Mini Friday (The Wave)

营业中

休息中

星期日放假同老婆一齊出去飲飲食食，第一站就十先去了這間在觀塘的Mini Friday。餐廳假日會有午市brunch，所有沙律、小食、即煮意粉及甜品都任食，另外還可以選配主菜，由$78起，價錢公道又抵食。沙律吧有紅菜頭、薯仔沙律、雜菜沙律等、新鮮好味，小食有炸蝦角、紫薯餅、紅腸及丸，還有甜品幾款，即煮意粉就無試，但外觀不俗，似乎不錯。香煎三文魚柳配香草忌廉汁：三文魚表皮煎至香脆，肉質嫩滑新鮮，以少許黑椒及鹽調味，簡單中可以食到三文魚的鮮味，旁邊還有些香甜的番薯蓉及蔬菜。BBQ汁焗美國雞全肶：雞全肶十分大隻，表面用bbq醬調味，雞肉幾嫩滑帶點甜，旁邊都配有雜菜及番薯蓉。最後飲返杯檸茶消消滯，又出發去下一站啦！

在香港生活，上班日子都是活在忙忙碌碌，來到周末都想找到好去處，可以休閒地放鬆一番。這次來到以半自助式的西餐廳Mini Friday，以任食餐湯、沙律、小吃和甜品，再配上主菜，收費實惠，確實是一個賣點。餐廳位於觀塘工廠區之內，在平日上班的日子也人流滿滿，周末人流也不少，但餐廳環境舒適，是一個周末休閒活動的好選擇。******************************觀塘工廠區臨立不少美食之地，在The Wave 也是如此，Mini Friday就是其中一間在 The Wave 之內的餐廳，從電梯而出便是這個接待的位置。Mini Friday地方也很大，座位充足又坐得舒適。入口附近便是放滿了任食的食物。下午前來的享用時間為12:30-16:30共小時，可以選上自勵沙律吧及甜品任食，或是主菜配上沙律吧及甜品，價錢由HKD78至HKD188不等。當中還包括了一杯餐飲，任食區還有橙汁或蘋果汁供應，所以確實是非常超值的。餐湯和五豆糖水也是任飲的。供應羅馬菜、車厘茄、青瓜片、橄欖粒和芝士，以及不同款式的沙律醬沙律共有三款，包括了紅菜頭、薯仔沙律和萫茄長通粉。即場煮意粉，有2款意粉選擇，還有煙肉

今日book咗枱兩個人去食午餐，星期日諗住好多人，點知去到成個場得幾枱，入到門口同佢哋講我book咗枱，非常之冇禮貌，冇應我地就指枱叫我地過去，去到嗌嘢食，問吓佢野，嗰個上咗年紀嘅男職員對答好敷衍態度好差！ 食物來講中規中矩，但係半自助餐，出邊啲碟好似啱啱喺廚房攞出嚟咁樣，每隻碟上面都好多水，見到都唔開胃@@

約了朋友一齊慶祝旅行前的準備， 就去觀塘mini Friday享受下晚餐喇 ！其實都嚟過呢一度三次了！ 覺得呢度環境好大最啱就要朋友傾偈了， 因為這裡可到晚上十一時的。我們叫了: 脆燒德國原隻鹹豬手🐷隻豬手侍應送過嚟時 真係好大隻呢！還為我們點火 真係幾有趣幾消遣幾得架，果然好好配合(脆燒德)😂👍西班牙海鮮飯🦐🦑🐟好大餅飯海鮮都算多，飯本人覺得乾身咗啲😅皇牌威靈頓牛柳🐮呢個冇得頂呀👍牛柳好嫩滑好味道好濃和好淋😍黑松露忌廉海膽意大利扁麵。🥘比想像中細碟，每人只可食三-四淡左右，味道唔錯👍最後叫咗個雪糕梳乎厘班戟甜品🥞🥚🍨真係好好笑，侍應生話要用25分鐘焗，因為係新鮮做的，我哋話好呀！就等下啦！一等就等咗半個小時有多， 侍應再同我們講焗壞咗要再焗過，話仲要等多廿分鐘， 我哋又等等咗半個小時，仲未有，再問侍應生佢就笑笑口要再畀多十分鐘，我哋覺得呢個梳乎你真係要食，因為師傅太用心太辛苦了！終於來到啦😃個梳乎厘真係好靚呀！逳下逳下咁 👍大家都急不及待要食咗佢，睇得出真係落咗唔少心機😃多謝廚師👍👍

今次同朋友去觀塘行街，見到呢間餐廳好似幾吸引就上去試下，門口都好四正，而且人唔算超級多，傾計好去處！餐廳環境都好有feel，寛落得黎，周圍既燈仔裝飾到好有氣氛！而且座位餐具檯面都好乾淨，好高級既感覺。呢度都有好多類型既野食野飲！仲可以升級做套餐試多幾款野！呢個沙律系升級左揀既沙律，佢有個酸酸地既汁，入面有菜，情歌，黑橄欖同埋番茄仔，仲有d好似系荔枝味既珠珠，好fresh!同埋好創新！個兜兜都好靚！我地叫左個牛排，好大件！我地要7成，岩岩好，唔會”鞋“，而且口感扎實，好有牛香，下次想試下叫5成，可能會更加juicy! 最出色既配菜系個番薯蓉，平時都係薯仔蓉多，呢個好特別，而且好滑，其他配菜都燒得香口！呢個薄餅好足料！好多海鮮！口感好豐富！而且系用新鮮菠蘿！非常有夏威夷活潑既感覺！是日甜品系美國芝士蛋糕，雖然餅仔細細，但係好多新鮮水果伴碟！個蛋糕唔會太膩，有芝士味，為成餐飯畫龍點睛！整體而言，呢間樓上西餐廳環境好，食物大份新鮮！行開呢頭不妨試下！

同朋友食番餐西餐先。餐湯四選二嘅 我哋跟咗個餐湯同埋沙律，南瓜餐湯西班牙海鮮飯估唔到咁大碟 四個朋友都幾乎食唔曬 ，同我哋想像嘅葡國飯，意大利飯，係有唔同嘅感覺另一番滋味。黑松露忌廉海膽意大利扁麵外出食意大利粉 ，粉要軟硬適， 煮得好唔好味都係其次，因為入口就係意大利粉，呢味意大利粉我非常滿意，原因口感唔錯再加埋啲黑松露亦都係我至like嘅味道，伴以海灘海膽 ，吊一吊味。王牌威靈頓牛柳這食品就係最正呢一味啦，牛柳very good 三至五成熟 ，上到枱食到尾呢都仲係咁爽咁好味，出面咁脆皮，好多人嘅至愛呀 ，唔需要醬汁淨係有牛柳汁，都已經入口即溶，味道加埋燒汁已經好正，好正!脆燒德國原隻咸豬手好大隻嘅鹹豬手 ，本嚟係唔錯嘅味道， 但因為燒一燒 ，令到啲肉汁收乾 ，須知道肉汁唔夠嘅感覺，不過整體味道都還可以。好特別嘅雪糕梳乎厘班戟出爐一到，呢度都算係招牌菜，都會有咁特別嘅，都比我好大嘅提醒 ，整體上入口唔錯 ，相對價錢都係可以。

朋友在觀塘返工, 為咗和他慶祝生日必然選擇餐廳官觀塘附近。上網search咗the wave入面這間mini Friday，口碑都唔錯， 一於book嚟試一試， 上到三樓一開𨋢門就見到 mini Friday同埋咪走雞火鍋， 原來這兩間餐廳聯埋一起我估計應該是同一老闆的， 還有門口擺放不少獎座。我們order咗一個香草焗脆殼田螺頭盤， 這個田螺沒有殼, 用了酥皮底嚟代替, 田螺吃上嚟啖啖肉配焗皮底又香口吾錯。皇牌威靈頓牛柳, 餐牌上有皇冠推介， 這個牛柳外表酥皮內配濃郁蘑菇，內裏牛柳肉好鬆軟如果選擇主菜可以加68蚊多配餐湯沙律甜品， 這個餐湯和沙律水準都唔錯最後這個芝士蛋糕香滑又不會太甜

今晚來到Mini Friday 補祝好友既生日飯，餐廳就位於官塘工廈，雖然樓上舖，但工廈既面積普遍都較大，來到餐廳，的確地方又大又寬敞，環境整潔，加上昏暗的燈光更增潻幾分情調，我們被安排坐於卡位，坐位也很寬敞舒適，再睇下個餐牌，都係交返比好友話事，話晒係對方既生日嘛，當然由她揸主意啦😊餐前先來一碟小食脆片，伴以千島醬食，既滋味又脆卜卜歐陸凍海鮮拼盤(鮮蝦、鮑魚、帶子、青口、蟶子)，嘩……呢碟拼盤好新鮮，鮮味十足蟹膏帶子海膽三重奏，有蟹籽，海膽，帶子，壽司飯，朋友很喜歡食蟹籽和海膽，呢個三重奏應能滿足到她🤗卡邦尼意大利麵配溫泉蛋，香濃既芝士味，煙肉既鹹香味，忌廉汁與溫泉蛋撈埋，十分creamy, 不失水準，超好味原隻低脂菠蘿雪葩，賣相吸引，食落每一口都有好香既菠蘿味原隻低脂蜜桃雪葩，呢個雪葩虜獲了好友個心，直情愛上了💗雖然無生日蛋糕，還好這個雪葩可以替代一下，好友也感到十分滿意呢度食物好有水準，其實還有好多款食物都想試，就約定下次再來吧

今次已經係第二次黎THE WAVE，黎到3樓既Mini Friday，原來同一層有2間餐廳，包括Mini Friday同米走雞，所以入座時會先問你BOOK左邊間。Mini Friday係食西餐，而米走雞就係食雞煲。兩間餐廳只係一屏障之隔，所以可以免費欣賞隔離live band 嘅表演，餐廳地方以深色格調為主，都裝修得幾雅緻浪漫，最緊要係地方夠大，冇壓迫感，一坐低，侍應先奉上墨西哥片做小食， 可以一邊食一邊慢慢揀野食。凱撒沙律菜好新鮮，醬汁偏酸，不過好開胃。水牛城雞翼雞翼都算大隻，一客有6隻，好惹味，仲附有沙律。鮑魚鮮蝦意大利麵這碟意大利麵相對一般，值得一讚既係鮑魚數量都唔少，雖然切開左一片片。雪糕梳乎厘班戟雪糕梳乎厘班戟要等20分鐘，所以大家食到差不多記得要預早叫定，梳乎厘班戟好鬆軟，整體上入口唔錯 。

今晚專誠上去呢間餐廳試試，原來同米走雞同一層，起初陣陣打邊爐之味道就在隔離，幸好伙計幫我們轉位，就不用嘗雞煲味道，講返食物，我地叫了德國豬手同西班牙海鮮飯，但海鮮飯就小小失望，不過尚可，但德國豬手就好好食，價錢就貴小小，不過食物都好好食！

一向知道官塘工廈多美食，朋友的公司剛搬到官塘區，於是相約放工後一起晚餐。她選擇了The Wave內的Mini Friday，主打西餐美食。店內地方寬敞，座位也算多，下班時間客人也越來越多。剛坐下來店員便送上一份薄脆片，讓你點餐後一面吃這小食，一面等主食到來，這還是免費呢！真貼心！餐廳提供晚市升級套餐，客人可選取主菜後，再可以優惠價升級為套餐，可自由選擇沙律、餐湯、甜品或飲料一杯。我們選擇了三款升級套餐（每位$68），包括餐湯、甜品和飲品。忌廉餐湯單看賣相已吸引，口感creamy。岩鹽燒極黑牛脷剛吃完一口，大家都不約而同地説「好好味」，真的有驚喜，牛脷用了岩鹽和黑胡椒燒煑，味道香濃，表面微脆，但咬落竟有一種入口即溶、鬆化的感覺。大家一邊吃着、一邊讚不絕口，説真的，這是我吃過最好吃的牛脷。法國鴨肝牛肝菌燴飯以牛肝菌燴飯帶出一種清香軟淋的口感，配合幼滑鴨肝，提升了整道菜的級數。甜點是芒果mousse，清甜幼滑。

因朋友推薦，見到Open rice 訂座會有88折，所以特意跟朋友一試，誰知道結果~唉! 我地兩個女仔叫左一份威靈頓牛肉，一份Fish & Chips同一份水牛城雞翼。等菜的時間唔耐，而且仲會有小吃送，是墨西哥薄脆配千島醬，吃完可以再添。首先上菜的是小食水牛城雞翼，賣相不錯，共有6隻。可惜金玉其外，敗絮其中，最主要是雞亦好似炸完再炸，好dry!雞亦無咩味，只有 外面個層醬味道還可以，酸酸辣辣，不過會有點嗆喉。然後是Fish & Chips，是最差的一道菜，魚柳薄到好似紙咁，連外面個層脆皮都厚過D魚柳。仲超多油。有沙律菜同薯條拌碟，沙律菜的黑醋略甜，薯條同魚柳一樣超高含油量，同雞亦一樣炸完再炸，裡面仲要有D新炸不過炸唔透嘅薯條，好怪最後是威靈頓牛肉，是唯一令我地OK的一道。牛肉是Medium rare 到 Medium。裡面的野菌亦炒得頗香，冇腥味，配菜還可以。唯一的是酥皮有D油。最後埋單$543蚊，簡單總結就是食左一桶油入肚。

Mini Friday 不是只適合Happy Friday來的。我就選擇了星期6 來食個Semi Lunch Buffet。位置近地鐵站，十分方便，地方大，坐得舒服。隔離是另一間餐廳”咪走雞”，所以小心入錯門口。Semi Lunch buffet 除了包了一個主菜，另外，有餐湯，小食，冷盤，沙律吧，甜品，更有現煮意大利麵任食。果汁都可以任飲，而咖啡/茶/汽水就一人一杯。餐湯有南瓜湯，煮得好creamy，配上黑胡椒及墨西哥脆片，好味，飲了2 碗。新鮮沙律菜大量提供小食有老水雞翼，粟米，薯餅及炸墨魚丸。我好欣賞老水雞翼很入味及香脆的墨魚丸。冷盤有薯仔沙律，紅菜頭及意粉沙律。更有現煮意大利麵，有長通粉及意粉可以選擇，可自選配料及醬汁，雖然沒有賣相，但味道不錯。甜品就有朱古力泡芙，芝士蛋糕及奶凍，我喜愛芝士蛋糕及奶凍，不太甜。主菜我選了炭燒澳洲羊架配紅酒汁，羊架肥瘦適中，燒得剛剛好，不會過熟，切開還有肉汁流出，配上紅酒汁，好味。配角亦不失色，不是用上大路的薯蓉，而是用了蕃薯蓉，很甜，很滑身，而邊豆及車里茄燒過後更惹味。另一主菜是香煎三文魚柳配香草汁，配菜是一樣的，主菜三文魚的魚皮煎得脆口，魚肉

今晚同好姊妹慶祝生日，所以專登遷就她下班來了這附近吃飯，這家餐廳坐位舒舒服服，氣氛不錯，附近還不時傳來女子歌星，應該附近有人在表演。入坐時餐廳已先來一客薄脆，真的很脆很好吃哦！而其他食物全部是壽星女至愛：“水牛城辣雞翼” 她說我把雞翼拍照拍得像叉燒(看來我要多多改善)，但其實味道很好，醬汁辣辣地很惹味。“安格斯牛柳肉” 有得玩又有得食，這種燒烤爐仔都是第一次見，好可愛，但塗牛油時真的有點忙亂(我倆太論盡了)，牛肉入口方便，一口一粒。“黑松露忌廉海膽意大利扁麵” 忌麻汁鹹鹹地又很滑，扁意粉口感亦很好，這個是我最喜歡的味道。“特濃朱古力蛋糕” 濃郁朱古力味又很幼滑，口感像雪糕，不會太甜，味道剛剛好，雖然沒有給她大大的生日蛋糕，但總算給她許了個願望。

今日我和同事攞咗兩張印花卡(夾埋儲齊6個)去換取一份免費午餐，初時因為分開兩張，可能無免費午餐優惠，不過mini Friday破例一次，都覺呢間餐廳唔錯；buffet及羊架又幾好食。到埋單時，一名戴眼鏡中年男侍應 (主要負責安排座位，粗聲粗氣)，將張單攞過嚟，十分唔客氣話今次破例blablabla, 甚至帶點恐嚇味道。講真你按規矩做嘢唔俾免費午餐，我哋都會繼續留下午飯，但唔使到最後要以咁差嘅態度講下次唔可以咁樣，攪到我哋好似乞求間餐廳免費俾餐我哋食。感覺即刻差哂。另一例子，同事曾打去問有咩午餐，侍應話有豬有羊囉，趕收線，同事後來有次walk in食，認得呢個中年男把聲，話就係嗰次聽電話個男人。態度咁趕客，semi buffet幾吸引都無用。