Lockeroom Dining (朗晴坊) (已結業)

這間一看便知是英超阿仙奴球迷開的樓上西餐廳，自從我第一次來過吃飯之後，便已成為旺角區內其中一間我最喜歡的餐廳，食物水準不錯，價錢合理，也坐得舒服，雖然我不是阿仙奴粉絲，仍然支持它，因為，它是一間熱愛香港的老闆開的西餐廳。一個晚上，我又來到這裡吃晚餐。兩夫妻在餐牌中多款晚餐中點了「白松露忌廉燴鮑魚美國雞髀扒」（$178）和「燒烤醬西班牙黑毛豬梅肉拼北海道元貝」（$208）一同分享。以玻璃瓶子裝載的「雜菜沙律」已不是第一次吃了。新鮮沙律菜中夾雜著的果味爆珠仍是這沙律最特別的地方，以小碟子分開盛載的黑醋可讓客人隨自己喜歡想下幾多就幾多則是餐廳貼心的地方。這夜的餐湯是特別的「蘿蔔湯」。這西式蘿蔔湯有別於常見的南瓜湯或野菌湯，湯味較清但味道仍然足夠，湯中的蘿蔔蓉可以增加整道湯的口感，配以烘得十分香脆的多士，絕對能令人滿意。我的主菜「白松露忌廉燴鮑魚美國雞髀扒」，雞髀肉一點也不粗嚡，鮑魚也軟腍而有彈力，下了煙肉、野菌在裡面的白松露忌廉汁無疑是較稠和較膩的，不過味道可還是不錯的。配以紫薯、羽衣甘藍和蕃茄，色彩鮮明亮麗，也能令人食欲大增。老婆仔的主菜「燒烤醬西班牙黑毛豬梅肉拼北海道元貝」，燒烤醬調配得

平日我都唔係好睇波 但今日就誤打誤撞比朋友帶左我去一間話係球迷聖地都不為過嘅餐廳一入到去就睇到好多唔同嘅簽名波衫同滿滿嘅球星閃卡牆 淨係食個環境食個氣氛都已經贏哂言歸正傳講返今晚食左咩餐牌都未放低就先上左個蒜茸包我地兩個叫左兩個Set Dinner同埋小食打算Share食Set Dinner 附送一個沙律同埋蕃茄湯飲得岀係自家製嘅蕃茄湯 同罐頭果啲簡直無得輸第一道小食就係我地嘅黑松露薯角 黑松露香滲透係薯角嘅每一個部分 加埋岩岩炸起食落又熱又脆第二道小食就係我地個鵝肝多士 鵝肝肥而不膩 表面外皮焦脆 裡面仲保持住嫩滑 真係食多幾舊都仲得黎到主菜點少得肉呀 我地叫左個肋眼扒 薄牛扒最怕就係過熟 而佢地就無呢個問題 外皮完全煎封 但肉裡面依然可以保持住微微嘅粉紅色 加上佢地嘅份量認真多 食到呢到已經有啲飽飽地最後用一個卡邦尼意粉作為總結 佢地個意粉真係好足料 每啖都食到煙肉同蘑菇 加上上面嘅流心蛋做點綴 真係令我再飽都忍唔住食埋佢~~~~~~~~~~~~~~~~~~~~~~~~~~~~~~今次特登無咩點影環境相 因為個環境好獨特 我希望留返比大家發掘 而佢地嘅野食真係好有小準 為我今晚帶黎

呢日帶媽媽去左旺角既Lockeroom Dining食晚飯，一入門口已經聽到榮光既bgm，正宗黃店！ 店入面好多足球相關既裝飾，好適合球迷捧場！我地2個都叫左份Set Dinner上菜都上得幾快手，一黎就有蒜蓉包，個包有烘過，邊皮脆脆地，蒜蓉味好香沙律用左個有蓋玻璃瓶上菜，第一次見都覺得幾特別，新鮮既蔬菜配以黑醋，仲有少少爆珠啫喱，酸酸甜甜好好食！餐湯係白蘿蔔湯，好少見有西式餐廳會有白蘿蔔湯，個湯處理得幾好，平時聞白蘿蔔會覺得臭臭地，但個湯好香，食落啖啖都有蘿蔔，但唔會令你覺得食緊渣，飲左碗白蘿蔔湯之後感覺又暖胃又健康主菜叫左香燒美國Creekstone牛肉眼拼法國鵝肝因為媽媽唔食太生，所以叫左八成熟，牛肉眼比想像中大塊，肥瘦岩岩好，會有少少肥肉比你享受入口即溶既感覺，牛味都好突出，肉質都鮮嫩多汁，伴碟有紫薯蓉，食到明顯紫薯味，唔係得個樣波士頓活龍蝦(半隻)配白松露忌廉意大利飯龍蝦用左芝士焗，挖開入面除左龍蝦肉竟然仲有魚子，個白松露忌廉汁配飯食好香，松露味足，飯既濕度都岩峪好，唔會成口汁Set dinner可以以6折優惠享受自家甜品我地首先叫左法式焦糖燉蛋配拿破崙用左蛋殼樣既杯仔裝，好

今日同朋友慶祝生日，事前我已經約好餐廳，約朋友7點在旺角等， 間餐廳地點好方便，係朗豪坊旁邊的大廈，上到去整間餐廳好特別，是一間足球餐廳，牆上面貼滿了足球閃卡，掛起足球衣，店員好快安排位置比我們，餐牌上好多選擇 麵 ，飯，扒都有呀，法國野菌鮑魚雞肉香草醬意大利燴飯 見到好足料，食落去燴飯唔會太濕，燒烤醬西班牙黑毛豬梅肉拼北海道元貝，食落口啲肉好軟熟，元貝都好好味。嘢飲叫咗水蜜桃梳打，好有水蜜桃🍑味。當然唔少得要叫甜品，法式焦糖燉蛋，燉蛋唔會話太甜。特濃朱古力，食落去好濃朱古力味唔會話太甜。

琴晚男朋友喺OpenRice 搵左呢間，其實佢搵到啱食我都ok，我都睇左餐牌就即刻book啦！Book左8:00，見到OpenRice 有得留係咩活動，我喺唔知道會唔會有任何優惠之下就mark左拍拖4週年（已知嘅係經OpenRice booking係有88折，好抵）我哋叫左set dinner 龍蝦白松露意大利飯，好好味😋香烤美國頂級1855牛肉眼扒，拌碟有紫薯蓉🤩🤩有3塊牛扒，好淋，但會有d筋。餐跟湯同埋蒜蓉餐包，勁好食勁香口🤤🤤🤤好想再食，湯我哋唔知係咩湯，但都幾好飲。仲有沙律🥗餐飲男友叫左凍咖啡，我叫左熱朱古力（因為見到食評讚朱古力香濃，但我呢杯就有d失望，有d淡）另外嗌左一個小食，酥炸香菇，男友話呢個試一次就夠，因為粉漿較多。飯後甜品🍮因為嗌左Set dinner 所以甜品會有6折我叫左朱古力三重奏心太軟❤️男友叫左Tiramisu 我唔係專業食評家，但都真係好好食👍🏻👍🏻驚喜嚟啦！店家突然送上焦糖燉蛋配拿破崙嘅甜品比我哋慶祝4週年😍😍😍實在太有心，好開心，侍應生仲幫我哋唔同角度影相，多謝妳！P.S. 我打嘅菜名未必一模一樣，我大概記得。另外，好開心一路聽到願榮光歸香港嘅純音樂滿

第一次用openrice book位同寫食評：星期六中午兩個人去食，計埋加一服務費$150都唔使。而呢個Lunch set有齊餐湯( 我嗰日飲嘅是日餐湯係南瓜湯，味道十分濃郁，仲有好多南瓜肉，感覺好真材實料)、餐飲(凍飲唔使加錢，仲畀你選擇自己落幾多糖)、蒜蓉包，仲有甜品。主菜方面叫左黑松露海鮮炒飯，雖然唔算好大份，但個味道十分對得住個價錢，而且海鮮都有好多。裝修方面非常有心思，而且座位十分闊落。員工見到你嗰杯冇水會主動過嚟加水，十分值得讚賞！

位於旺角朗晴坊呢間Lockeroom Dining主題餐廳,店內以足球佈置為主,好適合足球迷聚腳吹水,而食物出品亦好有水準,色香味俱全每枱先送上香噴噴熱啦啦嘅蒜茸包,蒜味濃郁又脆口南瓜帶子濃湯帶子混合濃濃的南瓜忌廉湯好creamy好鮮甜好滑凱薩沙律蔬菜新鮮爽口,沙律跟配漿料分開送上可以自由調配自己口味法國鵝肝牛肝菌意大利飯鵝肝煎至金黃外脆內軟香噴噴嘅意大利飯口感一流軟滑適中美國牛肉眼黑醋意大利扁麵茄汁忌廉汁食得多,用黑醋煮意粉小妹第一次食,味道酸酸甜甜好好味,牛肉軟滑多汁加埋甜椒好清新

是晚同朋友到了旺角，來到朗晴坊的Lockeroom食晚飯，店雖小但用心裝飾，到處都係足球相關物品，給球迷的主題餐廳呢。坐低後不久，店員便送上水及餐牌，水都是不停refill的，完全不用order，店員相當勤快，抵讚點晚餐set附送的沙律，用沙律jar上，感覺衛生啲又高級啲，內裏的蔬菜很清新，加入少許黑醋更開胃了。剛剛烘起的蒜蓉包香噴噴，好吃～餐湯是南瓜湯，很creamy呢。橄欖油脆炸洋蔥圈一向愛吃洋蔥圈，見呢度有得食又點返一客先，炸得十分香脆，點一下蜜糖芥末醬好正啊。巴馬風乾火腿黑松露忌廉雜菌意大利天使麵自己點左呢樣主菜，份量比起一般走高檔路線的西餐大碟得多，上枱時色香味俱全，睇見都想食。巴馬火腿鹹香鮮味，忌廉汁杰身掛麵，天使麵彈牙不過淋，入口是滿滿的黑松露香味，正。澳洲草飼牛柳蒜香意大利扁麵朋友點左呢樣，件牛柳好吸引啊！牛柳嫩滑有著滿滿的牛味，扁意粉吸了肉汁好鮮味，朋友大讚。餐茶要了凍檸茶同熱檸茶，杯子好靚呀即製熱香甜鬆餅叫晚餐再加甜品有折，要了熱鬆餅，即制的很鬆軟呢，有著滿滿的蛋香，附上支裝焦糖醬及士多啤梨醬，鍾意甜食嘅我就梗係加左大量啦，正呀～價錢合理，食物有水準，大力支持小店！

餐廳裝潢全部都係阿仙奴簽名球衣、裝飾、球星卡貼紙，即使男朋友唔係阿仙奴球迷，佢都睇到嘆為觀止😱😱係咁話下次要再嚟，好啦,你乖就帶你再嚟食啦🤗🤗🤗除咗好多足球嘢睇，餐廳嘅食物質素都好高👍🏻👍🏻👍🏻唔但止賣相吸引，佢連廚具都好精緻🥰🥰而我覺得最值得一讚嘅係啲侍應一見到我哋飲晒水，就即刻行過嚟幫我哋加水，仲主動介紹餐廳招牌菜，令我哋都覺得好有賓至如歸嘅感覺🤩🤩🤩先有蒜蓉多士、沙律同餐湯沙津菜放在玻璃罐，呢個擺法都幾特別蒜蓉多士香脆軟熟，唔會太乾太硬餐湯好足料，好大舊蘿蔔!! 香燒美國Creekstone牛肉眼拼法國鵝肝牛扒叫咗7成熟，肉嫩多汁，一切落去啲牛肉汁就即刻湧晒出嚟🤣🤣配埋個鵝肝，簡直係雙重享受😋😋佢仲有紫薯蓉配碟，所以都非常飽肚，令我最surprise嘅其實係個紫薯，頭個幾啖味道正常，但我同男朋友都覺得紫薯味愈食愈濃，食到唔停得口，我仲好有衝動想叫老闆賣啲紫薯畀我🤣🤣出邊真係好難買☹️☹️脆炸流心低卡芝士吉列西班牙橡樹果黑毛豬柳黑毛豬炸得好香脆，口惑唔會太硬，芝士份量都好多，而我真心feel到啲芝士都真係幾低卡，因為食完原全唔會膩，加埋個紫薯簡直回味無窮😇😇鹹蛋黃小食拼盤有雞翼、薯角、

好耐無食過西餐，見呢間餐廳價錢都合理，同埋係旺角旺區就試下。佢係朗豪坊隔離大廈入面，店舖唔算好大訂左位去食。入到去有兩個menu, 一個係套餐一個係單叫，我地叫左牛肋排同野菌鮑魚雞肉risotto加多個水牛辣雞翼。首先黎左沙律同蒜蓉包，沙律用一個玻璃樽仔裝住幾特別，菜都幾多幾新鮮，有黑醋可以加，但自己唔鍾意食醋，覺得如果有沙律醬就更好。蒜蓉包就好好食，好香入面好鬆軟，外面就有小小脆。之後上水牛城辣雞翼，原來自己第一次食到真正水牛辣汁，係一個酸酸甜甜微辣既味都幾特別，雞翼好肥厚一隻，總共有五大隻。之食上左risotto，一碟都好多，上面有一隻鮑魚，入面有好多舊雞肉勁足料，飯煮得啱啱好唔太硬唔太軟，香草汁幾清淡，雞肉好嫩好好食配飯忍唔住一啖接一啖食。牛肋排有成兩大舊，牛仔骨feel好香有牛味，一咬就斷好嫩，近骨位更香口，同埋好鍾意佢個蜜糖汁甜甜地好好食，配料有番茄蕃薯同一種唔知咩菜吸埋d汁好好食。跟餐仲有兩杯野飲，食曬飲完好飽cp值高。額外一提餐廳環境都好特別，好多足球有關既野，碟都有d係球門圖案，如果鍾意足球既人應該會好鍾意呢度。有機會黎旺角又想食西餐都推薦黎試下！

呢間餐廳用足球做主題去裝修👍🏻牆上面有好多球衫，雖然我係唔睇波嘅，不過如果另一伴係足球迷嘅話應該會幾鍾意😂可以帶男朋友去食😂我哋叫咗個芒果蟹肉牛油果沙律，芒果好甜，已入面好似仲有少少柚子，就苦苦地，而最上面嗰層蟹肉超好食🤪，再配埋牛油果食一流，但係我真係嫌佢啲牛油果唔夠多，如果再多少少就Perfect🖖🏻然後叫咗個晚市套餐，係牛扒配鵝肝，牛扒起初我哋叫五成熟，但係發現剪得有啲太生，侍應都二話不說可以幫我地再煎一下，服務態度幾好😆牛扒水準正常，係有少少偏硬同鹹咗少少，鵝肝就好好食，下次佢應該會試吓意粉，因為見隔離枱盤意粉整得都好似幾好食😋

Lockeroom 位於旺角朗晴坊八樓，餐廳佈置以英超球隊阿仙奴為背景，阿仙奴主場卡座，球員親筆簽名球衣，球員卡牆等等，球迷必到打卡餐廳。餐廳長期爆滿，建議先訂位避免等候過久。餐廳所有使用的器皿，餐具都非常別緻，沙律用上密封玻璃瓶，黑醋按個人喜好添加，讚。更加值得一讚的是餐湯及蒜蓉包的溫度，熱辣辣出爐，蒜蓉包十分軟，好味道。主菜方面，餐廳均使上微溫鐵盤上碟，主菜均配以蕃茄，紫薯，羽衣甘藍，讚讚讚。晚餐甜品以焦糖布甸配拿破崙餅作結，完美的一個晚餐。

相信不少球迷一早就聽說過旺角這家 Lockeroom 主題餐廳，而不是球迷的我一樣也來潮聖，理由應該就不需要多說，寫得太清楚又會被河蟹...聽說這個鳥籠包廂訂座也要排到2046！餐廳大概30～40座位，朗晴坊這麼小的地方，大概可以想像到空間感其實挺狹窄的。想和另一半多一點privacy記得訂座了（其實即使不需要坐包廂我也建議訂座...笑）晚餐約$150~$300左右，包括沙律，餐湯，餐包和飲品，甜品六折，價錢合理。其實除了餐廳的佈置以外，個人覺得餘下的和足球沒扯上關係，如果你是超級球迷，我不知道會不會讓你失望。但在我而言我覺得還好，餐廳loop著主題曲，但恐怕很快連聽歌也不行了...餐湯是南瓜湯，甘甜香濃。額外點了一客小食，黑松露油炸薯角。今天的炸物我覺得有點油膩，不過就是因為這樣才覺得更可口吧（笑）吉列芝士豬扒，吉列看起來亦有點點炸過火，扣了一分，不過同時間，以紫薯蓉代替薯蓉，羽衣甘藍代替沙律菜，挺是驚喜，挽回分數！芝士藏在夾心，一切開就湧出來了！這一份豬扒可以說得上是重量級邪惡，怕胖人士最好就忍一忍口。羅勒忌廉汁芝士腸煙肉蝴蝶意粉，非常美味，蝴蝶意粉煮得剛好，帶點煙韌的嚼勁。忌廉汁

餐廳裝修得好有心思，一睇就知老闆係阿仙奴嘅球迷，牆身掛滿咗阿仙奴球員嘅波衫，連啲餐碟都同足球有關，幾有趣👍🏻今次就叫咗個芒果蟹肉牛油果沙律，小食拼盤，同埋晚市套餐嘅美國牛肉眼拼法國鵝肝。個蟹肉沙律做得好出色，擺盤都好精緻，用一個比較高身嘅杯裝住，最抵果層係有啲芒果同埋柚子肉，中間有啲沙律菜同牛油果，最上嗰層就係充滿着蟹肉，一啖食落去，首先有食到蟹肉嘅鮮味，啲蟹肉仲應該撈咗少少沙律醬，加埋牛油果嘅口感，食落更加好食，再食落去就食緊芒果嘅甜味再有柚子嘅小小苦味👍🏻然係再咬開啲爆珠又食到好甜嘅橙味👍🏻成個沙律好有層次，作為頭盤開胃菜嘅話幾好食👍🏻然後就到小食拼盤,都有好多野食👍🏻當中我最鍾意係洋蔥圈同雞翼。洋蔥圈果皮炸得好薄，入面個洋蔥好甜好好食👍🏻雞翼就整得好juicy, 咬落去肉汁爆晒出黎👍🏻最後到主菜牛肉眼拼鵝肝。鵝肝煎得好好，咬落去鵝肝嘅油香味散發出嚟👍🏻認真一流。牛肉眼好厚好大份，咬落去牛味好濃，兩個人都食到非常飽😆呢個晚市套餐仲包左湯同埋沙律，是日餐湯係甘筍湯，湯入面仲有少少粒粒嘅甘筍，飲落好有口感👍🏻好足料😆餐廳侍應服務態度都好好👍🏻會定時定候幫你加水，好樂意幫你解決問題👍🏻值

因為琴晚同事仔未能出席，所以今日特別加開一場，亦都尊承邀請肥仔請客😆用OpenRice book位有八八折，特別呢個禮拜團年飯高峰期，所以提早一個星期book位，外面都好多人排隊，等到7:45終於齊人，馬上點餐🤗晚餐都多選擇，最後我同肥仔揀咗牛肉眼拼法國鵝肝，同事仔就要西班牙黑毛豬拼北海道元貝用真空盒裝沙律非常特別，而且感覺乾淨衛生👍🏻蒜蓉包好好味，但係因為我哋太肚餓，所以食晒個包，蕃茄湯都未到😅蕃茄湯非常濃郁，我就更加欣賞用嚟裝湯嘅餐具☕️檸檬茶拍得住茶餐廳😋😋主角牛扒出場，蕃茄、紫色番薯茸、羽衣甘藍做配菜，非常特別亦出色，法國鵝肝煎得啱啱好，好味👍🏻唯獨是牛肉眼真係比較遜色咗少少🤏真係太多筋位，如果廚師處理得好少少，其實係好好味🤗