未食過回頭率咁高嘅炸薯條，食過番尋味呀！今次整體嚟講係好滿意，食物又好好味，好期待聖誕節嘅來臨，再嚟MOMENT食多一次！

個日星期日同朋友係銅鑼灣希慎行街。行到攰諗住去間餐廳坐低飲杯嘢。食個下午茶。點知間間餐廳都多人都嘔。又逼。所以就抬頭望下附近有無樓上咖啡室可以坐坐。行幾分鐘就望到呢間叫MOMENT嘅咖啡室。上到去都差不多滿晒。但係我地坐低完全係無逼嘅感覺。好舒服。一坐低店員好有禮貌笑容十足比餐牌我地。我行左成日街覺得有啲餓所以叫左鮮茄大蝦扁意粉。朋友就只點左一杯熱焦糖朱古力。碟意粉一上枱有好香嘅牛油味。擺碟亦好靚。份量都唔算少。朋友話杯朱古力好好味好濃。飲得出係用靚朱古力粉沖。食完可以靜靜地傾計。有遊戲玩亦有好多種類。美中不足係坐隔離係一枱六個人玩遊戲好嘈好大聲。雖然係好歡樂。不過希望其他客都可以顧及他人。不過呢個並唔咖啡室嘅錯。整體黎講係一個又滿足又開心嘅晏就。

平日咁忙, 生活節奏咁快, 星期日Brunch梗係要搵間樓上cafe慢活一下, 今次就係Facebook search到呢間cafe叫MOMENT。其實係樓下抬頭就見到招牌, 只係有d迷茫唔知大廈入口係邊到。入到cafe果然無失望, 白色襯天藍色嘅牆, 再配埋落地玻璃望住成條白沙道, 好舒服嘅感覺!。我地4個女仔, 大家都唔係好肚餓所以只係叫左2個餐同2個小食, 1個洛神花茶, 1個蘋果花茶同埋2個凍檸茶。特別推介嘅係蒜香雞柳蘑菇炒飯同埋蜜糖雞翼, 我個人好鐘意食炒飯同埋好足料, 蜜糖雞翼好入味, 外面蜜糖好香脆好濃味。其實我地點嘅4樣野同飲品都好好, 份量十足, 睇得出好有heart去做, 下次一定會再上去幫襯, 試埋其他嘢, 支持小店。

本來當日收工係想同同事去另一間cafe食，但係點知佢地無開，所以我地就決定試新嘢！一入到去係好柔和嘅天藍色牆，睇咗餐牌第一下感覺唔太多選擇，不過我地覺得都啱食，所以都係決定入去試吓。我地點咗一個C餐 蒜香大蝦扁意粉同F餐 香草醬海鮮扁意粉同埋明太子雞翼！兩個餐到嘅時候個樣好似，當然食落口就完全唔一樣味道啦。 食物方面C餐嘅大蝦好彈牙，好新鮮嘅感覺，而F餐嘅海鮮比較普通，不過香草醬原來好夾，我第一次食，明太子雞翼好JUICY，好好味！我地今次係平日食飯所以人流唔多，唔洗等位而食物都唔洗等太耐就有得食，食得出所有食物都係新鮮整，唔係整定再翻熱！不過我就SUGGEST老闆可以做多D宣傳比D人知道，因為我今次都係誤打誤撞㗎咋。總括嚟講 今次試食成功！

以前我同朋友成日都黎, 不過有好幾個月無黎過, 點知再黎返就見到改左名又裝修左, 新裝修空間感大左又光猛左!!其實我之前黎開係食lunch多, 不過今次就食dinner啦, 雖然menu選擇同lunch差唔多, 但係就有埋沙律同甜品, 份量都比lunch多, 係好味既!  今次我就試佢地既新菜, 香草醬海鮮扁意粉, 值得一提既係呢到係用扁意粉而唔係圓意粉, 比較彈牙無咁易林晒, 海鮮較少但係香草醬好香, 好好味!!新裝修之後成個感覺都唔同晒, 唯一無變係食物仲係咁好味同白沙道個景仲係咁靚!

我其實係誤打誤撞入左MOMENT食我嘅blue Monday lunch! 話晒比老闆抦完梗係要食好D, 要坐得舒服D啦! 好彩撞啱地方, Lunch time唔算太多人, 唔洗博頭貼博頭坐, 又可以睇街景, 價錢唔算太貴, 又唔會趕你走, 靚女waitress又好service, 爽!! 第一次黎到, 就叫個肉醬意粉試下先, 穩陣D呀嘛, 一黎到見到一層溶左嘅芝士係上面, 好香!! 蕃茄醬又令到人好開胃, 我自己唔覺唔覺就食晒, 好邪惡呀!! 呢個lunch食得好滿足, 食飽飽就可以充滿能量繼續做嘢! 不過我個人認為大廈門口比較難搵, 如果樓下有D指示就更加好喇！