LeeLaksa

营业中

休息中

去完上環文武廟，正在想午餐的時候，一落樓梯就見到有一間非常搶眼的餐廳—「Leelaksa」。非常方便，我們就直接入去。Leelaksa環境相當舒適，採用橙色色調，的確有點星馬風味。我們坐在窗邊的座位，比較有feel。我們看看餐牌，就決定食與餐廳同名的新加坡著名美食，喇沙及雞飯。⧒ 1. 李派海南雞飯在香港食過不少海南雞飯，但始終都食不到新加坡的那種風味。不過，竟然被我這次誤打誤撞地食到非常有水準的海南雞。未食之前，一看到海南雞的金黃色表皮，就知道有返咁上下，嚐一口，雞皮順滑雞肉則入口即溶，不用多加咀嚼就幾乎可以直吞落肚。加上，餐廳還配上三款醬料供點用，我就覺得海南雞配薑蓉為最佳配搭，再食一口雞油飯，味道絕配。值得一提的是，海南雞的份量是絕對足夠讓兩人分享的。⧒ 2. 新加坡喇沙米線驟眼看，已被濃厚的蝦香湯頭吸引住，配上惹味芳郁的椰醬和香料，椰奶味濃好creamy，香甜得來又有辣勁，湯底出色！米粉份量都好充足，兩人分享都可以，口感爽口不易斷。配料都好豐富新鮮，去殼了的鮮蝦爽口，魚蛋夠彈牙，魚皮軟腍。豆卜非常厚身吸汁，把整碗喇沙的精髓吸收曬，一口咬下好過癮。⧒ 3. 班蘭咖哋多士要說星馬最

發現咗最近有幾間新開嘅星馬餐廳 今日下午茶時間入去試吓 發現下午茶嘅餐牌都幾抵食㗎海南雞飯$68 連飲品雞嘅份量適中 同其他星馬餐廳一樣 海南雞都係跟三款醬料上嘅 個人就最鍾意甜甜地嘅醬汁 值得一讚嘅係呢度係用雞油飯 個人就好鍾意雞油果浸香味 不過減肥嘅朋友就要注意下啦 問返餐廳轉返白飯飲品就叫咗荔枝梳打 飲落去唔會太甜 健康得來又可以爽口巴東牛肉配白飯 $56同海南雞飯比呢個就更加抵食了 大大嚿嘅牛腩加上去自己配製嘅巴東醬汁 連埋側邊嘅配菜花生魚仔 好快就可以送晒成碗白飯呢個飯就跟咗馬來奶茶飲品 馬來奶茶可以話係個人嘅最愛建議大家如果要選一款飲品一定要試吓總括嚟講呢間新嘅星馬餐廳食物質素唔錯而且價錢唔貴 有時如果晏晝唔想食太貴又想食得有特色啲都可以選擇嚟呢度試吓㗎

已經好一段日子沒有外遊，實在很懷念🇸🇬新加坡菜的味道，所以就特意到上環一間新加坡餐廳試試看。😄店員都穿上了綠色花恤衫，配上輕快節奏的音樂，令人感到很輕鬆。🥰店員很貼心的給了我們餐牌、水、信封、濕紙巾，之後我們就點了以下菜色：🐓🍚李派海南雞飯配以油飯、海南雞、醬汁以及冬瓜湯，海南雞很嫩滑，不會過肥或過瘦，配以上三種獨有醬汁，確是一絕！加上冬瓜湯，可以消除膩滯感。😀🐷🍵新加坡白胡椒肉骨茶配油飯配以油飯、肉骨茶、油炸鬼、醬汁，肉骨茶令人很有驚喜，白胡椒湯很入味，配以相當軟腍的肉，加上豬肚、大蒜🧄，就更惹味！將油炸鬼放進湯裡，吸盡胡椒湯的精華，正！😆👍🏻🍞班蘭咖央多士多士配上牛油🧈和斑蘭醬，甜而不膩，兩者配合得宜，絕對是輕食之選！😚整體來說，餐廳有中上水準，希望下次再來吃其他菜式！😋

新加坡喇沙 $82評分：🌕🌕🌕🌕🌗個喇沙湯🍜好creamy好濃郁幾香辣🌶個辣度係啱香港人食😋個麵超彈牙！食到最尾都冇淋過！好勁！😍我呢啲平時煮辛辣麵淨係煮2分半鐘就熄火嘅超鍾意佢個麵！再加埋個豆卜吸收哂啲精華一咬落去成口都係啲湯汁💦😍李派海南雞飯拼喇沙 $108評分：🌕🌕🌕🌑🌑個雞🐔都幾滑同冇骨🦴點埋嗰三個醬都唔錯，不過差緊d雞味🥲但個飯好好食！🍚係食過最正嘅雞油飯🤤碗飯好有鹹香味，加埋少少薑味更突出佢嘅飯香🤤啲飯粒粒分明同好香，一啲都唔油膩，就咁齋啪都可以😈😋呢個餐可以拼喇沙/拼肉骨茶☕️一次過滿足又想食海南雞又想食喇沙嘅你🤤失策左，應該拼肉骨茶，但我地已經嗌左碗喇沙😂冇諗過個喇沙係迷你版嘅喇沙🍜以為淨係得湯，點知有埋麵！仲要勁足料！😍😍（有埋溏心蛋｜豆卜｜魚蛋｜蝦）新加坡鹹蛋黃雞翼 $68評分：🌕🌕🌕🌑🌑好重鹹蛋🥚嘅香味不過就略為鹹咗少少同埋比較「溜」😣椰汁珍多冰 $36🌕🌕🌕🌑🌑一杯普通好飲嘅椰汁珍多冰😆題外話：因為喇沙個都實在太好食🤤埋單個陣問個店員係咩麵，然後佢話係米線😂😂跟住問佢個麵有冇咩特別，佢話冇呀，係米線嚟😂😂但食落同普通米線唔同，好彈牙🤤😍有冇人知個米線有咩咁特別🥺性

行完bb展就嚟到上環食晚餐！好彩餐廳都夠大，位又好闊落所以坐得舒服可以休息下🙂.叫左個海南雞飯拼喇沙🦞有麵又有飯，一次過滿足晒d願望😋 海南雞都幾多件，又好滑下！油飯正常，點埋d汁撈埋食好開胃😛 小喇沙味道唔錯，又夠椰香味，有d豆卜、蝦同魚蛋條，細細碗都豐富嘅😘.另一個係蝦麵！湯底幾鮮甜，配料有蝦、豆卜、腩肉、蛋同好多芽菜🌸 麵底係米粉加油麵，食薄當然口感十足啦！特別鐘意豆卜，吸哂d湯正🤩🤩#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

沿皇后大道中行落嚟，發現了這間新加坡餐廳，裝修都幾靚，晚餐就一於入去試吓。記得兩年前去新加坡，朋友同我講海南雞飯同肉骨茶都係當地必食嘅，於是那日我都揀咗李派海南雞飯，擺盤都幾靚，整整齊齊。海南雞用了三黃雞，皮帶金黃，肉質較為嫩滑、味濃，配上雞油飯，口感好香，另外配搭甜醬油、酸辣汁、蒜汁，口味更加地道。新加坡白胡椒肉骨茶配雞油香飯，這個肉骨茶有四條排骨那麼多，肉和脂肪比例平均，口感嫩滑，畢起一大個蒜頭🧄，至於白胡椒的湯底就比較清，配有厚身油條，脆卜卜。LeeLaksa 的菜單仲有好多款食物，見Foodie推介喇沙都做得唔錯，下次去開上環的話，我都會再來食過，係一間值得回頭嘅新加坡菜。

今日約左同事食lunch，同事帶我黎上環呢度食新加坡菜，好野又可以試新野。平日lunch hour時間黎，都差唔多滿座，好彩2點黎到都唔洗等位。午市套餐有好多款米線，飯麵等等，配冷熱飲品，另外仲有甜品，沙律，多士及其他小食。設有加一服務費。新加坡喇沙米線 $82+10%第一次黎一定要試試呢個招牌新加坡喇沙米線。個碗超大碗，另外附上辣椒醬同青檸。首先個喇沙湯超香梛漿味，辣度適中，少少甜甜地，好好味，我同行友人清左個湯！米線係幼白色，超滑但係居然有咬口，係我少有食過最好食既米線，超出色！配料有兩隻中蝦，去左殼，一開二，好易食，都好爽脆下。仲有三粒細魚蛋，好幾條切條魚片，四舊豆腐卜，半隻好甜滑既糖心蛋，芽菜，洋葱絲同香葱。李派海南雞飯拼白胡椒肉骨茶 $118+10%呢度都有兩款雙拼午餐，我地揀左海南雞飯拼白胡椒肉骨茶。海南雞有十幾件，有雞脾，雞胸同雞翼，肉質好嫩滑，雞皮有彈性，雞皮下底有一層脂肪啫喱，我覺得點甜豉油最好食，不過我同行友人覺得點薑溶滑d。雞肉另外配上4塊青瓜。油飯好香梛漿味，暖暖地好乾身，都好好味。白胡椒肉骨茶係新加坡style，即係偏重胡椒味而唔係馬拉既偏重藥材味，但係呢個肉

Lee Laksa係上環近酒吧地帶，夜晚特別多後生仔女係度食啲嘢填肚。呢度叫得Lee Laksa，相信喇沙出名，但係我又想試呢啲嘅海南雞，於是點左個海南雞飯拼喇沙，滿足兩個願望。5分鐘唔洗就上菜。海南雞超嫩滑，好有雞味，點啲酸辣醬同海南雞飯醬，簡直一流。油飯亦充滿雞油香。喇沙個湯底充滿椰香，配料有蝦、魚蛋呢啲，最重要係個豆泡，吸滿湯真係超正！另外飲左杯拉茶（$28），味道甜甜，無茶記嘅奶茶咁厚身，較為流質。呢度要加一。最後埋單$150。

係上環返工真係無乜好食，一有新餐廳開張就會去試吓新野。皇后大道中近麥當勞嗰個位最近開咗間新嘅新加坡餐廳，今日lunch time同同事去試吓。.兩個人叫咗三樣嘢share食，「新加坡鹹蛋黃雞翼$68」鹹蛋黃雞翼有幾好食，主要係雞翼同雞翼尖，鹹蛋黃個醬汁係好多，仲要香得黎唔會膩，好適合送飯。「李派海南雞飯$88」海南雞飯滑嫩少骨，主要想讚一讚個醬汁，辣同埋個甜豉油好正宗。「烤馬來蔥餅配咖喱$56」最後叫咗個馬來西亞烤薄餅配咖喱，有兩大件烤餅，好脆得黎鬆化，餐廳價錢都算一般，主要係呢一頭冇乜新加坡餐廳，所以都可以一試

餐廳專食新加坡菜 選擇都吾少喇沙香濃，肉骨茶都好似好正！下次要試🤣老街鴨絲咖喱麵摻摻 ($86)摻摻係米粉同幼麵一齊食，口感豐富，幼麵更加彈牙！撈埋咖喱湯底，味道濃郁，豆卜索唒啲汁一齊食 幾正😆材料都好足料！有蝦有豆卜，配料都好多！-海南雞飯 ($88)雞肉嫩滑，油飯足味！配埋冬瓜湯好清 整體大份又抵食👍🏻撈埋甜酸醬同薑蓉，好惹味😜-咖吔多士 ($28)多士焗到外脆，咖吔牛油邪惡得黎真係好好食呀🤩

🎈LeeLaksa (上環)🔍上環皇后大道中302號地舖-----收工一個人喺屋企附近搵間餐廳食個飯，見到呢間餐廳望落幾多人，裝修頗具東南亞特色，而且之前一直都未食過，就行咗入去食晚餐🥢。新加坡喇沙$82作為喇沙狂熱粉，每次黎到新加坡/馬來西亞餐廳，我都總會叫一碗喇沙，呢度嘅喇沙椰香十足，湯底食得出落重椰奶而且材料豐富，有爽口大蝦、魚蛋、魚片絲、通菜、芽菜同紫洋蔥等等，第一次食喇沙有落紫洋蔥，估唔到又幾夾，中和左少少喇沙嘅飽膩感，另外佢哋仲伴有喇沙醬同埋青檸，想要再辣啲或者清新啲都可以自行加以調味。斑斕咖央多士$28多士中間夾住一塊厚厚嘅牛油，雖然好邪惡但係又令人欲罷不能，咬落牛油香氣濃郁，麵包嘅麥味亦都好重，不過咖央醬就唔算太食到斑斕味道。香芒大蝦米紙卷$68柔韌米紙、彈牙大蝦、熟透嘅香甜芒果配搭爽口青瓜紅蘿蔔絲🥕，蘸點自家製嘅香辣芒果汁，Standard中又不失個性，唔錯。-----👶🏻B仔整體評價：7.5/10個👍🏻👶🏻B仔抵食程度：7.5/10個👍🏻👶🏻B仔環境評分：7.5/10個👍🏻👶🏻B仔味道評分：7.5/10個👍🏻👶🏻B仔回頭機會：7.5/10個👍🏻

李派海南雞飯平白胡椒肉骨茶($118)肉骨茶有好重既胡椒味，排骨配搭濃厚蒜香和豬肚好開胃。食啖豬肚再飲啖湯有種胡椒豬肚湯的味道🤣但同我想像既肉骨茶多少都有點出入🤨海南雞鮮嫩多汁，雞皮加左分😛但無諗過哩道菜居然平平無奇既油飯最有驚喜🤣油同調味料既成份配搭剛剛好，對油飯有特別興趣既朋友可以試下😅新加坡喇沙($82）上菜果下見到好靚，期待左下。湯頭濃郁但可惜麵底令到道菜暗然失色，個人唔多推介😔斑蘭咖央多士($28)平平無奇甚至有d失色，同其他專賣馬來西亞菜式的店舖無咩分別。唯一好既就係唔會太甜。馬拉盞炒通菜($72)火喉唔夠，湯汁過多但係味道尚可，如果炒多20秒應該好好食😫整體普通，油飯最香😅

和好友上環購海味，行經leelaksa門外見色彩繽紛招牌頗吸睛，好友話是新加坡菜喇沙，餐廳裝修新簇，乾淨企理，服務員的工作服都印有葉子🍃。我們點左新加坡叻沙，有蝦、豆腐泡、魚蛋、芽菜等⋯湯底椰味香濃不太辣，米線很滑，配蝦醬真美味。海南雞飯配油飯，油味香，雞肉嫩滑，配三色調味醬（黑醬油、薑蓉、酸辣醬）更加惹味，真不錯👍👍👍斑蘭咖央多士，方包底、面都烘得很脆，咖央夠濃郁，中間夾一片牛油，很可口。飲品：香茅青檸荔枝梳打、桔仔話梅水，味清香又甜。地址：上環皇后大道中302號地舖

餐廳位於皇后大道中當眼位置，今次經過終於一試 😀 店內空間設計舒適，坐位尚算闊落，員工態度很好有禮 👍🏻午餐餐牌上的食物係跟飲品一杯，啤酒，咖啡，拉茶，各種茶等等。今次叫左一份海南雞飯併新加坡喇沙米缐 ，半熟蛋配咖央多士及馬來拉茶兩杯。海南雞肉質非常幼嫩，雞肉與脂肪比例很好，配上傳統醬汁，好味。油飯份量亦適中。喇沙米線，淡淡椰加香辣湯底，配上蛋，魚片，豆卜，全部都好入味，吃下來有點懷念新加坡街頭的味道。半熟蛋配咖央多士，有點失色，$46實在有點不值 🤨！半熟蛋只跟黑醬油卻欠了胡椒粉！！多士麵包不夠熱，咖央醬又搽得不均勻，沒有香脆感 ⋯⋯ 🤭拉茶，入口順滑，熱飲比較推薦 。

二人限聚，都是與友人出巡的日子，這次是吃喇沙。友人的是海南雞飯拼新加坡喇沙餐。海南雞香滑不油，雞味頗濃；雞油飯陣陣油香，飯粒分明，極佳的組合。新加坡喇沙是不辣的，重椰漿味，配料有蝦、魚蛋、芽菜等；跟餐的當然不會太大碗，但兩樣食物一拼吃掉是夠飽足的。小人的是老街鴨絲咖哩麵，咖哩香而不辣，湯底順滑香濃，鴨肉也不羶，兼且不少，麵質軟硬適中，是喇沙之外一個不錯的選擇。新加坡喇沙，從此列入了我們的飲食榜上。