Le Cafe (香港諾富特世紀酒店)

营业中

休息中

平價抵食海鮮buffet想平平地食又靚又正嘅海鮮buffet其實唔難🤣前排女友忽然話想又想狂食海鮮又想狂食甜品，於是上網搵咗呢間近近地嘅灣仔酒店食buffet。人流都好多下，環境舒適整潔，距離取食物嘅位置好近。侍應服務態度不錯，好快清走枱上用完的碟。呢間嘅自助餐粥粉麵飯、海鮮刺身乜都有。基本上想食嘅都有。比預期意想不到，海鮮種類有好多，有三文魚片、長腳蟹、生蠔、蝦🦐同青口。長腳蟹雖然睇落去好幼，但入面好多肉，好易拆出一條條嘅蟹肉，一次過成條食嘅感覺真係好爽。而且餐廳提供了完善嘅開蟹殻工具，十分方便😄凍蝦很鮮嫩滑爽口彈牙。生蠔size不大，但很鮮甜。加檸檬汁或點醬食亦會加分。有日式刺身，帶子、三文魚都肥美鮮甜，最general 嘅壽司都有，味道不俗。最特別係尼度有各式各樣嘅芝士同火腿，有幾何可以試咁多款芝士同火腿。仲有即燒原隻帶子，好大隻厚肉好好食，鋪面嘅醬汁甜得嚟有碳燒煙熏味。雖然每次只可以要一隻，但佢會不斷燒新一輪，食一次buffet可以食到好多隻。炒飯乾爽香口、牛仔骨香濃多汁入味、沙律吧的蔬果大致與其他buffet一樣，款色很齊全。飲品有水果賓治同鮮檸茶、茶、咖啡呢啲都有。生果有大

久違的自助餐！介紹一下🤣🤣佢依家去到9月30日個主題係「FRUITY SUMMER」海鮮自助晚餐有好多芒果嘅菜式！見到讚好Novotel Century Hong Kong Facebook專頁 或 追蹤香港諾富特世紀酒店Instagram (novotel_century_hong_kong)，就可以折後價$279起享用Le Café自助晚餐！我就用咗呢個優惠所以覺得好抵！！！............今次我哋去咗食夜晚buffet!!都幾多人食 但位置尚算寬敞一入去就見到即開生蠔區生蠔非常新鮮 冇腥味 食落有少許海水味不過間唔中食到一兩個係有蠔殼嘅隔離就係刺身區！刺身大部份都新鮮 個人特別推薦三文魚！..........隔離有即製薄餅區及串燒區試咗即燒帆立貝同牛肉！不錯薄餅就熱辣辣整出嚟嗰陣最好食！熟食區選擇都幾多 超級鍾意佢個中湯🤣🤣🤣🤣勁好飲另外佢個卡邦尼意粉好有驚喜好creamy🥰甜品方面選擇非常多除咗有雪糕仲有朱古力噴泉仲有自製區！蛋糕選擇亦都非常多而味道大部份都幾唔錯！總括而言個人認為食物質素高種類頗多 值得一試👍🏻👍🏻...........Novotel地址︰灣仔謝斐道2

今次經過灣仔Novetal酒店，本身係個吧同lounge入面同朋友飲酒，見到樓上有自助餐，天氣早上再去食！其實個環境都幾好，開放空間，唔會太嘈，氣氛都好好！同隔離果張枱唔會相差得好近！比較有自由度。 嘢食都比較多，今次想去食嘅時候正值係夏天水果宴活動，甜品方面有好多新鮮水果配搭嘅蛋糕。 提子好甜，士多啤梨都唔錯！ 另愛Novotel 推出全新「FRUITY SUMMER」海鮮自助晚餐，以時令台灣愛文芒果入饡，推出必食芒果系列甜品，好似芒果糯米飯，芒果超級新鮮，糯米飯煮得夠煙銀。剌身方面，非常非常推介三文魚，有一半係三文魚腩，非常新鮮，非常鮮甜！比其他日本餐廳做得仲好！個人認為三文魚等等嘅刺身做得最好另外佢哋嘅生蠔新鮮creamy，每到啖都好似同海水融入左一齊，飽滿食落口非常之滿足。

早喺兩個月前訂枱，五六月都無位，七月終於訂到枱喇，咁多人選擇都幾期待，我哋大約六點四十五分到，差唔多滿座。餐廳整體可以，食物款式唔算少但比較一般，由於職員人手有啲不足，忙過不停但收碟唔算快。雖然無咗鵝肝，但三百幾有即開生蠔，算係咁啦。有兩種蠔，兩款都好新鮮，下面係美國蠔，要同職員講先會開，每人每次可拎兩隻，唔使點排隊。火腿種類唔多，煙三文魚油潤少少會更好，其中有鵝肝批唔錯，口感細滑但鵝肝味唔重。蟹腳太硬，餐廳提供嘅較剪根本煎唔到蟹殼，食一條已經想放棄。蝦同青口都唔錯，翡翠螺好大隻，都幾彈牙，不過有啲沙。刺身一般，職員切好可以可以拎多少少唔使排多次牛肉有少啲鞋，豬胺反而可以，扇貝好大隻，有鐵板同燒。椒鹽蝦應係熱葷最好食，其餘都係一般同麻麻。忌廉湯及中湯。甜品都幾精緻，蛋糕好多都係原個自己切，我覺得切大件啲擺得定啲影相會好睇啲。左上係每兩位送：出一份嘅芒果糯米飯，椰汁好少，糯米飯有啲乾，芒果好甜。另外係自助即製薄餅及凉粉。除咗三款Movenpick任食，另外仲有雪米糍。

Le cafe灣仔美食眾多，而最近就有一間酒店在做買一送一優惠，$280多就有一個位！在這全場爆滿的夜晚，正好有澳洲跟美國生蠔，每人限取兩隻，size 中間，可無限次取！旁邊就是刺身，絕對是回本櫃位其後就轉戰沙律，當中最合口味的一定是杯仔同自選沙律，竟然有羽衣甘藍！師傅的切肉櫃的羊架也值得一試熟食中如遇到新鮮蒸的鱸魚不妨試試，放久了就會過熟啦！除此以外隱藏在切肉櫃旁的咖哩corner ，咖哩雞值得一試！甜品款式很多，各式蛋糕，慕絲，啫喱，朱古力噴泉等但最正的一定是movenpick 任食，而且會輪流推出不同口味，見到記得去拿！

諗住食自助餐慶祝生日，見到有生日優惠就 WhatsApp 訂位，客服很貼心提醒有其他折扣優惠更抵，自助餐前一日亦有客服再電話確認人數海鮮自助晚餐為題，都有唔少海鮮選擇有我最愛既生蠔，有兩款選擇，美國生蠔及澳洲塔斯曼尼亞生蠔，即刻開再分好一碟各有一隻美國生蠔好鮮甜😋另外仲有松葉蟹腳、凍蝦、青口、翡翠螺，無限量供應!刺身就只有四款，三文魚好厚身同行友人都唔食生冷食物，都係食熟食居多，熟食品種不算太多蘑菇意粉睇落平凡，但出奇地好好食，我同友人都夾左兩次雜莓扇貝黃金燒，新鮮熱辣辣，再有雜莓酸酸甜甜，很開胃飲品方面很多選擇，雜果賓治、檸檬茶、啤酒以及自助咖啡機食完主食點都要食甜品，甜品係用第二個胃超級多甜品揀芒果糯米飯非常搶手，一定要盡早拎菠蘿超級鮮甜 必食最後以 Movenpick 雪糕作結，十分滿足!

Novotel Seafood Oyster Dinner Buffet💫..ll又到左自助餐既時候啦，又大吃一餐既時候啦👻。呢日約左好耐唔得閒搵我食飯既好朋友 傾下計又吃餐好吧。冷盤類既冰鎮海鮮：紐西蘭生蠔🐚、凍蝦🦐、青口🐚、翡翠螺🐚，生蠔質素新鮮 也不少，仲係任食呢；仲有各式沙律🥗、芝士拼盤🧀 好豐富。而熱葷類，當然唔少得原條即切西冷牛扒🥩，肉質又嫩又多汁💦。而中菜類：煎焗生蠔🐚`避風塘炒辣蝦🦐，係各款中西美食匯聚中，都係推薦呢。日本壽司🍣`刺身，當然都不能少吧。有我鐘意既三文魚`帶子`大大蝦`吞拿魚...新鮮刺身沒誰會拒抗吧😋 總要多吃吃。至於甜品吧，都不能劃缺呢。新鮮水果🍍🍓🍈`精緻甜品🍰`美味雪糕🍨 都係自助餐另一焦點。更有多款Movenpick雪糕既口味，真係款款我都好鐘意呀😋🍴。..

同三個朋友一齊去咗酒店食自助餐，當係慶祝畢業。今次食呢間， $508一位，未加一，平日會平$50 。地理方面，都算方便，喺灣仔行五分鐘就到，搭升降機上兩層就到。 有最like既長腳蟹 好新鮮，啖啖蟹肉。仲有即開生蠔，夠creamy 嘢食都好廣泛，有冷氣，有刺身，有熱食，有甜品，仲有無限嘅Movenpick雪糕。 頭20位定位嘅客人仲有一份熱情芒果配糯米飯，要訂位嘅就快啲啦！ 生蠔都可以任食，每人每次可以攞兩個，食完再去攞！ 食兩個鐘，食完都唔會有人吹你走，餐廳啲職員仲好Nice！

星期日family day，有3個小朋友，見到呢間食buffet之餘仲有魔術表演，於是book左，食物質素ok ge，但今次係特登打文讚下個魔術環節。個表演差唔多1個鐘左右，前半part表演魔術，後半part扭波波，好簡單既表演，會邀請小朋友參與表演，個魔術師好搞笑，就算大人入去都笑得超開心。野食方面要彈下生蠔，本身唔肥唔係問題，因為都算鮮既，但開殼果個人好似亂黎咁，開到隻隻都有啲殼碎係度，一食入口就係啲細殼，又挑唔晒，因為太碎。

✿╮❤╭✿ ✿雜感女生   好味日記✿ ˚*•✰。Le Cafe．任食生蠔極優質。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤生日飯，停不下來 今次朋友帶去灣仔的香港諾富特世紀酒店食自助晚餐勁高質(高汁)，high到呢！冷熱盤選擇很多 乾淨整齊不在話下 生蠔都是任取的，勁新鮮，勁多隻多汁 連客人都很有禮貌，乖乖排隊沒瘋搶 刺身中以吞拿魚、三文魚最多人吃 無限新鮮pizza、燒牛肉都極有水準，連咖哩都有3款壽司款式多多，refill又快，正！作為海鮮狂迷，必食長腳蟹，海水味+鮮甜=任食！大蝦、青口、螺都很鮮甜！最吸引大人細路的要數甜品區 選擇實在太多了 有CAKE有水果，又有朱古力噴泉、任食名牌雪糕 我都自製了一杯：affogato 咖啡+雲呢拿= prefect！Le Cafe真心有水準 下次預定要帶大少奶同家中長老來大吃一餐小評： 味道：★★★★★ 環境：★★★★☆ 服務：★★★★☆ 衛生：★★★★☆ 抵食：★★★★☆

今日約埋三五知己去食自助晚餐，朋友話見到呢度除咗海鮮主打之外，最新仲有台灣及泰國人氣芒果甜品，一班芒果控嘅朋友於是就急不及待去品嚐一下啦呢個Cafe地方好大好闊落，好彩我地book咗位，今晚都坐滿人，見到食物非常豐富， 第一時間就梗係去攞生蠔啦，生蠔有兩款供應，一款係美國生蠔，另一款係澳洲塔斯曼尼亞生蠔，新鮮肥美，另外仲有薑蔥蠔😍😍之後就到其他海鮮啦，長腳蟹, 蝦, 翡翠螺, 青口等等，特別喜歡蝦, 爽口鮮甜, 沙律吧更加係不可缺少，而熟食熱葷都有超過10款，例如蒸魚, 川味辣椒蝦, 廣東燒味, 雞等等, 選擇非常多, 而三文魚刺身，及其他魚嘅刺身都非常新鮮，壽司都有好多種類供應👍🏻👍🏻之後到甜品時間啦，甜品種類更多, 有朱古力噴泉，Movenpick雪糕，朱古力蛋糕，仲有就係以芒果做主打嘅甜品啦, 例如芒果糯米飯, 芒果乳酪, 芒果蛋捲，全部都用新鮮芒果, 啲甜品做得外型非常之美麗, 食落去全部都好好味，芒果果肉鮮甜多汁, 真係內在美同外在美都兼備，而另一款覺得比較特別就係生果涼粉，用西瓜嘅外殼裝住涼粉，免面頭鋪滿各式各樣新鮮嘅生果，夏天食特別覺得美味透心涼，食完呢餐，真係好滿足🥰🥰

有小朋友的家長應該知道帶小朋友出街用饍是一件非常艱巨的任務，想他們安安定定食餐飯更是令人頭痛。灣仔Novotel 酒店內的Le Cafe，推出逢星期六、日週末自助午餐增設魔術師表演兒童魔術及扭氣球的互動活動。食buffet之餘更有魔術表演看，小朋友食得開心又有得玩，歡渡兩個半小時的親子時光。 生蠔海鮮為主題的自助午餐，收費為：星期一至四成人$308 ，小童$198；星期五至日、公眾假期及前夕成人$328，小童$208，由12:00至2:30供應，讚好酒店面書可享85折優惠外，每兩位成人更可免費攜同一位小朋友享用自助餐，非常吸引一家大細到來呢。安頓好小朋友後，當然先巡視一圈： 海鮮方面，凍蝦、螺、青口必定是頭盤的主打； Cold cut則有火腿、牛肉，更有大量煙三文魚供應，還有煎成金黃的芝士生蠔蛋餅，這種食法頗為少見。 特製沙律有：筍絲甜蝦沙律、薯仔沙律、印度沙律、意粉沙律等，款式挺多，亦不少得自選沙律，多款沙律菜及配料和醬汁提供，任挑任選。 麵包、芝士都是自助餐必備供應的項目，亦是給小朋友飽肚之選之一，最受歡迎當然是香口的麵包粒！ 這邊廂有壽司、冷麵，那邊廂則有刺身和生蠔，

我們家是零型人, 即不到零晨不睡的人, 無他...攪掂阿囡, 已經踏入新一天, 難得無B一身輕, 又不捨得去睡, 夜闌人靜的me time, 或另類二人世界, 才是一天最relax的時間, 薯片這個時侯最派上用場! 不過, 睡得晚, 亦意味早起的鳥兒有蟲吃的機會不屬於我, 假日真的只能吃Brunch, 兩餐併一餐最有效率又省錢, 飲茶一盅兩件最常吃, 不過偶然也要轉下口味. 單拖旅行前, 一家人就到灣仔Novotel Hotel Le Cafe 吃個豐富的Sunday Brunch! ​星期日是family day, 自助午餐更加入變魔術和扭氣球元素, 嘆美食之餘也給小朋友餘慶節目.  ​自助午餐每位$328, 預先like酒店facebook更可享85折優惠及免費攜帶一位小童, 變相十分抵食.​取餐的位置很寛敞, 自助午餐供應的食物也十分豐富​有冷盤海鮮, 包括熟蝦, 翡翠螺, 青口, refill也快.​另外,有多款日式刺身, 包括三文魚, 螺片, 鱲魚等. ​Lunch buffet也有即開生蠔, 而且源源不絕供應, 誠意十足.  ​另外亦有多款芝士, 餅乾, 果仁, 麵包,