Mini Friday (銀城廣場) (已結業)

在旺角看完電影後，我和友人去了油麻地和旺角交界的Mini Friday吃晚飯。之前在網上看見這間餐廳的評價不錯，所以今次就來試試。餐廳的格調不錯，走西式古典風格，播住古典音樂。餐廳環境不會太擠迫，坐得頗舒服。一坐下，店員立刻遞上酥皮薄餅，幾鬆脆，再配上醬料，真心好食！水牛城辣雞翼辣辣地，雞翼上沾滿水牛城醬，仍然脆口，果然是新鮮出爐。雞翼的肉嫩滑，做小食一流。脆燒德國豬手店員先在豬手上臨汁，再用火槍燒，製造火焰的效果，維持5至10秒左右，打卡一流，但是失敗的我捕捉不到這一刻。之後店員會將豬手切好，再拿給我們。豬手的皮很脆，肉肥瘦適中，不會只有鹹味，當然吃得多了，都要多喝水。配菜有少量的沙律和鹹酸菜，可以中和豬手的鹹味，你也可以選擇沾一些黃芥末醬，又有另一番風味。這味道令我想起我之前在德國吃的正宗德國鹹豬手。不要看小這份量，我們兩個女生吃都吃不完。白酒鮮蜆意大利扁麵賣相不錯，蜆都幾大隻，夠鮮甜。扁麵的硬度適中，有咬口之餘又不會太硬，如果多一些汁的話會更好。餐廳環境和位置都一流，食物有水準！如果剛好在油麻地和旺角附近逛街，可以考慮選擇這間餐廳。

星期日同朋友去完旺角購物，就喺附近揾咗間餐廳食。依間餐廳喺銀城廣場，地點比較隱蔽，但餐廳都幾多位可以容納到好多人。而且環境都幾浪漫，窗台有蠟燭。前菜小食鬆脆嘅脆片配千島醬今日點嘅菜全部都係點有皇冠標誌嘅餐廳招牌菜式。飯同意粉嘅種類都幾多。卡邦尼意大利麵配溫泉蛋 ($118)賣相不錯，本來個溫泉蛋啱啱上嘅時候蛋黃仲好似係液體狀，可惜我地掛住影相放得太耐，意粉嘅熱氣搞到隻蛋最後熟咗，撈起上嚟有d困難，但整體幾好，菌類同煙肉都足料，而且個汁味道好濃，令人食指大動。美式大桶炸雞 ($98)大概有六件炸雞左右，炸雞下面放咗d沙律菜墊底。炸雞外層夠脆，入面嘅雞肉都幾嫩，肉汁仲有鎖住喺入面，可以點埋旁邊嘅青芥末醬。脆燒徳國原隻豬手 ($248)見到openrice上有好多人叫，果然係唔錯。首先waiter會將豬手點着，豬手大概燒咗一分鐘左右，橙藍色嘅火就喺你面前燃燒，感覺好壯觀。燒到咁上下 waiter 會幫你拎去切埋。豬手嘅肉質幾嫩，皮脆，皮下有適當嘅脂肪層。不過就咁食可能會有少少咸，建議點個主食送下。

放工出旺角食飯，試下呢間西式餐廳，餐廳環境十分舒適，裝修特別。平日來吃差不多滿座入座後，侍應便送上餐前小食，薄餅夠脆。然後和朋友點了蟹肉芒果木瓜牛油果沙律，香辣蒜片羅勒意大利扁麵及黑松露野菌pizza。蟹肉芒果木瓜牛油果沙律，出乎意料的特別，本身以為是普通蟹肉沙律，但賣相非常好，用冰包住蟹肉沙律，蟹肉也十分鮮甜。本身喜歡辣，就試試香辣蒜片羅勒意大利扁麵，味道香口，香辣配上蒜片很Match。黑松露野菌pizza，pizza又熱又脆，黑松露味道濃郁，再配上野菌及芝士，口感十足。

約了久未見面朋友聚舊，大家都想找一間可以慢慢坐傾計餐廳，朋友推介這間位於旺角銀城的Mini Friday ，一於試試！餐廳設計特別，每張台之間都有充足空間，十分適合朋友相聚點了威靈頓牛柳（$358），好吃得不得了！一層鬆軟的酥皮，包著外皮烤得香噴噴的牛柳，而且內裡還保持到軟軟的質感，十分高水準。牛柳肉味濃郁，內層還塗了一層薄薄的肝醬，香味更加突出！香辣蒜片意大利扁麵（$108）亦有驚喜，麵質軟硬適中，蒜味夠香，而且地道的加了辣椒，香口得很！絕對推介大家試試高質素的Mini Friday!

今日Happy Friday同朋友諗住收完工食餐好，於是就上網搵咗好多間鋪頭，因為想坐得舒服啲，最後就揀咗呢間Mini Friday。嚟到之後個感覺，覺得個門面幾特別，好有西式嘅風格，對比起香港咁大壓力既城市，嚟到呢間鋪頭感覺輕鬆左一點。食物都幾多款選擇，小食、飯、意粉、薄餅、肉類應有盡有，我同朋友二人就叫咗四個菜式和一杯飲品。美式大桶炸雞($98)大概6至7件左右，大大件既雞塊，最緊要係岩岩即炸，仲要炸得超脆，非常香口，而且佢仲有濃郁嘅雞汁係入邊，點埋個芥茉醬，外脆內軟，值得一試！香草焗脆殻田螺($98)呢個菜式都幾特別，佢個底用咗番薯來做嘅，個田螺雖然細細份，但又幾惹味，螺肉有咬口，個脆皮方面又幾厚實，咬落好似餅乾，幾有趣。卡邦尼配溫泉蛋($118)溫泉蛋方面好流心，本身個面呢又唔會好硬，亦都唔會好淋，啱啱好！佢夾卡邦尼呢個醬汁就岩啱好，滑得黎蛋汁又包滿意粉，唔會好膩，唔錯！鮮蕃茄燴藍青口($138)呢度啲青口幾新鮮，細細隻幾爽口，加埋佢個番茄汁呢，有少少辣味，但醬汁唔會話好濃郁，無掩蓋本身青口嘅味道。水果茶($108)呢度嘅水果茶都唔錯，唔會話好甜，亦都冇話好酸，啱啱好，可以去晒

一家人聚餐, 老人家小吃西餐, 你同佢哋試下 新嘢喇! ( 其實唔係新舖, 只係我未去過啫。)呢度位署旺角嘅中心點, 交通方便, 環境舒適 , 座位寬闊, 係約埋朋友或者親人一齊聚餐嘅好地方。你想食西餐, 人多就一係食<斧頭扒>。依度做得好好食: 用料靚、新鮮、火候適宜。 啖啖肉, 冇得頂呀！ 喺度食斧頭扒, 佢哋會再預備一個爐, 畀你再煎一煎, 加熱一下。勁呀？<脆烤德國咸豬手> 呢個完全係一個表演項目: 喺面前放火燒一次。 真但又真係好鬼好食。<烤羊架> 冇得彈! 又軟又嫩又滑!甜品<心太軟及芝士蛋糕> 都好好味!其餘仲有好多前菜、小食、意粉、精選特色飲品, 例如雞翼啦, 炒什菇啦、等等, 全部都好好味。( 一個不留神, 都真係不能盡錄了。)服務方面, 亦都係好值得一讚嘅!** 呢度係有無窮無盡嘅墨西哥脆片免費供應。 小朋友真係開心到不得了!

同朋友收左工撐枱腳，黎到mini friday食晚餐，環境唔錯，坐得都幾舒服。 蟹肉芒果木瓜牛油果沙律 $138 蟹肉都幾多，加上清甜既芒果，幾清新幾開胃。 香辣蒜片意大利扁麵 $108 味道唔算太辣幾易入口，意大利麵軟硬度適中，頗入味。 海鱸魚柳香草醬燴飯 $138 魚柳煎香味道唔錯。香草味道濃郁，risotto飯粒吸汁力強。 鮑魚鮮蝦意大利麵 $198 鮑魚幾煙韌，意粉有d似炒麵既感覺。 甜品碟 $108 可以一次過食哂咁多隻甜品好正。

11月真係好多人生日🎂今日約咗個生日嘅朋友出嚟食飯慶祝一下！為咗方便大家，當然要去旺角啦，費事朋友又話咁遠🤣朋友生日朋友話事，佢就帶咗我去Mini Friday， 大約七點去到，呢度環境燈光柔和，好似幾浪漫咁，入門口仲見到一部留聲機，牆壁上就掛上酒，呢度嘅裝修都幾有格調。一坐低服務員就攞咗一大支水俾我哋，真係唔怕冇水飲。前菜叫咗個凱撒沙律，都好大份，另外叫咗脆燒德國豬手，因為上網見到係即時點火，覺得好特別所以一定要試吓，果然真係好大隻豬手，今次真係變燒豬，服務員好好，問我哋使唔使切埋，緊係要啦☺剛剛燒完嘅豬手暖暖地，皮脆肉嫩，味道好好。另主菜加$48就可以有餐湯同甜品👍

經朋友推介下 我同朋友兩個就黎左依間餐廳~係銀城廣場既9樓 一出門口就嚇親因為本身以為係間好普遍既西餐廳 估唔到裝修會咁有心機同特色一坐低 店員就比左啲nachos我地食住再一路睇menu款式都幾多咖, 仲可以加錢做set添我地兩個人就嗌左一個小食同兩個主菜小食呢就係咸蛋黃薯角($78)~估唔到份量咁大 亦都好足料 同埋一啲都唔油呀 好正~主菜方面呢 就嗌左個美國牛肉眼黑醋意大利麵($178)一黎到陣味好似干炒牛河 點知食落去係完全唔同!!啲beef fillets煮到medium 食落去又入口即溶既感覺意粉方面個黑醋味好出得黎連平時唔食醋既朋友仔都話接受到~第二個主菜就係脆燒德國咸豬手($248)依個豬手上既時候同其他餐廳唔同就係佢會係你面前燒隻豬手咖~我同朋友完全睇到係目瞪口呆咁~ 黎打卡都抵同埋豬手都好易切之餘 肥瘦好均勻 皮都好肥連豬手隔離個沙律都好好食呀~橙色個啲係荔枝爆爆珠黎咖! 好特別總括黎講 餐廳環境好大好舒服~上菜又夠快埋單每人三百蚊都唔洗！如果下次可以一班朋友黎食個happy friday dinner 就無得輸啦

呢間餐廳喺銀城廣場9樓，如果唔係openrice見到都唔會識搵到。同朋友嚟旺角朋友話想食西餐於是揀咗呢一間，之前都未食過。餐廳嘅環境幾有西方格調，少少昏暗嘅燈光下更顯浪漫嘅氣氛。一坐低餐廳先奉上脆餅作為餐前小食，畀埋個醬料可以點脆餅。餐廳嘅款式都幾多，有沙律、薄餅、扒類、小食等等。意式焗牛肉丸，肉丸大概有六件，芝士鋪喺面，仲有啲肉醬。雖然有啲人唔鍾意食肉醬，但我覺得還算唔錯。鹹蛋黃薯角，雖然有啲邪惡，但係超級推介，非常好味。鹹蛋喺薯角嘅外層，令到薯角同平時食開嗰啲好唔同，質感層次豐富好多。而且，薯角炸得嚟唔算好油膩。白松露忌廉美國雞髀扒，望落唔係好大塊，最初以為唔夠飽，但係點知食落都幾飽，因為幾厚身嘅。呢款主菜大概150蚊。肉質好鮮味，唔算好煙韌，朋友都話正。海鱸魚柳香草醬燴飯，意大利式飯配埋香草，賣相唔錯。價錢係160蚊左右，幾鍾意佢個米飯嘅熟身程度，唔會好硬唔會好林。整體嚟講，食物質素同環境都幾令人滿意，埋單每個人200蚊左右，價錢亦可以接受。

TG I F!TG I F!呢間Mini Friday想試左好耐㗎啦，之前淨係喺觀塘有分店，依家陣旺角都有就方便好多。食返個凱撒沙律先，芝士片唔少，煙肉粒亦都非常多，非常脆口，生菜好新鮮。燒明太子雞翼總數五隻，隻隻雞翼都釀滿哂明太子，肉汁juicy，明太子帶有咸味，雞嘅油脂為明太子多左D肉汁，食落香口，唔錯！吉列紫薯餅及玉米餅紫薯餅比較特別，食落去甜甜地，好得意！玉米餅食落去粒粒粟米，加入薯仔搓成餅形，食落比較飽肚！呢個炸物拼盤食完會比較滯，可以叫少D粉麵類！

之前跟一班朋友已經黎過這間Mini Friday，果次仲食左斧頭扒，令人回味!於是又同友人再黎試下其他食物!一早已book定位了，我們大概7點半左右到達，都差不多爆滿!侍應熱情地帶我們到近窗的卡位，還為我們送上小食-酥炸薄片。酥炸薄片，很鬆脆，配上附上的醬料一齊食，因為太肚餓，好快就俾我地食哂!今次兩個人點了3樣野，但已經可以飽到攬住個肚走!點任何肉類/海鮮/意粉/飯類/薄餅都可以以優惠價升級為套餐，我們選了3款+$68!是日餐湯-雜菜湯，好足料，有很多蔬菜，湯夠酸，非常醒胃!田園沙律，這裡的田園沙律上菜方式非常特別，是用上一個玻璃樽盛載著的。除了有沙律菜外，還有三色椒和看落似三文魚籽的爆珠，色彩吸引。配上附設的黑醋一齊食，亦是一個很開胃的前菜!飲品方便我們揀選了這款再補錢的飲品，藍檸檬梳打，飲落去唔會好甜，清清地，容易入口，而且賣相都好靚。因為我本身就好中意呢種海洋顏色，倒緊飲品的時候，再配埋冰一齊，就真係好似望住個好藍既海咁，好靚!水牛城辣雞翼，一直都好愛呢款小食。而這裡的雞翼醬汁酸酸辣辣，夠哂入味，能刺激味蕾。雞翼炸得剛剛好，唔會太油，而且雞翼比起出面的餐廳大隻，令人回味!黑松露

甚少出旺角既我，想搵一間餐廳坐得舒服又可以享受食物既地方，系Openrice 搵到呢間mini Friday,第一時間睇到啲環境裝修設計都唔錯！之後我係OpenRice 訂座仲有88折，覺得價錢都唔貴，3個人食左九百幾蚊已經好飽！仲想好評一下個威靈頓牛柳真系好好食，裡面牛肉好juicy,配合埋啲菇好好食！真係好推薦大家叫呢個菜！無論訂位cfm個booking 電話溝通至餐廳order 時既服務都好好！其實最重要都系呢一樣！至少吾會無人理！👍👍非常enjoy 呢餐飯局

啲舊同事成日都話搵日出嚟食飯呀⋯次次都冇左件事，呢句說話真係講足幾年，今次終於約咗出嚟食飯，不過到最後都係由六個變咗做三個！今次揀咗去Mini Friday ，之前去過一次覺得幾好坐。今晚叫咗凱撒沙律，啲菜好新鮮，蕃茄芝士係我最愛；溫泉玉子菠菜大啡菇，將啲蛋汁流入菠菜同花菇一齊食好好味；甜烤燒美國BB豬仔骨，又琳又多肉；脆燒德國豬手，服務員會幫隻豬手點火，呢次真係相機食先，時間好短，影相就要快！啲皮好脆又多肉👍

Girls day lunch約咗朋友喺度食午餐，中午時分人流唔係好多基本上唔使book位都可以walk in但係唔建議食午餐囉因為佢晚餐同午餐都係一樣嘅Menu，晚餐經OpenRice定位會有折扣但係午餐冇三個女仔嘅關係叫嘢食唔係好多，不過好好彩因為全部都好大份小食叫咗水牛城辣雞翼 一份有六隻都幾多，唔算好辣，但係呢個雞翼嘅味道好難形容 唔算好食但係又唔算難食 只可以講個味道有啲奇怪 應該下次唔會再食，唔似傳統水牛城雞翼嘅味呢個係焗西班牙黑毛豬蛋炒飯，芝士好香個汁好食，配埋蛋炒飯同蕃茄感覺都幾好，不過略嫌黑毛豬有少少難咬 唔算好嫩 仲叫多咗個黑松露芝士pizza，Pizza好足料個底好薄好脆，個人幾鍾意佢個邊因為好脆口好好食，不過黑松露味道唔算好濃～只可以話呢間餐廳好適合聚會，味道唔算非常好但勝在環境搭救，坐得好舒服仲可以叫甜品幫你寫名慶祝生日