Mashi No Mashi

营业中

休息中

特製和牛沾麵 🍜 如果你都鍾意食沾面的話，你一定要來食！！🤩 建議可以早少少來到，因為位不多，所以如果full的話，就需要等一陣啦🥺他們主打的就是和牛沾麵和丼飯。但是今次只有機會試到他們的特製和牛沾麵🥺 現在開始介紹啦！湯的香味和味道都好濃郁，裡面還有牛肉粒😍 麵的質感好彈牙，個人認為是pass的🙈和牛燒得剛剛好，口感嫩滑🥰 店員都幾fun和nice，營造到一個好舒適的環境😌 最後，當然是他們的招牌動作啦🤩 店員都好有耐性等每一位客戶影到相才會放下來。

要說城中最適合打卡的拉麵店，灣仔的 MASHI NO MASHI 應該是不少人心目中的選擇。從職員擺好姿勢供食客拍照一刻開始，這碗由 Wagyumafia 主理的和牛沾麵就是一個大型表演現場。鮮嫩的和牛片配上溏心蛋，連紫菜亦印上店舖的猿人標誌，確保每一張相都是最佳的社交焦點。

餐廳夜晚開1800，我哋大約1750黎到，等左15分鐘入得，入到去自助售票機點餐，好似日本咁。我哋叫左三樣嘢Share，第一次黎想試多啲野先😎🔸和牛丼$180上菜已經贏左，廚師會嗌幾句口號，知客人想打卡，會擺Pose俾客人😆好有氣氛！和牛燒香過，一塊塊鋪得好靚咁，中間加左隻蛋黃，拮穿蛋黃個下已經好治癒🥺和牛油脂分布平均，好軟淋。飯有和牛碎撈勻喎，好有油脂香味。食個陣都真係唔多想講野，真係好好食😂飯的份量唔算多，男仔應該唔夠食，不過我哋覺得可以好似日本人咁，一個丼再架一個麵咁，都唔過份🤣🔸特製和牛沾麵$150沾麵汁都好出色，有牛肉牛脂粒，好有牛肉香。不過我覺得呢碗既和牛比較韌啲。我就鐘意和牛丼多啲，朋友就鐘意沾麵多啲。🔸和牛餃子🥟$120 餃子煎得香脆，不過餡料唔算好豐富，好似唔係好值咁，所以試一次算🙈推薦大家黎試下，$180一碗真係物有所值係真係好食😋我下次黎要自己食晒一個丼😆

夜晚唔知食咩好，買左呢間黎試下～和牛沾麵（加左底），裡面有2-3片和牛，好濃牛味，好腍，麵質有咬口，個沾麵汁食落似吉野家和牛丼：牛肉份量ok，但飯量超少，成個飯得外賣盒1/4... 和牛係唔錯，但一碗真係唔會夠食😕好彩沾麵加左底，唔係齋食個飯唔會飽，價錢貴，份量唔多，個汁似吉野家，整體一般😕

和牛丼✨意外地好食，和牛有味而且同蛋黃好夾。本來嚟係諗住食沾麵，但係點知個飯比個面更加出色❤️鋪頭唔係好大，只有大約12個位。星期六大概12:30去到，好好彩咁唔洗等位就有得入座。一入到去只需要係售賣機落單，再俾飛個職員就可以座第，十足十日本啲拉麵店咁😆入面嘅氣氛都幾好，客人係圍住open kitchen 咁坐。可以睇到哂全個煮嘢食嘅過程，廚師準備好嘢食之後，會拎起食物俾你望下然後再遞上俾你，呢種互動都幾得意😚

想試 Mashi No Mashi 好耐了最近終於有時間一訪呢間和牛專門店😍店內食物選擇不多，我哋就揀咗以下兩款美食：◭ 和牛丼 $180一上枱，見到好細碗，有啲愕然😵但當我打暈蛋黃，試咗一塊沾滿蛋漿嘅和牛🤩和牛質感好滑，入口即溶👍🏻忍唔住不停咁食每一片和牛肉都非常出色😋😋😋底層係珍珠米配醬油原本我哋仲覺得好細碗，但食咗幾片和牛，好快突然又飽咗🤣◭ 特製和牛沾麵 $150馬上又試下呢款和牛先！相比之下，呢款和牛較為遜色🙈和牛丼嘅和牛實在太出色了湯底濃郁，沾麵軟硬度適中！Mashi No Mashi 必試和牛丼👍🏻 雖然$180價錢偏貴，但都實得一試😛

之前上網已經見到依間鋪好吸引，今次終於試到啦，佢主打係和牛沾麵同埋和牛丼，今次我就試左和牛丼，上網啲人話食和牛丼會多啲牛肉，小編係食肉怪獸，咁當然係揀和牛丼la😜店舖面積唔係好大，座位都應該得10幾個左右，但係全部座位都係吧枱可以睇到廚師煮野，另外餐廳氣氛都好好，終於來到主菜la，已經急不及待去食啦就咁睇落去，個碗飯好細碗，但係食落去都剛剛好，而且肉多飯少😝，啲飯下面有少少汁，另外有少少肉粒，雖然唔係好大碗，但真心覺得好滿足！😋

餐廳裏面一共有十多個吧位圍繞著👨‍🍳廚師‍，方便顧客在座位上欣賞廚師大顯身手🤩店員上餐時會擺Pose讓客人拍照，無論食物質素，還是打卡都一流呀📸👏🏻🍜Tokusei Wagyu Tsukemen特制和牛沾麵沾麵配料包括和牛，筍，椰菜，溏心蛋及紫菜，沾麵湯底配上口溶化嘅和牛，好正😋🍚Wagyu Donburi和牛丼丼上鋪滿一片片和牛，份量十足，牛嘅脂肪比例亦均勻，加上溏心效果，食落都唔會覺得好膩🤩🥟Wagyu Gyoza和牛餃子皮煙靭爆汁，和牛入口即溶，多汁之餘又能做到肥而不膩🥰

/ ǫᴜᴀʟɪᴛʏ ᴏᴠᴇʀ ǫᴜᴀɴᴛɪᴛʏ /꧁𝗠𝗔𝗦𝗛𝗜 𝗡𝗢 𝗠𝗔𝗦𝗛𝗜꧂人氣過江龍和牛黑手黨 窮j吃不起𝘄𝗮𝗴𝘆𝘂𝗺𝗮𝗳𝗶𝗮都要試副線無論有幾多新餐廳開張都不減我想試𝗠𝗮𝘀𝗵𝗶 𝗡𝗼 𝗠𝗮𝘀𝗵𝗶的心!!今次剛好碰上下雨天 人龍短很多不用等太久就能入座 想試的話要有排隊的心理準備呀上次等太久太餓放棄了🥺☘︎︎ 特製和牛沾麵 $𝟙𝟝𝟘上菜的signature pose大家應該不感陌生好強的氣勢令你不得不打卡😂以和牛熬製的湯作為沾麵的靈魂實在perfect牛味濃而不膩 亦不會令人感到口渴 無味精認證湯內仲有粒粒和牛同大葱 令人回味無窮麵底夠煙韌彈牙 掛汁力強💯 唯獨和牛片分量較少 只有小小的四五片不過確有質素 油脂分布均匀 入口軟滑溏心蛋熟度剛剛好 加上日本蛋獨有的橙黃蛋黃 十分矚目☘︎︎ 和牛丼 $𝟙𝟠𝟘小小一碗牛丼索價$𝟙𝟠𝟘但物有所值和牛分量比沾麵內的多 反而飯就異常的較少和牛經慢煮後再微微炙燒過 sexy pink的和牛配橙黃生蛋黃齋望都令人垂涎欲滴🤤牛的油花較沾麵配的和牛少 不過依舊軟滑易咬飯底亦拌有粒粒和牛碎 包你每口都被牛香包圍不過醬汁可以再多點 食到尾略嫌有點bland於是

心血來潮又想去食返呢個沾麵 🍜無論食幾多次都仍然覺得咁好味🤤然後今次試埋個和牛丼，結論都係沾麵最出色👌個和牛丼成碗都係和牛鋪面，好似食極都有肉咁💖而且牛肉好滑～質素絕對有保證。碗入面既飯仲拌有乾身而且較濃味既牛肉，令整體肉味更重更香。　

有個friend住銅鑼灣, 明明其實好多野好食, 但次次搵親佢都唔知食咩好, 俾我諗起呢間野, 就問佢有無興趣去試下!入到黎好有日本拉麵店feel, 叫野食都係用部售賣機, 好得意😛2個人叫左3樣野, 和牛沾麵, 和牛丼同和牛餃子, d和牛入口即溶係正既, 如果要揀, 個和牛丼係最正, 因為和牛同d飯好夾, 仲加埋d蛋汁, 真係好完美🤤最麻麻既會係個和牛餃子, 首先有少少貴啦, 一咬落去係成口油(可能係和牛既關係), 食左一件就有d溜喇😰但overall係好味既, 同埋個feel好正😂d 廚師好搞笑😂

So much fun with wagyujiro miso virtual gatherings! Love the soyful broth which is made out of a 6hour simmer of beef bones! The ramen is topped with the signature thick-out Wagyu Char Siu, mushroom, garlic, chili garnish, and minced wagyu beef

星期六去咗銅鑼灣行街，差唔多到晚飯時間諗住出返九龍嗰邊食晚飯，但六點半左右過海隧道就會出現結界，一排就唔知要排幾耐，超級浪費時間。😵‍💫所以就決定係附近搵嘢食，最後就去咗呢間係街角上嘅餐廳，之前都有留意過呢間餐廳，但因為比較少去港島區，今日終於有機會試到。😋餐廳係灣仔同銅鑼灣嘅中間，位置比較隔涉，無車真係唔會想嚟 😝 就咁睇個門口似賣衫鋪頭多啲，食物選擇唔多得兩款沾麵、和牛丼同和牛餃子，揀好食物之後就喺牆上部機落單。開放式廚房可以望到店員如何制作食物，見到和牛丼都有好多片牛肉，和牛丼制作完成後，店員就會擺個 Chok Pose 比你影相。😆和牛丼 ($180) : 和牛丼上嘅雞蛋，睇顔色就知係日本雞蛋 😋 已經有醬汁嘅和牛用火槍燒過再沾蛋黃汁食，味道同口感十足 😍 食哂成碗會有點漏，所以叫咗枝波子汽水飲下 😝 自己覺得醬汁味道稍為重咗啲，蓋過咗和牛嘅油脂香味，不過朋友就覺得超級正。下次有機會再嚟試埋兩款沾麵同和牛餃子。😋

Bookmark左呢間碧咸食過都讚好的餐廳好耐，終於有機會一試，位置都幾隱蔽。餐廳裝修走簡約工業風，一邊是凍肉庫，架上放滿冷藏牛肉；另一邊是用餐區，只有12個座位的L形吧枱，圍住開放式廚房。在門口的自助點餐機落單後，入座後望住兩位店員製作餐點。我看著她鋪和牛丼後加隻生雞蛋已經流口水，可惜今次只是點了兩款沾麵。店員上餐時擺晒甫士讓客人拍照打卡，這是餐廳的特色，蠻酷的！特製和牛沾麵 $150 激辛武士沾麵 $165兩款沾麵只是沾麵汁的分別，配料都是和牛，筍，椰菜，溏心蛋及紫菜。和牛正！腍到有少少入口溶化的感覺。紫菜印有Mashi的圖案，賣相靚但唔脆。而朋友另加$15加野菜我個人覺得份量唔多。麵條彈牙，沾麵汁好濃味，有唔少牛肉粒，掛麵力強。辛辣麵汁可以加辛辣炸彈，不過加左一粒都唔算好辣。食完麵叫店員加湯溝淡沾麵汁，不過飲落都偏鹹，所以我只係飲少少。和牛餃子 $120/6pcs$20一隻和牛餃子都幾貴，抱有期望下實在失望。首先餃子皮都未包好，而餡料味道及口感無咩特別，配埋秘製餃子汁都無用，感覺完全唔值呢個價錢。

Totally in love with their tokusei wagyu tsukemen. This Japanese style ramen involves serving cold noodles alongside a bowl of hot soup. The quality and texture of the noodles is relatively good.I still remember the balanced fat-to-meat ratio wagyu topping and the perfect broth! The soup tends to be saltier and more intense than the typical ramen broth, as it’s for dipping rather than drinking. Recommend to add additional spicy sauce to the broth, it is literally the soul of the tsukemen.The sta