Moment (已結業)

銅鑼灣有好多餐廳, 但係要搵舒舒服服又唔限時可以慢慢傾計又可以食野就真係唔易, 今次朋友就介紹去 "MOMENT"呢間係樓上cafe, 係白沙道抬頭望上去就見到醒目既招牌, 不過大廈門口就有d難搵!! 一入餐廳就見到一大塊落地玻璃望住白沙道, 好surprise, 無諗過樓上cafe環境可以咁relax, 最緊要係枱同枱之間唔會太近, 可以有返d privacy!  食物方面好好味!! 我地2個人點左3樣野, 4隻蜜糖雞翼, 蛋黃醬溫泉蛋呑拿魚意粉, 芝士煙肉薯條!! 食得出唔係落左好多味精, 比較住家, 唔會好咸, 只係拎出黎既賣相唔係特別吸引, 不過食第一啖就停唔到!! 由於太肚餓既關係, 食晒先記得未影相........食飽飽就開始玩下d broad game, 見到一樣童年回憶, 釣魚機!!! 我同朋友真心玩得勁開心!! 最後見客人唔多, 就走埋去同店員傾下計順便讚下佢地既廚藝好叻, 原來佢地仲有包場party, 到會同外賣自助! 下次要帶男朋友再黎食過!!

在銅鑼灣返工，四圍都有餐廳。但找一個空間讓你休息一下就比較難，因為一食完就要埋單交枱...未返公司就四圍行下都好多野睇，行多幾次返到公司就會好攰架啦...剛剛找到呢間Cafe叫MOMENT，上個星期新裝修，環境好舒服，有落地玻璃可以俾你嘆下街景，好似外國Cafe咁，枱和座位好鬆下，唔洗同其他打工仔膊頭貼膊頭。話明係Cafe，一杯好飲嘅Coffee當然唔少得，老闆娘都好跟據你嘅喜好，沖杯啱你口味嘅咖啡。食物方面，有好幾個餐可以俾揀，主要係意粉多，一杯咖啡加一個主菜由$49到$69，唔洗加一。今日我揀左蒜香大蝦扁意粉，蝦好彈牙，意粉軟硬適中，同我係意大利旅行食開的差不多感覺。幾十蚊有呢個食物質素和環境，真係超值，老闆娘又好好招呼！一定會黎多幾次，試埋其他野食。