LeeLaksa

营业中

休息中

一碗熱辣辣既喇沙，椰香濃郁，麵線煮得口岩口岩好，有彈性得黎又掛到汁。蝦就一開二，正常唔會梅，豆卜索晒d湯汁，辣中帶甜，唔食得辣既我都食到。 喇沙配有參巴醬同青檸，食到一半加落湯提味，唔怕膩。另一碗鴨絲麵摻，鴨絲連皮食到油香，肉量就比較少。麵線摻米粉令到口感更複雜，過癮。食食下發現仲有魷魚，入口彈牙。咖哩味非常惹味，食到底都仲保持到。咖央多士都係口岩口岩烘好，香脆！食咁多濃味野最緊要有杯香茅青檸荔枝soda 去解一解辣同refresh下個味蕾。總結，價錢係中上，質素得非常高，食得出好有誠意。今次已經係第二次黎，亦會再黎幫襯。

平安夜與舊同事飯聚於此，可能因平安夜的關係，午膳的顧客不多，兩個人坐四人枱，十分舒服。食物我點了星加坡摻摻，材料豐富 : 有齊蝦、魚旦、魚片、豆腐卜及雞旦，配上油面及米粉底 (原來就是摻摻的稱呼，真大鄉里)，大大碗，加上濃郁又好味的湯底以筆者平時的食量居然吃剩，可想其份量之巨，作為一客午餐，相信可以把晚餐時間推後。

見到上環有間新開嘅食喇沙，海南雞飯嘅餐廳，lunch time都幾旺場，感覺都應該唔會伏，所以都排左一陣隊，大概十五分鐘就有枱喇。佢嘅裝修都幾新潮同colourful，枱同枱之間就有少少迫，不過可以接受。佢lunch set 都好多選擇，我見好多人食喇沙，上網search原來佢嘅喇沙係好出名，係正宗新加坡做法，湯底濃郁，咁我當然要試下一上枱已經聞喇沙嘅咖喱香氣，佢嘅辣醬係分開上，怕辣可以落少啲，夠貼心喇沙嘅餸都算多，有蝦，豆卜，蛋，魚片，肉丸同菜。喇沙尼講都叫幾豐當。入口係惹味嘅咖喱，辛口之後就食到椰奶嘅香甜同濃滑。米粉同油麵嘅正宗配搭，兩種口感，掛湯得尼又可以減輕油膩感。整體感覺好rich，好有body，令人一試難忘Lunch set 包飲品都另人相當有驚喜，全部都係東南亞嘅特色飲品，我就叫左個香茅青檸荔枝梳打，香茅青檸醒神得尼又有淡淡嘅荔枝味，唔會太甜，好清新。size就唔係好大杯，不過誠意都夠喇

以為岩岩開個時都keep住同同事去呢到食lunch因為中午好抵食，但前排覺得佢地service太差所以無去一排，今日諗住好耐冇去食，就諗住同同事再試多次野食一樣甘好食但今次俾我最多感受既係佢地service好左好多，以前舉手成日都無人理我地佢地D侍應又會講野好大聲仲有個女洗手間成日好污糟但今次去到都無呢d問題個個員工都好有禮貌（特別系戴眼鏡既外藉（姐姐）同著恤衫戴眼鏡個個）呢兩位好有禮貌另外希望會定期轉下Lunch 餐牌，可以有d新鮮感加油加油

開會後太餓，不想吃cafe之下走著走著就找到這間設計時尚的新加坡菜餐廳，光猛的燈光吸引我們進內用餐～斑蘭咖央多士 $28吃新加坡菜我一定會點這個小食，這裡的多士用了後方包，底面全脆，咖夠濃郁，配上夠硬的牛油，配一杯咖啡剛剛好🥰新加坡鹹蛋黃魚皮 $68鹹蛋黃魚皮新鮮炸起，上桌的時候還在出煙，魚皮和鹹蛋黃漿混得很平均，每一塊都有滿滿的鹹蛋黃，夠惹味，只是油份偏多，吸油可以做多一點會更完美。新加坡喇沙 $82椰奶味非常濃厚，令喇沙不會太辣又夠滑，裡面的食材都很新鮮，讓人忍不住一直吃下去，湯底真的非常優秀，材料很足，吃完一碗一定夠飽！檳城蝦麵 $86兩款麵都能夠保持適當的彈牙口感，最加分是豆卜完全吸取的湯底的惹味鹹香，有咬口又有豆香，和麵條一起吃的時候會爆出湯汁😍蝦肉尚算新鮮，平均分很高的一碗麵～香茅青檸荔枝梳打 $36同日喝了咖啡所以轉喝梳打，這杯梳打香茅味相對濃郁，但不會抗拒，就算有荔枝也不會太甜，很適合用來平衡一下這些惹味濃郁的菜式。

最近係飲食男女睇到係上環開左間真馬拉人開嘅餐廳，聽聞大廚頗有來頭，係有30年下廚經驗的馬來西亞人，曾在新加坡酒店工作多年，手藝正宗。於是襯週末去試一試佢！地點：位於上環嘅繁華街道中，地鐵站行幾步路就到，距離中環都唔係好遠，大遠離donki約十分鐘嘅路程，行完攰攰地可以一戰環境：門口大大個招牌好易見到，入餐廳佈局，有啲the charterhouse嘅格局，好馬拉feel，就好似餐廳入面嘅一句a taste of singapore一樣，好有東南亞嘅清新感覺。開放式廚房，讓大家可以一路睇住師傅切海南雞一路食野食物質素：李派海南雞飯拼新加坡喇沙米線（$118）一個餐入面就有兩款最地道嘅新加坡菜，梗係要一野試晒佢啦，睇下佢係咪真係真材實料呀麻！先講海南雞飯，雞味濃郁，食得出唔係冰鮮雞，煮雞嘅火候啱啱好，令到雞肉嫩滑，雞又唔會太厚皮，無一種好肥嘅感覺！至於雞飯係我覺得最出色嘅一樣，雞油調控恰到好處，味道出晒黎！而且雞味分佈適中，令到每一粒飯都吸曬香香嘅雞油再加埋傳統嘅新加坡甜醬油同辣醬一齊食，omg好正呀喇沙米線係偏向椰味較濃厚嘅一款，椰汁令到成個湯底滑滑的，而且食落唔會好辣，鹹香酸辣，香氣特

上環禧利街一向都有好多餐廳美食，今晚發現沿禧利街直上皇后大道中有間新加坡餐廳，就喺街道轉角當眼位置，餐廳招牌大大隻字好顯眼，就來一試😃喺疫情下，餐廳非常貼心，入坐時都派發紙袋裝口罩及消毒濕紙巾，環境衛生乾淨，先加分😁👍🏻飲品點咗椰汁珍多冰及桔仔話梅冰，椰汁珍多冰：好夠椰汁香；桔仔話梅冰：好夠梅味好解渴👍🏻👍🏻👍🏻食物點咗海南雞飯併白胡椒肉骨茶：海南雞飯配傳統3色醬料，醬料味道好，無骨雞肉嫩滑，油飯夠雞油香，白胡椒肉骨茶係新加坡風味辣辣的白胡椒味香👍🏻👍🏻👍🏻大蝦芒果米紙卷：配上特製芒果醬汁，別有一番風味做法👍🏻👍🏻👍🏻蝦頭膏炒椰菜苗：蝦膏味好濃👍🏻👍🏻👍🏻冰鎮鮑魚：鮑魚好爽口，似乎用咗紹興酒嚟醃製，好鮮香，另配有一個似印度嘅綠色醬料，估唔到味道相當配搭，好味道👍🏻👍🏻👍🏻鹹蛋黃雞翼：鹹蛋黃非常足夠唔輕手，鍾意重口味嘅你一定喜歡👍🏻👍🏻👍🏻最後食埋甜品，叫咗兩款出面好少食到嘅雪糕味，椰子及奶茶味，做法好似泰國咁用椰殼裝上，配有椰青肉圍邊，正👍🏻👍🏻👍🏻總括嚟講，餐廳食物質素不錯，侍應經理都能詳細介紹食物，我會多d嚟幫襯😋

路經皇后大道中, 見到新開嘅 LeeLaksa, 標榜星加坡菜, 地舖裝修好sharp, 即管入去試試 ~店舖裝修不錯, 燈光柔和, 地方潔淨, 地方不算大, 但侍應十分之多, 穿著 sharp 醒制服，可能疫情關係，門口外賣單也很多。入座後附上紙袋及消毒紙巾，非常體貼香茅青檸，味道清甜牛油果雞絲沙律, 做前菜一流串燒蝦， 爽口彈牙，啖啖肉薄餅咖哩， 薄餅即叫即做， 咖哩吾太辣， 啱曬我哋口味海鮮炒貴刁，海鮮炒河粉加油麵，充滿星加坡口味最後黎個拉茶椰子雪糕，完美整體環境十分好，依家好難搵到啲餐廳可以由六點半畀你坐到十點半， 都冇趕你走。非常滿意的一餐 ，食物不錯， 價錢貼地， 下次可以再來

同朋友一齊行過見到呢間舖頭門面好宏偉，原來係一間星加坡餐廳，所以入去一試！店內職員服務很好，一入到去便每人比一個紙袋來放口罩和濕紙巾抹手，十分之貼心🥰🥰🥰叫左一杯美綠恐龍，味濃不太甜！一杯熱情果芒果沙冰，味道清新，啱晒我行到熱辣辣👍🏻👍🏻👍🏻先黎咖央多士，咖央醬和牛油搽到滿滿，正！鹹蛋黃雞翼和鹹蛋黃魚皮，充滿住好濃烈嘅鹹蛋黃味，一啲都唔求其😋😋😋冰鎮鮑魚帶有紹興酒，肉身好爽脆，配綠色個醬好夾，好味😋👍🏻👍🏻👍🏻海南雞飯，雞肉好滑，油飯都好好味，加上碗湯充滿着胡椒味，超捧👏🏻👏🏻👏🏻最後叫左兩個雪糕，椰子味和奶茶味，雪糕本身夠滑，而兩個味都好出😄😄😄呢餐飯好滿足，下次一定再黎😉😉😉

前幾天吃過這間餐廳的外賣，發覺很好吃。今天經過這兒，順便再來吃午餐。店外裝修色彩繽紛，極富東南亞色彩！餐牌的設計也如出一徹，相當配合整體形象！我們點了「李派海南雞飯拼白胡椒肉骨茶」，油飯極富油香味，粒粒分明，雞肉嫩滑，配合傳統的三色調味醬﹝黑醬油、酸辣醬和薑蓉﹞，在店內吃比外賣更能享受新加坡的原味道！肉骨茶極富白胡椒味，勁辣，冬天飲應該更暖胃！今天的亮點仍是「新加坡喇沙米線」，材料豐富，有4粒吸湯的豆卜、4件開邊蝦，3粒魚蛋、半隻溫泉蛋、還有魚片和菜等配料，最精華的是湯底，鮮甜不辣，超濃椰香味！這個午巿套餐還包了餐茶，我們點了極富當地色彩的「馬來拉茶」，雖然有點甜，但香滑順喉，好飲，大滿足，把今天的午餐劃上完美的句號！可能前幾天買外賣是晚餐時段，人流不多，但今天午餐時段，人流極多，又坐得太密，沒設什麼社交距離，所以我們唯有匆匆吃完便走了！

今晚太夜放工，沒時間煮飯，所以打算外賣回家吃。上次經過上環時見到這間富東南亞色彩的餐廳，覺得非常吸引，所以趁今晚試試。我們點了「李派海南雞飯」，先吃海南雞，肉質嫩滑，數起來都有十件，數量比其他餐廳的多，配合傳統的三色調味醬﹝黑醬油、酸辣醬和薑蓉﹞，可算是還原到新加坡的味道！飯的味道也不錯，粒粒分明，富油香味！今晚的亮點是「喇沙」，我們不吃得辣，原來湯底真的只是微辣，反而有超濃椰香味，配合吸汁的麵條和豆卜，好吃到欲罷不能！下次要試試其他菜式！

Food portion was definitely lacking, needed to finish the soup in order to really feel full. The restaurant is cool and modern, what noodles and soup i had did taste good, but just portion size was lacking. So for the price and at lunch its not really that competitive to be honest. Can go to smaller and cheaper places for a more filling lunch. The lime soda I had was pretty tasty though and went well with the soup. 

今日晏晝同男朋友經過上環諗唔到食咩好，就諗住試吓呢間馬來西亞舖頭，叫咗一個海南雞飯同一個喇沙，因為本身我自己對喇沙都驚驚地，因為去過其他地方試過幾次喇沙，都有啲辣，但係呢一個喇沙出乎我嘅意料之外，就係完全唔辣，同埋佢個杯拉茶都冇其他舖頭咁甜，所以我覺得不錯

1:45pm 本來想坐下吃, 但人仍很多，坐位又密，見佢下午茶時段2pm便開始，一於行一陣返來外賣，同樣的laksa平$20, 又免加一。(中午$82, 下午茶$62)。對於不能吃辣的人，這裡的laksa正，因為原全吾辣🌶。份量又足，有4衹開半的蝦🦐，3粒魚旦🍡，4粒豆腐干，半衹蛋🥚，一些魚片條/菜/洋蔥。好味，椰香👍。Tea set包飲品，我要了熱的馬來拉茶，香+滑，但頗甜。高卡食物，超飽，大滿足!

今午行過皇后大道中, 見到間新開既 LeeLaksa (新加坡菜) 餐廳,   門口餐牌既相片睇落幾吸引, 咁就試下喇.     我就order左 "檳城蝦麵" 外賣,  大約等左15分鐘.   響等外賣期間, 店員都主動幫我跟單, 值得一讚.   打開外賣包裝紙袋內, 有一份餐具包, 內裡放有一小包消毒紙巾, 真係好窩心, 完全照顧到食客用餐既衛生.   打開餐盒, 已經聞到好香濃既蝦湯味, 湯底真係正 .  至於食材都好足料, 有蝦, 蛋, 豬肉,  芽菜, 通菜, 豆卜, 洋蔥,  仲有鴛鴦麵 (油麵同米粉).   食完, 真係好滿足.