Lockeroom Dining (朗晴坊) (已結業)

係朗晴坊樓下見到呢間餐廳嘅餐牌，價錢幾實惠，於是就上咗嚟開餐。我哋要咗兩個set dinner，一個係慢煮三文魚，一個係燒原隻春雞。百幾蚊一個晚餐已經有餐湯、餐包、主菜同飲品，仲可以半價食甜品！蘑菇湯味道好濃郁沙律用個精美嘅兜仔裝餐包係好香脆嘅蒜蓉包～主菜低溫煮三文魚比較快上枱三文魚真係煮得好滑，外皮就煎香左！伴碟嘅羽衣甘藍同埋番薯茸都幾好味燒春雞到了！呢個應該係即點即燒的，要等得比較耐。雞肉白白滑滑，幾夠味另外加咗一個小食，鹹蛋黃炸雞翼。雖然好邪惡，但我哋都鍾意食！最尾仲加咗甜品！$65嘅心太軟半價就有得食！朱古力味香濃，撈埋雲呢拿雪糕食好配搭～再飲埋杯咖啡，飽晒！埋單每人$200左右，性價比唔錯

依間Cafe以足球為主，唔講咁多，即介紹食物先坐低就叫左牛扒配鵝肝，2個套餐!
先黎左熱辣辣蒜蓉包，外脆內軟，而且好香蒜蓉味。再黎個開胃沙律，個醬汁係酸酸甜甜既黑醋，所以食落唔錯幾好食當中有啲好似魚子質感既蒲萄粒，清甜爽口!之後黎個蕃茄薯蓉餐湯，味道香濃 再黎主餐，先試左鵝肝，雖然細細塊，煎得幾香又唔會太乾，仲有小小甘香!反之牛扒有點生，如果可以烹調耐一點會更好!水牛城雞翼味道不錯，香辣辣好惹味
白松露忌廉炒野菌，超推介，好香濃白松露忌廉香草燒法國原隻春雞，份量好多雞肉嫩滑，食落仲有陣陣香草味👍🏻
而跟餐附送餐飲，雖是一般檸檬水，但個杯真係好令。係視覺的享受!

香烤牛西冷拼法國鵝肝 💰198 8⃣️點5⃣️分小編叫左七成熟，但牛既肉質仍然非常軟腍，同埋好多肉汁，烤得都十分均勻。加上佢份量都好厚稱，好大一塊，真係好抵食。個感覺就好似一百隻生活係青藏高原既肥美牛仔向你迎面奔來，場面十分震撼，令你味蕾有一定程度既衝擊。至於鵝肝都處理得好好，口感綿密濃郁，好惹味。另外仲有薯仔，烤番茄等配菜。/低溫煎焗挪威三文魚 💰128 8⃣️點5⃣️分三文魚肉外脆內軟，而且低溫烹煮既關係，肉質好嫩滑同埋鮮美，夾上去唔會太散太鬆，都幾挺身，而且一d都唔覺得好油膩，反而好仲魚香味。同樣都有薯仔，烤番茄等配菜。/白松露忌廉炒野菌 💰78 8⃣️點5⃣️分白松露味道十分濃郁，未食已經飄來陣陣香味，然後食上去更加之不得了，也是濃濃的白松露味。就咁食一羹都唔會覺得好膩，反而越食越惹味，好想食多一羹！d菇類係介乎於爽同腍之前，真係啱啱好，好有口感。 /是日餐湯 - 紅蘿蔔濃湯 7⃣️分果日小編係食蘿蔔湯，佢係蘿蔔蓉黎，所以好綿綢同濃郁，都幾特別。/時日精選沙律 7⃣️點5⃣️分沙律好新鮮而且係凍凍地咁，夏日熱辣辣啱啱上去食個冰涼沙律你唔好話，真係零舍涼快。沙律入面仲有d酸甜既爆珠，又係為之後既菜式帶來一個完美

同男朋友慶祝紀念日，知道佢鍾意踢波，特登揀咗呢間以足球為主嘅西餐廳~入到去見到勁多波衫連球員簽名同埋閃咭，已經覺得呢度嘅裝修真係唔錯，地下鋪左人造草，就好似一個足球場咁樣，男朋友見到都好開心~我哋叫咗份二人套餐，見到佢入面嘅配搭都幾吸引~首先上咗是日餐湯同埋沙律，是日餐湯係蘿蔔湯，有蘿蔔蓉喺入面，有好濃嘅蘿蔔香味，估唔到平時多數攞嚟一塊塊咁食嘅蘿蔔做湯都幾好飲~另外一碗叫咗黑松露蘑菇湯，好鍾意佢有黑松露嘅香味，亦都有濃濃嘅蘑菇味道同埋蘑菇粒，味道幾好飲~配埋熱辣辣啱啱焗起嘅蒜蓉包一齊食好夾👍主菜揀咗低溫煎焗挪威三文魚柳，三文魚焗得啱啱好，保留到三文魚嘅肉汁，食落好juicy，唔會話煮得太熟令到魚肉變老，配埋蘑菇忌廉汁一齊食令到味道更加不錯~佢既配菜都做得幾好，特別鍾意佢哋嘅薯蓉，因為佢哋唔係用普通薯仔黎製作，反而用咗番薯來做薯蓉，食落甜甜地，同主菜三文魚出奇地夾，而且蕃茄都覺得啱啱好，幾欣賞佢哋做配菜都幾有心思~另一款主菜就揀咗燒烤醬黑毛豬梅肉拼北海道元貝，佢哋個豬肉烤得幾juicy，而且夠爽口，唔會話好硬咬唔開，而且燒烤醬吼得好平均，每一啖都食到惹味既豬梅肉~個人認為最特別係佢配菜配

今日又黎到呢間樓上足球餐廳開餐咯~上次食過覺得食物同環境都唔錯, 諗都唔諗就再嚟食啦 嚟到呢個足球餐廳, 感覺總係別有一番味道~佢嘅足球裝飾擺設實在太吸引, 就算唔係足球迷嘅我都好有一種親切嘅感覺原來門口仲有一部扭蛋機喎, 有得玩有得食set dinner堅抵食~有沙律, 有湯, 有蒜蓉包~仲有飲品!必點之選沙律入面仲有爆珠添~好特別哦!!!蔬菜好新鮮!!濃郁嘅蕃茄湯~每一啖都係番茄蓉, 非常足料!一絕嘅蒜蓉包!!呢度嘅蒜蓉包係特別香嘅~蒜蓉包面頭有啲新鮮蒜蓉, 超正!!而且外脆內軟~非常之咁好食!!香烤美國1855牛西冷配法國鵝肝西冷扒 5成熟, 肉質鮮嫩,油脂豐富! 咬落非常juicy~~鵝肝味道濃郁且甘香美國牛肉眼黑醋意大利扁麵牛肉眼生熟度剛剛好, 口感軟稔, 完全冇筋扁麵軟硬度適中, 每條麵條都黏滿醬汁意式香煎深海石斑魚柳絕對冇商品說明問題~ 的確係石斑呀!! 哈哈~炸皮好鬆脆, 亦唔會太厚粉, 卜卜脆, 一D都唔膩~石斑好滑, 啖啖肉冇腥味薯皇外脆內軟再叫支凍冰冰啤酒醒醒晨~呢餐西餐好圓滿巧正丫!!

第二次來吃這間餐廳！套餐有很多選擇，包餐包、餐湯、沙律、飲品和半價加甜品，價錢相宜。今次我點了香烤澳洲羊扒拼肉骨腸（$168），朋友則點了牛西冷拼法國牛肝（$198），上次吃過這兒的甜品後一直念念不忘，故今次我們每人都加了甜品。很喜歡這個蒜蓉包，烤得外脆內軟，十分香！！我一個人可以吃兩塊。餐湯是熱辣辣的白蘿蔔湯！沙律賣相很精緻啊。澳洲羊扒拼肉骨腸（$168）羊扒點了7成熟，肉質柔軟，羊味濃。配菜是少見的蕃薯蓉，很香甜的。牛西冷拼法國牛肝（$198）試了點牛西冷，其實之前都吃過了，保持一貫水準。到最期待的甜品！必點心太軟香草雪糕和法式焦糖燉蛋。心太軟真的很好吃，朱古力味很重，配香糕一冷一熱真是高級享受。另外法式焦糖燉蛋很香滑，吃到香濃的蛋香。兩款甜品都很想encore呢🤤

早幾日同男朋友去咗旺角行街街，行到餓就去咗附近一間樓上餐廳食dinner，入到去見到個裝修就覺得好驚喜，原來足球都可以變得咗優雅咁靚😋首先上嘅喺烤蒜蓉餐包，蒜蓉味非常香濃，亦烤得好脆😋🥩香烤美國1855頂級牛肉眼扒 $195$195竟然有咁大塊肉眼扒！Order咗5成熟，烤得剛好同平均，肉眼扒肉質偏腍，而且較多肥美嘅筋，好滿足👍🏻配菜喺蕃薯蓉，甜甜地好特別，第一次食蕃薯蓉😋🐖脆燒原隻德國鹹豬手 $135皮喺炸過，所以十分脆👍🏻而且已經切好曬，食落好方便。味道都幾入味，配上蜜糖芥末醬，十分開胃😛配菜仲有大大條炸洋蔥圈，呢個價，抵！🍮法式焦糖燉蛋配拿破侖 $55淨喺個賣相已經贏曬！用咗一個透明玻璃蛋型杯裝住焦糖燉蛋，好得意😂燉蛋口感好滑、好濃密，本身味道已經好香，再加上焦糖脆卜卜更添口感！拿破侖蛋糕上面嘅喺覆盆子，米米都喺第一次食原粒覆盆子，好酸甜開胃，好解膩！另外仲嗌咗左杯特飲，士多啤梨梳打$39同檸檬雜飲$39，勁大杯！而且味道都唔錯😛

今日黎左lockeroom ， 原來係朗豪坊隔離，出站行幾步就到。入面既裝潢都好有趣，而且坐得幾舒服氣氛唔錯。一開始就有個沙律開開胃，呢個既沙律好特別，唔係用普通既沙律醬，而係用左隻酸酸甜甜既醬，所以食落唔錯幾好食。香烤澳洲羊架配德國腸，羊架唔會有陣羶味，而且肉汁都好鮮又嫩。份量都幾大，岩晒男仔食。重頭戲就係呢個香烤美國1855牛肉眼扒拼法國鵝肝。今次叫左五成熟，肉汁鎖實係個肉眼入面，而且塊肉眼仲好似個人頭咁大，所以真係唔怕餓，而鴨肝都唔錯，煎得幾香又唔會太乾，仲好大粒。今次黎lockeroom都唔錯，友人都話幾抵食，下次都要過黎試下其他set。

今日星期四晚同兩個朋友去開旺角做GYM, 四圍都係人, 又唔想食譚仔, 有人提意去食西餐~ 我突然醒起係朗晴坊個邊有一間CAFE叫LOCKEROOM" 之前佢地食過幾好食~ 今日GYM完去晚飯再去食下~ 星期一晚9點~ 去到"LOCKEROOM" , 都幾多人~ 7成入座, 好好彩我有2人位~ 實在係太好了~ 坐底睇下個餐牌又唔貴喎~ SET DINNER 都係百零蚊, 有湯有野飲, 仲可以半價叫埋甜品~ 扺食~是日餐湯🥣這晚的是紅羅白茸湯，入口幼滑香濃😍，為胃部作好熱身🔥🔹是日沙律🥗鮮甜的蔬菜🥗配上了酸酸的醬汁🖤，醒胃非常👍。主菜波士頓龍蝦半隻配黑松露忌廉意大利飯波士頓龍蝦好多膏，蝦肉又爽。意大利飯好夠彈性，唔會太腍亦唔會太硬。黑松露忌廉好香松露味，汁又夠多。卡邦尼意大利扁麵配溫泉蛋 麵條有彈性, 醬汁適量 被麵條索滿🧀🍳蛋黃同芝士既味道好融合同突出咸豬手味道夠咸，正! 豬皮焗得好香脆~ 配燒烤醬很夾，仲好入味，肉質又適中，值得一試!另外，胃食的的我點可以唔點甜品--焦糖燉蛋呢。好味，甜蜜蜜滑嘟嘟。點隔離個士多啤梨脆餅乾都酥脆可口。總結價錢相宜的一家樓上小店👏，加上擁有了

果日入到去佢地安排左2人卡位，原來兩邊椅背係個雀籠，幾得意，幾有特色!坐低就叫左牛扒配鵝肝，照燒汁黑毛豬，2個套餐!先黎左蒜蓉包，熱辣辣，外脆內軟，好香蒜蓉味，跟住黎過前菜沙律菜，當中有啲好似魚子質感既蒲萄粒，清甜爽口!之後黎個蕃茄薯蓉餐湯，濃味又有口感，好想飲多碗呀！再黎主餐，試左鵝肝，入口甘甜，好快就溶化，冇腥味，仲有回甘香味!牛扒都係鮮嫩可口，配埋特別醬汁，好味!照燒黑毛豬，好容易一刀砌就分開，嫩滑可口，好味又開胃，好有鮮肉味!再黎埋餐飲，薑茶，好味又消脂，唔使滯住個胃最後食個甜品心太軟，香濃幼滑，甜度適中，岩晒啲怕甜一族!焦糖敦蛋，蛋味香，甜而不膩，跟餐叫仲有半價，抵食呀，正!整體全個餐都正，好味，食材新鮮，調味汁夠味，甜品有質素，下次會再食

又同friend去旺角食野，叫咗個波士頓龍蝦配白松露忌廉扁麵同埋香烤美國1855牛西冷配法國鵝肝嘅dinner set，仲叫左一個咸蛋薯角小食。首先會上蒜蓉包，呢到嘅包係軟身，蒜蓉味好足夠。跟住係沙律，好鍾意呢到裝沙律嘅碟，係好靚嘅花。沙律係配黑醋，唔係一般嘅沙律醬。跟住就係餐湯，今次嘅餐湯唔記得係叫咩名😂，應該係蕃茄湯，都唔錯。跟住係野飲，今次叫左杯熱柚子茶，都係dinner set包埋嘅，都幾抵食。呢個係另外叫嘅咸蛋薯角，有好香嘅咸蛋味。主食首先係波士頓龍蝦白松露扁麵，扁麵有好香嘅蒜喺表面。龍蝦肉質好結實，味道香濃。跟住係牛扒配鵝肝，叫左5成熟，牛扒都好香，有口感，仲配有紫薯同醬汁，美中不足就係有少少肥肉同根。最後就叫左兩個甜品，跟餐叫有半價優惠。分別叫左心太軟配芒果雪糕同埋焦糖燉蛋。不得不提個上碟design真係好靚。甜品都好好食，心太軟上面有一塊朱古力。心太軟好滑，熱嘅心太軟配上雪糕口感好好。而焦糖燉蛋亦有好重蛋味，配上脆焦糖表面更香。

今次跟朋友去朗豪坊附近搵食，係間以足球為主題既餐廳，用上球員閃卡同簽名球衣作為裝飾晚餐價值Cp值好高，2百蚊都唔洗就埋到單晚餐已經有餐湯、沙律、餐包而且跟餐既蒜蓉包超好食，烘到脆卜卜，但內裡仲係軟熟的，蒜蓉醬好足料同味濃，食到想Encore講返主菜先，友人的波士頓龍蝦配白松露忌廉扁麵 龍蝦鉗已經幫客人開左，扭一扭就食到扁麵好有口感，比意粉更煙韌，醬汁則好夠味，而且忌廉夠香夠滑，很能掛在扁麵上我既呢，就係低溫煎焗挪威三文魚柳呢個三文魚柳朋友仔都好鍾意，因為個魚柳好重肉味之餘，經低溫煎焗後仲保持到水份同滑溜感，實屬難得整體食物素質都幾好，計埋價錢CP值仲好高

男朋友仰Arsenal fans, 今晚俾個驚喜佢，帶佢黎呢度試下！一開𨋢門，已經見到餐廳門口充滿阿仙奴波衫(仲係有簽名)、相、紀念品等......男朋友仔好興奮咁打卡喇！下次好想book呢個位😂😂😂😂呢間房仔夠private，適合一班朋友黎Chill下！入到去餐廳，覺得店主好有heart，地下係綠色架，好似草地咁。蒜蓉包超正，夠哂脆口，佈滿咗好夠蒜蓉！<法式蛋黃醬焗波士頓龍蝦>蛋黃醬好惹味呀，龍蝦肉質鮮甜爽口，而且充滿蝦膏！好邪惡！<香烤美國1855頂級牛肉眼扒>叫咗5成熟，牛肉眼扒咬落juicy，配菜有紫薯、蕃茄😍😍😍呢個心太軟非常推介！個面少少脆皮，一咬就爆朱古力醬，蛋糕質地鬆軟👏🏻下次encore！

今晚收工之後,，約咗個朋友喺旺角等,，即刻上網睇吓有咩好食，記得之前朋友介紹，就去咗依間餐廳度試食一下。入到間餐廳周圍嘅擺設都好靚，而且有好多足球明星嘅貼紙貼係牆上面，雖然餐廳唔算好大，但坐得都舒服。我哋兩個人決定點兩個套餐，套餐包湯包嘢飲。係上前菜前，餐廳提供咗兩個蒜蓉包，吊一吊我地口癮先，前菜我地點咗個沙律，沙律配上一啲酸梅漿令到個沙律酸酸甜甜好開胃，而且佢用一個玻璃樽上，都算幾特別。食完個沙律無耐，就上第二道菜，我地點左一個鹹蛋炒雞翼，雞翼炸得好脆口，而且唔會覺得好多粉，好好食。餐廳環境好適合一路食一路傾計，而且員工都好好笑容，收碟又收得快。無耐我地嘅主菜就上台，我就點咗個龍蝦卡邦尼意粉，而我朋友就點咗個牛排餐，我覺得我果個啲麵好入味，啲汁又唔會話太多好肥膩，份量啱啱好，食完前菜同小食都食得晒，啲白汁真係幾唔錯。最後我地見仲有小小胃口，於是就叫咗個甜品拿破倫餅黎試下，塊餅又係份量好好，美中不足係啲士多啤梨有少少酸，可能唔係當造啦，希望下次會甜啲。如果下次有機會同朋友約會，呢間旺角嘅餐廳都可以係一間唔錯嘅選擇，會再黎食過，價錢又合理。

因為係附近做完gym, 又廢是係大商場搵食, openrice搵附近餐廳就搵到呢間, 去到樓下本身覺得有d伏因為感覺好舊的大廈, 點知最後食物又幾ok!set dinner都係$108起, 我地叫左1個龍蝦意粉, 1個黑毛豬排, 加左份水牛城雞翼~ set有蒜蓉包, 餐湯, 沙律, 同野飲, 都幾抵食!個蒜蓉包係超級鬆軟同熱辣辣, 食完好想散叫多一份!!! 餐湯係蕃茄湯, 唔係忌廉湯, 好fresh好好飲~main course 都好出色, 個龍蝦意粉本身無咩期望, 因為只係$128.......點知....賣相已經好得, 味道相當唔錯, 龍蝦調味剛好, 意粉都煮得al dente! 而個黑毛豬排配上bbq醬所以好好食, 肉質又好淋,不過份量比較細, 所以我地加多左份雞翼~ 雞翼又係超級熱, 新鮮炸起再加汁, 入面仲好juicy, 相信都無炸完又炸!overall黎講, 雖然食之前覺得有d伏, 不過價錢好抵食, 食物質素都好好, 可以再食!!!