Lovever Patisserie

营业中

休息中

我最鐘意就係甜品架啦，今日行經灣仔見到呢間LoverPatisserie, 超吸引，但之後又要食飯，所以買左兩件今晚做甜品！Dacquoise係17世紀法國宮廷甜品，外型有d似Macaron既巨型版，但比Macaron無咁甜。食飽飯後再攞兩件Dacquoise出黎食，哇～好好味呀！點解可以咁好味既！外層脆皮鬆化，內層餡料似雪糕又似吉士，朱古力味好正呀！仲有芒果味都好好味，估唔到餡料有真既芒果肉，而且唔係人工調味；雖然就$36件，但都食得過呀！

Dacquoise (達克瓦茲)是一種以杏仁粉、蛋白和糖粉烘焗成的法國宮庭糕點。我第一次是從IG聽聞這種甜點，這次偶爾途經Lovever Patisserie這家店，想不到便是IG看到的那家香港首間Dacquoise專賣店。Dacquoise用料聽上去和Macaron差不多，但Dacquoise無論在味道還是質感都和Macaron不同。蛋糕外層酥脆，內層輕柔濕潤，甜度恰好，更有一點蛋香。店內有多款口味的Dacquoise，更會不時推出新口味。隨著解凍時間不同，Cream的質感也會改變。放進雪櫃質感綿滑，放進冰箱後解凍則像雪糕一樣。冧酒提子酒香濃烈，奶油味香甜；抹茶麻糬口味顏色呈深綠，茶味甘香不苦澀，用料上乘；伯爵茶味道清香，連蛋糕也混入了茶粉，香味昇華，亦足見甜品師的用心；花生朱古力不止有大量香脆花生粒，更有不少花生醬，跟內裏的朱古力餡很配。對於追求甜點輕盈感的人，Dacquoise會是不錯的選擇。

之前經過灣仔，眼見呢間甜品店賣的甜點從未見過，決定買黎試下。原來甜點叫做達克瓦茲，餅皮係用杏仁粉、蛋白和糖粉製作，中間夾左麻米糬同忌廉餡。我揀左幾款口味後就回家品嚐，老闆話每個月都會轉下口味保持新鮮感。呢款達克瓦茲餅皮幾厚下，食落口幾酥脆，忌廉又好幼滑，再加埋麻糬，口感非常獨特，以前係香港及旅行都未食過！六款味黎講，我覺得最好食係綠茶，非常醇香！伯爵茶茶味濃郁，甜度適當中！提拉米蘇都幾好香，連餅皮都充滿提拉米蘇及酒香！芒果味就幾清新！另外由於達克瓦茲無加任何防腐劑，亦要放雪櫃雪藏， 解凍5分鐘食落口似雪糕， 解凍十五分鐘以上口感會變得好柔軟， 係兩種不同口感。

達克瓦茲呢款法式甜點係香港唔算好普遍，呢日K發現灣仔有一間達克瓦茲專門店，仲有多款口味選擇，咁K當然要去嘗下鮮啦😎店面以純白為主，整體感覺好簡約清新，一入去就見到展示櫃裏面放好一整排既達克瓦茲比你挑選口味，味道都比較多樣，例如K揀左既荔枝玫瑰蔓越莓同伯爵茶口味，另外亦有綠茶麻糬、花生巧克力、焦糖奶油鹽之花、冧酒萄葡乾、鮮芒果等口味，真係會有啲選擇困難🤣另外，店家亦有出售其他既法式小甜點😝一打開包裝已經聞到好濃郁既牛油香味，蛋白餅口感鬆化酥脆，帶點微甜，中間夾左奶油餡料，店家好細心咁附上說明卡，介紹想要邊種口感，就要預早幾多從雪櫃拎出黎解凍。奶油餡料牛油味道好重，一入口有啲似冰凍忌廉芝士既質感，然後係口化開～荔枝玫瑰款有加上蔓越莓果乾，食落甜得黎唔會好膩。

之前係ig見到foodie 介紹，覺得好吸引😍 未試過達克瓦茲呢個甜點，好岀奇係咩味道，所以琴日去開灣仔就買黎試下！達克瓦茲（Dacquoise）係十七世紀法國宮廷經典甜點，用杏仁粉、蛋白和糖粉製作餅皮。Dacquoise比Macaroon厚，冇咁甜，外層脆皮酥脆內軟熟，超鐘意呢個口感！今次試左Rums & Raisin, Caramel, Earl Grey, Matcha 同新口味Tiramisu。最喜歡Matcha，內餡抹茶忌廉用上小山園青嵐抹茶粉，茶味香濃回甘，雪凍後好似生朱古力既口感，再配以麻糬超好食！

我今日放工經過灣仔見到這間法式甜品店，見就母親節，於是就買返去大家一齊試下。這種甜品我冇食過，聽店員介紹知道叫達克瓦茲，其實即係用餅乾夾住餡料，食落的口感非常好，既有餅乾微酥脆蓬鬆又帶點綿密的滋味，又食得到質感似雪糕的軟綿綿，而且食落一啲都唔膩。同埋店員建議我凍食，拎返屋企之後放入雪櫃先，之後食之前放出來因應唔同糕點解凍不同時間我叫左兩款，一款係冧酒提子，這款只要解凍5分鐘。這款我食得出個酒味同奶油味好重，同個餅乾好夾。另一款係抹茶麻糬，就要解凍15分鐘。這款個奶油冇咁出，同時抹茶的苦澀同回甘味道都唔算出，但因為加左麻糬，食落非常煙靱，但我自己就比較喜歡冧酒提子嗰款。

Daquoise is the lesser known sister of the macaron. The more rough relative. Why do I say that? It basically has the same ingredients as the macaron, but it's not as finicky to make. A basic meringue with almond flour. It has a more rough surface and more light in consistency. It's also larger in size. Making it like a giant compared to the tiny delicate macaron. Often used as the crunchy section of cakes or part of pretty decorated desserts, Lovever Patisserie is the first place in Hong Kong to

早前朋友聚會食過,好記得入口好鬆脆,而入面夾住的餡料真係好似雪糕,真係好難忘,有日咁小啱行經佢哋鋪頭見到佢哋推出左幾隻新口味,當然要買返幾件返屋企慢慢品嚐,今次買左佢哋皇牌的抹茶味,開心果草莓味,芝麻味,仲上之前一試難忘的蘭姆葡萄味,店員提醒可以放在冰箱保存5-7日,我即時放心去買,不過一定要室温解凍15分鐘,先講抹茶味真係好濃郁而且仲有小小的麻糬在中間qq地,10分滿分的話我比10分,之後再試的蘭姆葡萄味,入面一粒粒提子酒味好濃郁,超正

The Matcha Dacquoise gives off a very nice scent of almond. The surface of this little French dessert is decently filled with tiny crystals of sugar. Embrace a mouthful of varying textures from this treat. First crispy on the outside, then smooth and tender inside thanks to the super duper rich Aoarashi matcha filling. The chewy mochi brings extra delight to mouthfeel, making the whole tasting journey complex but pleasurable.Already thinking which flavour I should go for next time!

其實之前響韓國都食過達克瓦茲，已經覺得好好食。但係香港未見過有得賣，食lunch啱啱路過竟然見到有新開的專賣店，剛好Happy Friday 公司可以叫下午茶一班同事都想試試，食完之後大家都覺得很驚喜，大家都覺得好好食，餅皮係外脆內軟，口感真係好特別，餡料好似食緊雪糕咁我買咗一個薑味熱情果，味道真係好特別，最緊要係唔會好甜。其他同事買咗唔同口味都覺得好食到不得了，真心要推介呢間小店，仲有好多種其他口味好想快啲試吓