Le Cafe

173
31
35
港铁湾仔站 A1 出口; 湾仔港铁站A出口步行5分钟 继续阅读
电话号码
25989869
61068083
开饭介绍
开放式厨房让这家国际自助餐餐厅的档次更高,不但开创全新的饮食潮流,更真正成为一家双向交流的餐厅。条纹的现代家俬衬托出宁静的设计,加上破格装潢的厨房及摆设,特显整体特的美感。 继续阅读
营业时间
今日营业
06:00 - 11:00
12:00 - 14:30
18:30 - 21:30
星期一至五
06:00 - 10:30
12:00 - 14:30
18:30 - 21:30
星期六至日
06:00 - 11:00
12:00 - 14:30
18:30 - 21:30
公众假期
06:00 - 11:00
12:00 - 14:30
18:30 - 21:30
付款方式
Visa Master 现金 美国运通 银联 JCB
座位数目
160
其他资料
网上订座
Wi-Fi 详细介绍
酒精饮料
自带酒水 详细介绍
切蛋糕费 详细介绍
泊车 详细介绍
电话订座 详细介绍
赏订座积分
加一服务费
前往餐厅网站
http://www.novotelhongkongcentury.com/zh-hant/restaurants-and-bar/le-cafe/
有关餐厅
Le Cafe 咖啡厅
Le Café 咖啡厅为香港诺富特世纪酒店内的自助餐室,开放式厨房提供国际自助早餐、午餐、晚餐以及单点菜式。餐厅每天以最新鲜的食材炮制各国精选佳肴,菜单汇萃多款海鲜、新鲜生蚝及嫩滑刺身。变化多端的主题自助晚餐,汇萃了多款自选中西美食,加上客席主厨亲临献技,令Le Café 咖啡厅成为城中灸手可热的餐厅,深受本地及外地人士欢迎。香港诺富特世纪酒店,距离湾仔港铁站 (A1出口) 只须 5 分钟步程跟可到达。

有关奖赏计划
招牌菜
新鲜生蚝 海鲜拼盘 海鲜铁板烧 烤肉眼扒 即制薄饼
食记 (269)
父亲节就到,早两日就带两老到常去的Novotel LeCafe食Buffet。今期做紧【夏日法式飨宴】,任食鸭肝、田螺、生蚝、和牛等,仲有6折优惠,抵至$317起,我地一行4人,真系悭好多!今次准时入场,先来Buffet必食的…【沙律+冻肉】【刺身】有多款刺身选择,当中最爱三文鱼,新鲜肥美,饱满油润。【专人即开爱尔兰生蚝】只只新鲜、海水味浓、肉质爽口,一啖一只,咁就食了十几只,正!【青口+翡翠螺+冻虾】【松叶蟹脚】开胃了,正式入戏肉!任食的传统法式美馔,精美得令人食指大动!【生牛肉他他】味道酸酸辣辣,配上脆片口感相当夹。【法式海龙皇汤】大大煲海龙皇汤,盛起时满载海鲜,浓汤芳香又浓郁,啖啖滋味。【和牛鸭肝汉堡】汉堡食得多,这个真的很有气派,厚厚的和牛扒+鸭肝,口感绵密、顺滑入口,油脂慢慢在口化溶化,实在是必食推介!【香煎鸭肝】如果戒牛,可选净鸭肝,油脂口感同样令人满足!【烧鱿鱼】经过见到烧鱿鱼好吸引,原来入口相当鲜嫩弹牙!场内还有牛油焗田螺、白酒蓝青口、薄饼等,种类繁多,十分丰富。肚仔饱饱,是时候食甜品!场内的甜品每次都有惊喜,往往令人将减肥抛诸脑後…【法式苹果批】批皮松脆,苹果酸甜,咬落去口感松脆细腻。【红酒烩香梨】香梨吸满红酒,酒味香口感爽,不嗜酒的都可试!【Mövenpick雪糕】最後当然要食瑞士Mövenpick雪糕啦,士多啤梨味超美味!今次大家都好满意,仲话下次要再嚟添! 继续阅读
(以上食记乃用户个人意见 , 并不代表OpenRice之观点。)
等级4 2020-07-21
1991 浏览
老嗲话想食餐好,佢又话好耐无食蚝! OK 知道!朋友报料「赞好」Novotel Century Hong Kong Facebook或Follow Instagram专页就可以有6折优惠,$317起咋! 好,Let’s go~美国生蚝同法国生蚝即叫即开,好新鲜!迷你鸭肝牛肉汉堡沙律新鲜五款刺身,有巨型阿根廷红虾法式海龙皇汤好浓郁,必饮!海鲜冷盘有长脚蟹、海虾、青口、螺……热盘有十几款选择又大片又红嫩嘅烧牛仔肉果汁、茶、咖啡(有低因咖啡选择好贴心)好多甜品杯、蛋糕,仲有movenpick雪糕任食今餐好满意,比想像中更多嘢食,CP值好高呀! 继续阅读
(以上食记乃用户个人意见 , 并不代表OpenRice之观点。)
等级2 2020-07-20
992 浏览
当日系同男朋友纪念日🥰网上面一早见到佢有呢个夏日法式飨宴。身为法国迷嘅我😌一早点名要食呢间,男朋友只能乖乖同我出席。沙律嘅话我锺意食佢个尼斯沙律🥗正宗嘅。佢都有好多款啊同埋,尤其是个印度沙律,绝对唔求其,啖啖咖喱香,同埋都几辣下🤪肉批好食😋鸭肝酱配上酸酸甜甜士多啤梨,清新唔肥腻。有啲唔开心系个芝士拼盘我冇食到,当日原来9:30左右佢就会收走晒啲嘢,我同男朋友8点15分先至到,9:20左右佢就开始收!唔开心😫讲吓热盘先。男朋友一嚟到就攞咗个鸭肝汉堡,热辣辣的,同埋佢唔系好大个,一只手可以攞得晒,大约食四五啖左右就会食晒。我都食咗三几啖好食呀!男朋友仲食咗两个一咬落去油香好滋味,不过可能系budget问题,佢哋唔系用鹅肝。不过已经好好味😋烧牛肉不过不失,有少少鞋口。要赞嘅系佢放咗好多唔同嘅酱汁。除咗有普通肉汁同埋黑椒汁,佢嘅芥末都好齐。法式、英式、芥末子、辣根酱都有👍🏻👍🏻我系一个芥末控,当然要试齐晒咁多种啦!仲有其他法国着名菜式,例如纸包鱼、红酒炖鸡、油封鸭,当晚都可以食到。不过好唔好食就其次。纸包鱼用咗三文鱼,个底配少少忌廉,简单一道菜整得真系唔错,但系个鱼唔够热。红酒炖鸡就不过不失,可能焗得太耐啦,啲鸡肉都散开晒,好就好在入味罗。个鸭就简直麻麻哋,首先因为佢碎上,净系睇个样已经唔太讨好。油封鸭系我最爱嘅食物之一,可以话佢嗰个真系整得好求其。亦都可能系可以比人坐低堂食嘅最後一日,所以佢求其啦。净系得个咸字,鞋飒飒嘅肉,好似攞去煲过汤咁。仲试咗少少其他中式热盘,例如咕噜肉😝因为我锺意食,点都攞咗两旧。估佢唔到都几好食喎,仲以为会好求其。当然你唔会期望佢系脆皮啦,始终都焗住晒,但系佢啲粉唔厚,咬落啖啖肉另外食咗印度咖喱肉都唔错。最失望就系甜品方面。唔知佢喺度赶头赶命,赶住收工,同我讲9:30就要完,都唔紧要,大佬你9:10左右就开始执嘢系咩意思呀。当我9:30真系行到出去睇甜品嘅时候,已经系俾人收起晒!喂大佬食自助餐甜品系一个好重要嘅环节,你仲要搞紧法式主题,我一行到出去唔好话焦糖炖蛋,连生果都俾人收起晒,我最後系要喺佢放咗埋一边嘅餐车同埋垃圾车嗰度攞返少少出嚟,仲要系唔好食㗎罗!班兰蛋糕乾争争,牛乳奶冻得个甜字。唔好话其他甜品我连车尾灯都见唔到。大佬你话晒都系一间酒店,当你仲有客人嘅时候系咪应该为客人谂下,我行到出嚟搵甜品,大家都西口西面唔想理我。最後我求其喺垃圾桶执咗一啲返去!当然系我同男朋友嘅纪念日,最後以咁样作结有啲唔开心罗。Openrice订位有七折。总括而言唔系太抵罗,就算有折😡初头食紧沙律嘅时候都几开心🤣因为未知道佢要赶头赶命收工。 继续阅读
(以上食记乃用户个人意见 , 并不代表OpenRice之观点。)
等级4 2020-07-15
1332 浏览
今日是香港限聚令实施之前的一日, 明天开始晚上不能堂食。所以趁限聚令之前尽情吃一餐。相信如果不是限聚令应该会全场爆满。但应该因为新政策导致很多人取消晚饭,全场约7成座满而已。我都已经忘记是多少次来这里吃自助餐。但我还是觉得这里的自助餐性价比是全港最高的。必吃之选包括珍宝赤虾,生蚝,龙虾汤,冻虾,东风螺,松叶蟹脚,鱼生片,清蒸石斑,鹅肝汉堡,攋尿虾等等。当然吃完之後一定要来几个movenpick的冰淇淋才值回票价。埋单370元,性价比实在太高了。 继续阅读
(以上食记乃用户个人意见 , 并不代表OpenRice之观点。)
等级2 2020-07-11
982 浏览
趁住生日同屋企人搵间平平哋嘅酒店食lunch buffet,但估唔到就比呢间劣质餐厅破坏晒心情。我真系好怀疑openrice的笑脸是如何得来?罪行1: 一到场餐厅竟然搵唔到我booking. 完全无我电话姓名资料,我话我系7.1下午几点打黎book嘅,好彩佢哋临时安排到张枱,否则我哋一行五人点算?😓罪行2: 睇openrice 啲comment 讲到哗呢度lunch buffet都好多海鲜吖、啲生蚝好正吖!所以我第一样野食就系拎生蚝,but SORRY! 哗大佬,一咬落去成口沙!唔系一两粒沙喎,系成个口好似去牙医洗牙都冇咁多沙吖🤬,𠼱都𠼱唔切。我估可能一只系咁啫,再试多一只.....我真心崩溃,又系一口沙,叫人点食吖,想夹硬吞都吞唔落啦!我成个口「刮刮声」,𠺘口都𠺘唔切!真系好离谱,我行去拎生蚝位置同个疑似高级少少嘅职员讲,你哋啲生蚝好多沙喎!佢竟然答「系呀,我哋知,而家同厨师讲」然後就抛低我自己就咗去。Fine, 最多我拎其他嘢食先,反正我都真系冇勇气再试。(後记:我哋有人後未去拎啲生蚝,真系冇沙嘅,但系毫无鲜味。唔知佢哋系咪真系有换过批生蚝啦,因为我拎果阵啲生蚝系全部摊晒出嚟任人夹,而其他人拎无沙果批果阵就系逐啲逐啲两只两只咁拎出嚟比客人。)罪行3: 鱼生明显食得出系唔新鲜。首先,我极少见到酒店自助餐会预先将啲鱼生切哂放响雪柜,定抑或我孤陋寡闻?我真系食亲都系你要师傅先会逐块切比你喎!好啦,我「当」唔同酒店有唔同处理手法,但鱼生质素也不至於咁差吗?首先,希灵鱼系明显雪咗好耐,雪到质地硬晒;另外一种鱼(见相中粉红色果款)系直头有怪味!点吖而家,系咪要食乜𠼱乜㗎呢间嘢?罪行4: 食到我个人都冇哂心机😞,唯有转軚去食热荤。(讲真我食自助餐要食到热荤真系极少可,要间嘢几冇嘢啱食先要食热荤呢?)我抱住「可能呢间啲热嘢好食啲呢」嘅心态去夹硬搵啲嘢食,但真心觉得呢间酒店嘅自助餐真系完全无诚意兼好无质素。全部菜式卖相都好核突吓,而且全部嘢食都好cheap, 同我阿妈平时响屋企煮嘅餸差唔多,犹如屋企家常便饭嘅菜式一样,大佬酒店自助餐喎,点摆得呢啲嘢上枱㗎?但味道阿妈可能煮得仲好啲。讲多无谓,有相有真相,你哋自己睇。罪行5: 呢餐真系由头到尾都咁「精彩」!求其食啲嘢填饱个肚离开呢个鬼地方,当买个教训算。埋单果阵,我check过张单系啱嘅,於是我姐夫用信用卡找数,到出咗信用卡张付款单,我姐夫望一望价钱差不多於是签啦,签完就好似平时咁拎返张卡啦,咦,张卡唔系佢嘅🙁?原来佢将我哋张卡同隔离枱张卡调乱左,而隔离枱又好似我哋咁签咗先发现原来张卡唔系自己果张。大佬,收银果位/收卡果位侍应可以小心啲嘛!调乱客人信用卡都好明显系人为错误啦,万一大家都唔发现拎走埋张卡就真系精彩。既然签错咗,要比返张void单我哋keep都系正常过唔正常嘅指定动作啦,但位侍应又系要扰攘一轮先比到我哋,真系好有趣。😒总结:如果因为话佢平所以就要接受如此劣质的食物及服务,我真系不能苟同。我六月头才去完普庆餐厅同样系食lunch buffet, 人哋一样有长者优惠、成人价亦不相伯仲, 但菜式选择、食物质素、服务态度真系好过呢间好多班,基本上我唔应该咁样比较,因为唔同level嘅嘢其实不能放在一起比。我只能够讲呢间真系我食过最差嘅一间自助餐,真心觉得等同食紧普通商场嘅food court质素(可能更差),买个教训便算了,无下次,亦绝对会忠告身边人千祈唔好去。至於点解openrice有咁多笑脸,我就不得而知了,反正我嘅经验就是我信错了! 继续阅读
(以上食记乃用户个人意见 , 并不代表OpenRice之观点。)