Mamaday (已結業)

🍝魷魚薄片炸芝士蕃茄乾扁意粉 $118魷魚薄片好鮮甜香口 炸芝士又外脆內軟 意粉都彈牙同好味 總之就係好味⁣🍕中國芝士南乳配西方芝士加肉碎咁囉 $126南乳pizza喎 一聽就想試 都係咸咸地同有啲肉咁囉 係食到淡淡嘅南乳味 唔算好濃味 個pizza底都唔差㗎 有驚喜 ⁣🍵Matcha Latte 抺茶牛奶澀澀地無咖啡無落糖架 $48抺茶味幾濃 香嘅 私心覺得matcha latte 要熱飲先好飲 啱晒冬天/ 身體唔舒服嘅女仔啦⁣🥤Caramel Coffee Frappe 焦糖脆脆咖啡沙冰 $48甜 好香咖啡味 仲有啲脆脆係面 正⁣🍰紫薯蛋糕 $68啲紫薯係真嘅薯仔蓉 唔會太甜 好natural ⁣成間餐廳都好有驚喜 由門口 餐牌 枱枱凳凳 碟 都好有設計 啲食物唔求其有details 欣賞呢啲咁有心機嘅餐廳 btw 太多人去walkin 細啲機會有位 唔想等唔到就最好book定啦🤪

之前去過尖沙咀嘅分店，今晚就黎銅鑼灣試吓～ 一直都好想食呢度嘅窩夫🧇，可惜今日無甜品，唯有食沙律🥗健康啲～🥗 基本野：素食者沙律 $78大大碗有好多菜，配埋麻醬無咁寡，食完都幾飽。仲有唔同嘅水果，包括紅莓、藍莓、火龍果，酸酸甜甜幾開胃。🍠 天然紫薯唔太甜 $48果然名副其實唔太甜，只有紫薯本身嘅微甜，因為飲品無加任何砂糖同糖漿，非常健康，而且飲到紫薯粒同埋絲。面頭有層奶泡，同埋乾花做裝飾，另外係用紙飲管，比較環保♻️好味又健康～ 下次再戰窩夫💪🏻

終於食到長期高人氣的Mamaday，格局同擺設都別具風格(包括廁所🤓），打卡-able之餘食物都有質素。👏🏻👏🏻.我們點了：1. 點解個個都叫軟殼蟹比蕯架？ $138一隻原個軟殼蟹在pizza上，蟹殼炸得香脆，內裡蟹肉鮮嫩。pizza係薄批，脆卜卜，表面滿佈芝士同千島醬，加上各種配料例如菠蘿、薯蓉、蟹柳等，口感豐富，非常推薦。👍🏻.2. 黑到爆炸魷魚圈墨魚滑墨汁燉飯 $126炸魷魚圈外脆內煙韌。燉飯口感軟硬適中，加了墨汁、芝士同少少辣椒粒，面頭灑上炸蒜和味素，墨汁味不算很濃但調味還不錯。想不到的是烏黑黑的燉飯裡還藏着不少爽口彈牙的墨魚滑。.3. 自家製73.5%心太軟 $58簡單的心太軟配雪糕，朱古力味都幾濃郁，美中不足是可以更流心。.俾少少提示大家，餐廳六點開，第一輪就會滿座，用餐時間90分鐘，可以5:45黎walk-in，6點黎就拎定7:30的籌。

Mamaday真心hit，我同朋友大概七點到去到，已經要等四十五分鐘，好彩食物質素都唔錯，冇白費到我地等待嘅時間。我最鍾意朋友嗰個明太子蟹柳意粉，蟹柳好食過坊間嗰啲。吉爆水波蛋之後啲蛋汁會留晒出黎，意粉係我最鍾意嗰隻軟身意粉，鍾意有咬口嘅人就未必會太喜歡喇。豬頸肉沙律份量唔洗，啲汁幾好食，份量細小嘅蕎麥麵超好味，但啲豬頸肉就麻麻地。炸魷魚圈係正嘅，內裡creamy外層酥脆，熱辣辣好吸引。朋友好鍾意豆腐咖啡，我就覺得ok還好啦。最後係甜品心太軟，雪糕軟滑，蛋糕亦有流心，我幾鍾意。

收工同friend食飯，佢話上網睇到叫做mamaday好似好得意，想試下。是但啦，都係食餐飯啫 haha。呢間餐廳個menu都幾有趣，樣樣野都聲稱自己麻麻地，唔好有期望。用咁嘅心態食野又會有d喜出望外嘅。今日叫左個「真心無乜驚喜黑松露意大利扁麵」，同埋「辣架傻豬豬豬頸肉泰式肉碎日本蛋包飯」。另外再叫多個避風塘雞翼。雞翼就偏細隻嘅，不過數量算係多，同埋都有避風塘辣味。至於最驚喜係佢個泰式蛋包飯，睇落係d fusion菜，蛋包飯隻蛋做到好日色，出面又有d好泰色風味嘅肉碎，辣辣地個配搭幾好食！

Mamaday地方不算大，但佈置很有個性，極鬼馬幽默。Aozora一杯非常漂亮的Cocktail，讓人有海洋氣息，白色泡沫下是淺藍色的藍橙酒、冧酒、梳打…….味道微酸酒味重。Unagi O Rice鰻魚滑蛋飯，份量十足，滑蛋處於半熟半流質狀態。外層蛋汁凝動，口感滑溜；鰻魚可以選整條或半條，價錢當然有差一點啦，今天不太餓，要了半條。鰻魚肥厚味濃，油脂豐腴，最重要的是沒有半點雪味，很不錯，難怪有幾桌客人都有點。芝士雞翼，是最近很多人喜歡的單骨雞翼，比較容易𦧲骨。雞翼完全唔油膩，外層勁多芝士包裹，鹹香濃郁，正呀！

繼續再訪銅鑼灣呢間樓上舖因為佢地既食物實在太不錯喇而且又坐得舒服👍🏻🌟美利堅合眾國草飼牛扒扒扒牛扒生熟到啱啱好 一上枱已經係切好晒好方便 👍🏻肉質嫩而且牛味都濃🐮另外配左個胡麻醬蕎麥麵 仲要有啲木魚碎 食落幾清新💯仲有配埋沙律同炸蝦片 食落勁豐富😋😋🌟芝士粉薯條呢個必嗌🙌🏻薯條全部新鮮炸仲要每條都沾滿左芝士粉🧀一啲都唔吝嗇 食落非常滋味 😋🌟甜甜酸酸的洛神花柚子茶好啱夏天甘熱既天氣飲成杯酸酸甜甜勁解渴👍🏻

《再撐麻麻地💛》———————————————-#Mamaday 🇭🇰-去完撐mamaday cafe，同朋友再去埋麻麻地餐廳，完全保持到水準，非常抵讚👍🏻-設計一如既往走街頭風塗鴉風，夠哂玩味，超多打卡位～每道菜嘅名稱都好有心思，非常搞笑🤩雖然地方唔大，但都坐得幾舒服 🥰-🦑 炒你魷魚薄片沙嗲香港製造蝦子撈麵魷魚片切得好薄，形狀有啲似意粉咁，估佢唔到咁鮮美，幾有嚼口😆 配搭埋港式風味嘅沙嗲醬蝦子撈麵，爽質爽口彈牙，撈起入哂味🤩-🐽 辣㗎傻豬豬豬頸肉泰式肉碎日本蛋包飯用上日本進口雞蛋嚟整嘅蛋包飯，蛋味香濃🥳配搭咗豬頸肉同肉碎，crossover咗泰式味道，十分特別～-⭐ 參考價錢︰炒你魷魚薄片沙嗲香港製造蝦子撈麵： $118辣㗎傻豬豬豬頸肉泰式肉碎日本蛋包飯： $118Strawberry milkshake: $48🍌 抵deal 指數：8/10💰 人均消費：$150

Mamaday 地址: 銅鑼灣霎西街28號必發大廈1樓電話: 21640066開app 搵食支持，有朋友介紹過呢間貼了好多文宣，同埋個擺設好過癮，幾多影相打卡位架。一個人靜靜地時就來食下曬$48 焦糖脆脆coffee smoothies ,原本想點coffee ，見特飲幾吸引，成杯沙冰夠涼快，牛奶踮coffee smoothies 加上甜甜架焦糖脆脆，啜一大口涼透心有蟹Go又有蟹肉的蟹蟹蟹意大利扁麵 $128，主菜試左真蟹鉗加魚肉蟹柳，意粉落左好多乾香草，食入口幾好食架，又維持到意粉應有架彈性。望下有點雜亂架擺設同裝飾，不經不覺天也黑了。

Expensive for the quality and quantity you get in return. I think there are better alternatives if you look hard enough.However the decors were interesting and cool to look at. It was a cool visit but not a repeat for me. The service was decent, and the washroom was decent as well. The food selection was also good, although like a mentioned above, it is expensive for what you get in return.

看見此餐廳評價甚高，便訂定位晚飯，祇可訂首輪六点，用餐時間90分鐘，十分期待。前一天又要網上確認，十分認真，因為限時用餐又未去過此餐廳，使提早出門，早二十分鐘到，又食閉門羹，因為員工用膳時間，祇好下去逛至五時五十五分再上去，一出電梯已見數人排隊在門前，因為地方淺窄，天氣又熱，五分鐘已成身濕晒，六点也不開門，焗到暈咁滯。終於開門，大家魚贯而入，又要排隊填表，安心出行也沒有用，必定要填表，因為會所牌喎，行會員制，企左咁耐又全身濕透，仲唔比坐。食物價錢算便宜，点了招牌鳗魚飯，牛扒，豬頸肉，pizza 同薯條。除咗牛扒都好食，又鞋又un，仲話係medium。試一次就算了，名過其實，不值得咁辛苦食餐飯呢！

呢間嘢由大厦入口就開始玩嘢，每級樓梯，每個角落，甚至連厠所都冇撻空白既。嗰本menu又古靈精怪，啲名水蛇春咁長，講來講去講極都未到題。我都唔想幫你哋賣廣告，淨係响度放幾張相算喇! 啲人鍾意睇就睇，唔睇就算鬼數!靚女話賣曬就冇最好早啲叫定👉手工紫薯窩夫Earl Grey好在我都識呢個字👉百爵茶蛋糕食襯西餐都淨係識叫呢個甜品👉朱古力心太軟扮曬蟹明明得返陣皮👉軟殼蟹pizza唔知佢燒定焗定烤👉豬頸肉明明係魚子又係度扮太子👉明太子温泉蛋扁麵你咁肥我知你係墨魚扮既👉炸魷魚圈又唔係壽司又學人落芥末👉蜜糖芥末雞翼究竟係炸薯條配明太子定明太子配炸薯條👉炸薯條我要明太子落咁多牛油果想食肥我👉牛油果沙冰隔離嗰個飲完傻咗淨係識講''正呀!''👉焦糖脆脆咖啡沙冰愛因斯坦話把你的手放在滾熱的爐子上一分鐘，感覺起來像一小時。坐在一個漂亮姑娘身邊整整一小時，感覺起來像一分鐘。這就是相對論。明唔明睇你都唔明！

啱啱放工嘅啡熊小編決定要同大家分享下啲令人開心嘅好嘢食😍 今次摸咗兩次門釘 第三次同黑面友人嚟終於食到了🥲 就咁都等咗成個鐘先有位😭 所以話真係超級期待！好彩今次安排俾我哋嘅係窗口位 隔著落地玻璃望住銅鑼灣街景同埋啲雨 真係好啱我地兩個呢啲港女打卡🤤店入面裝修以木調為主 有好多artistic同埋vintage嘅元素 係比較特別嘅style😆 而且menu啲菜式名都好搞笑（雖然話叫我order嗰陣時讀出嚟係好shame😂）係啡熊小編覺得得意啲嘅嘢！-🌟-吉列石斑一定要配芒果他他醬架｜配炒蛋多士 $108黑面友人🌚嘅one pick🤣 石斑有啲細塊 但勝在外脆內軟 入面幾多汁👍🏻 記住要點埋個沙律醬 真係好好食 所以啡熊小編係浸咗塊魚入去的🤤 炒蛋都好滑溜溜 好香🤌🏻 配埋脆脆地嘅多士係perfect match🥺 不過又係塊多士真係細得可憐😨 沙律就係麻醬dressing 生菜同火龍果raspberry一齊幾開胃幾好食🥰冬蔭公虎蝦扁意粉 $128意粉偏硬 所以煙煙韌韌 係啡熊小編鐘意嘅texture👍🏻 雖然好重冬蔭公啲香料味同埋辣辣地好開胃 但整體偏乾 係要挑剔嘅位🤫Sweet po

近住鵝頸橋附近有間「Mamaday 」樓上Cafe ，網上好Hit，趁今日係南洋酒店開完早會，下午Free就一於上Cafe試吓，餐廳🍴油上不少搞鬼牆畫，特別字句，紅藍黃枱椅，怪不得成為打卡熱點😍😍再細閱Menu都好有趣🤔冬陰功虎蝦扁意粉🍝$128趕得切叫過餵飽你午餐🥣，煙靭彈牙扁意粉🍝掛滿冬陰功醬汁，配合爽口鮮甜虎蝦，充滿泰式風味😋😋普通到無得再普通嘅炸魷魚圈$28又想試多幾樣食物又驚食唔晒，好在Mamaday所有主食都可以加套餐優惠，份量剛剛好，金黃酥脆外層包住彈牙嘅魷魚圈，係好普通但係一樣Likes 😁😁紫薯比利時窩Full $42夢幻色彩紫薯甜甜哋，外脆內軟waffles，雲呢拿雪糕球，配上玫瑰花瓣🌹煉奶，好吸眼👀，相機食先😅😅Honey Soda with lime🥤$42 & Set Ice Americano(Free)驚唔驚中伏先，美式咖啡用化學藥品樽裝上，玩味十足😁😁點解蜂蜜青檸🍋梳打紫色嘅，味道酸酸甜甜正常喎🤔🤔

好耐之前已經想試呢間🤤聽人講呢間好好食，所以吸引咗我特登等位食！因為唔係好肚餓既緣故，所以淨係叫咗個crab fettuccine🥰雖然呢個扁意粉較乾身，但依然好食好足料！入面有2條新鮮蟹肉跟住，仲有幾條蟹柳捧，仲有蟹膏味，真係好值得一試🐷簡直係唔會令人失望🥳不過價錢方面相對冇咁平民但尚可接受🤑至於服務整體來講都可以，但等位既制度有待改善，不夠全面地計算客人的入座時間，導致我走了三趟。環境舒服，好適合打個靚卡chill下🍾整體來說都幾唔錯，下次會試下其他店舖嘅水準！😈