Mokumoku Yakiton (厚福街)

营业中

休息中

逼你要一個前菜，然後個魚生拼盤好唔抵，$298得六片，同區同街道甚至同一楝樓性價比高的日本刺身比比皆是，而且新鮮程度好過佢。坐位窄，這間主打串燒，豬類豬內臟串燒，叫左豬肝豬心，一字記之曰，咸！落太多調味粉，食緊味精落肚。一個字，伏。然後係甘sell酒精類飲品，其他飲品欠奉，只好order pop drinks- coke！綠茶不會添飲，個人覺得衰過出面D連鎖店。價格偏貴，一串串燒五十八六十元，內臟而已，而且是鋪滿調味粉的，完全不值！只可以說，不要相信好評，好食才懶得寫評論，不好吃才有動力。人性如此，總之，伏，伏，伏。

尖沙咀有超抵食的居酒屋只要5:30前結帳全單會有七折優惠飲品亦買一送一因此慕名而來最後發現不單但價錢有驚喜同時亦是一家高質的日本居酒屋餐廳一般的燒肉店都會難免充斥着燒肉氣味但這家店卻沒有一點首先送到枱面的是刺身盛一個字就可以形容這道菜就是鮮 不會有雪櫃冷冰冰的味道西班牙黑豚肋骨肉比起在香港吃的豬有更濃厚的豚肉味調味剛剛好上等豬脷串口感十足豬耳芝士串固然有口感配上芝士有另一番風味即使燒完也不會難咀嚼林檎紅薑豬肉卷豬肉配上水果味道十分清新油膩感亦都一掃而去燒完的蘋果口感依然保持清爽肉汁充分私心推薦的有九條蔥卷口感十分獨特個人極喜歡的配搭皮蛋豬肉卷即是不喜歡吃皮蛋的朋友相信都會被這道菜改觀因為加起來有意想不到的味道雞翼串雖然是居酒屋必點的菜式但是足顯主廚的功力這裏能做到外脆內多汁而且串起來的手法很容易入口冬菇跟白菌串亦能保持多汁配上梅子酒及黑白啤一流

近期好想食串燒又去開尖沙咀就book咗呢間Book咗5:30 入座時佢話7:00前埋單就有7折5:30入座就無乜人 但後面有枱客飲醉酒咁款所以有啲嘈不過都無乜太大影響前菜係一個蕃茄加咗啲酸酸甜甜嘅汁好開胃！好味道！之後就等咗一段時間先上串燒 都等得幾耐 20分鐘左右 不過一上菜就覺得等咁耐好值！串燒們一睇就知係即整即上 熱辣辣 好美味推介菜式:燒菠蘿外面有層焦糖皮 入面啲菠蘿又多汁 燒菠蘿嚟講真係數一數二咁好食！月見免治豚肉食落口好肉感嘅感覺 加埋啲醬汁 真係食完一條又想食多條！豚肉蘆筍卷蘆筍好脆好爽口中和到外面層豚肉嘅油脂感 口感一流！

心思思想念日本🇯🇵 最簡單直接肯定係找間充滿日本風味的居酒屋🏮兩個人可以食到幾多？分享下埋單$1520，睇相就知因為實在太好食，加上店員好熱心，知道我不吃生的會為我推薦特色可口串燒，會細心幫我們想想份量，最後我地不期然食多了好多串🥰 🍅 新鮮蕃茄作為前菜🦪 生蠔刺身（老公說非常鮮甜）🐟 燒馬友魚（肉厚皮脆卜卜～）🐖 煙薰豬腩（油份高好嫩滑！）🐽 豚肉荔枝卷🐷 秋葵豬肉卷🐂 厚切牛舌（肉厚彈牙～）🦴 豬顎骨肉串🦢 燒鵝肝（正！）🥬 芫茜卷🧀 芝士翠玉瓜🍍 燒波蘿（好香甜～）🥚白金豚肉流心蛋捲（推介！）心動不如行動💓 心思思想念日本🇯🇵 最簡單直接肯定係找間充滿日本風味的居酒屋🏮兩個人可以食到幾多？分享下埋單$1520，睇相就知因為實在太好食，我地不期然食多了好多串🥰 🍅 新鮮蕃茄作為前菜🦪 生蠔刺身（老公說非常鮮甜）🐟 燒馬友魚（肉厚皮脆卜卜～）🐖 煙薰豬腩（油份高好嫩滑！）🐽 豚肉荔枝卷🐷 秋葵豬肉卷🐂 厚切牛舌（肉厚彈牙～）🦴 豬顎骨肉串🦢 燒鵝肝（正！）🥬 芫茜卷🧀 芝士翠玉瓜🍍 燒波蘿（好香甜～）🥚白金豚肉流心蛋捲（推介！）心動不如行動💓

一向鐘情日本菜,這次就來尖沙嘴吃高級日本菜。餐廳日本居酒屋格局, 餐廳不算闊落,但座位舒服,配上柔和燈光,環境不錯。螺肉刺身首先賣相已是滿分,加上螺肉非常新鮮,吃落淡淡的觧味,充斥整個口腔,加上螺肉非常爽口,口感非常吸引。生蠔生蠔我普遍愛吃法國蠔,因為更為鮮甜。但這日本蠔也極級好味,觧味完全不輸法國蠔,加上非常大隻各厚肉,在口中慢慢咀嚼,觧味充斥整個口腔。烤肉串叫了幾款肉串,有豬小腸和豬肚, 它的肉串烤得一點也不乾身,而且肉質非常鮮嫩, 外香內柔,完全把肉汁逼出來。最讓我印象深刻的,就是豚肉荔枝卷,荔枝的清甜和肉香混為一體,是我吃過最好味的肉串。

難得預訂一家居酒屋跟朋友下午茶，位於食街厚福街，方便易找，幽暗燈光加上悠和音樂，聊天暢快。餐牌選擇頗多，刺身壽司燒物炸物等還有廚師精選，店員貼心推介幾款，還有自家製酒供應。點了荔枝酒，荔枝味香濃帶甜味，酒味不過重，適合女生飲。乳酸味汽水夠清爽，配串燒一絕。😙先來一個蕃茄沙律，意想不到的開胃，酸酸甜甜的。👍🏻刺身盛頭盤先來一個五味，海膽鮮甜無腥味，元貝彈牙多汁，三文魚脂肪比例剛好夠肥美，油金魚肉質地厚實，蝦夠大隻鮮甜口感爽滑，份量剛剛好有甜有濃味。😍生蠔刺身限定北海道岩蠔，手掌大的份量肥美飽滿，海水味鮮甜不過濃，加上輕輕檸檬汁，口感滑溜。😜煙燻豬腩採用山形縣豬腩，夠肥美油香，燒得外脆內裡肉汁鎖住，juicy😙串燒串燒款式多，不得不得招牌豬肉串。豬皮一燒即食，外脆肉嫩，骨膠原一流。豬頭肉煙韌脂肪較多肥美，少許調味已夠味。月見免治豚肉串配生雞蛋，用微甜醬汁烤香加上日本雞蛋，肉汁鮮嫩滑口。茗荷豬肉卷，日本薑帶淡香不辣，口感爽脆不膩，健康之選。皮蛋豬肉卷夠特色，皮蛋濃郁不會搶過肉的香味。🥰蔬菜類，茄子加上味噌和蔥花，不會燒得乾身，咸香惹味。日本青椒仔加上木魚和醬汁，細細條口感微辣，過癮。😋最後來

好姊妹就快結婚，由於限聚令關係今次只請屋企人，所以決定提早跟她好好慶祝一番，希望她新婚愉快。當然要飲酒好好開心一下，畢竟大家已經相識二十年有多，心情特別興奮。自家製茘枝酒店員推介師傳自家釀製酒，入口有陣陣荔枝香味，味道比較清淡，非常適合女士們。自家製梅酒梅酒酸甜味香濃突出，香氣撲鼻，好好飲喔。蕃茄蒜子沙律一坐低，店員會提供餐前小吃，蕃茄清甜多汁，配上酸汁蒜子，更加滋味，頓時胃口大開。粒貝刺身原隻粒貝份量超多，入口爽脆鮮甜，近尾位置肉質特別爽彈，QQ 口感非常喜愛，沾上wasabi 豉油已經滋味無窮。豬顎骨肉串顎骨肉帶一點筋性，肉味香濃有咬口，非常惹味。月見免治豚肉串豚肉打成免治肉再製成串燒，配上新鮮日本生雞蛋同吃，先將雞蛋拌勻，再將免治肉串沾上蛋汁，味道鮮美又充滿蛋香，堅好食。蒜芯豬肉卷豬肉燒到有少少脆口，蒜心充滿水份，入口味道非常之夾，鮮甜味十足。芝士脆肉瓜脆肉瓜入口已經爆汁，而且非常清甜，芝士有微微咸香增添鮮味，不錯喔！三得利黑白啤黑啤比較苦澀溝上白啤可以中和甘苦味，麥味香濃，非常易入口，店員果然冇介紹錯👍🏻

有朋友生日，同佢慶祝下相約去尖沙咀食下嘆下，始終因疫情關係唔可以太多人出來食飯，為有下次再約一班人食飯啦。【前菜】蕃茄沙律，非常新鮮，帶點酸酸未未的醬汁，食完真係好醒胃。【自家制果酒-梅味（上）、菠蘿味（下）】甜甜的梅味果酒，口感醇香，帶點香甜，又容易入口。微甜的菠蘿味果酒，口入有清新菠蘿味，酒味會比較突出。【岩手縣岩蠔】岩蠔非常大隻，又鮮甜肥美，仲帶點海水味，再配埋酸汁又另一番風味。【西班牙黑豚肩肉串】燒完出來的油脂非常香，肥瘦適中，好有咬口。【厚切白金豚肉】白金豚是腩位部份，但食落又不油膩，燒過非常香口，又腍身，不錯。【日本番薯仔】燒到個皮剛剛好，表面乾身得來，內裡又好香甜又濕潤。【露筍豬肉卷】有露筍既豬肉卷係我最喜愛的一種，燒過表面的豬肉，令豬肉的油脂浸入左露筍內，口感非常不錯。【豚肉荔枝卷】豚肉加荔枝真係不錯，好juicy，豚肉仲帶點荔枝香味。【燒菠蘿】食完串燒，叫了一個燒菠蘿黎消滯下，這個真係不錯，表面加了少許糖去燒，令表面有脆脆焦糖面，一起食令酸味減少好多，整體非常甜又多汁，值得推介。

厚福街超多餐廳，但原來樓上有間日式串燒專門店。叫返杯酒先，食串燒無理由唔飲。有我好鍾意飲嘅柚子檸檬🍋酒（$65）月見免冶豚肉串（$58）係日本串燒店基本上都會有既menu, 外面個面燒到好脆，入面好juicy, 點理蛋黃balance 返個味道。西班牙文豚肩肉肉厚而且好林，份量足白金豚肉林檎紅姜串蘋果配豬肉好夾，甜味解油膩，加埋紅姜sauce，清新得黎有少少刺激味道白金豚肉流心蛋流心蛋配埋豚肉又係一個絕配，仲加蝦米嘅脆脆口感，真係好特別。牛油果🥑伴芝士牛油角燒過個口感再順滑啲，芝士個味道十分配牛油果味道三文魚茶漬飯湯太少，變咗似粥😅湯底唔夠鮮

聽聞 呢間嘅全消都相當高質所以決定同男朋友一齊試一下☺️ 揀咗閒日嘅下午時分黎食人流唔多 所以食得比較舒服🙂果日都試咗好多款串燒,其中,個人最推介嘅係 白金豚肉同埋季節限定嘅荔枝豚肉卷🫔 估唔到荔枝同埋豚肉個味係咁夾❤️!!!! 但係係季節限定 去到都要碰一碰運氣睇下仲有冇 同埋賣哂未🤫除咗串燒之外 , 呢個生蠔刺身都相當有驚喜 $78 @1個口感好豐富 個蠔亦都相當甜不過$78/1 所以都係叫左一粒 過下口癮就算!! 見好多評價都話(天下第一刀)好食..但我覺得 佢並唔係我喜歡嘅類型 (drydry地)而且價錢亦唔平 所以並非必食 (個人認為)🤫

放工一於relax下，同朋友飲酒食串燒！叫杯黑白啤🍺爽一爽！先叫咗個蕃茄前菜，refresh下個味蕾！食完好開胃！是日新鮮推介係粒貝刺身，豪一豪！又真係幾好味！一片片切好，爽口夠鮮！內臟都試咗幾款：豬脷、芝士豬耳、豬皮 豬脷用日式風味燒又幾好味。芝士豬耳夠香，口感爽有咬口。豬皮充滿骨膠原，燒完食又唔錯！蔬菜類就揀咁燒粟米、大啡菇。最鍾意食燒粟米甜甜地！大啡菇重菇味！ 肉類叫咗好多豬🤤有叫鴨胸、有叫魚！荔枝豬肉卷甜甜地又juicy! 豬肉皮蛋卷好香好好食！蘋果紅薑豬肉卷夠新穎又爽口。煙燻豬腩有6件，燒到香口，肥肉脆脆！銀鱈魚臉頰第一次食，好正，肉質口感正又香！

日式串燒呢間食物高質，坐咗喺bar檯可以望住師傅燒🔥 大滿足嘅一夜！▶️前菜：蕃茄🍅有蒜蓉及酸汁，幾新鮮。▶️粒貝刺身鮮甜爽口，夠新鮮，點豉油wasabi 就ok 串燒叫咗好多款▶️林檎紅薑豬肉卷蘋果爽口，豬肉包住、食落串燒無咁油膩。▶️芝士鴨胸鴨胸食落味道似牛，幾特別！芝士夠香，溶哂喺面～▶️豬脷爽口夠厚，唔錯！▶️大啡菇夠juicy , 唔乾！▶️煙燻豬腩肥肥地，好香口，食落似厚火腿！▶️芝士豬耳煙煙韌韌，少少爽，都幾好食！▶️荔枝豚肉卷荔枝甜甜地，用紫蘇葉包住食更香。▶️豬皮 煙煙韌韌，有醬油味好食▶️銀鱈魚面好特別，燒得好香，有少少彈牙感覺▶️燒冬菇菇味濃郁，軟身口感▶️皮蛋卷皮蛋超香，估唔到配豬肉咁夾▶️燒粟米🌽甜甜地好香一邊飲巨峰提子梳打🍇一邊食，好爽！

星期日下午時間相約好久不見的朋友們到樓上居酒屋好好敘舊一番，座位寬躺舒適，點了滿桌食物非常滿足。先點了黑板上特別推介的岩手縣岩蠔刺身。岩蠔海水味濃，鹹味不算重，味道比較清甜，肥美肉滑，容易入口。刺身盛合五款賣相新鮮，質素上乘。海膽帶濃郁甘甜味，赤蝦爽口，蝦膏香氣突出，油甘魚鮮美沒有筋。豚肉荔枝卷，中間的荔枝清甜多汁，燒過的荔枝煙煙韌韌，減低燒豚肉的油膩感，味道更平衡。豬皮串煙韌有咬口，燒過後逼出豬皮的油脂香氣。日本青椒芝士豬肉卷是比較新穎的配搭，燒過的青椒很香口，和芝士及豬肉出奇地配合。豬肚串調味惹味，咬下去很爽口。點了三款豬肉串各有特色。厚切白金豚肉肥瘦適中，口感較為滑嫩。西班牙黑豚肩肉串肉味較濃，豬肉皮蛋串則帶點皮蛋獨特的香羶味，頗有特色。朋友愛吃蔥，分別點了兩款燒蔥串，蔬菜類最能解膩。九條蔥卷香蔥味較為濃烈，絕對能能滿足愛蔥人士。燒日本長蔥，一咬下去就釋出天然的甜味，蔥段細嫩沒有渣。汁燒白菌，鮮甜多汁，入口清新，配上日式燒汁份外滋味。最後意猶未盡再來一客燒菠蘿，即叫即燒，菠蘿面頭燒得焦糖化，非常清甜多汁，超級推介。飲品方面，分別點了巨峰梳打和京姬蘋果酒。蘋果酒入口甘甜，酒精味較淡

下雨天，去樓上餐廳吃串燒。已過午飯時段，餐廳只餘下坐在窗邊的食客，到餐廳的一角坐下，點了一些串燒。由於已過繁忙時段，可以每款點一串串燒，試到更多特別的食物。店員會先上前菜蒜子蕃茄沙律($28)，如不需要前菜，可告知店員。少量蒜蓉放在蕃茄頂上，蕃茄底下是開胃的醋汁，其微酸的味道令人期待接下來的各種串燒。首先是主角生蠔刺身($78)，日本岩蠔大如手掌，沒有鐵锈味。蘸點檸檬汁，在檸檬的微酸中更嚐到岩蠔本身獨有的奶滑。再蘸點帶着幼蔥的汁，帶出其生蠔的鮮味。 先點一些蔬菜類，蔬菜類的串燒在味道和口感上頗出色。牛油果伴芝士($48)有一個很特別的做法。滿滿的木魚絲蓋滿半個牛油果，從外表上看不到內裏是甚麼，吃了一層木魚絲，又是另一層果仁，最後才看到燒得外脆內滑的牛油果，近牛油果皮的部分燒得香脆，內裏則是熱燙的香軟和滑溜牛油果肉。芝士翠玉瓜($28)，芝士鋪滿翠玉瓜面，芝士的煙韌和翠玉瓜的爽脆成一對比，多汁的翠玉瓜也令串燒帶點濕潤。從蔬菜走到肉類，九條蔥卷($38)不單是由九條蔥組成，看看餐單上的英文名，九條蔥是來自日本的。青蔥香脆的味道在燒過後變得更明顯。再來是花生苗卷($38)，外型如幼白蔥，口感

突然好想食下日本居酒屋，食左當去左日本旅行。行街見到呢間居酒屋，所以就上去食晚餐。餐廳環境不錯，好有日本氣氛，有啲似去咗日本旅行。天氣咁熱，一定要點返一杯凍飲先慢慢再點餐。我叫了一杯水蜜桃梳打，冰涼透心，水蜜桃味香濃，消暑佳品。刺身盛，有牡丹蝦、元貝、三込魚腩等等，全部都好大件，又新鮮。元貝好大件，一啖都食唔晒，我鍾意一啖原味，一啖加芥辣👍🏻👍🏻豬皮串，好特別的口感，平時食嘅豬皮係淋的，燒豬皮比較爽口，加上燒汁，好好味，好似食咗好多骨膠原嘅感覺豬頭肉串，口感同一般豬肉差不多，但佢脂肪比例比較多，入口比較香。月見免治豚肉串，呢個我好鍾意食，入口唧溶的感覺，肉味又濃，加上燒肉汁，好味，兩條都唔夠食，要再加單👍🏻秋葵豬肉卷，豬肉包住秋葵去燒，秋葵健康去油，食多幾串都唔怕油膩👍🏻豚肉荔枝卷，呢個好有創意，荔枝的甜味滲入豚肉裏面，又同豚肉嘅味道幾夾，當成甜品去食也不錯👍🏻👍🏻餐廳啲食物品質不錯，食下傾下咁就10點。如果大家都想食到咁特別嘅日本嘢，快啲去試下。