Lady M

营业中

休息中

之前行海港城都見到，不過次次都甘多人，所以冇買，跟住有次打算買，點知所有都賣曬，今次一於晏畫去買，試下係乜料子先！賣相吸引，有幾件都想試下！包裝都係見得人，高貴大方👍🏻我買左原味千層，真係食到一層層的，不過我嫌比較甜左d!仲有朱古力棋盤，lee個好味，吾太甜！下次會試法式芝士同粟子🌰Lee個價錢我覺得值得的👌🏻

Signature Mille Crepes🍴個焦糖味好突出，千層效果真係好薄，每一層都做到呢個效果但係又吾會話太甜 成個質感都好特別🙈吾怪知甘好貴都甘多人排隊😌不果食一件就已經好足夠太多都會幾漏

千層蛋糕店Lady M 出咗名要排長龍，唔想等成個鐘，又要食到好野，就可以外賣自取，訂製仲可加名，拎番屋企慢慢食。Lady M 有細心嘅包裝，除咗整件蛋糕個盒都痴得好實之外，佢仲有冰喺入面，番到屋都仲凍。自己喺屋企切咁一定無人地咁專業喇！我地淨係focus 味道啦~Earl Grey 口味嘅千層糕，上面有少少鬱金香花點綴。切開之後，見到每一層，包括皮同忌廉嘅厚度都係一樣。其他地方只係千層，佢係千 「均」層！我明白呢個就係佢價值高嘅原因。每一層忌廉都充滿住Earl Grey 伯爵茶嘅味道，佢無茶嘅苦澀味，忌廉味相對地係重啲。不過，因為係千層嘅關係，每一層嘅蛋皮中和咗味道同增加咗口感，所以食晒成件都唔滯。佢嘅價錢相對係貴，但係千層技巧同品牌效應下，都值嘅～

《怪獸甜食時間》之前一直好想試下lady m既蛋糕，不過一直被佢長長既人籠所嚇跑。 最近再去，發現人籠無咁誇張，終於可以黎朝聖一下。 時間唔早，所以選擇唔算多，見到呢款蛋糕，外表靚到不得了!!!!! 伯爵茶千層蛋糕 $75件 / $750個 中意Lady M 既千層蛋糕而佢既Earl Grey Mille Crêpes 絕對係我既至愛，每一啖都食到陣陣伯爵茶忌廉，睇真D原來連蛋糕面都撒上左伯爵茶葉碎，加埋花瓣外表加哂分😍😍

My wife got me a Lady M Earl grey mille feuille cake online for my birthday. It's not bad, but it's not really my cup of tea. The crepe are made paper thin and there are at least 20 crepes with a cream filling in between. There is a layer of earl grey ganache on top, garnished with a ring of finely ground earl grey tea leaves and edible blue cornflowers. On the up side, the earl grey flavour is very robust. The crepe is very soft (you can cut them with a fork quite effortlessly) and every part i

I bought two pieces of cakes (take -away) the crepes are good and tasty but the price is not reasonable

Lady m，是一間美國過江龍蛋糕店。午餐才來，我們點了二份正餐牛肝菌南瓜意大利脆飯$148食物上台才知道原來是脆飯，還以為是一般的意大利飯呢。意大飯以牛肝菌調味，菇菌味頗濃，味道不錯。煮起後炸成圓餠，炸得乾身不油，但外皮略為過硬。底部為南瓜蓉，甜蜜美味，但我們還是喜歡一般的意大利飯。紐約特色牛油果烘包$98原本以為比高包有一整個，上台才知道只有半個，澱粉份量不多，不夠飽肚哦。牛油果份量極多，滿滿一球圓球體，牛油果控會發瘋吧。半件原整的牛油果以牛油果蓉包著，賣相不錯。

之前對千層蛋糕既印象係，好睇唔好食，上年試過某一間，唔夠千層之餘，d忌廉仲好甜好漏，食到一半就唔想再食。咁岩facebook睇左段片係千層蛋糕大比拼，見到呢間評語唔錯，就比一次機會你啦。星期五晚21:45經過海港城，都仲有人排隊！我就決定外賣，快快有得食綠茶味賣哂，就叫伯爵茶味試試。店員好細心加多一張卡紙，令件蛋糕唔會走位。入面仲有小冰包班㦸皮真係好多層架！煎得非常薄，口感軟韌；中間的忌廉也不會過多，甜度適中。淡淡伯爵茶香的令人好舒服！整件蛋糕賣相、味道都好出色，雖然價錢唔平，但始終都係手工錢，下次我會試埋其他口味呢！

是次叫左兩個蛋糕一個伯爵茶味一個原味先講伯爵茶味，茶味好濃，不太甜，味道清新，千層既口感做得幾好，令到個味道好厚。仲叫左一杯ROSE LATTE飲得出唔係用玫瑰花糖漿，所以唔甜，但花味好重，好香，飲落都仲有玫瑰花味！

我每次經過尖沙咀，都會行過外買一件蛋糕食，因為每次去到想坐低食就見到要排好長龍，所以外賣就算，第一次就買咗佢原味嚟食，之後就試過抺茶同伯爵茶味，吉士海綿蛋糕同朱古力棋盤蛋糕我覺得同出邊啲海綿蛋糕冇乜分別，原味蛋糕食飽左之後當甜品食都唔覺得樓，抹茶味我就覺得稍為苦左d，價錢方面我都覺得貴咗d,一件蛋糕都要成70蚊，真係唔可以成日食，但佢啲千層蛋糕暫時來講我係覺得係最好食嘅一間，佢啲一層層皮咬落去好鬆軟好簿，希望嚟緊會有多啲新口味啦

在香港要品嚐正宗法式甜品西餅店，必定首選此間出品，雖然來自紐約，但味道絕不會比法蘭西遜色。每次去到必定大排長龍，今天也不例外，決定碰碰運氣，竟然毋須十五分鐘便可安排入座，簡直喜出望外。甫坐下侍應便遞上餐具及枱號，然後到收銀處拿取餐牌揀選食品。首選當然是原味千層蛋糕，甜度適中，層次分明，除了軟滑的忌廉外，再配上酥餅的爽滑口感，更添惹味。另外點了一款法式香蕉千層酥，賣相特別，不單只餅身酥皮鬆脆，內裡更有新鮮香蕉在其中，更覺水果清淡香氣，再呷啖PARIS果茶，在清新提神的花香加上佛手柑等韻味，簡直絕配，無怪乎人們不惜耗時等候也是值得的，堪稱城中朝聖之地。

之前聽好多人話Lady M啲蛋糕好好食，每次去親都大排長龍...難得行過時無人排又有位，於是乎我同babe 就打算坐低慢慢歎下、試下佢點解可以令到咁多人排隊 🤔🤔🤔我點了signature mille crepe, babe 就點左chocolate mille crepe, 另外我地怕濟，都叫左杯苿莉花茶飲...第一口食完，babe 已經停左手... 佢話個朱古力一層層好怪、麻麻地 😳😳😳然後我食啖佢既朱古力，再食啖我既招牌千層餅，老實就真係麻麻地...或許係我地唔識欣賞，但佢每層既"糕" 係好 "鞋口", 一啲 "cake" 既感覺都無...再者之間既cream 有啲濟，夾埋既效果查實好普通、好多普通既cream夾係啲唔好味既乾淨淨無味既薄薄 （近乎透明）蛋糕layers....唯一可取既係朱古力蛋糕上面個兩舊朱古力，係幾好食，同埋杯苿莉花茶都okay...總括黎講，幾好彩之前自己無衝動去排隊食...

話說lady m降臨左香港咁耐我都未試過，所以對佢都抱有好大好奇心。但無奈地平時行經LCX個頭都見到lady m大排長龍，真係不敢恭維。但今日我終於等到尼一日嘅來臨，竟然今日去係冇人排隊不特止仲要有6 7款蛋糕可以揀。唔通熱潮已過🤔不過食野洗乜理佢hit唔hit呀😂黎張大合照先，記錄返我終於食到傳說中嘅mille crepes。earl grey mille crepes ($78) 個皮好薄咬都唔洗咬，入口即溶。而且個earl grey cream味好濃，每一層都填滿曬啲cream，做得好細緻。整過好味但我覺得太甜啦，食完尼個好濟。mimosa ($58) 其實係吉士海綿蛋糕黎嘅。吉士味唔重唔太甜，但唔知點解我食到一陣酒味🤔出面一粒粒嘅海綿蛋糕有啲乾，可能比雪櫃抽乾左啲。總括黎講，lady m出名係有道理，因為個mille crepes真係做得好好，但價錢一啲都唔親民。

今日路過LadyM 又見冇人排隊，就買了件沬茶忌廉千層蛋糕。薄薄的班㦸皮，配上香滑的沫茶忌廉，甜而不膩，整件吃掉都沒罪惡感。$75 件可以算是有點點偏貴，但這樣的品質來說，加上點點虛榮感，ok 啦😁

去食下午茶就俾我唸起ladym，一直想食好耐嫁啦！因為個個食完都大讚！終於俾我黎左朝聖！當日排好長龍，我估計大約等左20-30分鐘以上，座位較小，環境不是十分華麗！但係一去到叫到好多蛋糕擺係個櫃到俾我地揀，就覺得好好食而且都好多款！之後我地點左2件，一件抹茶，一件原味千層蛋糕！蛋糕真係入口即溶，而且好鬆較，cream好柔滑！同出面食到既真係有啲分別！整體黎講，值得一試！