L'attitude (已結業)

全隻軟殻蟹咁上第一次見～隻蟹細細隻就比人炸左，覺得可憐又可愛，隻蟹味道竟然覺得幾好食喎，唔乾硬，個意粉份量真係好少好少..女仔食都覺得唔夠，男仔簡直係攝牙罅，蒜蓉味重過明太子味太多了.個雞翼勁乾，入面啲肉好鞋，冇咩蜜糖味，肉又唔離骨....但又唔係唔熟..都唔知點形容佢好。本身對個薄餅冇咩期望，但咬左一啖又幾鬆脆喎，一啲都唔硬，每一啖都會有啲餸食下咁.為左想影張相就叫左呢個，雪糕簡左牛奶味，個熊貓一黎到第一時間覺得：點解咁稀疏嘅..好似禿頭咁😂仲要耳仔位凹晒，耳仔都見唔到。雪糕還可以👌🏿

早早吃完晚飯，又買完要買嘅嘢，就決定去食個甜品先返屋企喇！之前見到朋友喺IG度post咗張甜品相，有大大舊黑雲棉花糖好得意，所以就去呢間餐廳試下好唔好味，影下相呃下Like啦！我哋叫咗兩個甜品同兩杯飲品，雖然都好多客人，但都好快就有嘢食喇！一嚟嘅就係呢杯烏雲軟雪糕，我就叫左雙拼嘅味道，估唔到個雪糕勁滑又唔會太甜，好耐冇食過呢啲棉花糖啦，超級靚啊杯雪糕！我就叫咗一杯杜拜星空，其實只係藍蝶花加咗柚子蜜，可能我食完杯雪糕甜啦， 會嘢飲好似冇咩味咁。大少叫嘅係藍橙檸檬特飲，之前都有飲過呢一支Lemonade，知道係好好飲，所以一見到都嗌返一杯！大少飲到豎起手指公就知道好味到啦！酸酸甜甜咁食完甜品飲都幾解渴啊！最後叫咗個淘氣蜜糖吐司，我本身就唔係好想嗌呢款甜品嘅，感覺好似以前啲台式Cafe嗰啲棺材板咁，不過大少又話想食，就是旦啦！點知真係有驚喜喎！啲麵包用蜜糖焗到金黃色脆卜卜，但係入邊都仲係好鬆軟，完全唔會係乾晒咁！配埋雪糕一凍一熱咁非常好味呀！除咗甜品其實呢度都有好多唔同類型嘅嘢食，我都決定下次再嚟試吓佢哋啲意粉先！當然都要留肚食甜品啦

係尖沙咀一個人來人往的街道，見到一間cafe入面有食緊野，見個賣相好似幾好味就入左去。海膽蟹肉牛油果芒果他他:賣相精美，碟邊伴上三文魚籽，令顏色更加豐富。食材都很新鮮，每一啖都有齊香甜既芒果肉、彈牙鹹鮮既蟹肉、新鮮既沙律菜，重有鮮美既海膽，食落好豐富。墨魚蝦滑漢堡:因為我地係share食，所以職員好好會幫忙分一半。塊墨魚蝦滑應該都有成吋厚，彈牙香口，誠意十足，跟burger sauce 好夾。 薯條分量都唔少，而且夠脆身。夢幻版卡邦尼温泉蛋扁意粉：卡邦尼意粉食得多，粉紅色既卡邦尼意粉第一次見，當然要即刻order。本來以為只有意粉同温泉蛋，並無其他材料，原來內有煙肉。意粉口感彈牙， 每根都沾滿醬汁，食完唔會覺得膩。 本來想試下d甜品，但實在太飽，唯有下次有機會再試下甜品。

今日返工做野實在太辛苦啦，所以今晚決定唔煮飯，同老公岀去食飯獎勵一下自己係尖沙咀經過見到呢間餐廳見到d公仔好很意，就決定食呢間餐廳環境好有台灣cafe嘅感覺，公仔好很意餐牌食物嘅賣相好多都好精緻，配搭很好靚最後我地決定食二人套餐，因為感覺好似抵d,多野食磨茹湯夠熱，而且有好多茹碎粒，好香龍蝦湯陣味好勁，飲落去成個口都係龍蝦味，正！估唔到有生泰式生蝦食，蝦新鮮，食落去好爽口，配埋綠色個醬仲好食煎帶子成個裝飾真係好靚，而且有黑松露係側邊，好香，帶子煎得剛剛好，仲有汁係入面，正烤雞扒，賣相又係勁靚，雞扒好滑，配菜煮得好入味，食落去一d都唔肥，好健康肉眼排勁大塊，叫左5成熟，煮得啱啱好，而且牛味勁重，超級好食吐司外面整得好脆，入面方塊係軟綿綿，加左蜜糖同雪糕，好有滿足感，而且勁大舊二人套餐有送餐杯，我叫左杯百花果茶，好香，微甜，唔錯老公叫左咖啡

去開尖沙咀，便到這間相機先食的餐廳。之前我曾到訪這間餐廳，感覺上食物的精緻不改，而且食物選擇多了許多。我們點了一份墨魚蝦滑漢堡 $88及一份溫泉蛋卡邦尼扁意粉 $78。漢堡包十分鬆軟，而蝦滑算是彈牙，味道適中，配上香脆的薯條，是不錯的。扁意粉軟硬度適中，但醬汁分量太多，雖然調味沒有問題，但意粉水分多了點。飲品方面，我的飲品是法藍皇室伯爵茶 $48。我以為是一壺的，但原來是杯裝。茶味比一般的很濃郁，但伯爵茶的芬芳跟一般的沒有大分別。

這是我經常去的餐廳，喜歡這餐廳的原因是它的甜品十分可愛。非常簡單的牛奶味雪糕加上七彩的土耳其軟糖，外表看起來很可愛。明明只是簡單的軟雪糕，但加上七彩的土耳其軟糖，竟然會變得如此可愛。然而，味道只屬不過不失。熱氣球朱古力雪糕，外觀沒有我想像中的可愛；朱古力味雪糕味道濃郁，但是吃多覺得有點膩。蜜糖多士，牛油蜜糖多士加上雪糕球是非常經典的美味。這樣的配搭絕少會出意外，但若果麵包皮的部份再脆一點，便會更加出色。

依間餐廳係堅尼地城既分店我就食過幾次~但尖沙咀店都係第一次去，menu同堅尼地城間唔同我地叫左3人餐再加意粉甜品，意粉全部都好好食~好大碟，幾個女仔share食絕對夠！意粉汁濃度剛好，掛麵程度好好~甜品賣相好靚好少女！可惜當日無軟雪糕供應，所有奶昔同有軟雪糕既產品都無，而普通雪糕得返芒果味…依度扣晒分啦芒果雪糕同心太軟一d都唔夾！如果淨係評論心太軟既話係好高分！夠流心朱古力味又夠濃個一大球棉花糖並唔係太驚喜，不過賣相贏晒！

這間店很細小，在金馬倫道，要是普通的店，很易錯過。但因為這個餐牌，沒多少人會看漏了眼，太萌了。入面環境一樣可愛爆燈。原本不知底下的箱有什麼用。但看見別枱拿出來影相，原來入面有不同emoji讓你拿著拍照。餐牌是粉色系。座位算舒服。不過二人座位就有點擠迫，食物上得又快，所以吃東西影相呃like是會有點手忙腳亂。泰式生蝦刺身，$68。生蝦新鮮。醬料很好味。一款辣一款酸，醮了醬料的生蝦味道提升了不少層次。巴馬火腿薄餅，$128。是很薄的批，份量不多，不過批身脆口，連巴馬火腿都是熱的，幾好味。沒雪糕，要了朱古力飲品，但都可以要熊貓造型。不過都是計熊貓軟雪糕，$58。一上枱就讓我尖叫，其實我留意到枱枱都這樣反應。其實是甜甜的綿花糖。眼耳口鼻是朱古力。吃完綿花糖就是這杯朱古力。相對比較淡，因為被綿花糖的甜蓋過了。不過這樣更好，不然甜到漏。杜拜星空，$38。即是藍蝶花柚子蜜。因為環境太光猛，顯得這杯飲品有點不外如是。但其實真的是夜空的顏色。有柚子蜜味。有二人餐的，不過份量多和太豪食了，所以我們散叫。另外要加服務費的。下次再和這個雞仔軟雪糕見見面。

之前經過L'attitude幾次都好想入去食今晚起尖沙咀收工約左個friend一齊食飯就諗住去試下餐牌好多選擇 花多眼亂而且啲公仔好cute最後決定叫啲主食、一個甜品同一杯野飲share食溫泉蛋卡邦尼扁意粉卡邦尼汁香濃每一條意粉都沾滿汁配埋溫泉蛋簡直係perfect match墨魚蝦滑漢堡個包好驚喜 係脆口架第一次食蝦滑漢堡 好新鮮薯條炸得香脆食完好滿足最鐘意既心太軟切開係有朱古力流出黎架暖暖地 配埋雪糕 正！呢杯係洛杉磯星空打卡必備啊！飲落係檸檬蜂蜜都幾fresh食咁多野每人都係百幾蚊物有所值！

係OpenRice 睇到里間野比人讚到飛上天 本以為實冇問題啦 於是同朋友一齊去食 一入到黎都冇咩既 見到餐牌啲食物價錢都算合理既係里個位置開鋪算係咁啦 百零蚊一個主食都正常既 友人點左個明太子意粉而我就點左個卡邦意粉諗住實冇問題 因為啲食家講到里間野好好所以都冇顧慮 點知驚喜就黎我個個卡邦尼真係好失落啲汁稀到同白湯冇分別！！！！勁水撈！最嬲係份量！！！！三啖！僅有三啖！！我食晒成碟卡邦尼！Omg!我個肚一啲飽意都冇 仲懷疑緊自己有冇食過野落肚！！！大哥！！80蚊一碟啊！！！真係要係質量同埋份量方面改善下撈！我真係好失望 評論真係假架！

筆者好少可會成日去搵d 好有 “生活態度” 既餐廳食野。今次都係應朋友要求先去稍微感受一下生活態度。 溫泉蛋卡邦尼扁意粉扁意粉麵身較硬，破開溫泉蛋漿後與卡邦尼意粉搭食效果不錯。 烤雞PizzaPizza 非常薄身，口感香脆。烤雞配搭香草同一陣濃濃芝士，味道濃郁惹味。 Puyooma 軟雪糕本來諗住叫大家都推薦熊貓棉花糖雪糕，但友人堅持要puyooma，一於試下喇。棉花糖除左顏色唔同之外分别應該不大。食到下面既雪糕幾幼滑，冇乜點溶，可以慢慢一路傾計一路食。個人覺得熊貓同Puyooma 都係唔錯既甜品之選。 餐廳環境幾高貴幾Chill，香港女仔一定會鐘意。 入面仲有特大卡通人物公仔

星期六日放假都要帶女朋友去食好嘢網上見到呢個甜品造型可愛所以就帶咗女朋友嚟食我哋叫咗熊貓造型嘅軟雪糕女朋友見到都好開心佢係一個軟雪糕嘅底上面加左大大嘅棉花糖再加上朱古力做嘅耳仔同埋五官味道就還可以啦軟雪糕都幾香奶味不過用來影相哄女朋友真係一流

今日約左好久沒見的學生食飯~因為是小朋友既關係, 決定帶他吃些可愛既食品!在FB見到有朋友PO了這裡的甜品相，覺得漂亮，所以就來了。夢幻溫泉蛋卡邦尼扁意粉$88 這是學生點的，紫色的意粉看起來很夢幻。黑松露牛肝菌扁意粉$128黑松露就是王道! 無論是意粉或者意大利飯，加了黑松露一般都很好吃。明太子雜菌薄餅$128 這個薄餅有驚喜，比我想像中好吃。餅底是薄薄的， 芝士還會拉絲， 值得推薦。熊貓軟雪糕$58 終於說到了重點， 我們就是為了這個甜品才來的，學生一看到熊貓在說超可愛!耳朵和眼睛都是朱古力， 配上雲朵般的棉花糖下面有牛奶味雪糕 ，光是賣相就值得叫一客。

[ Lifestyle Attitudeｘ櫻花樹下]晚上約左朋友黎這間食晚餐，之前有食過這間的下午茶，叫了兩份甜品，當時已然畀甜品吸引。所以今次黎，帶友人食主食之餘，再一試它的甜品地點很方便，一出尖沙咀地鐵站b2出口直行3分鐘就到，很容易看到。門外有餐牌可以參考食物。入到去，環境都不錯，寬闊和乾淨坐係舒服的梳化食飯，都幾寫意。打開餐牌，選擇都好多，主食和甜品都好想食。最後點了：小食：蜜糖雞翼主食：溫泉蛋卡邦尼扁意粉、番茄肉醬意大利麵甜品：櫻花樹下飲品：棉花糖朱古力（熱）上菜的速度都快肉醬配番茄無得頂，而且很夠味，意粉的軟硬度適中。蜜糖不是甜的那程，雞翼是飽滿，所以食起來啖啖肉，非常推薦溫泉蛋滑，篤穿後拌意粉食，更香口，推薦。一上尼道甜品，不禁「哇」一聲，粉色的棉花球很靚。棉花球杯內原來內藏雪糕；主甜品是心太軟，野莓作為伴碟心太軟溫度剛好，切開後有濃郁的朱古力味飄出，仲有流心，正！最後介紹是杯熱的棉花糖朱古力，甜甜的，加上棉花糖，有得食有得像。

有個”港女”朋友成日都話想試呢間餐廳，今日終於約到出嚟一齊試下啦！餐廳唔算好大間，但佈置得好舒服，又有好多可愛公仔比大家影相，加上雲石枱，岩哂影食物相時用黎做背景呀，唔怪之朋友咁想黎啦！先黎左個田園蜜糖雞翼做小食，雞翼size岩岩好，雞皮焗到好香脆，蜜糖岩岩好掛喺雞翼上面，唔會太稀/太稠。加上上面既蔥絲一齊食更加香口，兩個人要爭黎食！之後到夏威夷pizza，係薄批，所以非常脆，簡簡單單有火腿，菠蘿同芝士，重點係用左蜜糖，甜甜地估唔到咁好食，2個女仔完全可以食哂成個pizza！仲有夢幻溫泉蛋卡邦尼扁意粉，究竟點解係夢幻呢？原來因為d扁意粉係由紅菜頭汁製成，所以係粉紅色，真係幾靚幾特別。溫泉蛋既蛋黃，卡邦尼汁同芝士3者配合得岩岩好，又好睇又好食。最後仲要左杯棉花糖朱古力，朱古力味道都剛剛好，味道濃郁。本來只係得普通白色既棉花糖，但我地好想要呢個咁可愛既雞仔棉花糖，所以加左少少錢要求店員幫我地升級，真係加錢都值呀，十分可愛，岩哂影相！而且棉花糖都唔算好甜，全個食哂都冇問題。通常呢d餐廳都係得個樣，但估唔到佢d食物竟然好有驚喜，出奇地又睇得又食得，岩哂同女仔朋友邊影邊食邊談心。