La Taverna

营业中

休息中

Our dinning menu starts off with calamari HKD$128 The squid is crispy on its golden deep fried skin and the marinara sauce offers an exquisite taste of sour and sweet. We just can't hold ourselves from finishing every pieces on this dish. Another side dish-Hokkaido Scallop HKD$168 is served slightly scorched on the surface. You can really feel the freshness of the scallops. Also, Veal Tagliolini HKD$208 The wagu is so tender that it nearly melted in the mouth. The spaghetti is made out of egg so

As an Italian restaurant, La Taverna stands out not only by its bells-and-whistles but also its exceptional Italian cuisine that satisfies your stomach. Hiding in the streets of Tsim Sha Tsui, the restaurant is covered with dimmed lights that undoubtedly became our priority for a romantic dinner date. The Italian interior design of the restaurant is elegant with its old-school decorations and such kind of environment surely gave us a feeling of home with the warmth of lights and stove.The waiter

老婆話想放一下假，近近地和她到尖沙咀二人世界一下。隨意選了一間較為有歷史的西餐廳，多次在門前刷身而過，卻首次入內一探虛實。環境很vintage。先來的餐包頗為認真、講究，有濃厚的意式風情。三個主菜味道也是很好的，當中意粉最色最難忘，不愧是signature dishes。意粉的軟硬洽到好處，口感非常佳，掛麵有少許醬汁，味道香濃得來不重口味。整個意粉做得很出色，簡單卻是令人難忘的味道。意想不到的驚喜，值得一再回頭。

自從媽咪日日來寫煮飯後，食多左有益的煮家飯，但偶然都想同老公出去走走。今次，老公帶我食意大利餐廳。非常有歷史的餐廳。店內的裝潢擺設都好有歐式風格，而且帶點復古風。唔知係唔係開業擺到現在的呢？如此排場，價錢相對都幾相宜。Menu內有不少正宗意大利菜式。麵包都好好味，帶來了好印象。打頭陣的是吞拿魚他他，比較少食到的菜式。口感比牛肉他他更軟滑，又比吞拿魚刺身更有層次。意粉係我食過最好食的意粉！！每條意粉都沾上少少橄欖油，層次分明。醬汁少少，不太搶風頭。火候是完美的Al Dente！整體黎講，係超高質的意粉。意大利雲吞的味道亦都好正宗。雞肉卷配上Parma Ham同黑松露，夠哂層次。最後來一客靚靚甜品，結束開心的拍拖夜。

平時經過尖沙咀亞士厘道都見得到最盡頭有一間好特色、好懷舊嘅意大利餐廳，朋友說是全港首間進駐香港的意大利餐廳，今晚朋友請客，好期待添。餐廳燈光帶一點昏暗，感覺好有情調，而且旁邊擺放一些紅酒樽作為擺設，天花板放滿一個個小型的酒桶，好特別。隨即我哋開咗支有氣嘅水一齊爽一爽喉嚨，一邊飲一邊揀嘢食。先來一籃餐包，餐包都有不同款式，而且係熱辣辣添，配以牛油食認真滋味。前菜之Beef Carpaccio 生牛肉片加脆卜卜嘅脆片，帶一點口感，牛肉肉質鮮嫩，有好濃郁嘅牛肉味道，質感仲好軟林林。細火慢燉羊小腿配春季蔬菜及薄荷乳酪賣相好吸引好Juicy，旁邊仲有一些迷你洋蔥同埋椰菜等配料，整體望落去食物賣相非常豐富。估唔到羊小腿食落去口感好軟口，而且好入味，羊肉帶一點騷的味道，啱晒我口味。甜品Tiramisu底部有咬口，當中帶一點酒的苦澀味道，不同於外面餐廳食到的Tiramisu，質感和味道份外不同。最後兩個人消費只係$1000左右，以意大利菜來說，已算是性價比高的一餐，下次會帶埋家人再光臨。

真心難食到一個點，我第一次寫食評真心好難食口味不一樣？！個蜆肉意粉勁咸個tiramisu 好似用酒浸到好似爛左既海綿個海鮮湯又係激咸....廁所🚽要落一層最可悲是由8:00order,9:40先上到主菜意粉，簡直離譜！可悲，離譜一個生日就被破壞

見到尖沙咀有一間意大利菜開咗好耐，一直都好想試吓，今晚朋友請客，終於可以去試吓。餐廳設有室外同埋室內位置，門面以黃橙色為主，位置當眼，而且附近泊車方便。餐牌中英對照簡潔明白，難怪有咁多遊客幫襯。先點了一份Calamari fritti 脆炸小魷魚配蒜香辣番茄醬，賣相好吸引，番茄醬拌碟好像太極的圖案，配以檸檬同埋小食香草🌿，食落去魷魚除咗香脆之餘，口感仲煙煙靭靭帶點爽口。主菜的手造幼扭繩粉配羅勒青醬及手撕雞(Trofie Chix Pesto)好特別，平時係出面餐廳都唔會食到。驟眼睇青綠色的是羅勒青醬，一條條的手造幼扭繩粉好似銀針粉咁，其後店員詢問我們加不加芝士粉，我們就選擇了加一點，食落去除咗手造幼扭繩粉好入味之餘，味道又幾特別新穎，加埋D豆豆同埋手撕雞，有不同層次的口感。最後還有甜品-Tiramisu為呢一餐豐富的意大利菜畫上句號。不過唔講唔知，原來呢一間意大利菜餐廳係全球有幾間分店，有一間仲設喺度假酒店入面，而且佢係首間在香港開設的意大利餐廳！已經有幾十年歷史，所以經過值得一試。

話說之前睇電視，見佢有介紹手工意粉，仲要有我好鍾意食既Trofie,我即刻就send俾某人話要去試! 本來話同朋友一齊試，結果去左另一間，然後話再約，但我等唔到啦～可惜既係，今晚無我好想試既Trofie, 注定要翻兜!Fruit Punch / Sunset $68Tartara di tonon 吞拿魚他他配醃蘆筍及辣汁牛油果醬 $138我一向唔好吞拿魚，但呢個他他好正，點個醬有點個醬既好食，唔點亦好好食! 佢無赤吞拿個陣血腥味，超好食!Calamari frutti 脆炸小魷魚配蒜香辣蕃茄醬 $128拿! 要數成餐最唔好食就係呢個! 但其實一放低已經好香，佢真係好脆而不油膩，細細舊易入口，好好食!Zappa di mare 傳統意大利海鮮濃湯 $108呢個必叫! 經理落單時仲好貼心咁問我地係咪1個，之後就問係咪share. 心諗佢都係攞兩個碗俾我地分，但結果係分兩碗上! 然後料係足夠分兩碗，海鮮鮮貼... 個湯! 嘩! 真係... 佢無龍蝦湯個種俗，亦唔係creamy個種而係煲到好濃... 唔識整... 總之就係好好飲... 我地仲係到諗好唔好叫多碗，但我話係都叫多樣野試啦！Ris

今晚朋友突然相約談心聊天，難得又可以早下班，當然立即報到。倆人走著走著經過呢間餐廳，感覺很vintage 很特別。Tuna Tartar$138吞拿魚tartar 常常吃，但這裡很有自家特色，份量精緻，擺盤不錯呑拿魚新鮮，很濕潤。Chicken Involtini$268火雞肉肉質細嫩，滋味鮮美，香味濃郁黑松露和火雞肉交融互通，非常好搭檔，滿口都是黑松露味，優雅的享受這香嫩美味。A simple but blessed night with my dear.

這間意大利餐廳好靚，燈光佈置很有聖誕氣氛, 歺廳播住意大利歌，好讓我置身當地， 侍應為我先上的意大利包配上橄欖油汁吃, 咬口香脆，少少酸甜味，很開胃， 有另一碟吞拿魚他他, 肉質很彈牙有嚼口, 一點腥味也沒有, 比平時吃的吞拿魚更鮮，之後的辣海鮮湯味道濃郁, 又香又辣, 香濃的蝦味，非常鮮甜, 之後來的是這店的招牌菜---手造幼扭扭粉配羅勒青醬及手撕雞。幼扭扭粉配搭是主廚親手製, 有點像銀針粉, 但吃落更有咬口, 青醬和手撕雞配搭互相平衡, 為味道更豐富, 侍應還會因應我們口味即場在上面刨上適量芝士。最後壓軸是意式雞卷配烤啡菇黑松露汁, 平時外面餐廳吃的黑松露汁都只要幾粒黑松露, 很少吃不出味道, 這裡的黑松露卻是一塊塊, 醬汁香濃, 雞肉又鮮嫩, 菇烤得剛好, 外脆內軟, 每種食材都能發揮出最佳的味道

每次經過 都覺得外面裝修好靚 今次終於試到果然入面嘅裝條比外面睇嘅仲有心思 牆上嘅掛畫同周圍嘅擺設都好有復古味道 當晚仲座無虛席 所以去食記得book位啊~~ 脆炸小魷魚配香辣番茄醬$128炸得脆卜卜 好香口 配埋個酸酸地嘅醬 食唔停口 凱撒沙律溫泉蛋 $128食main前當然要食個salad 溫泉蛋同三文魚都係my favourite 配埋沙律 感覺好健康啊手造貝殼粉配紅蝦 及鼠尾草$198呢個貝殼粉嘅presentation好特別 個汁非常濃郁意式雞卷配烤啡菇配黑松露汁 $268如果個黑松露汁再濃郁啲就正 第一次試意式雞卷

聖誕節想找一間有氣氛的餐廳和女朋友吃聖誕大餐。這間 La Taverna 餐廳在香港已有很多年歷史, 早已聽聞這間餐廳的意大利菜十分出色, 於是決定今年聖誕在這裡吃聖誕大餐。一進餐廳便覺得這裡很有格調, 燈光佈置很有氣氛, 坐下點好菜, 侍應便為我們即時調製醬汁, 先上的蒜蓉包配上醬汁吃, 香脆之餘帶點酸甜, 是道很好的開胃菜。跟住上的吞拿魚他他, 肉質很彈牙有嚼口, 一點腥味也沒有, 比平時吃的吞拿魚刺身好太多了。之後的辣海鮮湯味道濃郁, 又香又辣, 能喝出香濃的蝦味, 雖然我平時不太吃辣, 但也喝到忍不住口。之後來的是這店的招牌菜---手造幼扭繩粉配羅勒青醬及手撕雞。幼扭繩粉配是主廚親手炮製, 有點像銀針粉, 但吃落更有咬口, 青醬和手撕雞配搭互相平衡, 為味道更豐富, 侍應還會因應我們口味即場在上面刨上適量芝士。最後壓軸是意式雞卷配烤啡菇黑松露汁, 平時外面餐廳吃的黑松露汁都只要幾粒黑松露, 很少吃不出味道, 這裡的黑松露卻是一塊塊, 醬汁香濃, 雞肉又鮮嫩, 菇烤得剛好, 外脆內軟, 每種食材都能發揮出最佳的味道。這間餐廳絕對是意大利菜的代表, 今年聖誕能吃到這麼崗色的聖誕大餐

尖沙咀係美食天堂，成日放工約朋友都唔驚冇好野食，今日經朋友推介去食意大利菜，叫la taverna。門面睇已經幾有意大利風情，首先叫左頭盤吞拿魚他他配腌蘆筍及辣牛油果醬。吞拿魚他他即係生、碎吞拿魚，乍看之下以為係牛肉，口感都有少少似，但好鮮，配上蘆筍好清爽。主菜，手造幼蛋麵伴牛仔醬及意大利節瓜。平時乾身機造pasta試得多啦，手工新鮮意粉第一次試，非常彈牙，蛋味好重，同以往感覺完全唔同，牛仔醬同節瓜加添繽紛色彩，令人食慾大增。細火慢燉羊小腿配春季蔬菜及薄荷乳酪。上碟非常美觀，羊小腿好鮮嫩，配上醬汁又唔會令味道失色，羊肉香配搭爽口薄荷乳酪，味道好夾。今次la taverna估唔到有意外驚喜，尖沙咀果然係美食天堂，價錢中價，非常適合間唔中同朋友黎開心下！

今日我老公帶我到呢間餐廳慶祝一啲特別嘅紀念日，其實我都已經遺忘左哈哈，總算給我一啲驚喜！最估佢唔到識得搵一啲咁浪漫嘅地方同我慶祝！呢間餐廳好有懷舊嘅感覺，你都好有西班牙同意大利嘅感覺，非常浪漫！老公點左個tuna tartar ，$138 ，雖然份量比較細，但係吞拿魚嘅味道非常新鮮，食落一啲都唔腥，再配上佢哋嘅蛋黃醬味道好清新，作為前菜值得一試！主菜我哋叫咗veal tagliolini ，其實佢就係手做嘅意大利粉再配上BB嘅牛肉，牛肉味都好濃郁，但係又好滑，最值得係讚佢哋嘅意粉，爽口之餘又唔係太硬，我相信係呢間店舖嘅王牌，因為在場好多美國人幫襯，每一台都叫咗意粉，所以我會推介俾大家！值得一試！令一個主菜就係seabass fillet，魚嘅質地好細滑，充滿油香，配上酸酸嘅配菜，好醒胃！最後叫咗一個Tiramisu作為總結，他們的Tiramisu與外邊的真係唔同，充滿了意大利風味，個餅底係脆嘅，咖啡味好濃郁，叫咗一個咖啡作為配搭，非常之合襯，相輔相成，更帶出Tiramisu嘅獨有氣味，我同老公都超級讚這個甜品，大家值得一試！

今日去尖沙咀比較就腳，又想食意大利菜，上網睇左一陣，決定去la taverna訂位試試。去到環境覺得幾吸引，都唔錯，首先上麵包同湯暖一暖胃，準備好後，前菜就到啦——吞拿魚他他配腌蘆筍及辣牛油果醬。吞拿魚他他冇煮過，生吞拿魚，但唔腥，反而另有一種獨特鮮味，同蘆筍、牛油果醬好夾。Pasta叫左個手造幼扭繩粉配羅勒青醬及手撕雞。扭繩粉形狀奇怪，好特別，而且手造pasta特別彈牙，配上手撕雞好有口感。主菜係細火慢燉羊小腿配春季蔬菜及薄荷乳酪，羊小腿好幼嫩，入口即溶，薄荷乳酪刺激味蕾，好有新鮮感，大滿足！最後以個小甜品做結束，la taverna好有意大利風味，性價比高，環境加唔少分，推介比大家！