Lockeroom Dining (朗晴坊) (已結業)

周三約左麗妹去撐枱腳，麗妹話要caffe ,可以慢慢坐下，但又要係黃店先好幫襯。結果，搵咗lockeroom。餐廳在朗豪坊戲院地下隔離，嘅朗晴坊。好就腳。上到去係樓上caffe 感覺，餐廳以阿仙奴為主題，波衫作裝飾，又用咗不少支持香港嘅海報，播埋‘榮光’,一路食一路聽。餐廳七點半已經開始坐滿八成。球迷同愛香港人士就十分like ,現場多數都係後生仔女同聲同氣，我哋都食得好自在。兩個人叫左個兩個set加個小食-水牛芝士雞翼，少少辣，幾好咪。跟著上湯跟沙律。個湯好有心機，是粒粒茄湯，我就轉左個黑松露湯，都係粒粒濃菇湯。十分有水準。麗妹叫左個鱸魚，我就叫左龍蝦拼牛扒。鱸魚相當出色，特別係佢個汁，酸甜中帶出左鱸魚嘅鮮味。而牛扒十分有鍋氣。整體來講係一流。材料有質素，廚師有工架。出色嘅樓上店。

經朋友介紹，今日決定一試1:低溫煎焗三文魚柳磨菇香檳汁汁既口感好滑，好香，三文魚既魚皮煎得好香口，同個汁好夾🥰2:蟹膏炒飯一上枱已經隱約聞到濃濃嘅蟹香味，用匙羹不落去嘅時候香味更加濃郁，入口淡淡蟹香味滲出，極品😋3:鵝肝多士鵝肝油份充足，敗在個多士林左少少，如果再香口啲，就更加出眾😏4:心太軟同平時出邊食嘅心太軟不一樣，佢面頭有層薄薄既朱古力，好香濃🥰入面軟心情況好正，好耐無食過一個好食既心太軟🥳🥳5:疏乎厘pancake香味出眾，但如果再煎耐少少，令佢更加定型就更好，因為煎焗時間唔夠，稍為有啲鬆散，但味道唔錯6:水果茶香味好吸引，入口微甜🥰

雖然我唔係球迷，不過都比呢到濃濃既阿仙奴氣氛吸引住成間餐廳都佈滿左阿仙奴既product, 包括簽名波衫、閃卡等等，睇得出老闆應該係超級粉絲😎由於已家有疫情，店主仲好好咁放左啲口罩係門口，免費比有需要既人使用，絕對係一個良心老闆！👍🏻講番食物，真心唔差，難怪到已家一個劣評都未有😂蒜蓉包上枱時仲熱辣辣，香蒜味濃郁之餘，同時亦夠晒脆，正❤️餐湯係南瓜湯，濃稠度適中，入面仲有啲南瓜蓉，入口香甜順滑，齋齋前面嗰幾樣食物，已經睇得出店主既用心製作👍🏻主菜叫左卡邦尼意粉！佢隻溫泉蛋岩岩好半生熟，撈埋落個意粉到食，令到成個意粉都充滿蛋香☺️而且意粉唔會太軟腍，有al dente既感覺，好食之後再叫左個羅勒香蒜煙肉芝士腸蝴蝶粉，個汁好香濃，另外腸士佢用左司華力腸，大大條嗰啲再切片，男朋友表示滿意😎另外店員服務好好，不停加水都唔會黑面，值得再嚟食！

朋友標準足球迷， 約去晚餐的地點 都有其風格。 餐廳佈置以足球為主題， 球衣掛滿全場，足球明星相片為牆紙，雖然我不是球迷，但仍感受到其氣氛。叫了2個 set dinner，有沙律，餐湯+蒜蓉包和餐飲附送雜菜沙律都是一般的火箭菜，車厘番茄仔……最驚喜是底部有粒粒爆珠 🤗🤗咬一下即爆，口中頗有種澎湃感覺😍😍胡蘿蔔湯有大塊胡蘿蔔跟湯，好有質感，湯味甘醇，配熱烘烘蒜蓉法包，簡直是一流冰鎮鮑魚88元2隻，餐前小食，豪一下個樣似磯燒飽魚，肉厚夠凍，用檸檬汁和薄荷醬點食，口感特別清新香烤澳洲羊架拼德國腸造型似個 campfire 3角形，墊底用羽衣甘藍葉襯托，配菜有煎蕃茄和蕃薯蓉，夠特別7成熟羊架，唔會太生，肉質又唔會太硬，軟腍中兼有咬口感，少許羊羶味，更能突出其特性，德國腸肥美，皮薄油脂豐富澳洲草飼牛柳蒜香意大利扁面蒜味極濃，每一口麵都感受到牛柳條滑嫩， 麵質煙煙靭靭， 水準之作餐飲熱柚子茶用典型英式茶杯奉上，顯出無盡矜貴，Rose 花紋，I like✌✌這餐是滿意之選

不經不覺到了終於可以休息一下的週末☺️尋找一個良心小基地好讓我倆放鬆心境☺️🐷👫享受同隻豬寧靜的下午時光亦至好不過☺️隻豬叻叻發掘到令小肥心心眼既球迷聖地⚽️🤩食得又踢得啦今次😏🤤⚽️先有賣相一流既All Day Breakfast打頭陣😋🍳🥓以3.6牛乳炒蛋、煙肉、茄汁豆、法蘭克福腸、蒜蓉包、炒蘑菇以及田園沙律既配合🤤🥗🍳成為一份豐富既全日早餐😋🍴而奶香口感滑嫩既奶滑炒蛋係一絕🤤🍳小肥就照舊Order至愛既奶香Creamy卡邦尼🍝🤤帶出微微煙肉鹹香加入溫泉蛋增添蛋香之餘😆🍳🥓慢煮製成外脆內軟既可持續石班魚柳👨🏻‍🍳🤤🐟聽個名已經為環保加多幾分😆♻️夠哂嫩滑之餘另外起出黎既魚皮煎到脆卜卜😋配合足料豐富既龍王湯入口增添雙重味覺口感😆😋🐟而口痕另外再Order脆口外皮肉質滑嫩既水牛城雞翼🤤煮出外脆內軟既絕佳口感之餘😆🔥👨🏻‍🍳配合微微香甜辣香既水牛城醬汁拌煮更有風味🤤😋滿足既一餐😋🙇🏻‍♂️🐷

同朋友去完朗豪坊行街，之後就去咗隔離個朗晴坊食野， 貪佢呢間西餐幾抵！價錢唔貴選擇又多，又有set dinner menu, 都有十款選擇，好多款式！餐廳內佈置咗好多足球球星嘅波衫！ 仲有多球星卡嘅貼紙係牆上！ 鍾意足球嘅真係大開眼界！我就叫咗一份澳洲草飼牛蒜香意大利麵既set dinner! 包含左碗南瓜湯幾入味！ 一份沙律， 牛油法包非常香脆！蒜香味濃郁！超正。主菜牛意大利粉份量都幾足！ 牛肉香嫩嫩滑， keep到肉汁幾好食。仲要左份法國鵝肝牛肝菌意大利燴飯， 鵝肝煎到外脆內軟，仲叫左份鹹蛋黃醬嘅雞翼， 好邪惡嘅鹹蛋黃醬非常好食又非常入味！ 鹹香味十足！又唔會太油膩應，very yummy!

知道朗豪坊隔離有間美味、價錢又唔貴嘅西餐廳，今晚就帶朋友嚟試下。呢間餐廳以足球為主題，裏面有好多球星海報、相片、球衣嘅布置，啱曬球迷💕一行四人叫咗兩個set dinner，有野菌鮑魚雞肉香草醬意大利燴飯，同美國肉眼扒拼鵝肝。另外再散叫咗蟹肉芒果木瓜牛油果沙律、鹹蛋醬雞翼、 同埋蕃茄薯蓉蟹肉湯。意大利燴飯有驚喜，首先飯粒嘅軟硬度剛剛好，唔會太霖，有少少咬勁，creamy得嚟又唔漏，好香好入味。蟹肉芒果木瓜牛油果沙律好得我歡心，牛油果粒粒、蟹肉、芒果粒粒嘅味道好夾，水果又夠甜，清新又健康。最後有朱古力心太軟，同法式焦糖燉蛋作為甜品，估唔到呢度嘅甜品超有水準，下次嚟到一定要再點。

今日去到朗晴坊一間滿滿阿仙奴球主題既西餐廳。餐廳裏面有許多附有足球明星簽名的閃卡、球衣手套同球衣，好啱同老闆有共同興趣既客人幫襯。餐廳背景音用上早排好Hit 既"願光榮歸香港"純音樂。我地一行四人都叫左幾多野食， 香燒美國肉眼扒拼法國鵝肝、 法國野菌鮑魚雞肉香草醬意大利燴飯、 意式香煎深海石斑魚柳 先生茄薯仔蓉蟹肉湯、鹹蛋雞翼同蟹肉芒果木瓜牛油果沙律。我最like意大利燴飯、蟹肉湯同燴飯，有驚喜，個個食不停。到我最鐘意既甜品時候，點左朱古力心太軟 同埋法式焦糖燉蛋。 一切心太軟，朱古力好似溶岩湧出黎， 好好味。法式焦糖燉蛋 用左雞蛋形狀既杯裝住，小朋友好鐘意，搶住食。

Lockeroom Dining旺角砵蘭街215號朗晴坊8樓之前已經黎過呢間餐廳幫襯，覺得好新奇，未接觸過以足球做主題既餐廳，呢到既牆身用左唔同既球衣黎報置，其中一面牆仲貼滿晒唔球星既閃咭好特別，一睇就知道老闆係阿仙奴既忠實粉絲今日約左朋友黎旺角晚飯，又再唸起呢到因為地點夠晒就腳，係正朗豪坊隔離，而且環境又舒適，岩晒同朋友黎傾計聚會，食物方面都保持一貫高質，值得一讚好正既情侶雅座，夠晒私人空間我地order左2份set dinner, 跟餐係包埋餐湯，雜菜沙律，蒜蓉包，幾抵食雜菜沙律---係用個保鮮玻璃瓶裝住，感覺好新鮮同埋好有特色蒜蓉包---好香蒜蓉味，應該係即叫即整所以熱辣辣，好好味湯---今晚係甘筍雜菜湯，好濃郁肉眼扒脂肪同肉既比例岩岩好，餐廳煎得好香，自己就揀左5成熟，完全鎖住扒既肉汁食落仲好Juicy, 唔會太乾，真心推介而鵝肝都煎得好香口，知道要用好多油煎先有呢個效果，但放入口又唔會太油太膩，讚朋友揀既西冷牛扒都係5成熟，感覺上西冷既牛肉味會濃d, 食落比較嫩滑至於隻波士頓龍蝦都好吸睛，焗得出色好大隻啖啖肉，有酒店西餐廳既水準另一特色就係扒餐伴碟既係紫薯蓉，我都係第一次

最近疫情問題 真係少左出街 不過飯都係要食 今日難得同朋友都好準時收工 就帶左佢上Lockeroom醫醫肚啦一上到去就見到佢門口放左消毒用品 口罩都有 留比有需要既人👍🏻👍🏻繼續係點佢既晚餐set 一個價錢 有曬沙律 餐湯 蒜蓉包 主菜 飲品 真心抵食沙律🥗依舊 精緻嘅玻璃兜裝住沙律菜 黑醋醬自己慢慢加 最特別係有芒果爆珠 出奇地配合💛💛重有我最愛既蒜蓉包 而今日既餐湯係白蘿蔔湯 好新鮮 成配湯都充滿蘿蔔蓉 完全個感覺係中西合璧😆真係好欣賞lockeroom既餐湯 成日轉 但重點係好真材實料👍🏻👍🏻香燒美國creekstone牛肉眼拼法國鵝肝$228牛扒點了7色熟 切落顏色都幾靚 粉粉嫩嫩的 唔會硬咬唔到 而鵝肝都幾大塊 食得好過隱😙😙香燒澳洲羊架拼德國腸$198羊架都選了7成熟 帶有食羊應有既味道 好香 2大塊再配條粗粗的德國腸 好滿足😌而且2個主菜都配有羽衣甘藍🥬同紫薯蓉 消滯剛好呢凍/熱水果紅茶☕️雖然大家茶底一樣 但凍同熱味道上都有分別 因為凍既係已落埋糖水 所以偏甜 而熱就相反會偏酸 2者我比較喜歡熱飲😜Lockeroom食物真係有質素 難怪逆境中都仲係好多客👍🏻

呢間位於旺角嘅樓上西餐廳cp值高！地理位置夠方便，好岩約朋友聚會去食～餐廳嘅設計以足球為主題，周圍都可以見到有關足球嘅野～上菜速度快，店員主動幫我哋加水👍🏻Set dinner有好多選擇👍🏻我哋叫咗兩個set share食👌🏻每個餐都跟沙律、餐湯、餐包同餐飲，幾好呀👏🏻香烤澳洲羊架拼德國腸 $198羊架肥瘦度適中，味道唔錯，德國腸脆皮、juicy，薯菜都好味👍🏻.燒烤醬西班牙黑毛豬梅肉拼北海道元貝$208個醬汁好味道呀😋黑毛豬肉質幾爽口，唔會痴牙👌🏻主菜都幾大份，夠飽肚😬.每份套餐可以6折優惠加甜品食~意式芝士蛋糕杯 $58（原價）望落幾靚幾吸引，生果幾新鮮，tiramisu幾好味，唔太甜👌🏻

搵食行遠D今日黎到旺角！因為朋友係足球迷，所以佢介紹我去食呢間用以足球為主題既樓上西餐廳，入到去見到好多波衫同球員相，波迷一定好鐘意！廢話少講，講下食評先！因為叫左2份set dinner 所以前菜有沙律，個黑醋蜜糖汁好好食，沙律菜亦幾新鮮。仲有份是日餐湯蘿蔔湯，嘩原來蘿蔔湯可以咁好飲，勁足料勁濃郁，搞到想自己係屋企煮黎飲😂黑松露薯角係用黑松露油即炸出黎，熱辣辣，而且佢唔係普通薯角加pat黑松露醬咁簡單，所以好濃黑松露味，唔洗點茄汁已經好好食！咸蛋雞翼，極邪惡！咸蛋味濃郁，雞翼炸完仲好多汁，食完即開左個胃。好，終於到主食喇！雜肉扒牛舌勁大條，我平時唔食牛都覺得好yum yum，唔會overcook 搞到實的的咁。雞扒亦煎得好好味，不過最出色我覺得係pat紫薯蓉，可能我太愛紫薯了😂另一份主食法國野菌鮑魚雞肉香草醬意大利燴飯，味道濃得黎唔會太膩，雞肉好滑，仲有大大隻鮑魚，好抵食呀媽🤤最後叫埋份心太軟，甜度適中仲要堅流心，熱辣辣好正！簡直係畫上一個完美既句號，真心值得再encore！

在英國很多餐廳都以足球為主題，不過香港就比較少。最近在網上看到有一間以足球為主題的餐廳，今晚便來都試試。晚餐包括是日精選沙律、是日餐湯及蒜醬牛油法包。是日精選沙律🥗，分量不會太多，本想操作，酸中帶甜，令胃口大開。蒜醬牛油法包，法式麵包香脆，蒜香味道十足，很有驚喜。是日餐湯，蕃茄薯仔湯，酸酸甜甜，味道開胃，配上麵包確實不錯。澳洲草飼牛柳蒜香意大利扁面$158，牛柳慢煮以形式製成，外脆內軟，肉汁豐富，意大利扁面帶點嚼勁，以這個價錢，確實不錯。燒烤醬西班牙黑毛豬梅肉拼北海道元貝$208，除了黑毛豬和元貝之外，伴碟有羽衣甘藍、荔枝肉、蕃茄和薯蓉。黑毛豬梅肉，爽口鮮甜，配上酸甜適中的燒烤醬，可以減少肥膩感。凍咖啡跟餐加$3，咖啡味道甘香，加點鮮奶和糖漿，味道更佳。即製熱香甜鬆餅$68，有士多啤梨醬及糖漿。鬆餅🥞蛋味香濃，沾上糖漿，便成了一個美味的甜品。

朋友鐘意睇波，我帶佢去Lockeroom食野，佢去到見到餐廳的裝潢好開心，呢個球迷好滿足。點了set dinner，有沙律、湯、主菜沙律上檯好精緻，有黑醋的沙律，還有芒果爆珠。牛油軟包味道濃郁，好味！甘筍南瓜湯，餐具好靚好精美，湯夠熱夠滑，好好飲。炭烤1855牛肋排蜜糖燒肉汁 $178有3大塊，大約5成熟，好適合喜歡牛的朋友。燒烤醬西班牙黑毛豬梅肉拼北海道帶子 $208半肥瘦的黑毛豬梅肉，配上燒烤醬好惹味，還有軟棉的番薯肉，而帶子也大隻肉厚。餐飲點了熱柚子蜜，也是精緻餐具，而味道也很好。甜品點了法式焦糖燉蛋 $58，賣相好高貴吸引，燉蛋香滑，拿破崙也美味。朱古力三重奏心太軟 $68三重原來是心太軟上面再放一塊朱古力半流心好正，朱古力濃郁又沒有死甜，超好味，推介！

今日我地黎到呢間充滿足球氣氛嘅餐廳-Lockeroom食晚飯。餐廳掛滿阿仙奴球隊嘅波衫同相片，明顯睇得出餐廳老闆一定係阿仙奴超級擁躉！而且，餐廳老闆願意係武漢肺炎肆虐香港期間提供免費嘅口罩同酒精搓手液，值得香港人幫手同支持！今晚我地叫左2個set dinner，配有沙律、蒜蓉包同青蘿蔔湯。蒜蓉包焗得非常香脆，味道香濃！青蘿蔔湯係用青蘿蔔蓉煲，非常有口感，並冇一般嘅苦澀味！第一道主菜係香燒美國creekstone牛肉眼拼法國鵝肝。牛肉眼5成熟岩岩好，除左有非常濃郁牛味，入口即溶🤤🤤 鵝肝就無肥膩感，肉質厚，口感一流。而且配上用紫薯做嘅薯容，令整碟餸更上一層樓😍😍第二道係波士頓活龍蝦配白松露忌廉意大利飯。新鮮龍蝦搭配芝士焗將龍蝦嘅鮮味帶出黎，口感爽口一流，令人回味無窮！每粒嘅意大利飯都滲透著白松露嘅香味，粒粒米都品嘗緊白松露咁🤤🤤另外，我地叫左芝士流心溫泉蛋大啡菇。大啡菇汁水飽滿，配埋芝士溫泉蛋超級夾啊！要食得滿足，點少得甜品呀！我地叫咗特濃朱古力蛋糕，朱古力味道濃郁，口感似雪糕，好食！最後餐飲叫咗紅棗茶同生薑茶養生。