Mini Friday (The Wave)

营业中

休息中

星期六又是跟朋友出動吃好西的好日子。現今觀塘很多工業大廈已經改革，The Wave 算係最成功既一個，逢星期六日都會有不同小手作既檔攤供香港既本地設計師售賣佢地既自家作。同朋友行完之後就上左位於三樓既Mini Friday食午餐，呢度既特別之處係有Semi Lunch Buffet，而且價格非常親民，$78 至 $138，相比起出面閒閒地都二百幾蚊來得化算。自助沙律吧甜品吧個人推介流心朱古力冬甩飲品吧有蘋果汁同橙汁現煮意大利麵有普通意粉同墨汁意粉揀，配料有火腿、海鮮、牛肉...醬汁都有蕃茄同白汁主菜1:香煎龍利柳配香檳忌廉汁魚柳煎得十分香口，仲有大大舊紫薯蓉忌廉汁好creamy，如果可以配埋白飯就一流主菜2:炭烤澳洲羊架配紅酒汁羊扒份量挺大，煎得香口，肉質嫩滑

#小秘書 無論返工/屋企都係東區嗰頭🏡 所以如無必要... 我都好少約朋友喺油尖旺等，免得一個人搭哂大半條港島線+橫跨九龍半島先返到屋企🤦🏻‍♀️ 所以觀塘區工廠區活化之後，我又可以多啲選擇👀經朋友介紹，我哋星期四晚上咗去 Mini Friday 仲以為book 7:30咁夜，附近返工嘅人都收哂工，呢度會無咩人👀 點知上到嚟都幾熱鬧👯‍♀️ 由於 #MiniFriday 同隔離食雞煲嘅餐廳只係一屏障之隔，所以可以免費欣賞隔離live band 嘅表演，而且餐廳地方都裝修得幾雅緻，最緊要係地方夠大，冇壓迫感👍🏻講到食物🍻 餐牌上實在選擇太多👀 折衷嘅方法就係我哋每人叫一個主菜，再加錢配 #餐湯、#沙律、#飲品 同 #甜品🤩 轉為一個套餐，兩個人share🍽 店員介紹今日嘅餐湯係 #蒜子薯仔蓉湯，我朋友最驚蒜頭嘅味道... 哈 益哂我😄 其實蒜頭味唔算太重，不過撈埋啲薯蓉煮成湯，味道幾特別！至於個 #沙律，廚師好細心，將準備好嘅沙律菜放落一個jar入面，絕對保持新鮮👍🏻 正所謂隔離飯香，見人哋叫咗隻 #脆燒鹹豬手... 我又要❤️鹹豬手上枱嘅時候，員工會先為佢淋上一層酒，點火後火光紅紅嘅鹹豬手會

性價比十分高既lunch!😋無諗過semi buffet竟然有咁既水準，有自助salad bar同一個main dish仲有個餐飲最貴都只係150蚊度，我自己叫個份羊就138再加10%service charge自助bar就有湯有salad仲有一堆冷盤任食！個main dish食唔夠飽仲可以出去食到你飽羊架方面，就中規中矩，係哩個價錢有咁既質素就已經十分surprise，偏嫩滑既！地方亦大，喺觀塘番工既朋友不妨一試！

Happy Friday同姊妹慶祝生日，我倆來到Mini Friday。因為lunch hour關係， 所以餐廳差不多已滿座，幸好侍應帶我們到另一邊，還有卡位真是太好了！ 今次想試香煎龍脷柳配香檳忌廉汁$118 和 炭烤澳洲羊架配紅酒汁$128， 這個lunch set的價錢已經包括了自助沙律吧。香煎龍脷柳配香檳忌廉汁，龍脷柳的份量都幾大塊，配菜有豆角，粟米和紫薯蓉。炭烤澳洲羊架配紅酒汁，羊架肥膏的比例比較多， 切開的時候見到肉質還是鮮紅色的， 如果可以把羊架再煮熟一點比較好。沙律吧的蔬菜新鮮好味！餐湯有紅湯和白湯兩款， 我們兩個都是白湯， 開頭以為是忌廉湯，原來是粟米湯，但味道唔錯。甜品有芝士蛋糕和朱古力冬甩， 我喜歡芝士蛋糕，朱古力冬甩比較甜。餐茶是熱咖啡和凍咖啡， 咖啡味普通不夠香。這個炸蝦角好好味，大家黎到記得試下啊！現在觀塘區都有很多寫字樓，平時lunch時間搵食真是有點困難，幸好都有很多新開張的食肆。而Mini Friday 一個set lunch都只是百幾蚊，還有自助沙律吧，算是抵食之選。

放假吃個西餐lunch見到mini friday有埋沙律吧好似幾吸引就揀佢入面環境暗暗地，舒適乾淨，幾岩輕鬆傾計午餐一個main course仲要沙律吧 價錢都幾吸引有任飲果汁沙律配菜選擇多，沙律菜都幾新鮮紅白湯，今日有忌廉海鮮湯同雜菜湯，我自己好鍾意佢個粟米脆片，好好味估唔到仲有即製意粉😀👍🏼我推介香濃忌廉海鮮意粉。仲有小量甜品區佢啲炸野都幾出色 香脆可口呢個脆片一定要試叫左香煎龍俐柳，外脆內滑，滑滑魚肉加埋忌廉汁，配搭好夾。加上配菜都好有心思，唔馬虎。香草炒豆 加上蕃茄汁同甜粟yummy牛仔骨肉身好淋，好入味。香菜同牛油既香味好夾。都係個句 配菜十分出色。紫薯好香滑，通常配薯菜，但呢間餐廳揀左紫薯食落甜甜地又健康

好友邀約聚餐, 介紹到此間餐廳相聚。 Set Dinner for One 有前菜丶湯丶主菜丶甜品和餐飲。 我們一共三人, 點三份一人餐, 就可以開心分享。前菜 : 田園沙律 或 (+$18)巴馬火腿配甜瓜 田園沙律 : 除了有青瓜丶車厘茄丶紅燈籠椒丶黃燈籠椒丶沙律菜外, 還有粒粒的大魚子, 再配上微酸的黑醋, 新鮮好吃。 其實那些大魚子是份子料理做成的珠珠。 一咬即破, 流出帶甜酸的橙汁味, 很有趣 巴馬火腿配甜瓜 : 巴馬火腿配甜甜的蜜瓜是絶配。 蜜瓜下亦有田園沙律配料, 這個前菜已超值湯 : 意大利雜菜湯 或 南瓜忌廉湯(是日餐湯) 意大利雜菜湯 : 用新鮮蔬菜如紅腰豆丶紅蘿蔔丶椰菜等煮成, 很健康。 蕃茄湯底帯微酸, 令人感到開胃。 南瓜忌廉湯把南瓜打碎, 加入忌廉, 湯滑溜之餘, 還有陣陣南瓜香味。主菜 : 八款供選擇 炭烤1855美國牛肉眼扒拼法國鵝肝 : 送來時已聞到牛扒香氣。 牛扒烤至表面微焦, 但內裏還是五成熟, 牛肉味濃。 當然不能不提法國鵝肝, 厚身之餘, 也同樣做得出色牛扒下還有烤過但仍爽脆的瓜菜; 另有紫薯蓉。 非常滿足 香烤澳洲寶雲酥羊扒拼西

Mini Friday 一直都係我最喜愛餐廳之一，今次同好友再次到訪，等佢都可以食到呢間高水準餐廳。餐湯係粟米薯蓉湯，粟米味道濃郁，薯蓉打得好綿，成碗湯唔會稀到一滴滴，而係非常有西式煮法的餐前濃湯，質感係似蓉狀既湯。忌廉海膽扁意粉，非常之香。扁意粉質感彈牙，忌廉甜甜地，配合海膽的creamy, 成碟食晒都唔會over配菜都算比得多，炒出黎都幾上色。美式牛仔骨，煎得好香，仲有三大片，薄薄地慢慢食，加埋紫薯蓉，perfect

男友話帶我嚟食威靈頓牛柳好似好少地方有威靈頓牛柳，而今次都係我第一次食！係一個好有情調嘅環境，雖然地方係同食雞煲嘅餐廳分開咗兩半，但好神奇地係完全唔會聞到雞煲嘅味道，亦都唔會好似一般食雞煲地方咁嘈，可以話比嘅一般嘅餐廳更靜。但隔離雞煲既live band就Mini Friday既食客都可以享受到，所以係非常有情調又唔會阻礙到大家傾計。啱啱坐低冇耐店員已經好快俾左水我哋同埋上咗一份小食，非常貼心。枱上面亦都放咗即磨嘅黑胡椒白胡椒辣椒仔等調味料。比起一般餐廳問先至有真係大方得多。先來一個西班牙炒飯，可以話同佢餐牌上面嘅圖係一樣㗎，唔係圖片只供參考有鮑魚。啲飯炒到煙韌入味，正👍🏻👍🏻👍🏻都我嘅重點威靈頓牛柳啦，薯菜係紫薯蓉。一切開啲香菇味同牛柳嘅味道湧晒出嚟！牛柳超級軟淋！雖則話同男朋友嚟都好有情調，但係兩個人食唔到好多野，下次同一班朋友嚟食多啲先！

就嚟去旅行了，好多嘢要商量，我哋就去呢一間食自助餐，可以慢慢食慢慢講吖嗎！一入去就見有一把大大的雨傘，環境雖然佈置很簡單，不過地方真係好大好舒服咁！我哋坐低， 就叫咗自助沙律吧套餐 ，老公叫炭燒澳洲羊架配紅酒汁 ，羊架烤肉味好鮮甜 ，羊架不算太蘇味道好啱食落去都好有口感我就叫了燒美國牛仔骨配蜜糖燒汁 有兩大塊呢！十條骨，原來有少少生未熟透所以有點硬呢！好在有個自助沙律吧 ！可以食沙律啦甜點啦仲有兩款湯飲添 本來食得幾好 隔離嗰兩位人兄講野好大聲真係畀佢影響食慾自助沙律吧+ 燒美國牛仔骨配蜜糖燒汁好大塊牛仔骨 可惜未熟透食落有少少硬自助沙律吧+炭燒澳洲羊架配紅酒汁呢個正肉汁嫩滑不算太騷味好有口感呢個紫薯 我終於食曬好味道 自助沙律吧是我的頭盤覺得好滿足好大把雨傘

幾個女子聚餐試新鋪，餐廳係官塘工廠區入邊，但方便易揾。我地準時6:00到達，可能早餐廳不是太多人，但我們幾個可以慢慢揀野食野飲，叫左兩個sets 加一個沙律，另加配左一個沙律和一個刺身。我覺得食物有心思，味道感覺不錯特別喜愛牛扒邊拌的紫薯蓉（由放本人是紫薯迷，所以大讚），感覺健康。那個牛油果木瓜沙律用雕冰盛載感覺更冰涼可口，大家不防一試😊另外飲品的選擇都頗多，我地叫左果汁同埋沙冰類，味道都過得去。埋單每人二百多元，我地坐左二個幾鐘。

喺觀塘上完堂 又唔想返屋企住 同朋友想吹下水 食d小食揀咗呢間餐廳 因為之前嚟過食dinner 個氣氛幾好今次入嚟都九點 平日關係唔算多人一入嚟佢會比啲脆片我哋 配有芝士醬不過分量超多 完全食唔晒我哋一人點左一個湯 南瓜忌廉好creamy 朋友點左雜菜湯 冇影到相又叫咗原隻大蝦多士 真係成隻手板咁大雖然好熱氣 但忍唔住係咁食 我哋再叫咗個原隻椰子雪糕佢係連埋啲冰上 保持住個雪糕嘅溫度 好搞笑仲有呢個雪糕疏付厘pancake with vanilla ice cream 空氣感一般 所以都幾飽肚原本諗住食少少野點知食下食下好飽不過餐廳環境for gathering or普通傾計幾好!

將原本的工廠大廈帶點粗獷簡陋的環境,用巧妙的設計佈置,就變成具有現代感及電影感的西餐廳!--好友這晚約我到觀塘區吃一頓晚飯,來到這餐廳給我的印象相當良好!現時香港有很多工廠大廈與舊建築物正在搞活化工程,有些做得相當完善,而這餐廳所處的大廈已能給我有這感覺,無論從大廈入口,電梯,以至餐廳室內整體佈置,值得一讚!高樓底造就的空間感,配合偏黃色調的燈光,水泥灰調子的地板,天花,再在四周飾以帶著冰冷感的金屬裝飾,從冷凝的佈置中透出幾分溫暖;加上餐檯梳化的間距相當闊落,就算室內坐滿人也不覺嘈吵,以置身其中頓時有點浪漫感覺!餐具簡潔而乾淨,這點已足令人滿意!一坐下不久,侍應生已遞上薄脆小食;一道充滿誠意的小食,脆口而不油膩,尤其蘸上既酸且甜的醬汁,更是打開了這個晚餐的胃口!一邊吃著小食,一邊與好友從頗多選擇的餐牌上揀選著合自己口味的食物,有了定案就馬上落單;點了兩個的Set Dinner後,侍應生先遞上餐湯--意大利雜菜湯,湯底味道帶點蔬菜的清甜,另加上少少辣醬的調味與蕃茄的酸味,屬醒胃之作!田園沙律有著新鮮脆甜的沙律菜是基本要求,加上橄欖油與黑醋也是常見做法,但此道菜有點令人驚喜的地方,竟然也沾

Friday 約了幾位朋友聚餐，上次係旺角分店試過，今次試下觀塘分店，可以坐得舒服寬鬆，重點唔使限時走，可以閒談耐d，一上到去餐廳裝修無太特別，但檯椅都寬闊，坐得到舒服😌但我們食完後d衣服好似打完邊爐味道，因為隔壁係食雞煲🤣。整體來說食物味道都一般好味，相對價錢都相當合埋（上網訂位更有9折）就更開心😃經濟實惠的Friday dinner暢談聚餐，聚餐之選十前菜有脆脆片，幾鬆化😋，沙津新鮮d醋汁調得都好味道，特別加了乳酪珠😋。 咸蛋薯角👍🏼火燒豬手有特色賣相👍🏼夠味道+脆脆皮😋一般味道牛扒就一般般甜品賣相👍🏼味道一般

同家姐喺觀塘海濱長廊睇完日落，影埋靚相，跟住行入少少，喺觀塘工廈，預早揾咗間靚餐廳同佢慶祝生日🤩雖然話係觀塘工廈，但係呢棟the wave一啲都唔失禮，走型格路線😎。餐廳非常寬敞，仲可以聽到live band表演，live band係隔離米走雞嘅，因為兩間餐廳係雙連，我哋呢度一樣聽得好清楚🤗一人一個set dinner，但係先嚟咗一盤薄脆，free 㗎😁。跟住沙律，夠fresh，意大利菜湯，濃度適中。主菜叫咗美國肉眼扒拼法國鴨肝，叫咗五成熟，肉身呈現粉紅色，冇血水，烤得剛剛好，肉眼扒好大塊，好香，鎖住肉汁，肉味濃郁，加上法國鴨肝的油香，味蕾上的滿足三文魚柳白松露忌廉汁配海膽，三文魚柳煎得好香又唔會過老，重點係白松露忌廉汁，香濃，伴著三文魚一起吃，提升鮮味。每個主菜都奉上番薯，番茄，茄子，翠玉瓜，營養均衡又夠飽甜品係白朱古力mousse，加上兩杯drinks， 傾下講下聽下歌，愉快地結束今日嘅慶生之旅

見朋友提供過在 Mini Friday dinner 嘅相片我亦心癢癢想一試 🤨 剛好有朋友相約在官塘吃晚飯我就即時想起 Mini Friday 😜雖然在官塘工廈區但交通非常方便，離地鐵站好近 just 5-7mins walk 環境非常闊落、空間感十足 因為之前朋友講過 pizza 非常不錯，所以我和朋友一行三人今晚亦 order 了 Set Diner Menu 上 pizza & 三文魚兩個 Main course 再加 蟹肉鮮果三重奏及兩份海觧冷併盆食物等候時間 ok (慢慢上重好) 味道亦不錯尤其係蟹肉鮮果三重奏，+$48/@ 絕對超值、有驚喜在 set menu 內 + $18 可以將頭盆普通田園沙律轉為 Parma Ham 配哈密瓜沙律，雖然講吾上什麼特別 Parma Ham 但份量及味道都等在性價比上 煎三文魚扒就稍微有點不足，我個人認為廚師應該要鉗走魚骨及跟甜薯蓉不配，好似露荀或正常馬玲薯蓉會更適合一點Pizza - 我個人喜歡厚 pizza 有口感，但這個薄 pizza 軟硬度適中不會太乾，如果配料上可以有辣肉腸這個選擇就更好了！😉我哋並沒有 order 特別飮品，