LAVA (已結業)

成日都話食西野，美國菜法國菜就成日食，今次我地食西班牙菜，搵左尖沙咀呢間Lava食下正宗西班牙風味。好，坐低睇下有咩好食先。炸魷魚配青檸，辣椒，外面個炸粉唔厚，好脆，食落又唔油膩。魷魚幾厚身，咬落都好爽，上面條辣椒絲微微辣加埋一齊食都唔錯。西班牙火腿，西蘭花，羅勒，車厘茄螺絲意粉，羅勒幾香，有用黎煮左個汁，螺絲粉偏淋身。西班牙藍肚蝦，大蜆燴飯，燴飯幾香，有蕃茄，蝦和腸仔，有西班牙菜果種獨有既咸香。

香港貴為國際大都會，又以美食天堂見稱，在街上總是可以見到形形色色的外國餐廳，而今晚我將與友人一嚐西班牙菜的風味。LAVA餐廳菜色很多選擇，而且很有異國風情，而我今晚PATATAS BRAVAS，新鮮油炸大小適中的薯粒，放一個溫泉蛋於面；鋪一堆秘調醬汁係底。再用叉篤破溫泉蛋，讓鮮嫩的蛋汁和底下的醬汁混合。無論在視覺或味覺上都讓人有非同凡響的享受。另外叫了一道西班牙菜中很出名的PAN FRIED CHORIZO ，車厘茄紅椒再配上鹹香十足的西班牙香腸。全紅的配菜看得出主廚的心思。而且車厘茄和紅椒可以中和香腸的油膩，令這道菜的味道添色不少。小菜方面還叫了一道西班牙牛、豬迷你漢堡。味道驚為天人，牛肉肉汁鎖緊、豬肉亦吹滿口感，只是用了簡單的鹽巴和黑椒作點綴，保留肉質的原汁原味。最後一味亦是我最喜愛的一道經典西班牙菜式-西班牙藍肚蝦大蜆燴飯。藍肚蝦鮮甜清爽，大蜆亦新鮮甜嫩。配搭在一起的燴飯，飯粒粒粒分明，混和海鮮的鮮味和檸檬汁的清香，形成分明的味道，不斷刺激你味蕾。令人一試難忘。

LAVA.Patatas Bravas 炸薯粒配溫泉蛋，蕃茄香椒汁食剩指數:0/100薯粒炸到四面金黃外脆內鬆軟撈蛋汁同蕃茄香椒汁口感好飽滿好香.Italian Beef Tartare with crispy potato and walnuts 意大利牛他他撻配脆薯仔，核桃食剩指數:5/100牛他他好少以撻形式上撻皮好脆好薄牛他他調味幾清爽.Masala Chicken Lollipop 馬薩拉炸雞髀仔食剩指數:1/100炸雞帶點印度風味雞肉嫩滑表面有一點薄荷醬令到個油膩感降低仲有脆片好crispy.Mini Burger西班牙豬、牛迷你漢堡包食剩指數:0/100兩個mini burger 一豬一牛咬落好juicy真係一兩啖食完又好影又好食.Fusilli Pasta 西班牙火腿，西蘭花，羅勒，車厘茄螺絲粉食剩指數:10/100主食pasta揀左螺絲粉清清地平衡吓tapas整體無咩草青味西班牙火腿既咸香係入面好出要連火腿一齊食先好食

異國風味又足料既西班牙海鮮燴飯3款小食都好特別，開胃送酒都咁岩室內用餐區空間廣闊 燈光微暗又不缺光源 整體坐得好舒服音響設備好靚 整晚既歌單都係耳熟能詳既20's流行曲👍兩邊各有大露台 耐唔耐仲有海風吹過清新一下西班牙藍肚蝦大蜆燴飯 $298舖上大量飽滿既肉蜆及藍肚蝦海鮮鮮味混入香草及蕃茄既香甜味飯粒吸收晒所有精華而又不會過濕份量多到成個巨型煎獲原隻上2個人都差d 食唔哂，好岩幾個朋友一齊shareCrazyHeavyVeggiesPlate $88必叫既伴酒菜首位除左好脆身既粟米片及洋蔥圈外仲加左大量既香菜洋蔥及粟米略為微酸既沙律汁令炸物容易入口不帶油膩感特別一提炸洋蔥圈既粉漿mix得好正 炸出嚟圓潤又有咬口馬薩拉架雞髀仔 $88微辣既醃料及濃沃嘅香草調味別具特色雞皮炸到香脆但雞肉仍保持嫩滑多肉汁加上少量薄荷啫喱更可食出唔同既風味西班牙豬牛迷你漢堡 $88豬堡用左稍多豬脂混合打成 豬油既香味充裕整個味蕾西班牙豬肉既彈性更令整個漢堡充實而飽滿期待推出大隻豬漢堡版本 成為主菜都幾推薦牛堡雖然比較下略為普通 但都keep 到大量肉汁味道都唔錯

LAVA (尖沙咀)尖沙咀金巴利道45至47號金巴利廣場4樓我們找一間高質素西餐廳吃一頓豐富的晚餐，來到一間樓上西餐廳，這裏不僅有露天的雅座，內裏以酒吧格局裝修，適合三五知己來談心。Mini Burger$88西班牙豬、牛迷李牛肉賣相過癮，一口漢保，分別有豬和牛，大口的人一口一件，嘴比較細的人，可能要分開兩啖。雖然說，但質素沒有戲場，牛味濃郁！Crab Meat Tortilla$98不是普通食到的奄列，裡面混著鮮甜蟹肉，蛋煎得鬆軟，不會實心，易咬有豐富營養，適合大人小朋友。Blue Belly Shrimps & Clams Paella$298西班牙藍肚蝦大蜆燴飯西班牙藍肚蝦大蜆燴飯，一大盤上枱，吸滿了湯汁的濕潤燴飯，顏色鮮豔呈橙色令人食慾大開！藍肚蝦雖然望落小巧精緻，但是十分鮮甜，可以連殼吃，鮮味融入燴飯令味道昇華。Cheese Cake W/ Ice Cream$78芝士蛋糕配雪糕，芝士味濃郁，蛋糕Creamy，配上朱古力雪糕，為這頓飯錦上添花。Orange Juice$68Ginger Beer$38

LAVA📍尖沙咀🥘西班牙藍肚蝦大蜆燴飯 $298燴飯整得好濕潤，但係飯粒又唔會太淋😛醬汁嘅調味啱啱好，一路食都會覺得好順，忍唔住一啖接一啖😋大蜆好大粒好新鮮，食落口好多汁，好值得叫黎試吓🫶🏻🍗瑪莎拉炸雞髀仔 $88調味好足夠，而且雞肉好嫩滑🐓廚師將雞髀仔嘅肉褪晒落雞髀頭度，所以食起嚟好方便❤️綠色嘅醬汁酸酸甜甜，同雞髀嘅調味好夾，不過如果可以有多啲汁for沾醬就更加好🍵🍡西班牙油炸鬼波配朱古力雪糕 $88油炸鬼波波新鮮炸起，味道同平時嘅西班牙油炸鬼一樣😋食落嘅口感好得意，真係將churros變做波波，但係保留相同嘅口感😲

又繼續我既偽西班牙之旅🇪🇸呢間餐廳佔地都幾大，有戶外同埋室內，外籍侍應們好友善，食物又高質😛可惜大概位置比較隱世，就算係禮拜五夜晚，人流都唔算太多，但覺得佢絕對值得更多人去認識同埋支持🥺▪️ Patatas Bravas（8/10）💲89炸薯仔粒做到外脆內粉，唔會話好乾身，配上流心既溫泉蛋，有香濃既蛋香，同埋底下既蕃茄香椒汁，成個配搭好惹味，一口接一口好快清曬🥔▪️ Spanish Pork & Beef Mini Burger（7/10）💲88呢個漢堡包的確好迷你，細細粒勁得意🤣豬會偏乾同埋淡，牛就嫩同濃味啲，兩者都係原汁原味，無咩額外調味🍔不過相比其他小食，呢個定價就偏貴，會比較遜色😳▪️ Masala Chicken Lollipop（8/10）💲88上檯熱辣辣既馬薩拉炸雞髀仔，個皮夠曬香脆，本身見賣相都驚裡面乾，但咬落係有肉汁滴出黎，認真驚喜呢😱印度菜常用既香料調味香濃，帶點微辣，配上一小撮既酸甜薄荷醬，份量恰當又匹配，仲有啲脆片添🤓▪️ Spanish Blue Belly Shrimps & Clams Paella（8/10）💲298西班牙海鮮燴飯都好出色，有充滿鹹香既香腸，帶甜

成日食嚟食去都係中西日意菜？今日中島就帶大家去試吓南美菜位於金巴利廣場4樓—————————————————————餐廳設有露天位置唔凍嘅話坐喺出面35知己飲番杯都幾cнιll中島都係留番喺室內算啦🤣少食南美菜嘅關係想試多啲款所以揀左3個小食+個мaιn先嚟個類似沙律嘅拼盤有洋蔥圈 芝士 粟米 脆片配墨西哥沙沙醬可以作為開胃菜中島大愛佢哋嘅蟹肉奄列❤️熱辣辣嘅厚蛋入面係鮮甜蟹肉仲有個古巴三文治脆脆嘅麵包夾住融化嘅淡芝士足料嘅慢煮豬肉一啖多重享受😋最後當然唔少得西班牙燴飯藍肚蝦大蜆燴飯鮮甜大蜆加上可愛的骰但又爽甜嘅藍肚蝦為呢個飯加左唔少分食唔停口🙈—————————————————————➸ craв мeaт тorтιlla $98➸ crazy нeavy veggιeѕ plaтe $88➸ cυвan ѕandwιcн $128➸ вlυe вelly ѕнrιмpѕ & claмѕ paella $298

元旦日同謙謙到尖沙咀的 Lava食晚餐 ，呢到係食正宗的西班牙菜，做阿媽緊要帶謙謙見識下先得啦！唔係大過點溝女😆。謙謙都好好奇西班牙菜有咩食，我就叫左以下幾款⬇️⬇️⬇️🔯 Crab Meat Tortilla ～ 厚厚的奄列做得幾好，一開四，每年都有好多蟹肉絲好鮮甜。🔯 Crazy Heavy Veggies Plate ~ 好特別的碟上面放了剛剛炸好的洋蔥圈、粟米、芝士、脆片和墨西哥莎莎，香脆可口下酒必點系列。🔯 Spanish pork and beef mini burger🍔 ～ 睇落真係好迷你，但見人地叫咁 cute cute 忍唔住order 了， 我同謙謙一人一個，咪睇佢咁精緻，食落都有質素架，漢堡都夠 juicy 。🔯 Cuban sandwich 🥪 ~ 超脆外層的三文治內裡包著慢煮豬肉、火腿和西班牙芝士超豐富口感一流， 伴碟的車厘茄火箭菜沙律加上醋汁很開胃。🔯 Fusilli Pasta ~ 青bb 的螺絲粉上面有多片西班牙火腿、 西蘭花、羅勒和車厘茄，火腿入口好香為螺絲粉增添香濃。

首先叫左個招牌西班牙菜式蟹肉蛋餅，蛋餅非常厚身，蟹肉多多，外面煎得微焦，裏面依然係滑蛋，加啲香蔥好味道，另一個小食炸魷魚配青檸辣椒，有青檸味道就清新啲，感覺無咁油膩，炸魷魚即叫即炸所以口感絕對鬆脆，魷魚彈牙又爽身，唔洗怕會咬唔爛香口膠咁，主菜必點西班牙藍肚蝦配大蜆燴飯，西班牙風格既醬汁做底夠惹味，仲有煙肉腸添，好中意佢一上枱就聞到濃郁煙熏味，蜆肉Juicy，個米粒口感煙煙韌韌，分量十足，包你哋夠晒飽，最後甜品緊係要嗌西班牙油炸鬼波配合朱古力雪糕，油炸鬼波係肉桂條既味，餐廳用黑朱古力雪糕啱曬我口味，滿足，埋單仲要人均300only，讚！👍👍

這晚要去看傳媒優先場，入場前先到位於尖沙咀的LAVA輕食西班牙Tapas 晚餐。樓上酒吧空間感十足，地方寬敞舒適不侷促，還有多部電視播放球賽。餐廳裝潢冷酷而富型格，在昏黃的燈光映照下，瀰漫著自在寫意醉人情調。戶外空中花園環境開揚，以粉紅櫻花樹作點綴，飽覽迷人夜色。店內擺放了黑膠捽碟機及混音處理器，間中還會有DJ駐場打碟。餐牌上Tapas 款式眾多，點幾款當正餐吃也足以吃到飽。每人會奉送一杯welcome drink，酒精濃度不高，容易入口。火箭菜，車厘茄，芝士沙律 $68滿佈份量澎湃的火箭菜，配上酸甜多汁的車厘茄和黑醋，清爽開胃無負擔。西班牙豬，牛迷你漢堡包$88迷你漢堡包造型趣緻，色彩繽紛更添玩味，一口一個的mini size吃得更衛生方便。包身鬆軟有彈性，漢堡扒有豬肉和牛肉兩款，口感扎實爽彈，保留著飽滿肉汁。炸薯粒配温泉蛋，蕃茄香椒汁 $89金黃薯粒連着薯皮炸得外層酥脆，肉心軟綿細密得似薯蓉，口感外脆內軟。番茄香椒汁酸甜中帶有微辣香料風味，惹味得令人吃不停口。蟹肉奄列 $98蛋餅可算是西班牙菜式中的signature dish，厚切蛋餅的外層煎成香脆金黃，每一口裹滿濃郁蛋香。蛋皮入

Happy Friday 同朋友食飯搵左間西班牙bar& restaurant 既新餐廳食野傾計，餐廳既感覺都好有空間感。勁舒服既感覺😚一坐低就有杯welcome drink😚又靚又好飲既cocktail Menu 既選擇都好多，而且價錢都好合理。主要西班牙既野食都係tapas 為主，所以今次我地都叫左幾款tapas 首自叫返個salad先，有火箭菜、車厘茄同芝士。平時d沙律🥗邊有咁大份😚好多菜，而且都好新鮮唔苦！加埋車厘茄好fresh，感覺幾抵食另一款係炸物，主要係蔬菜黎！有蓮藕、洋蔥加埋一齊都好正，好特別咁！而且值得一讚係個擺碟好靚另外仲有一款西班牙名物蟹肉蛋餅🥞好多蟹肉勁足料🥰最後仲有一個焗薯粒加溫泉蛋，值得一讚係個汁做得好好食！加埋隻蛋mix 埋好正！約朋友happy Friday 真係幾唔錯

今日想同朋友慶祝生日，所以嚟咗呢間之前已經book mark咗好耐嘅餐廳，雖然間餐廳開咗唔係好耐，但見到佢嘅食物同環境都好唔錯，所以一直都想試吓😍餐廳嘅環境好寬敞，播住音樂嘅氣氛好relax，好啱同朋友嚟傾偈食飯香煎西班牙香腸 $105外皮煎得好香脆，咬落去嘅肉質好Juicy，完全係爆汁嘅狀態👍🏻腸仔嘅味道唔會好死咸，但有股獨特嘅香味，同平時食開嘅腸仔無得比，係一流嘅佐酒小食😋古巴三文治（慢煮豬肉，火腿，西班牙芝士） $128見到呢個名都幾特別，一直都想去古巴但冇機會，唯有試吓佢嘅古巴三文治🥪三文治麵包皮焗到好脆口，內餡嘅豬肉同火腿都好夾，慢煮豬肉保留到佢嘅肉汁，食落唔會乾爭爭，而西班牙芝士因為麵包皮熱度令佢有流心嘅狀態，好惹味😆調味係帶有少少酸，食落好開胃，伴碟有火箭菜同蕃茄仔沙律👍🏻西班牙藍肚蝦大蜆燴飯 $298 西班牙燴飯一直都係我好鍾意嘅食物，今次呢度都冇令人失望，大蜆味道鮮甜夠晒大隻，而藍肚蝦雖然望落細細隻，但佢嘅肉質好爽口彈牙，唔會霉，係好新鮮嘅海鮮🦐🦐燴飯嘅調味都好好食，唔會過咸，愈食愈開胃，份量都唔少㗎，兩個人食真係好夠👍🏻🎈 LAVA (尖沙咀)尖沙咀金巴利道45至4

LAVA 尖沙咀Happy Friday同咗朋友去尖沙咀食西班牙菜，搵到間性價比超高，環境好好，食物超好食嘅餐廳，超級推介！！生蠔應該係我食過最新鮮嘅生蠔，海水味好足，加上新鮮嘅檸檬汁，簡直一試難忘，口感濃郁🥰古巴三文治香口嘅麵包皮，配上慢煮豬肉，火腿，同西班牙芝士，出奇地好夾，咬落去，又軟熟，又香脆，好好食😋😋沙律叫咗個火箭菜，車厘茄芝士沙律，好濃郁嘅西班牙醋，加清清地嘅火箭菜，做頭盤，簡直超開胃😎蟹肉奄列濃郁嘅雞蛋，配上入邊超豐富嘅蟹肉，口感好好，食落去好香嘅蛋香🥰總括嚟講環境同服務都超級好，一定會再嚟過🥰見到佢出邊仲有室外位可以坐 happy hour應該會好chill😎😎🥸

今日同朋友就搵到呢間位於尖沙咀嘅LAVA，呢度嘅西班牙炒飯好有水準！ Spanish blue belly shrimps & clams paella $298 藍肚蝦同大蜆夠新鮮，米飯硬度適中，醬汁味道出色，絕對唔係偽西班牙燴飯果種茄汁味 ，個底仲有飯焦。Salt & pepper calamari $88 小食同樣出色，呢味炸魷魚，擺盤精緻，魷魚炸外酥內嫩，配點青檸汁，入口更有層次。Crazy heavy veggies plate $88 要講必點少食，我同朋友都揀呢道洋蔥圈，炸皮香脆芝士味濃厚，拌粟米、芝士、脆片同墨西哥莎莎，我同朋友都一啖接一啖食到停唔到口。Churros ball with chocolate ice cream $78 西班牙油炸鬼就食得多，呢隻油炸鬼波比平時食開嘅更加卜卜脆，配朱古力雪糕，滋味無比。