Lockeroom Dining (朗晴坊) (已結業)

雖然我地唔係球迷，不過聽朋友仔講依間cafe好高質，一於黎食下朋友叫左低溫煎焗挪威三文魚柳蘑菇香濱汁，我就叫左香烤美國熟成牛舌黑胡椒蘑菇汁。首先上左兩片多士，岩岩焗完拎上手燙手，而且蒜茸黎得夠多。再黎係成樽上嘅沙律，面頭有一堆彈珠、仲有紅黃椒、番茄仔。沙律醋微酸袋完好開胃，彈珠意外地同沙律好襯，加添口感湯好有特色，係意大利白蘿蔔蓉湯，蘿蔔蓉好清甜，健康又好飲！到正餐啦，份量唔算太多，貴精不貴多，但係咁先有藉口食埋甜品啊嘛三文魚煎得岩岩好，皮脆內嫩，唔會太咸味道適中。牛舌軟身好好食，好濃郁嘅牛味食唔停口！正餐伴菜有紫薯番茄，超甜紫薯一大球好飽肚甜品方面，法式焦糖燉蛋配拿破崙好有驚喜！燉蛋好香好滑，蛋形設計襯到好高級，拿破崙略為硬左少少。oreo甜酒芝士蛋糕原來有埋oreo雪糕嫁！cake都幾有水準，芝士味好出，食落先有淡淡嘅酒香味。

前排見到有唔少人都推介呢間餐廳，呢日七點到店員話無訂位之下要等到八半，正當我地準備轉餐廳之際，咁岩有檯訂左但唔黎可以安排入座🤓環境唔係闊落，間唔中會睇足球既我幾欣賞佢牆身既擺設😆掛滿球衣同埋貼滿球員相片，在場都有唔少全男士檯，估計都係阿仙奴球迷黎既🤔▪️ 香烤澳洲羊架拼德國腸（7/10）💲188 (Set Dinner)Set Dinner包左沙律、是日餐湯同埋蒜香牛油法包，裝係樽仔入面既沙律，有爆珠、沙律菜、三色椒絲，可以自行加入黑醋🙃是日餐湯係類似椰菜花加蘿蔔既混合體，入口帶點苦澀個人就覺得麻麻地🤤蒜蓉包邊味脆身內裡帶軟，有陣陣蒜蓉香🤗有煎到七成熟既羊架，肉質軟腍，亦有燒汁調味唔會話好羶，配上稍鹹既德國腸，仲有紫薯蓉同埋羽衣甘藍🥬▪️ 香燒美國Creekstone牛肉眼拼法國鵝肝（6.5/10）💲218 (Set Dinner)肉眼扒要左五成熟，可惜入口嚡口同埋韌身，牛味一般，而且調味偏鹹，略為遜色得6/10🐮鵝肝雖則未至於入口即溶，但質感都軟滑有7/10▪️ 卡邦尼意大利扁意麵配溫泉蛋（6.5/10）💲95面頭嗰隻蛋，切開個蛋黃係熟左既😖仲有蘑菇同埋火腿，卡邦尼汁質感稠身唔係好撈到落麵

這數星期，香港發生了好多事⋯⋯ 即使生日月，也没有心情寫食評分享。現在只好慢慢追回進度吧。一早book好枱，打算來個歐霸盃慶祝，但阿記成績不堪回首⋯⋯ 只好當朝聖吧。餐廳位置朗豪坊旁的朗晴坊。入口有點不起眼。在戲院樓梯旁的小門口入，還要排一陣隊搭lift。lift門一開，就見到施治的簽名波衫。 還有一系列阿仙奴紀念品，一定不會去錯。 很多也有簽名的呢！ 用熱刺牌做廁所 嗯，球迷必定會心微笑 XD 甫進門，掛了不少簽名波衫。 連餐牌也是球場設計，可見店主對足球的熱愛。 落order後，先來餐包。 蒜蓉包焗熱了的，蒜香不錯但偏軟身。 跟餐的沙律也蠻新鮮，但雪得有點太凍。 是日餐湯是蘑菇湯，夠濃郁。 香烤澳洲羊架拼肉骨腸 $168羊架肉質軟嫩，調味剛好但肥肉偏多。肉骨腸輕煎後夠香口。 伴碟菜也不馬虎，配上juicy烤番茄和羽衣甘藍，夠可口。 香烤美國1855牛西冷拼法國鵝肝 $198西冷扒份量不少，肉質還可。鵝肝也夠細滑。 我喜歡配上蕃薯蓉這個組合，比平時的薯蓉來得特別。 Oreo甜酒芝士蛋糕 $55甜品比主菜更得我心。叫dinner set還可以半價追加，值得

因為我個朋友係球迷,所以專登約左間足球主題餐廳,比個驚喜佢。佢好SURPRISE呀,見到好多球衣同閃卡,佢好開心。我都覺自己做到野。呢度既DINNER SET抵食呀。頭盤係沙律,有爆珠,夠創新。湯仲得意,係白羅白湯,真係飲到羅白絲。主菜有BEEF SHORT RIBS,有3大條,好抵食。個SAUCE令我愈食愈想食。SIDE DISH係ROASTED TOMATO同埋MASHED POTATO,仲有D菜,配菜同平日食果D有D唔同。另一個主菜係西冷STEAK加龍蝦,好多膏,啖啖肉,正呀!甜品個SET加就平D,有6折,叫左個CREAM BRULEE,擺設好靚呀!仲有條BISCUITS,有水果ON TOP,食完覺得自己ELEGANT左。服務好貼心呀,會自動幫我地REFILL TISSUE。

今晚慶祝父親節,所以我求期揾到E間餐廳,今晚㸃咗set dinner,有頭,湯,大,餐茶,我同我老婆点咗龍蝦拼西冷, 蒜頭包好食,沙律一般,甘筍湯好飲,但係西冷真係鞋到不得了,龍蝦肉(室的的急凍),改用大4-6頭大蝦,起碼彈牙,塊扒來貨唔靚(應該加拿大),落下d鬆肉粉喇,已經冇肉味,個燒汁又唔得,是晚有生日party 嘈到死, 好似去咗大排檔鋸扒,佢哋係做熟客生意, walk-in就怕怕, 希望佢哋有改進.

今晚約咗朋友食飯，朗豪坊好多人，於是去咗旁邊嘅朗晴坊。食肉獸今晚食咗黑毛豬同埋牛肉眼扒食主菜之前我哋叫左頭盤：法國鵝肝！！$75兩件鵝肝都幾有厚度！煎香左嘅鵝肝外脆內軟，油脂十足；不過冇咗塊多士墊底，感覺有少少肥膩～我哋其中一個肉係set dinner ，所以有一杯餐湯，味道正正常常。呢個就係黑毛豬梅肉，肉質都幾淋配菜羽衣甘藍，我哋好鍾意食！Ribeye 大大件，中間大約七八成熟，都煮得唔錯！最後仲要左甜品，焦糖燉蛋用個好精美嘅蛋殼裝住，蛋香十足，不過焦糖面唔係好夠脆

是日老公放假 帶埋嬰女皇去拎五月天演唱會CD（終於得閒拎）完事原本想試朗豪坊Smily Cafe with EGG 但比餐廳啲環境相呃左 原來得果幾張枱 仲要在店門外 地方太淺窄亦怕嬰女皇嘈到人 好 轉戰呢間老公都有興趣既Lockeroom Dining地段其實唔錯 就起朗豪坊側的朗晴坊 餐廳大啲又無咁多人 午餐繁忙時間到都有位 Lucky! 餐廳仲要有bb凳提供 感恩我不懂足球 只知店子很用心裝飾旺角地段 這價錢有寬闊位坐 有齊餐湯法包主食餐飲至甜品 一站式服務 仲免收加一 算係咁呀是日餐湯- 羅宋湯 有不少茄蓉 都幾香口 配埋新鮮熱辣既蒜蓉法包好好味（掛住照顧嬰女皇漏左影個包）白松露忌廉野菌意大利麵 $65 OK賣相同味道都係同一個感覺：uneventful 唔會難食但亦唔會令你一試難忘果種 就係正常啦 夠汁夠料夠份量 意粉就略嫌硬左少少鮮南瓜雜錦海鮮意大利燴飯 $65 呢個味道係驚喜既 最怕太漏或者極甜之類既南瓜飯 但呢個飯絕對值得用「清新」黎形容 南瓜既香甜味完全落到個飯但又唔會一pat pat 南瓜顆粒都好香 燴飯既軟硬度都係岩岩好 嬰女皇都偷食左好多表示滿意至於雜錦海鮮 份

餐廳係朗豪坊隔離既朗晴坊，所以行完街就黎食飯。裡面有唔少有關足球既擺設，雖然我冇睇開波，但都覺得餐廳佈置得好型！同朋友叫左2個dinner set，一個係芝士龍蝦加牛西冷，另一個係carbonara。因為係set所以有埋salad、餐湯、蒜蓉包同飲品。蒜蓉包堅好食！有滿滿既牛油同蒜蓉醬，夠香，個南瓜湯都幾好飲。主菜龍蝦上面有好多芝士，焗出黎係好香，而且加埋牛西冷，啖啖肉，肉質juicy。焦糖燉蛋都好驚喜，上面既焦糖整到好脆。整體滿意，好啱足球迷一齊黎食！

今日係旺角行街真係超多人，唔上樓跟本冇位食飯。上左朗晴坊樓上食西餐，原來佈置係阿仙奴主場咁樣，仲有大量球星相同紀念品，一邊食野一邊睇展品咁！餐湯係午餐包埋仲有即焗蒜蓉包。午餐有羊架啊，流哂口水呢！炸魚set都唔錯，賣相靚又嫩口。餐加飲品都係補差價。我揀左雜果茶，酸甜解渴。主點黎啦，甜點先係最正！同朋友一齊嘆梗係要叫個靚甜品打卡。Oreo蛋糕加雪糕，好足料大大舊。而且軟心芝士好creamy!焦糖燉蛋架拿玻侖蛋糕靚到唔捨得食哦

今日陳生帶左我黎呢間以足球為主題的餐廳真係岩哂足球迷我們當晚叫兩個dinner set 我要波士頓活龍蝦（半隻）配白松露忌廉扁面，陳生要低溫煎焗挪威三文魚柳Dinner set 包沙拉，餐湯和咖啡或茶。沙律上菜嘅方式好特別，係用一個玻璃樽裝住，配埋花花碟，好高貴優雅蒜蓉包龍蝦白松露忌廉扁面很出色，龍蝦肉質彈牙，表層沾滿芝士，而忌廉汁味道剛好，食落不膩，可以一人吃掉速個面三文魚扒，外皮煎得金黃香脆，三文魚肉仍保持滑嫩，配菜有薯仔蓉，羽衣甘藍，蕃茄🥬由於見到好多食評都話呢間餐廳嘅甜品好好食，又見到跟餐只要半價就可以食到，於是就叫了一個焦糖燉蛋和心太軟果然冇令我失望，焦糖燉蛋不會好甜，燉蛋10分滑嫩，啱晒我胃口心太軟，都唔五會死甜

本以為是簡簡單單的一餐，但一點也不簡單！性價比甚高的一餐！真想不到這商廈內有一間十分出色的西餐廳。走進此餐廳內，看到所有裝飾設計也別具心思，全部均以足球為主題，相信是球迷的你會更加喜愛。這裏的食物質素十分高質！我們點了一個香烤美國1855牛西冷拼法國鵝肝餐$198。此餐包了一份餐湯，這餐湯也頗特別，是青蘿蔔做的湯。此餐所附有的牛油法包也十分美味！另外，我們點了水牛城辣雞翼$55，讚！至於我點了一個芝士流玉子大啡菇$65，愛吃玉子及啡菇的我會推介！還有，我們所點的朱古力心太軟$65甜品，我會給它100分！

身為阿仙奴迷，當然要到以阿仙奴為主題的西餐廳，本為對特色餐廳的食品沒有太多期望，但這間餐廳的食物出乎意料的高質這個是我認為最高質的🥳🥳另外今天是我的生日，女友還特地要了一客心太軟，雖然事前忘記了向他們要求，但他們也能即場在甜品中寫上happy birthday,還貼心地提供了蠟燭給我們，但我們匆忙間忘記拍照🤦‍♀️ 另外，店內也充滿着店長的收藏品這次是十分好的體驗，十分推薦大家來，特別是阿仙奴的球迷❗️

曾幾何時，朋友說在這裡吃過一頓令人滿足的午餐 ;是因他喜歡踢波又喜歡慢慢食西餐，所以今天，又回到這裡，不知道晚餐會不會教他如癡如醉呢？我的肚子發出抗議的聲音了，加緊腳程快快手到達【Lockeroom Dining】。位於朗晴坊(隱閉嘅舊式大廈)，係朗豪坊既隔黎...還未夠 7：00 pm，我倆已到達餐廳，除了成功避過長長的人龍，更可隨意選擇餐廳內的座位，最終還是由店員安排入座，佢見我地一男一女就安排了一個好有私人空間同寬敞既公主王子座比我地坐。呢度枱與枱之間以牆壁相距好闊...一點也不擠迫，全餐廳佈置以足球為主題入面又有草地，又有波衫...明星卡同唔同關於足球既擺設，老闆是足球狂迷之外，足球迷黎到點會唔開心呀？！上得嚟有時我會諗其實都係自在坐下傾下計，至於食物，就唔會諗到好好食，因為樓上咖啡室一早覺得普著通遍啦。呢度餐牌有多款選擇，有Set 有散點...最後決定選了兩個Dinner set，晚市套餐，包沙律、蒜蓉包、餐湯加飲品。🔹食物上菜速度快，基本餐湯-黑毛豬薯溶忌廉湯。黑毛豬薯溶忌廉湯，平時太少見了，入面有好濃嘅薯溶香味，估唔到薯溶做湯都幾好飲仲要係黑毛豬，好鍾意佢入面有薯溶嘅口感

周末和表弟妹係朗豪坊購物，中午商場真係人頭湧湧，餐廳真係好多人，所以識揀緊係來到隔離既朗晴坊，唔使同人逼又享受到美食。lockeroom dining 既主題係足球，除左幅幅簽名波衫掛住係度仲有成塊球星閃卡牆，睇開波既朋友可以睇下有冇見到自己中意既球星。我哋一行四人叫左兩個 lunch 再散叫左main courses 試多啲野食。首先講左野飲先，冰水果紅茶最好飲! 橙味同茶味都出，熱咖啡就一般cafe 水準。兩個餐分別係：A 茴香菜橘子沙律, F 香烤美國1855牛肋排, lunch set ard 60 幾蚊，有蒜蓉包同茶/咖啡 ，非常抵食， 兩點半後每個set都可以減十蚊添。沙律有橙肉所以味道好清新，用左黑醋最岩我口味， 牛仔骨煎得夠曬香口match到蜜糖汁甜甜地， 好欣賞伴碟嘅紫薯蓉，食得出冇人工加糖，突出返本身紫薯嘅少少清甜味。水牛城雞翼味道不算正宗，醬汁酸甜。香烤美國1855肉眼，表面完成得比較淺色，但的確做到 medium 。法式蛋黃醬焗波士頓龍蝦， 成道菜比較偏鹹，適合重口味人士。法國鵝肝配黑葡萄醋， 表面上色度高，入面一切開都有少少熔熔地， 入口非常甘香，個個都好鍾意

今個週末決定去到旺角呢個市中心地區食個brunch黎開始！一開始叫左午餐牛肋排，份量充足大份，肉質唔係煙靭，有啲柔軟度，牛仔骨最重要既香口感同味道都充足。其中點睛係個紫薯蓉，完全係紫薯本身既甜味食落好清爽。波士頓龍蝦食落肉質都彈牙，芝士汁味道微咸，重口味人士應該會幾過癮。由於男士們都偏好牛，今次仲叫左牛肉眼扒，上圖可見份量十充但表面顏色就差左啲啲，如果可以完成好啲個表面會更好。主食叫左卡邦尼意粉，溫泉蛋剛好半熟，增加左成個都既口感，醬汁如圖唔會太厚，食落唔係好油膩同飽肚都係唔錯既。跟住到甜品，焦糖燉蛋不過不失，但有啲細份，可能因為配上拿破崙，食落都唔會好甜，拿破崙都係脆口。心太軟係今餐驚喜位，最後介紹佢因爲的確係喜出望外，中心唔會太熟同時朱古力味香濃，配上雪糕一熱一凍食落口感好一流。總結今日其實仲叫左其他食物，整體感覺係一間不錯既西餐廳，食物種類都不少，心太軟係我會再返黎既主因。