La Vache!

营业中

休息中

Was told 30-45mins for a table, waited over an hour for a table (even though many were free inside as we waited outside for last 20mins). Service inside was also terrible - poor attitude, lack of attention and unfriendly. Food as expected but the service ruined the whole experience.

成日經過呢間法國扒房都心思思一直想去食，今個月生日嘅我終於有機會去試啦。餐廳有做好防疫措施，入去之前有例牌嘅量體溫同埋消毒雙手。然後店員就帶我哋入座。餐廳環境好有feel，燈光昏暗，背景音樂都好浪漫，是法式高級餐廳嘅感覺。我點左一份medium rare嘅牛扒，然後沙律同埋餐包隨後即到。個人好鍾意佢個沙律，非常清新鮮甜。餐包亦都非常鬆軟， 前菜相當出色。然後主角到，牛扒賣相非常吸引，有兩個醬汁點。生熟啱啱好，有肉汁，有咬口。值得一讚嘅係，牛扒底有一個小蠟燭烘住，令到牛扒能夠保持溫熱，食得慢嘅人都唔會因為牛扒變凍而影響口感。另外，就係新鮮呢炸起嘅幼身薯條，超好味！食落脆卜卜，仲好香，薯條可以任添，店員好主動問我哋需唔需要添加，扺讚。下次有特別日子要慶祝嘅話都會再來食。

尖沙咀分店方便👍🏻環境不錯。比中環分店小，但更有情調。準時六點門口，服務好效率高，5分鐘內已坐低了。有選擇恐懼症的話一定很高興只需要選擇牛扒幾成熟就好了。餐牌好簡單寫每人$318前菜有麵包+沙律。服務很貼心，上完麵包之後收左碟先上沙律。而且好食又新鮮👍🏻主菜來了這是二人份量，一人一塊牛扒！份量不多，扒燒得好靚，但都有小小硬雖然$318不是太貴，但我期望塊牛扒會靚小小 或者大塊少少。唔夠飽的話可以食薯條食飽，服務員會主動幫你refill 而且薯條好好味而不油膩，但我怕熱氣🙊。餐廳好有特色，有架甜品車推黎可以睇到甜品嘅真身吸引過睇餐牌。

之前去過中環嘅分店, 覺得啲牛扒好好食, 沙律加合桃亦都係一個完美嘅配搭, 加上薯條任食， 真係大滿足。 不過我覺得呢一間啲牛扒同埋侍應嘅服務， 都唔及中環個間有質素。 因為兩間收費一樣， 所以我建議都係去返中環嗰間好啲。

香港最好食嘅薯條？！🍟同朋友慶祝生日，又係時候揀間好嘢食！😋呢間法式扒房已經bookmark左好耐，今次決定要食佢🤓佢剩係得drink menu 野食就只有法包，合桃沙律，Prime 肉眼扒 ，同埋任食嘅薯條。 $318 加一一坐低冇幾耐，店員就會問你想塊牛扒要幾多成熟張餐紙好靚😆牆上面嘅插畫都幾靚，配合返餐廳裏面嘅音樂，真係做到好似歐洲嘅餐廳咁！每人兩片法包加牛油🧈法包好軟熟🥖合桃沙律🥗上面有法式芥末醬汁👍🏻啲菜好新鮮🤣肉眼扒送上🤓🤓🤓餐廳好貼心咁用蠟燭熱住個盤，上面有兩種醬汁，其中唔使講係茄汁啦，另一種係法式嘅醬汁，有啲忌廉嘅感覺。店員會先將其中三舊牛，放喺隻碟度先，之後另外大半隻碟就放咗薯條🍟牛扒揀咗medium，好香牛味，好鮮嫩，一啲都唔老，食到有脂肪嘅地方就好重油脂感🤤煎得好靚！😋😋牛扒係主角，薯條永遠都係配角，但係今次嘅薯條真係好好食，超級香脆，炸到金黃色，薯條係幼身嘅，聽講係用牛既油去炸。真係食到唔停口😎😎食到最尾都仲係好脆！店員仲會拎啲薯條過嚟問你要唔要添食，不過我怕熱氣，都係唔好食咁多🤣叫咗兩件甜品，其中一件係檸檬撻，賣相超級靚！佢嘅忌廉同檸檬嘅分布有啲唔平均，檸檬係

呢日朋友就帶左我去呢間可以任食薯條既餐廳。呢道只係得牛扒係主菜，仲有埋麵包、沙律同任食薯條都只係$318。雖然呢個只係普通麵包，但好軟熟～呢個係合桃沙律。醬汁唔會好多，食落去好fresh牛扒出場喇！餐廳好貼心咁放左個蠟燭係盤下面一直暖住d牛扒。不過一個蠟燭似乎唔係好起到作用，隔離枱都有要求加多個蠟燭。由於小弟朋友食野速度驚人，所以我地就無要求加多個。牛扒肉質鮮嫩，淋得黎食得出唔會係用野拿到淋哂個種。左邊係茄汁，右邊係佢地特製既醬汁，好香牛油味，用黎點牛扒薯條都好夾，我地仲叫侍應比多兜我地tim薯條佢地係新鮮炸起，非常香脆！薯條有d似麥xx個d，好食！講明係任食薯條當然要再encore啦，侍應都會好貼心咁問我地需唔需要加薯條。驚喜既係連再加既薯條都係新鮮炸起，絕對唔係炸定即刻夾比你，呢樣要加分！總括黎講呢個價錢唔算好平，但係質素唔差，而且睇得出每樣野都係有心機整出黎！有機會要再黎食

鐘意食牛扒既一定要試下La Vache! 本身喺中環既La Vache近年喺尖沙咀開咗分店，掛住佢既牛扒薯條，經開呢頭就過嚟食午餐啦。唔計甜品，食客要揀牛扒既生熟程度，每位$318再加一。尖沙咀分店有柔和既燈光，加上牆上既壁畫，感覺幾舒服。午餐有法包、合桃沙律(法式芥末油醋汁)、10安士USDA Prime 肉眼扒、熱辣辣任食薯條同泡芙。每人有兩片法包，配上牛油。合桃沙律加上法式芥末油醋汁，酸酸地好開胃。食牛扒同薯條前食啲菜無咁内疚牛扒揀咗Medium Rare，唔太多筋又有牛味，幾好。另一樣我既favorite就係薯條，熱辣辣加上調味粉，每次都忍唔住食多碟！午餐仲送咗個泡芙做甜品，食得好滿足！

朋友話幫我補祝生日，指定要來呢間la vache，有人請梗係點都要去試吓啦。去到reception本身話等齊人就有枱，點知朋友嚟到又要等多20分鐘，咁諗住行過圈先返嚟啦，點知佢1分鐘call我三次，我遲咗10秒聽電話，佢就話張枱已經俾咗人，又要等多15分鐘，其實真係嬲嬲地唔想等，不過朋友又真係好想食，咁唯有喺門口等多一陣啦。好彩只係到咗幾分鐘就俾我哋入去啦。我唔知係唔係我大鄉里啦，原來佢個menu只得一種pre-set，但我都期望會有人走嚟解釋下，唔係suppose個個都係熟客識規舉咁囉。上菜嘅速度令人覺得係一早整好哂。沙律不過不失，味道偏淡，不過幾爽脆，加咗合桃幾特別。Medium rare牛扒，水準average 啦，但我幾欣賞佢個house sauce，淡淡蘑菇味，香得嚟又唔會搶走塊扒本身嘅牛肉味。而呢間餐廳嘅亮點係可以refill嘅薯條，炸到好金黃好靚，有薯仔味又有鹹鹹地嘅香草味，雖然可以refill不過佢上菜就毫不吝嗇，所以飽到無refill。甜品個set係無包嘅，要另點，餐廳有架推車推住甜品，你想食佢走推嚟比你揀。啲cake望落好靚不過個胃真係擺唔落。呢間野啲食物就真係唔錯

專注做牛扒ge餐廳，只需要同店員講要幾成熟，有沙律、甜品，仲可以另加錢轉配紅酒。點完餐店員隨即送上餐包同香脆合桃有機沙律，合桃真係好香脆，沙律個醋同啲菜都好味，夠新鮮。牛扒盤底有個小蠟燭可以暧住啲牛扒，牛扒肉質好林，肉味都夠香。雖然牛扒係主菜，但完全俾無限量供應香脆金黃炸薯條搶左鏡。店員會定期拎一大碟薯條出黎問你要唔要添食，所以你隻碟會長期放滿薯條。唔知點解佢ge薯條唔會有好膩同好飽肚ge感覺，結果就不停食薯條，最終甜品送上時就食唔落了。店員為我地裝落盒帶走，甜品係檸檬撻，好味

因為同朋友食生日飯，所以第一次嚟呢間餐廳，結果成餐飯，間餐廳播左四五次生日歌，似乎大家都好鍾意呢度食生日飯。坐低之後，因為佢只係有一個餐，所以都唔使諗食咩。首先上係沙律同埋牛油餐包，個沙律個汁有啲怪，唔係好啱胃口，個餐包就係普通西餐嘅餐包，冇咩話好食唔好食。之後上嘅係三份牛扒，我哋嗌左medium。個人來講，唔係太識食牛扒，但係食落唔un，有啲血水，都OK的。我幾欣賞佢個洋蔥汁，個味調校得幾好，至少我未食過咁特別嘅洋蔥汁，雖然其實我都唔係好肯定佢係咪洋蔥汁😂 之後上無限薯條refill，我個人覺得啲薯條比較鹹，但係啲朋友好鍾意食，仲refill左兩次。佢係幼身嘅薯條，好似McDonald，咁當然佢炸得香脆過McDonald。最後我哋嗌左兩個甜品，檸檬批同朱古力蛋糕。個檸檬批酸酸地幾好食，朱古力蛋糕個朱古力味就唔係太啱胃口，同埋上面嗰粒唔知咩莓個味好膠。但係整體都唔錯嘅。至於員工服務方面，佢哋都好友善，要講英文，制服都幾靚。最美中不足嘅係，個甜品本身係為咗朋友慶祝生日預備，但係佢哋寫錯咗朋友個名😂😂 至於餐廳嘅環境都幾闊落嘅，至少枱與枱之間傾偈唔會聽到隔離枱講咩，燈光比較幽暗有情調。整體

This restaurant is well known as french steak restaurant. But can't choose which part of steak only 1 steak and some menu that's all.The steak is good but kind of thin. If you like very thick steak like tomahawk steak this restaurant is not good for your choise. They serve un-limited french fries(because of french? LOL) with steak. My wife like that. But I like some garnish than this fench fries. Totally there is not many choise and the price is expensive, the restaurant is very nice. I think

呢間扒房只有一款菜式，就係牛扒餐 $318，包括有沙律、麵包、薯條同肉眼扒，所以點餐時只要同店員講牛扒要幾成熟就得啦。前菜有核桃沙律配沙律醋，沙律新鮮好食。麵包外脆內軟都好好食。牛扒會放係一個銀盤上面，個底架有蠟燭熱住，可以維持住牛扒既溫度，食到尾都唔會凍哂。盤上附有兩款醬汁，分別係茄汁同特式醬汁。牛扒我叫左medium rare ，火喉控制得好好，外層煎得香脆鎖住肉汁，牛味濃郁，肉質好淋，無得頂！呢到既賣點就係薯條可以無限refill！鐘意食薯條既朋友一定要叫多幾碟，因為真係好好食！薯條幼身炸到好香脆唔油膩，有好香牛油味，調味岩岩好。如果想食甜品店員會推架甜品車出黎為你介紹，因為朋友生日，店員會係碟上幫你寫慶祝字句，唱生日歌，仲會幫你影即影即有同送上生日卡，黎呢到慶祝節日氣氛一流，甜品仲好好食！

想試好耐，本身覺得三百幾蚊有啲小貴，所以揀左生日呢啲日子先黎慶祝，但食完係覺得完全物超所值。果日好早黎到，6點零就到，直接入座。佢得一個扒餐，你只需要揀幾多成熟，岩晒選擇困難症既朋友。首先黎個餐包，法包加牛油，呢個組合都好難唔好食，不過都唔食太多，想留番個肚食牛同薯條。跟住黎沙律，其實我都唔太中意食沙律，但佢黎到又費事叫佢拎番走。但係唔鍾意食菜既我都覺得幾新鮮幾好食既，啲菜好爽口。終於黎到主角，我地叫左medium，啲牛勁有肉味，超級出色。熟度都岩岩好，冇血水又夠淋，個醬都好得好好食，雖然唔點醬都已經夠好食。跟住到個薯條，真係一山還有一山高，其實黎係應該食個牛扒，但我覺得最吸引最難忘係個薯條，係我食過最好味既薯條。佢用牛既油去炸，勁有bbq味，又夠熱，仲要可以免費refill。其實我食果時係做緊唔知咩優惠，可以免費個甜品，但啲薯條真係太好食，我最後忍唔住refill左三次薯條，完全冇留肚畀個甜品。呢度既食物質素絕對對得住個價錢有突，疫情過後一定會再encore，下次要走沙律，試甜品!!

身邊好多朋友都曾經向我推介過呢間法國餐廳，話佢哋嘅牛扒好好食！而且，重點係：無限任食薯條，仲要係用牛油炸！而且甜品好好食。聽朋友講平時要排好耐隊，但係因為最近疫情嘅關係，雖然最後都Full House，加上刻意早到，所以即刻安排到座位！呢間餐廳只係得一個餐，就係牛扒餐。個牛扒餐包括一個沙律、麵包、牛扒、同埋無限添加嘅薯條。所以點餐嘅時候除咗嘢飲，只係要講牛扒幾成熟就可以。由於我本身唔食沙律，所以冇上到。但朋友講好新鮮，好好食。至於麵包，有整熱，牛油又即刻溶咗係包上面，所以好好食。我哋今次叫咗medium嘅牛扒，佢哋整得啱啱好，中間仲夠紅，但係又唔會成碟都係血水。每張枱都會有火加熱，就算一路傾偈一路慢慢食，食到最尾都仲係熱，又唔會太熟，非常好。至於佢嘅薯條，係由牛油去炸，上枱嘅時候又脆又熱，又有好香嘅牛油味，而且佢係無限添加，食完可以舉手在家，佢最大嘅缺點就係太熱氣，所以我哋加咗一次就收手。因為我哋仲想留返個肚試吓佢哋都出名嘅甜品。我地點左一件lemon tart同一件raspberry macaroon。主要都係比佢哋個樣吸引到而點，雖然都預咗macaroon 會係甜，但係冇想像中咁甜

好特別既牛扒餐廳，因為呢間餐廳既特色係淨係得一個餐。對於有選擇困難症既我，真係太好，不過始終都要揀野飲，哈哈。結果個肉真係無失望，專心做好一件事果然好啲。肉味好香，medium 亦岩岩好。而任添既薯條亦係驚喜，好似唔洗錢咁係咁夾俾你，但質素竟然好好，次次都外硊水軟，熱辣辣架！個餐仲包埋甜品，黎慶祝既朋友記得book 既時候可以remarks 寫低你既祝福呀！驚喜easy easy😏👌🏻