M Square

营业中

休息中

🍝🥩M Square🍰🥤假日去西貢行下散下步😆cafe 餐廳都好多選擇，我地今次想食好啲，就試下新酒店WM下面既呢一間！環境不錯!🔸Lobster Mac & cheese $ 238 - 好濃既芝士香氣，龍蝦係通粉上面，擺盤好精緻，通粉浸滿龍蝦汁同芝士醬，好濃郁，味道好夠，份量多，食到最尾會有少少膩感🔸Maple bacon cheese burger $155 - 漢堡肉厚實，煎到剛剛好，煙肉香脆，配以少許楓糖漿，咸味甜味好夾，薯條伴菜香脆🥳好味！🔸Banoffee creme brûlée pancake $135 - 其實menu有幾款甜品，waffle都好吸引！不過我地驚太飽，所以叫左梳乎厘🥞雜錦水果配吉士汁，配梳乎厘好正！梳乎厘口感介乎空氣感同pancake間，質地適中，面仲有燒過既焦糖脆面👍🔸Mint chocolate milk shake $68 - 薄荷味好香，杯邊朱古力醬吱得平均，賣相靚，奶昔細滑唔算太甜🥤綜合味道係好好，下次可以再黎食過☺️餐廳環境同通透度好高，裝修都好悠閒，氣氛好👍店員仲好細心，見到我係孕婦，俾左壺熱水我，好sweet🥰

晴天Sunday去西貢食個晏，早兩日book都唔難book，12:30去到間餐廳半滿。M square環境好舒服，枱之間隔得開，採光又好，所以好有假日relax感覺。4個人食咗以下食物：- 軟殼蟹沙律：菜新鮮，軟殼蟹入面好淋冇咩口感同蟹味，反而沙律上嘅蟹肉仲好食- Mussels Pot：藍青口份量好多，可惜overcooked, 無咗應有嘅嫩口。個汁正常，唔係好味到想不停食。- 薯條：新鮮炸起，正常熱辣辣都好食- Four cheese pizza: 呢個係唯一覺得好味嘅dish, 而且佢星星形狀好特別，個邊摺起嘅部分入面包滿芝士😋。- Honeycomb pancake: 嚟到一切落去已經feel到唔鬆軟，而且價錢唔平，唔係特別想食可以唔叫。總括而言，如果想舒舒服服食個lunch,又唔想係西貢咁多人，呢度會係幾好，不過對食物唔好太高期望。

位於西貢WM hotel入面嘅M Sqaure，環境非常好，好有渡假嘅感覺，餐廳入邊有好多歡樂嘅設施，好特別!今次叫左四層芝士Pizza，睇星星嘅形狀好得意，芝士味好濃味再叫左個豬肉寬條麵，味道好好值得推介

餐廳採用超大玻璃設計，透光感十足，環境寬敞，清幽舒適，營造出悠閒寫意的用餐環境。餐廳更提供桌球、高爾夫球、飛鏢機等娛樂設施，讓客人享受美食之餘亦可以與朋友玩樂！Mussels Pot ($168)青口份量十足，肉質細嫩，忌廉汁帶淡淡清新香氣，再配上烤麵包條蘸汁同吃，滋味無窮。烤大蝦冬蔭公意大利飯配魷魚 ＆ 蘑菇 ($228)意大利飯盡吸冬蔭公精華，味道濃郁Creamy，充滿濃郁椰香和香草味，微辣惹味，開胃醒神，充滿東南亞風情。再伴以蝦肉、魷魚和蘑菇，口感豐富，份外滋味！Mango & Coconut Pancake ($140)班戟厚身，空氣感十足，入口即化，口感鬆軟輕盈，配上芒果、椰奶和烤椰子餅碎，口感豐富，有陣陣果香，清新開胃。

🚌最近趁住天氣唔錯🌞我哋走去咗🈶️「香港後花園」嘅西貢走走🌻順便食下野呼吸下新鮮嘅空氣🌳🐇我哋沿住係西貢碼頭⛵️嘅海邊遊下遊下嗰陣🐾遠遠就被呢間好modern向海嘅酒店吸引住🏨酒店環境超靚又新👍見到有呢間好大好夠陽光嘅西餐廳🍴裡面仲有好多野玩添🥳🈶️張好大嘅桌球枱🎱又可以打golf👟打機🎮玩下食下就過咗個好愉快嘅週未👒有機會下次都會入嚟住番晚呀🧳🦞Lobster Brioche Roll $208🌈見到menu有呢個龍蝦包我就即刻order喇🥳令我即刻抅起係東京第一次食龍蝦包嘅情景呢😍佢哋呢個龍蝦包都相當之出色💯牛油麵包上面仲鋪滿左勁多龍蝦肉添🦞加埋檸檬🍋胡椒🥄 沙律醬做醬汁🍯令到成個龍蝦包嘅口味層次提升唔少呢👍側邊仲配埋沙律🥗Perfect👏🏻🍕BBQ Chicken Pizza $188🌈我地揀咗呢個雞柳🐔燈籠椒🫑紅洋蔥🧅配埋燒烤醬嘅pizza🍕呢個Pizza嘅size夠曬大份呀🥳而且材料仲非常豐富添💯加埋勁多芝士鋪面🧀見到拉絲嘅效果😋超治癒呢😍🥞Tiramisu Pancake $135🌈剩係睇menu見到佢哋嘅甜品已經即刻流晒口水嚕😛pancake嘅口感超軟滑呀🥰入口個陣仲🈶️濃郁嘅e

入到嚟西貢，除咗一定要食海鮮之外，亦都一定要嚟呢間又多遊玩設施，又有高質素食物嘅餐廳。 一入到嚟就見到一張桌球枱，我個friend連嘢食都未嗌就衝咗出去玩。唔單止，行入啲仲會有電子波子機同埋美式足球枱，亦都有收費嘅Switch同埋模擬哥爾夫球空間。 我哋首先嗌咗一個 Maple Bacon Cheeseburger。店員亦都非常細心，問我哋使唔使切開一半。呢個漢堡肉質豐富咬落去好有層次感。之後我哋都嗌咗一個BBQ Chicken薄餅，啲雞非常嫩滑，配上醬汁超級惹味。 飲品方面我哋嗌咗一杯Super Oreo，一杯Cranberry Juice。兩杯飲品都各有特色，配上主食好好飲。Super Oreo非常濃郁，仲有曲奇碎喺上邊。 甜品就嗌咗一個Banoffee Crème Brulee pancake。個pancake好厚，好鬆軟，配上醬同埋cream，仲有各式各樣唔同嘅水果，例如香蕉等等，超級豐富。

趁假日，同朋友離開一下城市嘅煩囂，入西貢到處逛下，行下海邊。本身我地只係想去WM酒店入面個教堂門，影下打卡相，但就無意間發覺到，依間位於酒店地下嘅餐廳！內裡木色裝潢，同座位好闊落嘅環境，都好舒服。而野食方面，都十分之唔錯！！！😋 Portobello Beef Burger (with fries) $165厚厚嘅安格斯牛肉，好有肉香同juicy！最令人驚喜係Burger入面嘅大啡蘑菇粒，食緊嘅時候，你仲食得出剛剛炒起嘅菇香味！令人回味無窮。‼️好食指數 8/10‼️推介指數 9/10😋 Burrata Chorizo $228本身唔知道Burrata依種芝士，純粹見到有西班牙香腸就點依隻pizza。一黎到之後，pizza賣相十分吸引。新鮮蕃茄同芝士嘅色彩，令人食指大動。食落面層白色嘅Burrata芝士，原來係好微酸，類似淡忌廉嘅味道。款芝士加上火箭菜，剛好可以中和返西班牙香腸嘅咸味，令pizza食落唔會太膩。餅邊十分脆口，配料下的芝士味道都香濃，仲可以拉到絲，好食好食！！‼️好食指數 9/10‼️推介指數 9/10😋 Mango and Coconut Pancake $140食到飽飽地，黎

每次去西貢都有一種遠離煩囂感覺，今次放假就入西貢Chill一Chill閑遊玩樂一日，今次去到西貢天氣不是很好，下著微微雨，所以今次又再選了室內有玩樂設施的餐廳〔M Square〕。餐廳是一間以體育運動為主題的特色西餐廳，店內除了有較大的大螢幕及電視播放著不同的運動比賽外，還有不少免費娛樂設備給客人玩樂，包括：桌球、美式足球檯及彈珠機，亦有收費的Nintendo Switch和模擬高爾夫球空間，就算下雨都可以在室內消磨很長時間。🍕【四色芝士 Four Cheese Pizza】(HK$238)薄餅製成星星形狀，非常特別又可愛，薄餅不同部位都分佈不同的芝士，包括: burrata，gorgonzola，mozzarella，mascarpone，薄餅餅底有點像印度薄餅帶點微微的煙韌口感，最驚喜是摺起的薄餅角邊內藏有滿滿的淡芝士，味道很像淡乳酪，中和了不少芝士的濃膩感，芝士控必食。【Grilled Salmon & Onsen Egg Risotto】(HK$178)意大利飯上放上了溫泉蛋，意大利飯飯質煮得剛剛好，界開溫泉蛋後，每粒飯都可以掛上蛋汁及味噌梅子汁，兩塊三文魚扒烤得香口，伴碟還有

平時工作忙碌，假期經常會到西貢沿岸散步，西貢市中心附近有一間酒店，名為WM Hotel，酒店有三層，充滿東南亞渡假feel，酒店裡有座小禮堂，香港萬人迷Anson Lo的Megahit MV和youtube女神阿冰的《一人婚禮》電影都曾在此取景拍攝。酒店裡還有一間M square餐廳，裝修走簡約大自然清新木系風格，落地大廚窗玻璃，光線充足，用餐時望著餐廳外綠色樹木風景，非常悠閑寫意。餐廳內還有大量玩樂設施，只需消費一杯飲品就可用桌球枱、足球機、波子機等，亦有收費的Nintendo Switch和室內哥爾夫球模擬空間，星期一至四每小時收費$150，星期五六日就每小時收費$250，食客可以盡情玩樂一番。Cod Fish n Chips $208炸魚脆漿加入啤酒，因為啤酒是充滿氣泡的液體，可以讓粉漿變膨鬆，炸起來就會特別鬆脆。雖然是邪惡炸物，但勝在炸得夠乾爽，吃前滴上檸檬汁，口感會更清爽也能消除滯膩。從橫切面也可看到金黃的外皮十分輕薄，裡面包著嫩滑雪白而又相當豐厚的石斑魚柳，厚切薯條炸得外脆內軟，肉心軟綿細密。提供了牛油果醬、茄汁和他他醬，提升不同口感。Pulled Pork & Pinea

📍 @msquarehongkong in Sai KungWesternFood: 💛💛💛💛💛Décor: 💛💛💛💛💛Service:💛💛💛💛💛Price Value: 💛💛💛💛💛Price: 💰 $700 Favorite:💖 Matcha custard pancake------------------------------✅ Located in Sai Kung @wmhotelhk ,a very nice getaway from the concrete jungle.✅ The menu offers a wide variety of delicious and mouthwatering food. Incredibly varied menu.✅ Everything is prepared fresh and comes nicely presented.✅ There are many drinks options which is very wonderful.✅ Authentic and excellent✅ Portions are genero

第一次嚟西貢嘅WM Hotel，見到呢間餐廳Rating好高決定試吓。餐廳環境超級寬敞好坐，仲有各式各樣遊戲可以玩，例如打桌球同室內哥爾夫球，好特別，而服務員態度亦好友善。🍽️Le Foie Gras Burger 鵝肝安格斯牛肉漢堡 Burger除咗用上安格斯牛肉之外仲加入左鵝肝，鵝肝好香口，配上無花果醬酸酸甜甜，非常值得推介😋薯條亦非常香脆，食到停唔到口🍽️Pancetta Carbonara個卡邦尼醬汁好creamy🥰 味道夠自然唔會太濃厚，意粉煮得軟硬度適中，好好味☕️Cappuccino 咖啡拉花好靚，飲落去咖啡味苦酸平衡，有烘焙過嘅香味👍

食玩hea三合一宅度假在西貢WM Hotel 要行程唔chur又食好西 我去咗酒店低層嗰間sports系餐廳 嘆住杯cocktail 欣賞大銀幕播放體育比賽 技癢嘅時候 玩桌球彈珠機 或者租哥爾夫球遊戲🏌️‍♂️ 閒日$150一個鐘-🥗燒牛扒沙律 $158牛扒切件帶脂肪同埋有啲筋 有肉味又有嚼勁 羅馬生菜加黑醋洋蔥🧅feta cheese🧀紅腰豆🫘燈籠椒🫑 再混埋蜜糖芥茉醬 味道好豐富 -🥘冬蔭公意大利飯 $228每匙羹飯都有魷魚蘑菇粒 飯粒飽滿 柔韌有口感 意飯嘅冬蔭公味 小辣醍胃 想味道再濃郁啲 有額外醬汁另上 都幾貼心😏-🫔蘋果金寶法式多士 $125金寶碎好crunchy 蘋果切粒🍎大而多 有質感又充滿口感 有陣陣玉桂香氣 隱約食到冧酒甜 可惜法式多士太濕潤 美中不足

決定左呢度將會係我西貢飯堂🤣🤣小朋友口味既我叫晒小朋友會鍾意食既野全部都真係好好味🥹環境又靚 下次有機會試埋主食先得✨Triple Cheese Chips$49呢個薯條真係唔係路架個種芝士醬多到每一條都可以沾上仲會係淨左勁多芝士醬多芝士醬得黎啲薯條又唔會淋👍🏾識我既人都知每次食西餐一定要叫薯條真係唔會輸 重點環境咁靚黎講價錢好公道✨Peanut Butter Banana Waffle$125勁重花生醬 好香又好食老實講食呢個真係同出面食格仔餅一樣無誤但無計我就係咁鍾意🤣🤣🤣🫶🏻不過價錢黎講會覺得偏先食到格仔餅咁唔同既係佢加左雪糕同烤到香脆既香蕉雖然好好食 但下次會轉其他款試😎✨Betty’s French Toast $125佢可以話係煎得靚靚既吐司賣相一流 但味道我唔係特別鍾意🙈✨Sour Cream Works Chips$49加左牛油果醬 食落就似食緊taco d 料咁但其實係唔夠醬同唔夠惹味同三重芝士薯條黎比失色左✨Mint Chocolate $68真係勁好飲童年回憶返晒黎🫢不過可以話Mint Chocolate 要整得難飲都難

每一次去到西貢都係坐船出去遊山玩水⛴️🏞️，玩到接近黃昏嘅時候就要諗係西貢食啲咩好🤔🤔，嚟到西貢除咗食海鮮之外🦑🦞，西貢都有好多特色靚景西餐廳🍽️🍽️可以俾大家選擇，而係上一年喺西貢WM酒店地下就開咗一間新嘅酒吧餐廳- M Square🍹🍸餐廳嘅內部設計主要以木及舒適家居風格為主，非常之寬敞，空間位置都比較大好適合一班朋友約埋一齊聚會，食吓嘢傾吓計❤️而場地都提供左唔少娛樂設施，有桌球🎱同埋高爾夫球機⛳等俾大家去玩😏我朋友玩得好開心🤪餐廳嘅美食選擇都唔少㗎。我哋嗌咗兩個煮食一個甜品同兩杯嘢飲埋單每人$400內啦🤪Le Foie Gras Burger $185Burger bun, seared Foie gras, angus beer patty, fig sauce & Cheddar cheese, served with fries/salad 香煎鵝肝，安格斯牛肉，無花果醬&芝士漢堡伴薯條鵝肝漢堡就經常食🍔🍔，但係加入咗無花果醬嘅漢堡，我都係第一次食😋😋，清甜嘅無花果醬連埋鵝肝一齊食，可以降低鵝肝嘅油膩感，同時提升左鵝肝香味，連埋安格斯牛肉一齊食，係我食過幾特別又好好食嘅漢堡包☺️好好

Weekend去西貢真係好舒服，經過WM酒店間餐廳見地方好大價錢又唔貴，但估唔到除左食野，大小周董最開心仲有好多遊戲可以玩餐飽。前菜叫左Caesar salad，蔬菜好新鮮，好爽口，最緊要係有足夠嘅醬汁，酸酸甜甜夠晒開胃。主菜叫咗黑松露半熟蛋意粉，一上碟見到一塊塊松露片，感覺矜貴，聞落非常香，入口好好味。另外為咗小朋友點咗龍蝦芝士通粉，龍蝦有半隻，食入口極度爽口好鮮甜，芝士好多，每一匙羹都有拉絲芝士，超正啊！最後叫埋甜品就非常滿足，crème brûlée, pancake疏乎厘感覺，充滿空氣感，d cream好濃郁好香蛋味，真係好好味啊，酒店及果然係唔同啲。小朋友最開心係食完飯仲可以玩唔同遊戲，估唔到食一個lunch兩個鐘小朋友都玩咗差唔多兩個鐘，真係一個非常唔錯嘅親子餐廳選擇。