Lockeroom Dining (朗晴坊) (已結業)

本身諗住唔再幫襯呢間餐廳，因為上次佢話有折但最後個侍應話套餐已經係優惠唔可以用，我覺得有問題，再睇優惠條款都覺得有問題，於是喺餐廳度留左個食評，不過留完無幾耐，呢間餐廳個老細主動搵返我，除左解釋返係兼職員工理解錯左個優惠，亦好有誠意咁表達左歉意，仲願意畀返個折嘅差額，以及請返我食一餐，於是我呢一日再去見一見老細。佢中間有過嚟打招呼，亦有畀返錢我，係非常之有禮貌。而我今次再試佢廚房嘅野食，仍然係出色。佢個黑毛豬煎得外脆內軟，好有肉汁，調味剛好，朋友食嘅牛肉鵝肝亦非常香甜，當然你唔可以諗二百幾蚊食到好高級嘅貨色，但原材料不錯而煮得有心機，已經超越唔少懶高級嘅餐廳，今次再食返佢個心太軟，依然高水準，加埋一塊即溶嘅脆朱令口感更佳。最難食係個甘筍湯，不過上次個湯係好食既。我唔算寫好多食評，但我覺得呢間店有心做，有錯即刻去改善同補救，而且食物味道好好，員工亦有禮。我相信我會介紹朋友光顧，亦推介大家來支持下享受下。

一直係附近做野，第一次上黎，我12點幾上去，坐位都四分三滿啦，再遲D食可能要預D時間等。我點左脆炸吉列西班牙黑毛豬柳配飯，落完單店員好快就送上蕃茄濃湯同蒜蓉牛油包，聽隔離枱嘅食客講先留意到，裝濃湯隻杯男女唔同色，男應該是偏藍灰，女應該是偏粉紅，大家上去可以留意下，唔知係刻意安排定點。蕃茄濃湯的蕃茄肉都打爛唒，所以有好濃嘅蕃茄味，蒜蓉包外邊唔算硬，都焗到好香。再等多五至八分鐘，主菜就黎了，豬柳出面嘅粉正常份量，唔會話厚過塊豬柳，豬柳嘅肉質好實，淡淡肉，加埋沙津醬，配飯一流。唯一我覺得再好D嘅地方係飯嘅份量如果可以多少少就好啦哈哈。食客之後可以係咖啡同紅荼其中揀一個，我就揀左紅荼。令我意外嘅係飯後仲有一個小甜品送，餐牌係無寫嘅，我今次食嘅係朱古力幕斯，淡淡嘅朱古力味，又唔算太甜，幾岩我。總括黎講，黎度嘅lunch set有唒咁多野，幾好食，性價比算唔錯。最後想講，店入面服務員嘅態度好好，好有禮貌，值得一讚。

今晚放工約左去旺角見面，之前都食過呢間lockeroom，係用足球做主題，男仔去會好興奮，於是就揀左呢間去食晚餐。同上次一樣，去到有一大幅牆貼滿唔同既球星，而且有好多球衫做擺設，好有氣氛。不過除左環境，更重要既係食物。我地分別叫左2個set。佢既set包括沙律、餐湯、一個主菜同飲品。餐湯今次係南瓜湯，飲落好濃郁，而且夠creamy，相當唔錯。主菜方面，我叫左波士頓龍蝦蕃茄意大利飯。賣相好靚，而且蕃茄意大利飯酸酸甜甜幾開胃，而波士頓龍蝦都大隻，啖啖肉。而男朋友就叫左燒烤醬黑毛豬拼帶子。黑毛豬整得好香口，加埋帶子配搭唔錯。食到最後，我地都想叫甜品，而且叫左set可以用優惠價，我就要用個心太軟，好邪惡，朱古力味濃重，有水準。而另一個焦糖燉蛋，面既焦糖好脆。總結黎講，lockeroom同上次食既水準依然保持到，男朋友都話滿意。

Lockeroom Dinning西餐廳由612開始就有參與罷工 都做幾多文宣🥰Lunch性價比都好高 仲有買埋個cake入去同朋友慶生 都免切餅費 😚 .👉🏻餐湯+蒜蓉包+主菜+飲品(人均$75)👋餐湯係蘿蔔湯 好特别 但飲落去個味道又接受到喎 好香同埋都有好多蘿蔔蓉食😼.👋蒜蓉包一上枱已經好香好多蒜蓉好吸引 個麵包仲要係好軟熟 好掂！🌟🌟🌟👋主菜:鮮番茄藍蟹肉海鮮意大利麵我同朋友都特别推介呢個意粉 藍蟹肉足料又滑 配番茄汁感覺好fresh 海鮮有魷魚 蜆類配菜有紫薯蓉好creamy🤤——————————————-Lockeroom Dining旺角砵蘭街215號朗晴坊8樓

餐廳以足球為主題，牆上亦掛著老闆珍藏的親筆簽名球衣。蒜蓉包色澤金黃、香氣撲鼻，令人垂涎欲滴！外脆內軟，蒜味香濃，酥香惹味，非常可口。香燒美國Creekstone牛肉眼拼法國鵝肝 ($228)牛扒大大塊，口感軟腍，味道濃厚而且美味多汁。伴菜的紫薯蓉甜美香滑，鵝肝口感厚實肥美。Tiramisu入口creamy，芝士味道香濃，再加上oreo餅碎，味道互相輝映，口感豐富。生薑茶以精緻瓷杯裝載的，高貴優雅。入口薑的味道溫和而不過辣和太嗆。

今次系第三次黎lee間餐廳~  之前黎都系因為某個app有訂座優惠，今次系完全冇用優惠，不過都覺得用餐愉快同值得的餐廳事源於夜晚係MK唔知道食咩好，系朗豪坊唔知道點解的時候，行過朗晴坊，就醒起lee間曾經試過的餐廳，距離上一次食都差不多一年，不過印象中味道同環境都好好，咁冇優惠都決定再食啦！結果真係保持到水準！2個人都係叫dinner set第一個系龍蝦松露飯入口好濃郁的松露味道，屬於重口味~~ 而且份量好多！可能女仔都未必一個人可以食曬~第二個系 法式燒春雞，好大一隻，我諗都要2個人黎食先得，味道好好！我試過去過一d餐廳食燒春雞，系會比個雞腿我！或者比半份我，總之一定唔會系原隻（menu冇得揀half or 原隻）自從lee個經驗後，我出街都要睇餐廳黎決定叫唔叫 燒春雞， 咁鑒於2次對lee間餐廳的好印象，我決定試下！！！切開黎睇，入面多肉汁，而且好大隻set跟嘅湯 and麵包，一個set 一個麵包，我兩個set 所以2個麵包！麵包好好味啊，系蔥，牛油麵包！！ 而且有厚度ga！飲品叫 熱檸水~我要特登講一講熱檸水！我飲得出係新鮮檸檬黎嘅，因為完全系苦澀味~  系新鮮檸檬先做到咁嘅效果

今日同朋友去旺角午餐，醫肚之餘更大飽眼福。朋友帶我去Lockeroom Dining一到門口嘩一聲叫咗出來有我最愛英超球隊⚽️擺置，忍唔住不停自拍.店內如我所欲，每個角落都有不同英超收藏品，老板真係超超級球迷👍。一點也不吝嗇公諸同好👍每件球衣都有球星親筆簽名😍珍品👍餐廳中間還有一個鳥籠以阿仙奴顔色設計包廂和有Vip房好有特式。還有一道滿佈足球員相片牆，記錄每位球員比賽時的動態😍不單有眼福還有口福，餐牌上食材選擇非常多。點了兩份午市套餐.香烤黃油雞脾肉配豬肉腸蒜蓉包 鬆脆香口南瓜湯要讚夠香濃清甜.配上精緻盛湯餐具更美味雞脾肉肉質鮮嫩，雞皮略烤焦黃非常甘香配菜的蕃薯蓉夠香甜炭烤澳洲西冷牛扒牛扒厚度適中，香濃肉汁，肉質細嫩腍滑牛脂香有咬口扁意大利粉鹹蛋黃小食拼盤 薯角.炸洋蔥圈.腸仔.雞翼.薯絲蝦好香口送酒👍

作為一名阿粉，沒去過高貝利，沒去過酋長球場也就算了，連阿記香港主場也沒去過是怎樣？Lockeroom 充滿著阿記的舊世代夢想，除了球衣，還有舊帥雲加，傳奇亨利，柏金，皮利斯，比堤，到後一代的大梅，奧斯爾，連最新的托利拿的相片都有！有爭議性的則一個都沒有@@根本是新舊世代阿迷的天堂！食物也不馬虎跟朋友分別點了兩個套餐先上來的玻璃杯沙律跟濃意大利黑醋，甜中帶酸，非常開胃南瓜湯超濃！配蒜香十足的蒜蓉包剛剛好。接下來是主菜$178 三文魚跟紫薯，羽衣甘藍和大大顆番茄，維他命豐富，是非常健康的配搭！$208 西班牙黑毛豬肉拼元貝味道是不錯，略嫌豬的脂肪太少，有些地方會有點鞋，但調味是上佳的朱古力心太軟$41（點餐後加點6折）好吃啊！竟然是真正的現焗，雖然不夠流心，但誠意搭夠！人流超多，而且女生比男生還多！真想不到阿記那麼多女性粉絲！

係2020年同朋友仔見面，揀左一間位置方便又有特色的餐廳食餐晚飯🍽🥣依家餐廳除左係以英超球隊做主題外，食物水準當然唔得頂啦🥳🥳今晚一行五人(2男3女)，幸好一早訂左20:00枱，19:55到達餐廳時，見到門口已有人排隊了😥😥因為有訂枱的關係，不到20:00已可以安排入座🤭🤭🤭餐廳內佈置用心，地方雖不大，但座位也不會太迫😊😊另外，更放置了很多店主的珍藏俾客人欣賞🧐🧐食物方面，前菜小食(雞翼)，主菜(牛扒同卡邦尼)特別出色，當然其他食物都好好味😋😋最後到女士們最愛的甜品環節(心太軟)尤奇出色🥰🥰今晚，過了一個歡樂同滿足的晚上，個個都飽住走，已有朋友仔話會再嚟幫襯🤗🤗🤗

今日同朋友難得係旺角食晚飯，去到依間特色小店。餐廳隨了以英超球隊做主題外(夠特別外)，食物更令人讚不绝口🥰🥰一行五人(2男3女)訂左八點去享用晚飯，幸好有係Openrice訂左枱，因為19:55到達餐廳時已有幾枱人等位中🤭🤭先食d頭盤(雞翼)，主菜(卡邦尼同牛排)冇得頂，仲有其他美食都好好味😋😋最後，女仕最愛的甜品環節，特別喜愛心太軟，真的冇得頂，另外的甜品都不錯，起碼我同另外一位男士都會食埋叫左的甜品，真的好滿足😊😊同行的朋友們都話一定會再嚟食😍😍😍

放假就去了朗豪坊行街買衫，途經隔離有座大廈，裏面很多不同種類食物,經商討後決定去位於8樓Lockeroom Dining食西餐，入到店內雖然環境不大，但都坐得好舒服，餐廳的佈置比較特別，很多關於足球的擺設，連餐碟都有足球圖案，很有趣。餐牌上有數十款套餐，價錢合理。蒜香牛油法包👍店員放低時候已經聞到香噴噴，食落好香口，外邊皮焗得脆卜卜，蒜蓉味濃。南瓜帶子濃湯熱辣辣，好香濃好甜，好像食緊南瓜糖水一樣，原隻帶子非常爽口。法國鵝肝牛肝菌意大利燴飯😋飯既質地好適合香港人口味，不會好像平時意大利飯咁硬身，加入牛肝菌所以味道非常濃厚，鵝肝煎得金黃色剛剛好。美國牛肉眼黑醋意大利扁麵牛肉肉質粉嫩有咬口，牛味濃郁肉質豐富，扁麵加入了小量雜菜黑醋汁，食吾停口。鮮橙汁橙汁新鮮即榨，鮮甜滿足😋

喺旺角搵嘢食，朗豪坊隔離呢間餐廳就十分就腳。以足球隊阿仙奴為主題，店內有好多波衫、足球明星卡、海報等等，最有特色係連餐廳地下都鋪草地，完全配合足球主題。午飯食個吉列雞扒午餐，首先上嘅係青蘿蔔菜湯，用茶杯上，感覺別緻。口感並唔係一般中湯，而係用攪拌機將菜打爛嘅西湯，配青蘿蔔嘅味道幾得意。之後係蒜蓉包，個包脆脆地，蒜蓉味香，幾好食。主菜係吉列雞扒，炸粉唔會好厚，亦都痴得實件雞扒，配沙律醬食可能唔會乾，但係我唔食沙律醬，感覺就有啲乾，而且件雞扒冇醃過，冇味。餐茶嗌熱奶茶，茶味比較淡。食完仲有飯後甜品，係中式水晶糕，唔會太甜，清清地，幾好。買單仲有折扣， 60幾蚊食到有餐湯有甜品有餐茶嘅午餐，仲要喺旺角，無投訴！另外提一提，兩位侍應非常殷勤，眼觀四面，耳聽八方，唔會有唔理人、扮聽唔到嘅情況出現，抵讚！

💁🏻‍♀️ Lockeroom Dining (旺角)🍴-又係懲罰嘅時間啦，每個星期幫襯黃台已成習慣了，今次呢間黃店真心高質，好旺服務態度好，但非常多人，大家記得預返時間等位同埋book位波士頓活龍蝦🦞配白松露忌廉意大利麵（＄158)set dinner 包野飲、湯同沙律，幾抵！南瓜湯口感好豐富，勁足料，滿滿南瓜茸。個波士頓龍蝦食得出好新鮮，肉質厚實彈牙，每一條意粉都沾滿白松露汁，勁香，超好味香燒美國Creekstone牛肉眼拼法國鵝肝（＄228)另一必食之選，估唔到呢到D扒咁高質，我地叫左五成熟，勁juicy勁嫩滑，但唔會食完覺得好熱氣，個汁加埋鵝肝天衣無縫，D配菜都好足料！朱古力三重奏心太軟＋Dreyer’s 雪糕（$68+12)雖然上盤果時切開冇咩流心，但食落好重朱古力味，果然冇改錯名～加埋雪糕一冷一熱咁食口感更佳-📍Lockeroom Dining (旺角)#旺角 砵蘭街215號朗晴坊8樓#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hk

一入鋪頭就聽到背景音樂🎵願榮光歸香港🎵，已心情大好。餐廳以足球隊⚽️阿仙奴為主題，好多珍藏，更有不少簽名波衫。知道男友是阿記迷，就帶了他來。.set dinner價錢唔貴，約$200有蒜蓉包、沙律、湯、主菜，更可以6折點甜品。.餐具好英倫風十分精緻，餐湯用杯盛裝。南瓜湯不似平時周打幼滑質感般的濃湯，是帶有南瓜肉。蒜容包則香脆軟熟。.香燒creekstone美國牛肉眼拼法國鵝肝/我們點了3成熟，這價位出乎意料高質，幼嫩易切，肉味香濃，仲有一大舊鵝肝，其他配菜都唔差，有羽衣甘藍，重點是有紫薯蓉！值得推薦！.雜肉扒（雞扒、牛舌、德國腸、溫泉蛋）/牛舌厚身軟淋，雞扒外脆內嫩，整體不錯，都是有紫薯蓉、蕃茄、羽衣甘藍等。.朱古力三重奏心太軟/和出面唔同，上面是一層薄朱古力，篤下去就是流心朱古力，好特別，朱古力味更香濃。+12配雪糕仲可以享受冰火交融。私心推薦！.雖然我不是球迷，都真心覺得這間食物質素好好又用心，性價比高。💕

第二次來到呢間有足球裝飾既餐廳食野，不過第一次係食lunch，今次就食晚餐。上次同好姊妹來食午餐已經覺得小店好足料同高質，今次特登帶老公來試下～Book左5:45pm食個early dinner之後去睇演唱會，有全單85折👍🏻👍🏻去到因為太早，好似包場咁😜同老公靜靜地享受個晚餐😋😋叫左兩個set dinner同兩個甜品😀先來一個沙律，加d黑醋酸酸甜甜好開胃好fresh~再來個蕃茄湯加蒜蓉包，個蕃茄湯係有蕃茄蓉架！真心足料！個蒜蓉包都好夠熱，正😋😋老公叫左個5成熟既牛扒，我試左啖，覺得都幾入味😛來到我既主食 - 半隻波士頓龍蝦現松露忌廉意粉意粉配左個汁味道非常好！龍蝦當然都好入味😊食哂主食當然試下佢個甜品～我同老公一人叫一個享受下，我叫左個橙味芝士蛋糕，好清新既橙味配埋芝士餅底非常好味😍老公就叫左個心太軟，個心太軟幾特別啊，可以落d奶落去😋加左球雲呢拿雪糕，冰火交融既配搭😛小店所有食物都非常用心製作，仲要店舖音樂都不斷播住願榮光歸香港（聽到其中一個店員一路跟住哼），黃色小店值得繼續支持！😊😊