Moment (已結業)

琴日我地一行4人去食晚餐，不過早兩日打去都冇開門，所以如果想去就要再早一點預約啦！.我地訂左7:30pm，去到冇其他客人，環境好優靜，當晚服務生就只得一位男仔做野，所以出餐就要耐心等候。.之後食食下就黎左一班一行六人，佢地好興奮咁玩 board game ，笑聲不斷圍繞整個餐廳，連我地自己傾計都聽唔到😅😅😅.食品方面，我地叫左4個餐，然後每個餐加$28有小食，食品份量都好足夠，味道都幾好。.唯一唔好嘅就係個洗手間牆身比較差

同朋友一行6人一齊試下呢間私房菜cafe平時都係日頭嚟食，都未試過食夜晚，今次襯住朋友生日，一於試下基本上除咗椒鹽雞翼係平時餐牌有之外，其他都要提早預訂當晚除咗我地之外，仲有一枱4個客人，所以老闆都有啲趕（因為得老闆一個煮嘢），仲專登走過嚟同我地講唔好意思，啲嘢食要等耐少少。雖然比平時Lunch等得耐，但絕對係水準之作，絕對值得等，從未食過咁好食嘅羊架同西班牙海鮮飯雖然價錢比普通cafe貴啲，但食物水準係貴價餐廳嘅水準，絕對值得俾

朋友們在這間食肆用膳，我同另一位朋友於附近食晚飯後打算上去聚舊，飲杯飲品。到餐廳時當時是晚上九點半，餐廳內除朋友四人再無其他。這位男侍應第一句係「最低消費每人100」，我以為自己去了Four Seasons。我與友人當然不接受，本身已經飽，order $100都食不完。這位都相當客氣「門口嗰邊」。我可以不需要試這間餐廳，食物水準其次，服務水平都可想而知。希望其他有意想試菜的朋友留意，我想無最低消費100蚊既食肆銅鑼灣應該有大量。

如果有睇開我食評都知我好喜歡搵coffee shop，貪呢d homemade style 既少味精，又坐得耐，最緊要係影相都靚d，有品味d。講返間餐廳先，係難搵架，但大家認住係利舞臺uniqlo對面就應該知邊頭，上二樓。我今次尼食lunch，選擇真係唔多，仲有今日個紅酒繪肉無得叫，所以我就嗌左吞拿魚白汁意粉，個意粉個汁唔濃，但吞拿魚既酸味幾突出，我自己好辣既，所以之後拎埋支tabasco，反而咁食仲惹味！飲品就嗌左凍咖啡，好一般。但個杯就幾靚。

見到網上有Foodie介紹好似好好味咁所以同男朋友黎試下6點幾去到 得一枱客人 可能未到食飯時間客人比較小餐桌位置闊落 坐得好舒服😌 文青氣氛濃厚Meun菜色吾算多我地叫左兩個主菜 加個小食⭐️蜂蜜無骨雞翼炸得好脆吾油，蜜糖味十足，略嫌咸味不足。♥️英式芝士焗通粉真心推介大家試，芝士味濃郁而不膩，通粉軟硬度適中，汁量足夠。😨香煎安格斯牛扒伴薯條  配  黑松露蛋黃醬(落單時 侍應會問牛扒係5成熟 可以嗎？)本身好仲意食黑松露所以對依個菜式好期待，擺盤有特式，黑松露蛋黃醬 松露味好濃，岩哂黑松露Fans既口味，問左侍應牛扒係焗完再煎，但牛扒有小小Over Cook，同埋煎到有啲位焦左😓，醬有驚喜，對牛扒失望。薯條 金黃色既外表炸得好靚，外脆內軟。

由於上次往同一座大廈，入錯咗地方門口，才偶然發現此cafe, 見好多人幫襯, 朋友約午餐小聚，姑且試新野！不試猶自可，一試小驚喜午市套餐選擇多，文字所表達的，都普普通通，叫了蜆肉飯及鳯尾蝦意粉。由於二人分享食，先來意粉，其賣相真的好一般，當我們品嚐一小口，意粉雖無掛汁，但真的入味，蝦雖只三隻，卻彈牙爽口⋯⋯再來一碟飯，其味噌濃淡適中，美味可口，啖啖蜆肉掛飯，非常開胃。餐飲點了玫瑰蜜，再穿過透明的大窗向街外望，靈魂早已閒著靜休，差點忘記自己下午要返回公司⋯⋯

放假嘅日子，約咗班朋友相聚一番，喺銅鑼灣午飯時間要找一個可以坐得比較來的地方，最好就係去樓上Cafe。誤打誤撞第一次嚟到這間Cafe，這餐廳設有午餐，已粉的味道美味，份量適中。梳打水好飲。

Lunch Set 點了🍝 #香辣鮮茄海鮮扁意粉 | $59量很足 幾多蕃茄蓉 個汁好好味 😗 意粉都唔小 包一杯咖啡/菜 另外會贈送Free fruit 🍌而是日 是一條香蕉店員態度非常親切！ 佢地非常歡迎大家餐後到櫃木台拎水果 哈哈

店主問我地點解銅鑼灣咁多餐廳會揀上黎食 我坦白講因爲你地openrice零負評 值得上黎試下係咪真係咁好食 其實銅鑼灣好多餐廳選擇 但抵食又好食真係好少 呢間係我去銅鑼灣一定會encore嘅一間 可能因為我地黎嘅時候已經兩點 過左lunch time 所以成間cafe得我地兩個 坐得好舒服 環境佈置得好靚 每個角落都有個風扇仔等啲風對流 好貼心 我地叫左個慢煮牛飯同蒜香雜菇意粉加溫泉蛋 等食嘅時候就去櫃度拎game玩 都幾多選擇 食物到啦果然唔怪得零負評 首先講意粉 平時叫蒜香都一定好油 尤其食到最後就好明顯 但呢度食到蒜香味好濃但好少油 而且啲意粉好彈牙 好入味 加埋溫泉蛋撈埋好好食 而另外個牛個汁好開胃又煮到好入味好林 真心正 可以感受到煮個個嘅用心 呢間小店同我去開旺角啲cafe真係好唔同 以為cafe剩係得個環境同game出色 咁你就錯 真係有一間連食物都令你想日日都黎食 仲要好抵食 兩個人唔使兩百蚊好似話個餐牌會不時轉 因為個慢煮牛係佢地新菜式 仲問我意見 希望再有更多新好味菜式

環境:很喜歡餐廳的落地大玻璃。。可以靜靜的看着鬧市中的人羣。。喝著老闆精心炮製的桔檸梳打。。正呀食物:今次試了香辣茄汁芝士火腿焗飯。。超多芝士。。香辣茄汁勁入味。。芝士控首選甜品:今次店主推介左香蕉parfait...入口已知係誠意之作。。全無人工香料。。每ㄧ口都係全果肉味。。ㄧ試難忘。。我忍唔住問老闆介紹呢個甜品。。佢話只㑹選用當造嘅生果製作。。所以。。下次去又會有當造生果甜品。。我第ㄧ次寫食評。。幫襯過moment幾次。。feel到老闆對食品嘅誠意。。忍唔住要分享俾大家。。要知道小店feel嘅cafe好難揾。。我都希望喺銅鑼灣行完街後都有間relax cafe可以hea下tea下

一行9人訂左位食畢業飯。上到去已經set好曬枱櫈，安排好我地坐一邊，位置相當寬敞。而且播住背景音樂，氣氛relax。一旁有多款board game, 可以玩住等食。最重要嘅係兩位staff非常友善，當我地有要求，佢地都盡量滿足。而且佢地會當客人係朋友，閒聊幾句，係度食飯傾計非常舒適～另外食物及飲品選擇不少，意粉份量相當大份抵食。低消$100已可由6:30pm坐到關門，係銅鑼灣地區實在難得下次有飯聚一定會揀返呢度

今日係銅鑼灣行左成日。行到Times Square巳經頂唔順。枱頭見到 Moment Cafe。於是即刻上樓醫左肚先。講真。大廈入口確係有d難揾。原來係優之良品旁邊。上到去。等左一陣巳經有位。個一刻真係好感動。因為全日巳經行到無晒力。平時行街。都唔覺有呢間野。須然裝修比較簡單。但係鬧市之中。反而有種優閒感覺。可以舒舒服服好relax咁食個晚飯。尤其星期六。唔洗俾人chur住交枱。限時限刻未坐夠就要走。呢樣野真係要俾個贊佢 👍🏼👍🏼👍🏼呢餐食左個牛扒同黑松露白汁青口意粉。味道都唔錯。整體黎講。比想像中有意外驚喜😍😍😍同埋個度d員工都好好人。我朋友唔小心漏底左部電話。佢地即刻跑出去俾返我地。真係好多謝佢地 🙇🏼‍♀️ 🙏🏼 如果唔見左部機。真係心痛死😭😭😭下次都要再一次encore 🤩🤩🤩

係銅鑼灣食午飯周圍都好多人周圍都要等位，不過鬧巿入面竟然有間舒服嘅cafe，唔洗等之餘，裝修風格很簡約，仲有大玻璃窗可以透入一啲陽光。小店主要由兩個女生打理，食物制作用心，係需要一啲時間等待。大約等左半個鐘，食物先上檯，但一邊飲野一邊等，時間都過得好快～本來睇到餐牌嘅時候仲以為係撈烏冬，見到白汁就冇諗過係湯！湯底唔會太杰，仲有啲黑松露嘅香味～海鮮份量多，有兩隻都幾大嘅青口，仲有啲蝦毛魷魚仔。但敗筆竟然係烏冬身上，烏冬入面好粉，無咬口，都唔入面，就好似街巿十蚊三包嘅烏冬咁。如果可以用返啲高質嘅烏冬，成件事即刻會美好好多🤔

估吾到咁繁忙既銅鑼灣會有一間可以咁relaxing既cafe, 位置都好放便係times square後面行兩分鐘到。Weekday晏就上去完全吾洗等位,得一兩台人, 之後得反我一台, 差吾多包場咁。下午茶$40-60, 叫左花生醬煉奶飛碟三文治,芝士火腿焗薯蓉, 再加左兩杯蜜糖蘆薈。同朋友一人一個tea set傾下計温書玩board games坐坐下就夜晚。温書傾計不妨考慮下, 吾洗次次去coffee shop同人逼!

今日同朋友慶祝生日， 上網見呢間食評唔錯， 就上黎試試😄 好彩今晚上黎就有位， 唔使等 😝叫左個椒鹽雞軟骨， 麥糖雞翼， 蒜香牛油炒雜菜 , 玫瑰薑蜜我自己好鐘意個炒雜菜， 本身諗住"都係菜啫" , 但食落真係幾好味喎 😂😂 推介我自己叫左薑蜜， 我第一次飲薑蜜， 有驚喜， 甜甜暖暖， 好啱女仔飲 😎 仲有係有薑係裏面， 唔係用薑粉/ 味粉 , 讚 😎朋友果啲野飲唔影la , 佢地飲凍飲， 我唔好 😂用心整作食物。 難得ge休閒cafe (因為唔趕人 😂)