影片
更多
2019-02-22
799 浏览
見到尖沙咀有一間意大利菜開咗好耐，一直都好想試吓，今晚朋友請客，終於可以去試吓。餐廳設有室外同埋室內位置，門面以黃橙色為主，位置當眼，而且附近泊車方便。餐牌中英對照簡潔明白，難怪有咁多遊客幫襯。先點了一份Calamari fritti 脆炸小魷魚配蒜香辣番茄醬，賣相好吸引，番茄醬拌碟好像太極的圖案，配以檸檬同埋小食香草🌿，食落去魷魚除咗香脆之餘，口感仲煙煙靭靭帶點爽口。主菜的手造幼扭繩粉配羅勒青醬及手撕雞(Trofie Chix Pesto)好特別，平時係出面餐廳都唔會食到。驟眼睇青綠色的是羅勒青醬，一條條的手造幼扭繩粉好似銀針粉咁，其後店員詢問我們加不加芝士粉，我們就選擇了加一點，食落去除咗手造幼扭繩粉好入味之餘，味道又幾特別新穎，加埋D豆豆同埋手撕雞，有不同層次的口感。最後還有甜品-Tiramisu為呢一餐豐富的意大利菜畫上句號。不過唔講唔知，原來呢一間意大利菜餐廳係全球有幾間分店，有一間仲設喺度假酒店入面，而且佢係首間在香港開設的意大利餐廳！已經有幾十年歷史，所以經過值得一試。
餐廳設有室外同埋室內位置，門面以黃橙色為主，位置當眼，而且附近泊車方便。
餐牌中英對照簡潔明白，難怪有咁多遊客幫襯。
先點了一份Calamari fritti 脆炸小魷魚配蒜香辣番茄醬，賣相好吸引，番茄醬拌碟好像太極的圖案，配以檸檬同埋小食香草🌿，食落去魷魚除咗香脆之餘，口感仲煙煙靭靭帶點爽口。
主菜的手造幼扭繩粉配羅勒青醬及手撕雞(Trofie Chix Pesto)好特別，平時係出面餐廳都唔會食到。
驟眼睇青綠色的是羅勒青醬，一條條的手造幼扭繩粉好似銀針粉咁，其後店員詢問我們加不加芝士粉，我們就選擇了加一點，食落去除咗手造幼扭繩粉好入味之餘，味道又幾特別新穎，加埋D豆豆同埋手撕雞，有不同層次的口感。
最後還有甜品-Tiramisu為呢一餐豐富的意大利菜畫上句號。
不過唔講唔知，原來呢一間意大利菜餐廳係全球有幾間分店，有一間仲設喺度假酒店入面，而且佢係首間在香港開設的意大利餐廳！已經有幾十年歷史，所以經過值得一試。
张贴
