Mini Friday (The Wave)

营业中

休息中

因為今日一次過交左三份project所以決定同朋友尼輕鬆一下。觀塘工廈就多，但又唔洗次次食 今次我地去左the wave食西餐，餐廳環境都幾靚，一邊食西餐一邊食雞煲好特別Pizza好食喎佢係薄底嘅Pizza啦上面有超級多火箭菜 菠蘿都好甜好大粒 Parma ham 都好足料好大塊每一塊三角形都有其實鹹蛋薯條都好食嘅但係呢食得多會滯 好膩沙律一定要叫必須點！佢係會有個冰坐着個沙律所以食嘅時候超級凍超級新鮮 沙律入邊嘅每一樣材料都係好食㗎 西班牙海鮮炒飯，份量夠4個人食，不過有點油，飯有點濕，不過材料都幾足飲品叫左sangria味道都OK 但如果有真嘅水果會開心啲 最後想食甜品所以帶咗蘋果金寶 入邊啲料係好食但係脆嘅係淋㗎 但係我下一次應該都會嚟食嘅因為其他嘢都好食呀然後坐得舒服氣氛又好好

一入到去覺得呢間餐廳好大 最嚇親嘅地方係竟然有live Music 後尾睇清楚發現原來係一邊食雞煲 另外一邊就係食西餐嘅但係兩邊都會聽到live music 我哋好好彩咁樣就坐左係一個識發光嘅遮下面 好有feel 我地比較肚餓所以就叫咗一個雞扒套餐一個西班牙炒飯 一個法式焗田螺雞扒套餐會跟沙律甜品同埋嘢飲 雞扒啲汁好食，雞好滑亦都好大塊 沙律好得意嘅係用透明嘅有蓋嘅樽裝住嘅個沙律 雖然唔多但係都好食嘅佢係用醋嚟整嘅沙律 啲菜都好Fresh 跟餐嘅甜品今日就係德國芝士餅 上面嗰層啊比較濕嘅質地然後下面就有三份一層海綿蛋糕 並唔係喺出邊食New Yorkcheese咁實嘅西班牙海鮮炒飯可以唔叫 因為冇特別 但係貴 田螺都OK喎都好食 個皮好香好酥脆

今日放工早早地同埋同事一齊去試下觀塘既呢間mini friday，之前都聽講過呢間餐廳既質素都唔錯，而且環境都比較有情調。Mini friday位處係觀塘既興業街the wave 3樓，黎開觀塘都會知道，呢一帶係工廈區，有唔少既食肆林立，簡直係放工食飯打卡既聖地。除左今次黎食既mini friday之外，餐廳同層仲有米走雞live 呢間火鍋店，之前食過都唔錯，餐廳既燈光幽暗，非常有酒吧既感覺，順帶一提，餐廳否定時都會有live band show，你都咪話唔有feel。未點餐之前食住餐廳既愛心薄脆，雖然唔洗錢但都好好食，仲暖呼呼既脆片沾上特製既醬汁，簡直係yummy yummy。香烤寶雲酥羊架 配紅酒汁 $228先先點返個晚市套餐，7款唔同既套餐我就揀左香烤寶雲酥羊架，價值228既套餐真心抵食，除左主菜，另外仲配上沙律、餐湯、甜品同埋飲品。特別一提，隨餐奉送既田園沙律唔單止有賣相，裏面仲加左爆珠，配合黑醋汁，又酸又甜，百感交雜，創意滿分。主菜既香烤寶雲酥羊架選左6成熟，羊架肉感細膩，味道帶上一小小羊本身既獨蘇味，肉脂均勻，掛在肉上既羊油脂香而不油膩，配合味道適中既紅酒汁就更加juicy

今個假期老婆建議一齊去觀塘工廈行下，因為工廈而家都有好多唔同類型嘅物品好有新鮮感，但行原街當然肚餓要搵嘢食啦經搜尋一下搵到呢間西餐有威靈頓牛柳食真係好想去試吓....😋去到餐廳入面燈光比較暗好有西餐格調🙊而職員服務都好好立刻浸左兩杯水俾我哋👍🏻未叫嘢食職員就拎咗墨西哥粟米片俾我哋解肚😂粟米片好趣好好味👏🏻嘢食我叫必食咗威靈頓牛柳，威靈頓牛樓外面脆皮非常之鬆脆再切落去牛柳牛嘅味道同軟硬度非常之適中所以都係果句（必食之選😋😋）之後叫咗個晚餐香煎鴨胸伴鴨肝配黑醋汁，晚餐有玻璃瓶沙律😂好特別，還有是日餐湯.....鴨胸食落去其實都有少少似雞胸嘅感覺而鴨肝味道就有少少特別但感覺都OK👍🏻最後仲有甜品食真係夠飽了😋😋😋

穿越咗石屎森林一般的工廠區 係呢個寸草不生嘅工廠森林入面 搵到呢一間環境優美嘅西式餐廳 特登寫食評讚一讚佢落完order之後 侍應該隨即奉上一份墨西哥脆片畀我哋做前菜 墨西哥脆片配上千島醬 令我哋當日嘅晚餐非常開胃餐牌上有好多唔同款式嘅牛柳同埋牛扒 而最引人注目 同最令我感興趣嘅就係 Gordon ramsay嘅拿手菜式 威靈頓牛柳Beef Wellington ($288)要再做到威靈頓牛柳呢一種菜色 係需要非常多嘅功夫步驟同埋材料 首先外層要有一層酥皮 而內層就係用炒香咗嘅蘑菇同香料製成 而更內層就係五成熟嘅牛柳 加上餐廳預備嘅紅酒汁 令到肉嘅鮮味更加出 份量適合三個人食 呢一份威靈頓牛柳喺調味上爆炸性十足 幾有誠意嘅一道菜式除咗牛柳 我哋亦都嗌上另一份主菜 卡邦尼意粉($98) 呢間餐廳嘅卡邦尼意粉十分出色 醬汁做得非常creamy同埋用料充足 完全做到我心目中想要嘅卡邦尼意粉嘅感覺 所以都幾impressive 小食方面 我哋嗌咗一份餐牌上推介嘅 香草焗牛油田螺酥盒($78) 用上酥皮做一個外層 加上香草同牛油 再配上主角田螺 造成嘅一個田螺酥盒 同傳統食法唔同 食法都非常方便

餐廳午餐是半自助的。食物: 餐湯沙律甜品及意粉都是自助的，紅菜頭沙律裏面有酸蘿白，這個好吃，而魚蛋是最好味的。主菜就是自己選擇的，點選的牛排都算有肉汁，而且個汁也不是太咸，最好吃的是紫薯意粉是即炒的，可選不同配料，意粉又熱又炒得好香。環境: 擺枱方面比較寬敞，坐得比較舒服。服務: 侍應都殷勤咁樣去幫你斟水，同埋都會話畀你聽有啲咩嘢食嘅。衛生: 尚可接受。抵食: 自助選擇嘅食物，種類繁多呀! 另外嗰個食物嘅質素都唔錯，尤其係嗰個魚蛋。豐富飽肚的一餐。

之前在旺角見到mini friday，已經想試吓，今日竟然在位于觀塘地鐵附近的The Wave內有一間，即刻要入去試吓。這裡座位舒適，不擠迫，尚算舒服，店內的燈光比較昏暗，還用了一些大傘子做裝飾。這裡是semi buffet，沙律、小食和甜品都是自助的，有沙律菜、雞翅、炸蝦角、紅菜頭、 橄欖 、冬甩、蛋糕和湯……雖然種類不算多，但質數不錯。至於主菜，有雞、魚、羊、牛、pizza......整體來說，價格合理，食品和服務質數也不錯

今個星期六約左個好耐冇見朋友食個晏，上網見到依間有自助式午餐下午茶，諗住又可以坐低慢慢傾計，午餐有幾款選擇，每款都已經包埋自助沙律吧食物，我同朋友各自選了吉烈深海石班 同 炭烤頂級肉眼扒配黑松露燒汁，除了兩款主菜外，另外仲有是日餐湯、墨西哥脆片，自助沙律吧區（有多款不同的沙律菜）是日精選小食（雞翼、春卷、栗米粒）、冷盤區（奶凍）、甜品區（包括有啫喱、蛋糕、東甩），另外仲有即點即煮意大利麵，配料是自選的，款式包羅萬有，店內環境舒適，mini Friday 是傾計的好地方

想和朋友在觀塘找晚飯吃，找找觀塘工廈確實有好多間可以揀👀，呢一間都係可以推介嘅一間，因為呢一間坐得舒適同埋佢會有live Music🎼可以享受音樂之餘又環境舒適😉。•火焰脆燒德國鹹豬手🐷 $218這是餐廳很受歡迎的一道菜🤩，將成個整個吹豬手放上枱，然後開火槍🔥，將整個豬手火焰上枱，火焰消失後，店員會把豬手帶回廚房處理，不用客人手切，十分貼心🥰。鹹豬手小咸多脆🤤，肉質不乾，確實可做到外脆內軟，並有芥末及酸菜伴豬手，都幾配合，但略嫌配菜份量較少🤭。水牛城雞翼🐥 $68小食的話一定要帶呢一個雞翼🐥，雞翼一碟有6️⃣隻，buffalo 汁真係好惹味，酸酸甜甜辣辣地🌶，真係辣得來又脆又好食👄。美國牛肉眼黑醋意大利扁面 🐮🍝$178另外叫咗一個意大利扁面🍝，牛肉眼叫咗7️⃣成熟，肉眼熟到啱啱好，切下去有少少粉紅色，食落牛味濃郁軟滑🐮，配上黑椒意大利扁面，還有青豆跟紅椒青椒撈埋一齊食，牛肉控可以一試🤟🏻。

💁🏻‍♀️Mini Friday (觀塘)🍴-放工約左老朋友食飯，觀塘都係一個唔錯嘅選擇。今次搵左間工廈入面嘅餐廳，好闊落，仲有live music 🎶 好有feel一坐底已經有小食可以食，好正！黑松露忌廉燒雞扒（$158）Dinner set，包湯、沙律🥗、主菜、飲品同甜品🍮非常豐富。雞扒大份，燒到外脆內軟，加埋黑松露汁同烤翠玉瓜，係冇得輸嘅配搭西班牙🇪🇸海鮮🦞飯（$228）高質！超足料！成個平底鍋咁上碟好吸睛👀有青口、蜆、大蝦🍤、魚。炒飯調味適中，唔會太重口味，而且份量夠大，坐底兩個人先食到焦糖燉蛋（$58）呢個甜品幾有驚喜，焦糖同蛋味味香濃，唔會太膩太甜，就算之前食到勁飽都仲食得落，仲有擺盤都好靚靚-📍Mini Friday (觀塘)#觀塘 興業街4號The Wave 3樓#小丸子搵食記 #小丸子觀塘-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食

今日媽咪生日，就帶佢嚟食呢間半自助午餐。距離觀塘地鐵站唔太遠，行左幾分鐘就到。想來見到餐廳佈置幾有情調，裝修唔錯環境幾好，侍應嘅服務態度都好好，一舉手就好快過嚟問有咩可以幫到忙。主菜揀咗炭烤澳洲肉眼扒配黑松露燒汁，同埋炭烤澳洲羊架配紅酒汁。肉眼扒我揀咗七成熟，見到佢煎得好靚，中間有少少紅紅地，就好似三文治咁見到三層色澤，完美展現左七成熟，呢點我好驚喜。而且個牛扒一啲都唔韌，有咬口，食落唔乾有肉汁。佢個黑松露汁我都好欣賞，唔會太鹹，點牛扒食到黑松露香味，食落幾夾，真係唔錯。至於媽咪揀架羊架我都食咗少少，上菜賣相幾靚，羊架唔騷，食落有肉汁唔韌，配埋紅酒汁食落好香，而且唔算太肥，食落有油香，係高級西餐質素。食完主菜去咗自助沙律吧食其他嘢，自助沙律吧嘅選擇都算多，有雞翼，炸麥樂雞，炸魷魚鬚，蔬菜方面有沙律同埋粟米車厘茄，甜品方面有牛奶布甸，芒果慕絲蛋糕，芝麻糊，同埋冬甩，湯方面今日餐湯係南瓜湯。仲有一個自選意粉吧，可以自己揀配料整，不過到最後食完其他嘢都已經好飽，所以就無試到。我全部都有試，滷水雞翼炆得夠入味，咬落一啲都唔乾身，有雞翼肉汁流出嚟，每隻都脹卜卜，睇落都好吸引。至於炸麥樂雞同炸魷魚

係觀塘返工，所以成日食黎食去都係觀塘，今次又係Openrice見到，Set Lunch唔貴仲有沙律吧任食，即日網上訂位12點15，仲有25分Asiamiles 自助沙律吧+香煎豬柳配蜜桃燒汁 $108 免加一 ，包餐湯，沙律，甜品，飲品一杯沙律吧既沙律，醬汁味道唔錯。最驚喜竟然仲有小食，有雞翼，炸粟米薯餅，又有紫薯餅，夠熱又好香脆豬柳好厚切，咬落唔會鞋口反而甜品味道一般，白色應該係牛奶布甸，奶味好淡，應該無加忌廉地方環境大，坐得舒服，收碟好快，價錢抵食

今日無觀塘放工平時都好少黎呢區當然搵下有咩好野食啦見到係工廠區中有個新商場望一望有好多餐廳而特別就揀中呢一間啦平日六點幾上到去時間尚早 唔駛等位一坐低店員就擺低menu同簿脆一客可以一路食一路睇menu而餐廳除左散叫亦有set 揀飲品可以揀$28亦可補差價揀第二啲最後叫左出名既威靈頓牛柳 水牛雞翼 DIY意粉set意粉set包湯 沙律 甜品 飲品 好抵食湯係薯仔忌廉 好有薯仔味沙律好fresh 酸酸地既醬簿脆 有千島醬點 好鬆脆 先上小食 唔會太辣既水牛雞翼每一隻都滿滿醬汁仲有芒果爆爆珠同沙律伴碟雞翼係炸過既 意粉揀左闊條麵 大啡菇 溫泉蛋忌廉汁成個意粉好排汁大啡菇好好味好好多汁凍檸茶小冰 糖漿已加 威靈頓牛柳 漲卜卜切開好有松露味 係酥皮中間個皮一啲都唔漏牛柳好淋 好有肉味 唔怪得咁出名仲有伴碟既薯蓉 同燒雜菜薯蓉好有黑松露味總結全餐都好好味 服務仲好好 收碟超快！

今日朋友生日, 上黎openrice搵到呢間餐廳好似好吸引咁, 所以黎試下。一入門開始, 服務態度已經好好, 爽快, 唔煩人, 不過其他後生仔似岩岩出黎做野, 個個問乜都唔識答, 一係呆左咁。。呢樣野扣分。先黎沙律, 湯同薄餅, 沙律入樽係得意, 個黑醋汁好好味!! 平時人地用包, 佢就轉用炸。。好似雲吞皮咁, 成本應該低啲但好好味, 哈哈!!頭盤黎左意大利飯, 係好食, 但已經好飽!!之後有羊架, 可以再好食啲, 不過呢個人價錢係開心既, 好難得。我地又嗌左薯茸田螺酥皮盒, 真心勁好食!!!!!接著有千層麵, 好滿足,超飽的!!!仲有個特別推介, 就係焗大菇, 好香!!最後有甜品, 可以寫上你訂位主題既祝福字句, 算係為主角安排既小小驚喜。

這間餐廳，我收藏已久，終於有空和朋友來嘗試一下。這次選了一個晚套餐和一個意大利粉餐。燒澳洲牛肉眼扒配黑松露汁。牛扒七成熟，肉質嫩滑，每一口都是肉，很大塊，非常豐滿的肉。黑松露汁十分香濃，入口後香味慢慢散發出來。更有滑溜的薯蓉作配襯。蒜片欖油意大利粉配大啡菇。上菜時，在遠處也聞到濃濃的蒜香味，簡直是我的最愛。意粉軟硬適中，吸收了欖油味十分香。大啡菇很多，蝦也很大隻。可見份量十足。每張枱也獲得小食一份。配上千島醬，酸酸甜甜非常醒胃。田園沙律用了醋作醬汁，有點酸，很開胃，份量適中。芝士蛋糕有非常濃郁的芝士味，入口細緻滑溜，甜膩中帶點sour cream的微酸，帶岀多重口感。份量雖不算多，但在飯後作小甜點絕對足夠有餘。這餐廳雖然距離地鐵站有點遠，但仍多客人。而且，有live music 聽，非常有氣氛。