Lockeroom Dining (朗晴坊) (已結業)

今日去咗一間男人好鍾意去嘅足球主題餐廳，餐廳嘅環境都好舒服，仲有私家情侶位，幾有心思💕食物種類都算多，Dinner set入面大部份都啱大眾口味👍🏻炭烤美國1855牛肋排蜜糖燒肉汁 $178牛肋排有成3塊咁多，有少少筋，不過整體嘅肉質質素唔錯～用咗黑椒嚟調味，最欣賞嘅係用紫薯嚟做配菜！😍😍 同埋啲菜都好好食🤗燒烤醬西班牙黑毛豬梅肉拼北海道元貝 $208黑毛豬望落有啲似叉燒😂食落幾juicy🤩個汁甜甜地幾好🤪同埋個豬扒都好大塊～元貝幾鮮甜👍🏻 另外仲有粒荔枝伴碟😂又幾fresh喎～呢兩個餐都有沙律、蒜香牛油法包同埋餐湯，所以整體來講都幾抵食🤗意式芝士蛋糕 （跟餐$35）個tiramisu同出面食既有啲唔同，佢有爆爆珠、藍莓、士多啤梨做toppings，中間就有咖啡味嘅脆脆手指餅，呢個甜品都幾特別～兩個人share啱啱好😆

朋友食過介紹，又係足球主題，於是去同朋友試食。野食唔錯，價錢都抵，唯獨一名待應，扮有禮貌，但實程講野大大聲，內容有骨串你，放野食又大大力，又黑面，好似欠左佢咁。其實唔係真心想serve唔緊要，唔好扮有禮貌，你估d食客傻，睇唔到你行為背後同聽唔出你說話背後既意思？我地自問無做d咩令佢反感，唯一可能係佢覺得我地入黎時唔記得探熱，覺得有問題，其實係我地根本睇唔到見有個探熱器係牆，一般都係座地，所以好多人都無主動探。如果真係因為呢個原因而令佢咁唔滿意，都真係好搞笑。其他待應無問題，但因為唔想再撞到呢個人，我一定唔會再食。

自己本身鐘意睇波, 上網見呢間餐廳好多足球既擺設, 所以就去試下.訂左台, 唔洗等, 夠鐘去到就入得.返左成日工好累, 坐低叫左杯咖啡飲下, 個杯超靚, 咖啡亦好香之後叫左2個主菜, 同一個小食 (好大份)龍蝦白松露意粉 - 足半隻, 厚肉, 多膏, D膏好香, 帶D creamy, 我覺得好過食大閘蟹,  多膏又多肉過佢.白松露好香, 個汁岩岩好, 必點.鱸魚蕃茄他他 - 蕃茄他他酸酸甜甜, 配上好滑既鱸魚, 好開胃.  咸蛋黃小食併盤 - 最近好流行既咸蛋黃醬, 住炸好既小食, 有雞亦, 薯角, 洋蔥圈等等, 份量十足, 配啤酒一流

從裝潢就不用懷疑店主對愛隊嘅熱愛⚽️但驚喜嘅係用餐過程中，感受到食材有質素、烹調過程嚴謹用心，絕對唔hea煮👍🏻食到八點全場爆滿🎈要食記得book位啦Lockeroom鹹蛋黃小食拼盤($118)••••••🤩未食過咁足料嘅鹹蛋黃小食！認真出面食過太多好伏嘅偽鹹蛋黃乜乜乜.. Lockeroom呢份係一上枱已經感受到剛炸起嘅熱力，肉眼就睇到滿佈鹹蛋黃肉😍顏色亦係好靚嘅金黃色一碟有齊五款小食🖐🏻雞翼➡️保留到肉汁薯角➡️脆卜卜洋蔥圈➡️🧅甜薯絲蝦➡️好特別！蝦肉爽德國腸➡️切片，每一塊都沾到鹹蛋黃質素高全部都唔會乾，唔需要加其他醬汁已經好夠味😚香烤美國牛肉眼拼法國鵝肝($228)_ 5成熟••••••厚切鵝肝配肉眼扒🤤睇見都流哂口水，兩件食材表層都煎得好香，鵝肝肥美口感細膩嫩滑，每一啖都好珍貴😌。牛扒厚度正常不會太薄，切開肉質帶粉紅色👍🏻顏色對板入口自然唔韌唔柴啦☺️。⭐️另外要大讚伴碟嘅配菜絕對係驚喜‼️出手大方有誠意💯有超甜南瓜蓉+ 羽衣甘藍+蕃茄，大加分！香草燒法國原隻春雞($168)••••••唔係講笑😂堅係原隻上，大份到嚇一嚇🤣兩個人都未必食得哂，飽肚之選❗️餐湯前菜_ 蕃茄湯 _ 蒜香牛油法包 _

餐廳環境內好多波衫，足球卡，仲有小擺設，真係球迷必到首先叫咗個set dinner，餐湯係南瓜蓉湯，好濃好香甜配埋香脆蒜香牛油法包好正仲有好新鮮前菜沙律，配醋汁酸味味好開胃而主菜叫了法國野菌鮑魚雞肉香草醬意大利燴飯鮑魚爽口彈牙，而個薈飯做得好好，乾濕度剛好，飯粒微微煙韌，食落好香因為有香草醬，仲有嫩雞肉喺入面喔朋友叫了香烤美國1855頂級牛肉眼扒，份量都多又大塊，牛味都好濃肉幾嫩滑甜品係叫了橘子白朱古力淡芝士蛋糕，橘子微酸帶香甜，而芝士蛋糕都品太甜我好喜歡喔最後叫了杯花茶，好滿足

要找一間食物有水準，職員態度又好，真的是買少見少，吃了一頓愉快的午餐。他們的裝修很有心思，是用了足球做主題，牆身都用上很多關於足球的物件來裝飾，很有味道食物方面，真的是超抵吃，65元，就已經有齊餐湯，主菜及飲品。而質素還要是極高，餐湯是雜菜湯，每口也能嚐到雜菜蓉。主菜點了全日早餐及意大利意大利扁麵配溫泉蛋。全日早餐的炒雜菇很香很好吃，菇味濃郁;炒蛋亦非常之滑溜，煙肉不肥膩而香脆，沙律的菜也很新鮮;而意大利扁麵的醬汁份量剛剛好，簡單但味道很好吃，不容易小食點了鹹蛋黃雞翼，雞翼肥嘟嘟，有肉汁，很多鹹蛋黃包裹著雞翼，熱辣辣，超好吃店主亦很有心，外面都放著抗疫用品，比有需要人仕自取

上到去先知道原來餐廳用足球做主題😳😳係因為上網見到評論話呢間餐廳好食所以我先book咗 但係本身完全唔知道呢度係主題餐廳舖頭其中一面牆痴滿咗球星嘅卡 亦鑲起咗球衣雖然自己冇睇開足球 但都感覺到老闆對球隊嘅熱愛我自己嗌咗個法國蘑菇蟹膏海鮮炒飯🦀🦐🦑炒飯粒粒分明 蟹膏味都足夠海鮮方面有啲蜆仔魷魚同埋啲好細隻嘅蝦仔唔算話非常足料 不過食落味道都唔錯 朋友嗌咗個波士頓龍蝦配白松露忌廉扁麵龍蝦有半隻 都幾多龍蝦膏 🦞朋友將龍蝦拆肉 再撈埋啲蝦膏撈落意粉就即刻變到好濃味 好好味個餐本身有跟是日餐湯 當日係白蘿蔔濃湯成個湯都好白蘿蔔😂成口都係白蘿蔔味😂😂個人鍾意白蘿蔔 所以就覺得冇乜大問題個沙律最特別係有啲爆爆珠係上面 好清新😋另外加嘅南瓜帶子濃湯應該係南瓜直接打出嚟 所以好濃又傑身有兩粒大帶子 所以一試都冇妨😌整體其實都好ok 不過又唔算係特別平/抵食但既然💛💛支持下亦無妨

因為男友係阿仙奴球迷，咁啱見到有間阿仙奴主題餐廳，就帶佢嚟食Lunch。知道有另一間新開分店，不過呢邊始終多啲擺設，就揀咗呢間食。Lunch menu唔貴，有湯有蒜茸包有餐飲。餐湯好稀，好一般。蒜蓉包係成餐最好食，夠熱又鬆軟又夠香，好正。主菜叫咗黃油雞髀扒配意粉，同普通雞扒好似冇乜分別，又唔算煮得好好食，意粉個汁又太稀，我覺得好一般，啲配菜味道都唔係好夠。最後餐飲正常。整體嚟講如果係球迷係值得嚟試吓，但唔好對食物有太多期望。

餐廳以足球作主題佈置實屬少見，縱然波衫掛得滿滿，我個人不是球迷也不感多大興趣，這裡的美食才是真正亮點。餐廳位置鄰近朗豪坊，睇完戲過來食頗方便，地方不大一眼望晒。套餐美食選擇多而且烹煮出色，高質美味食完相當滿意，價錢經濟回頭指數甚高，超讚。鹹蛋黃小食拼盆 $118拼盆有雞翼、薯角、洋蔥圈、薯絲蝦和德國腸。撈左鹹蛋黃真係無得輸，件件鹹香惹味沙沙口感，而且炸得香脆肉嫩，係必食之選。巴馬風乾火腿黑松露忌廉雜菌意大利天使麵 $148 (套餐)賣相靚仔。火腿柔軟幼滑，味道甘甜鹹度適中。麵條掛汁好香黑松露味，有不少菇菌多了Ｑ彈口感，整體非常好食。蕃茄薯蓉湯 (跟餐)味道酸甜飲落開胃，薯蓉細緻溶入湯，帶出綿綿口感。蒜香牛油法包 (跟餐)法包口感軟熟，均均塗滿蒜蓉牛油，蒜香味十足，唔錯。是日精選沙律 (跟餐)沙律菜一堆，加了芒果爆珠，淋上酸甜黑醋汁胃口大開。新鮮水果紅茶 (跟餐)杯中不少果肉，飲落微甜口感清爽，不澀很順口，係必飲之選。即製梳乎厘班戟 +$47 原價 $78 跟餐甜品享六折。梳乎厘班戟甜度適中，口感鬆軟充滿空氣感，食落零飽肚，撈埋雲呢拿雪糕一起食好正，此乃劃上完美句號的不二之選。

事源因為OpenRice感謝祭搶到$20所以就黎試下唯一可以挑剔係樓下部lift真係好慢等好耐就算係廿蚊set都無hea係認真整下次就算正價都會再黎環境就算唔係球迷都會好enjoy

朗晴坊雖然地方唔大 就有好多隱藏美食！今次就嚟咗呢間足球主題嘅餐廳食晚飯～雖然自己唔太識足球 但都覺得氣氛好好阿仙奴球迷一定好中意呢度因為好多店主珍藏嘅球衣同擺設🤤餐碟都好精美👍🏻首先隨餐會送以上三款- 法包烘得唔夠耐 其中一塊完全唔脆 - 南瓜質地無平時飲開咁稠 但南瓜味都夠濃😛- 沙律加黑醋都幾開胃 配埋乳酪爆爆珠幾得意👅飲品嘅話餐牌$29以上補差價就得～叫左個晚餐N一切開仲出緊煙 同時肉汁同芝士都一齊流出黎🤤芝士包圍住肉 比例上好好 唔會好膩👍🏻吉列炸粉唔厚 可以配埋沙律醬食🤤仲有配紫薯蓉😍 所以成個set都幾豐富份量係兩人份 好豐富👅有切片德國腸 薯絲蝦 洋蔥圈 薯角 雞翼🤤炸得好脆 上碟仲係熱蛋黃味岩岩好 唔會太咸仲有沙律伴碟 中和返炸嘢嘅膩👍🏻好欣賞呢個意粉👍🏻👍🏻份量都好夠 料都多醬汁好濃郁 蟹膏味都重😍面底口感岩岩好🤤最後叫多個甜品跟餐加配有六折優惠好抵食🥰班戟好鬆軟 加淡奶都唔會好膩配埋曲奇雪糕好好食👍🏻————————————————————總結餐廳裝修氣氛都好好嘢食質素都唔錯 選擇都好多店員都好主動服務👍🏻就算唔係球迷都可以一試🤤

今日嚟到阿仙奴主題餐廳，一入到去已經覺得好有氣氛。星期日嘅晩上滿座，記得預早訂位唷。鹹蛋黃雞翼（$68）- 水牛城雞翼成日見，鹹蛋黃雞翼就唔係間間都有。真係好香鹹蛋黃味，雞肉熱辣辣，好惹味。連呢度嘅碟都費盡心思。然後我哋每人嗌咗個 dinner set，包餐湯、麵包、主菜同餐飲。沙律配甜醬 - 最驚喜係個爆珠蒜香牛油法包- 即叫即烘，十分香。南瓜甘旬湯 - 食到甘旬肉，真材實料。巴馬風乾火腿黑松露忌廉雜菌天使麵（$148）- 賣相好吸引，有2片卷成花狀嘅巴乾火腿。黑松露味香濃，配上彈牙嘅天使麵真係好夾。雜扒（$178）- 夠晒好豐富，有雞扒、牛脷、温泉蛋同德國腸。最欣賞係燒牛脷，煎到脆卜卜，勁腍勁香口。連配菜嘅紫薯蓉都好好味。法式焦糖布甸（$35）- 套餐加甜品可享有六折，呢個焦糖布甸好香好滑，蛋味好重，一定要試。餐飲包括正價餐牌$29內的嘢飲，我哋嗌咗Latte 同熱檸蜜。個杯好有英倫high tea 風，好有趣。

看佈置，餐廳不吝嗇展示自己的球迷珍藏；論食物，餐廳提供了超水準的出品，隱藏於旺角的一個樓上西餐廳。晚餐的蒜茸包作為前菜一部分，給我最大驚喜。選擇用上相對軟熟的麵包，牛油份量平均適中，味道口感都做得好。兩個主菜海鱸魚柳蕃茄莎莎、牛肉眼拼鵝肝各有特色，無分高下。魚柳調味做到本分，煎過之後依然保留到肉汁鮮味，配合微酸的莎莎好開胃。而肉眼我點三成熟，肉嫩之餘要做好外層煎封效果不易，出品令人滿意，還配上鵝肝，簡直是誠意之作。主菜伴碟有用上甘薯泥，我認為非常討喜，始終西餐配菜一般都太統一而單調，甘薯泥帶甜，夾雜顆粒，好能夠襯托各式主菜的風味。

如果你係阿仙奴球迷，必定會比餐廳既擺設深深吸引，簽名波衫、簽名相、大量閃卡貼滿整幅牆。香烤美國黃油雞脾肉扒配豬肉腸 $65除左擺設外，食物非常有驚喜，雞脾肉厚肉嫩滑，皮脆香口，加上豬肉腸油香唔肥膩，配菜亦煮得好好味。意式香煎可持續深海石斑魚柳 $75魚柳連魚皮煎香，配上洋蔥紅椒香醋汁，酸酸甜甜好開胃。澳洲羊架保雲酥 $178羊架肥美，脂肪同肉比例適中，唔會好羶，點上醬汁非常惹味。即製梳乎厘班戟 $78梳乎厘好鬆軟，甜度適中，加上雲呢拿雪糕配合得恰到好處。

同個朋友去Lockeroom Dining食飯，呢間餐廳有好多阿仙奴相關的佈置，梗係要打卡啦。因為我哋6點入座，所以人不太多，直至7點半左右，就全場滿座。我哋點了兩份set dininer，有前菜沙律、餐湯，蒜香牛油包、主菜、飲品。🥗沙律🥗玻璃瓶載滿雜菜沙律，沙律菜中夾住的果味爆珠，再配上好香濃的黑醋，濃濃黑醋帶出好fresh的感覺。🥣是日餐湯~南瓜湯🥣熱辣辣和濃濃的南瓜湯，口感順滑。🍞蒜香牛油包🍞片包外脆內鬆軟，牛油和蒜香交織在一起實在是一大味覺享受，正！🍴主菜🍴香燒美國Creekstone牛肉眼拼法國鵝肝($228)肉眼扒要五成熟，塊肉眼扒煎到外面有微微焦香，內裡有濃郁牛肉味，塊扒好腍好JUICY，鵝肝亦都煎到外面脆內軟帶有一點點甘香，入口即溶，另配上甜紫薯、羽衣甘藍和蕃茄作伴菜減去肥膩感。🍴主菜🍴香烤澳洲羊架拼德國腸($198)澳洲羊架厚薄適中，外層烤得好香，有羊肉味不會羶，再配上惹味德國腸，同樣以甜紫薯、羽衣甘藍和蕃茄作伴菜。🧈甜品🧈橘子白朱古力加淡芝士蛋糕(原價$58-惠顧套餐可以有6折優惠即$35)超喜歡隻透明玻璃圓碟，精緻甜點，感受到師傅用心製作，面層冰冰的橙黃的橘子，中