Mamaday (已搬遷) 新店位置

因為個餐牌所以吸引了我同朋友去試當天我們Order了三樣食物及兩杯飲品🍹分別是：Pizza 🍕: 點解個個都叫軟殻蟹比蕯架？意粉🍝 ：真心無乜驚喜黑松露意大利扁麵雞翼🍗 ：記住．期望愈大·失望愈大- 雞翼飲品 🍹：放心唔係好甜既抹茶沙冰 + 士多啤梨奶昔餐廳雖然叫麻麻地, 其實很有驚喜, 另外食物名好特別, 份量都比較大, Pizza上面有原隻軟殻蟹, 炸得非常脆口, 材料很豐富, 有菠蘿、蟹柳、芝士千島醬意粉濃濃黑松露味, 非常Creamy雞翼真的可以食完再食, 香口不油膩性價比高的一間樓上Cafe, 是個有趣味性的餐廳, 氣氛熱鬧、亦是打卡熱點餐廳坐得舒適, 服務員還給我們一張大枱, 服務不錯, 值得推薦👍🏻

今日晏就約咗屋企人食午餐，工作地方大家都係尖沙咀，梗係係附近食啦，又諗起想食Mamaday～其實已經食過好幾次，每次都有驚喜。已成2點諗住少啲人，但都要等咗一陣，不過算快喇！今次見到隔離枱叫咗一個黑炆炆既一碟飯，原來係黑到爆炸魷魚圈墨魚滑墨汁燉飯😂個名好攪笑😆跟住再柯打多一個好邪惡既咸蛋牛油果蟹肉比薩，份量足夠，好大個啵！材料都好足好滿～兩人已食到飽飽的，本想柯打多個甜品添，都係留待下次再光顧。

Mamaday=「麻麻地」/「媽媽日」兩者都唔係😹餐廳質素絕對不麻麻地，呢日跟妹妹去，不是跟媽媽去，或者下次可以帶佢去☺️餐廳由裝修設計到食物名都好幽默搞鬼😝🌟有蟹G0又有蟹肉的蟹蟹蟹意大利扁麵故名思義有蟹膏又有蟹肉既扁意粉囉！不過，估唔到佢爆多蟹膏🤩，請參考圖片，蟹膏多到黐住晒啲意粉上，每啖意粉都有蟹膏食！如果同我一樣都很喜歡蟹膏既朋友一定要試吓！蟹肉方面有真蟹肉（蟹鉗）及仿蟹肉（蟹柳）。蟹肉十足，但留意返食到有輕微少少🤏辣味，應該用帶出蟹肉鮮味。🌟又係黑松露野菌比薩⋯好悶呀 不過我鍾意呀！😆名字奇怪但都估到系咩pizza。食物上枱見到每件pizza都一定有一大舊黑松露醬和野菌，配搭蕃茄仔和芝士，味道好搭，食到芝味又有濃濃的黑松露野菌味。雖然是薄批，但一份有六件，有飽肚感。

📍Mamaday 不嬲都係我嘅餐廳Must Eat List之一一直都冇機會試 今次提早Book咗位 終於唔駛排隊排咁耐餐廳屬於玩味Cafe 牆上裝修 甚至餐具 都好多搞鬼標語slogan令人不禁會心微笑🙈🙈🙈🌀求其是但乜都炸啲啦一啲都唔求其是但㗎 呢個炸物拼盤好豐富有炸魷魚圈 芝士薯波 薯條同吉列炸蝦上頭仲熱辣辣 外層炸漿唔厚又超酥脆以咁嘅價錢 真係超抵食🌀有蟹GO又有蟹肉的蟹蟹蟹意大利扁麵Crab Crab Crab Meat.... 淨係聽個名都知道有好多好多蟹肉除咗有蟹肉絲同蟹鉗肉之外 仲加入咗蟹柳食落口感更豐富 加入咗香草調味 唔係好食得出蟹膏味調味依然相當惹味 不過闊麵嘅質感偏硬 煮返淋少少就好啦

呢間餐廳我想食好耐，冇得book只有walk in，幾次都因為太多人所以都未食到。今日星期二7點前就諗住上去Mamaday博下有冇位，只剩Bar枱二人位，照殺！食評咁一致讚好，我都好大期望兩個人叫左三樣野食1. 明太子炸薯條（細）細既份量兩三人都好夠食，而且明太子超多！唔洗慳住點！薯條熱喇喇炸起，夠粗身！正2. 點解個個都叫軟殼蟹比薩架就試下佢點解個個都叫佢！炸軟殼蟹落左1隻放面，其餘將d蟹肉絲混入芝士，唔算多蟹，但都惹味😋 3. 食唔停口的火燒魚骨以為係類似火炙三文魚咁骨，原來係好似烤魷魚乾咁。我一食....覺得最有驚喜，烤好既幼魚骨好脆卜卜，唔會痴牙，有魚香帶醃製既甜，真係食唔停口，真係第一次食總結： 我鐘喜愛火燒魚骨，因為真係食唔停，好好配酒！其他兩樣都好出色，所以下次都要早d walk in過黎食😛

係網上經過對比揀咗去呢間鋪用午餐 本身期望就唔係好高 到咗之後點知沒有最失望只有更失望 首先係用餐碟嘅衛生問題 裡面仲有d未抹乾嘅水跡 望落去就覺得隻碟唔夠乾淨 之後就系餐檯嘅水 盛水嘅器皿竟然係烈酒瓶 而且瓶蓋打開之後明顯見到瓶口同瓶蓋有好多黑色汙跡 一睇就知係一直冇清洗過個酒瓶同好耐先會換瓶 引發嘅衛生問題 然後係落餐問題 服務員并沒有複述一次客人嘅餐單做double check 而且當客人落咗牛扒嘅時候 服務員并沒有主動用客人提及默認落單牛扒係幾成熟 容易因為溝通唔好導致客人唔滿意 我落單後有同服務員強調過牛扒要七成熟 到最後都系只做到默認嘅三成熟 所以最後只食咗一小塊就冇食 因為牛扒烹煮時間超過半小時 所以我都冇再出聲要求重新烹煮 最後係食物味道問題 猶豫餐廳內用嘅係冇沖水嘅蒜蓉 即係生蒜搞成蒜蓉後直接使用 所以會令到蒜蓉搶晒食物應有嘅味道 而且 冇沖水嘅蒜蓉味道衝 較辛辣且發苦 直接影響食物口感同味道 導致客人減少繼續進食嘅慾望 我今次係自己將辛辣發苦嘅蒜蓉由pizza上面挑出黎

呢間基本上唔太需要介紹 因為真係非常之出名 出名在於佢哋玩嘅fusion 菜好特別🤩 而且大部份嘅菜式名都花過心思去改👏🏻 每次行過都大排長龍冬陰功虎蝦扁意粉🦐🍝($128)冬陰公背意粉簡直係天下無敵 酸酸辣辣 係會令人上癮嫁 虎蝦好大隻 食落非常爽口 唔霉 成碟意粉勁速KO😂XO醬燒帶子長通粉($138)XO醬crossover 長通粉真係第一次見 估唔到又幾好味 帶子熟成度剛剛好 唔會又老又鞋 本身以為XO 醬會好咸好油 上枱見到又幾乾身 味道帶小小辣🌶️ 好開胃焦糖脆脆窩夫🧇($86)呢個真係不得之了 好食到飽到上心口都停唔到口 因為窩夫🧇熱度同厚度都剛剛好 邊邊位又脆卜卜 完全唔會感覺成空氣 海鹽雪糕🍨中和左焦糖粒嘅甜膩 咸甜咸甜好過癮 值得一提係佢地個cream 都好出色 有少少咸味 但唔膩個下正好一般一般檸檬果皮烏龍茶沙冰🍋🍹($56)同佢個名完全相反一啲都唔一般 茶底香濃而唔澀 加上呢種口味嘅沙冰 出面真係未見過 飲完消濟又解渴 必試💯

好彩友人之前黎過，知道唔可以搭𨋢上，要行樓梯先可以去到！環境好有特色，大玩中西合璧，餐牌同餐巾嘅文字都好有創意，搞搞新意思都幾特別！👉🏻有蟹GO又有蟹肉的蟹蟹蟹意大利扁麵$138十枱有八枱都叫呢碟，確實名不虛傳，好多蟹肉，蟹鉗好鮮味，如果多d汁會更好！👉🏻記住，期望愈大，失望越大…雞翼（微辣原味）$68雖然食唔岀有辣味，但係炸得好香脆，同時亦鎖住肉汁，係juicy嘅，而且有六隻雞翼咁多！👉🏻！！！薯薯薯薯薯••••條$45有原味，明太子同芝士粉揀，我地揀左芝士粉，好正呀，好香，好濃郁，而且好均勻，條條薯條都佈滿晒芝士粉，薯條好香口，粗幼度適中，好味！👉🏻自家製73.5%心太軟$68朱古力好香濃，但最驚喜係個雪糕，非常軟滑，成件事好完滿！

都唔記得第幾次食 Mamaday唔同分店都食過成日幫襯因為好想望住佢哋啲裝修食飯 😂胃口都會好啲 🤣..吉列石斑一定要配芒果他他醬㗎！配炒蛋多士 ($108) : 個菜名真係水蛇春咁長 😅 輕食lunch，又健康啲，有一半都係沙律 🥗 啱晒減緊肥嘅我 👍🏻 個蛋真係炒得好好！炸魚好鬆脆..熱 cappuccino ($48，跟 set 可以減 $20) : 例牌啦，次次嚟都係飲咖啡，比較 nutty，好 balance，唔會酸..

較早前同閨蜜們黎到呢間鬼馬既cafe~不論食物，飲品同環境都充滿玩味，選左最吸睛既幾道菜（大部分係甜品）🍝可能會失望溫泉蛋明太子扁意粉呢個菜名好謙虛，其實味道唔差，明太子同意粉既配搭無得輸，係預期既味道～甜品(排名分先後)👀今日咩心情要問店員先知道既甜品，日日唔同（應該係）上碟係牛油果造型既蛋糕～外型非常討好，入面係慕思蛋糕，味道幾好，唔太甜🍫自家製73.5%心太軟睇外表以為係普通嘢（除左個雪糕有d 似lush 番挸）估唔到朱古力真係幾香濃，如果一個人食會有啲漏。開心些牙就剛剛好～🍰唔甜既紫薯蛋糕因為唔甜，亦無咩紫薯味，比較普通🥤Yoda Fact check：依家既menu已經無呢個飲品，其實個名我都唔記得了，淨係記得有yoda。上枱果陣果見到呢杯造型咁貼題，真係創意十足💯一睇就知佢既材料包括火龍果同綠色蔬果，係健康既smoothies

呢日同朋友去尖沙咀搵食，搵到呢間樓上舖，餐廳入面每一個角落都好特別，色彩繽紛好吸引，我哋坐緊個張枱仲好似係一部衣車改成😂明太子薯條係炙烤過嘅明太子醬，味道濃郁，略帶辣味，薯條係新鮮炸，食嗰時仲好熱脆卜卜，好適合搭配薯條🍟分量超多，如果一個人食真係食唔晒基本野素食者沙律沙律菜好新鮮，仲配埋藍莓、覆盆水&士多啤梨，超甜一啲都唔酸，加配芝麻醬，真係一度好醒胃嘅前菜手工紫薯窩夫窩夫入面有mochi餡料，煙韌好彈牙，紫薯蓉完全冇加工都好甜，配埋雪糕食一流。一份有4塊窩夫，絕對夠同朋友share食提拉米蘇聽過未呢個名真係冇聽過，多數提拉米蘇都係蛋糕，但呢個係提拉米蘇味嘅咖啡飲品，聽個名都知好特別。飲落直程好似食緊提拉米蘇一樣，又有香濃咖啡味，呢個配搭我比80分

呢間MAMADAY一直都有唔少朋友推薦，店內裝修夠玩味之餘，食物質素一d都唔麻麻地。d 食物名好鬼馬🤪，人少少就叫左2款黎試下啦😚 點解個個都叫軟殼蟹pizza㗎:軟殼蟹炸到好香脆，又多肉，連埋d千島醬、芝士、菠蘿、蟹柳等，口感豐富有層次，不過要多d人share，如果唔係好快就飽美利堅合眾國草牛扒扒：望落去好多野食好有滿足感，草飼牛肉質結實好有牛香，肉味濃郁，配埋芝麻醬沙律，感覺好fresh，唔會油膩，值得推介

之前係銅鑼灣mamaday食過幾次lunch，今日係黎開加連威老道，就試下尖沙咀既mamaday 。下午5點幾黎到，已經好多人，睇黎係附近返學既大學生。裝修風格同銅鑼灣一樣，都係行玩野路線。侍應都好後生，仲見佢地間中跳下舞，😂好配合mamaday 輕鬆既氣氛。求其是但乜都炸啲啦 Whatever fried platter 有炸芝士，炸蝦天婦羅，炸魷魚，炸薯條，即叫即炸，熱到燙手，炸得好乾身，吾會油膩。附上茄汁及沙律醬。唔好抱太大期望蒲燒鰻魚 mamaday unagi omurice甜甜地既燒鰻魚，配上大量木魚，香濃雞蛋，再加上鰻魚汁炒飯，正。75%朱古力最好味 Chocolate latte 仲擔心75%會苦，不過飲落又吾會。其實有加奶，仲好似有d orea。聽下歌傾下計，咁就過左愉快既一晚。

呢間玩味十足cafe 大熱 講左好耐終於約到朋友去食💛 估唔到晏晝都多人要攞飛等位 不過都唔洗等好耐🙈 pizza:garlic garlic tiger shrimp pizza 蒜蓉虎蝦比薩 鐘意食既就鐘意食 ($136)一來到已經聞到好香🤤 蒜蓉香味都幾濃 真係冇得輸😆 pizza 已經預先切好🍕 每一塊都有一隻虎蝦 爽口好食😋carbohydrate:crab crab carb meet crab butter fettuccine 有蟹GO 又有蟹肉的蟹蟹蟹意大利扁麵 ($128)蟹肉蟹膏蟹子扁麵係一食上癮 停唔到口😳 好多蟹膏蟹子真係好足料❣️ 每一啖都有蟹😙 感覺好似個意粉汁同蟹膏融為一體咁🤤 絕對對得起呢個價錢冇花冇假😍coffee:cinnamon coffee 燒過既玉桂好鬼香 ($56)tofu tofu tofu coffee 豆腐豆腐豆腐咖啡 ($56)兩杯咖啡都好特別好唔錯😆 玉桂咖啡就相對普通d😙 不過就真係好香好濃玉桂味😍 另外不得不講個豆腐咖啡真係好得意😳 佢感覺好唔咖啡😛 就係好似豆腐花咁😋 最上面有舊初初以為普通雲尼拿雪糕🙈 點知食落有驚喜 係豆腐

尖沙咀都有唔少樓上餐廳，今次就去呢間好有特色嘅Cafe。一聽店名就知Cafe走搞鬼路線，店內設計玩味十足，每一個角落都有幽默搞鬼嘅標語及裝飾，啱晒影相打卡ʕ•ᴥ•ʔ🔥 食唔停口的火燒魚骨 $68上枱時新鮮燒起，食落有啲似雞泡魚乾嘅口感及味道，但就更加脆口，甜甜地帶微辣，香口惹味真係食唔停口，推介！🦑 黑到爆炸魷魚圈墨魚滑墨汁燉飯 $128用墨魚汁加入忌廉煮成嘅燉飯，濃稠creamy，飯粒濕潤口感煙韌，充滿墨魚汁獨特嘅鹹鮮味，飯裡面仲加入墨魚滑，更有咬口。搭配魷魚圈及帶子，外皮炸得金黃香脆，肉質柔軟Q彈。.🍕 好邪惡嘅咸蛋牛油果蟹肉比薩咩叫減肥 $138Pizza批底非常薄脆，咸蛋味道唔算好重，加埋半溶芝士，鹹香滋味。用料豐富，除咗鋪滿新鮮蟹肉、牛油果、車厘茄及沙律菜，每一件Pizza都鋪上蟹鉗，鹹香味之餘多添一份清新鮮味！.🍨 豆腐豆腐豆腐咖啡 $56豆腐+咖啡，一杯好有創意嘅飲品！咖啡面放上一球豆腐雪糕，同咖啡醇香嘅味道出奇地夾，咖啡入面仲加左豆腐花，相當有驚喜！.總括而言：餐廳裝潢擺設色彩鮮豔，每一個角落都充滿玩味，用餐環境輕鬆愉快！Menu選擇豐富，小食、沙律、主食、甜品及飲品款