La Postre (厚福街) (已結業)

今晚黎到位於尖沙咀厚福街的一間西班牙菜餐廳，La Postre~門面係我最鍾意的天藍色，好鍾意~我地book 左7:00pm, 初頭都仲有好多位，但好快就full了，店員好有禮貌，又會自動自覺幫我地加水，好體貼。食物我地叫左︰蜜瓜黑毛豬 (24個月)，諗住係小食，但一D都唔少，超級大份。4大塊黑毛豬蓋著超長超大條又青綠的蜜瓜，黑毛豬薄切唔咸，有甘味，蜜瓜鮮甜多汁，夾埋一齊食係好清新又唔膩的小食~主菜叫左一個二人份量的牛仔蠔肉燉飯，但一上枱我覺得似4人份量多D，超級大同超級多，牛仔又軟又冧，仲好入味，蠔肉唔係蠔仔粥果D細細粒，而係都有生蠔咁大咁厚身，飯亦多汁，連埋洋蔥果D配料，好惹味，不過真係太多！甜品叫左什果麻糬窩夫，雜果有橙、無花果、奇異果、藍莓、士多啤梨等，窩夫熱辣辣，好脆，裡面夾著煙煙韌韌的麻糬，仲有一粒雪糕球，係一個唔會好甜又有口感的甜品。整體係一間好有質素的餐廳~

平時行過厚福街見到呢間餐廳個外觀都幾吸引，好似幾chill幾適合同男朋友拍下拖或者同幾個閨蜜傾下計。點知完全唔係個回事。我地訂左位6:30pm，唔洗等就即刻有位。不過一入去個陣明明得小貓三四隻都要同隔離坐到勁埋，好似茶餐廳搭枱咁我地叫左個藍青口帶子risotto。本來以為會係純蕃茄汁，但其實都落左好多芝士，上枱個陣有陣垃圾味但食落都ok，茄汁幾惹味，飯質唔會太軟身，係我中意既texture。帶子好細粒，但都食到少少鮮味。不過藍青口又細隻又咸又腥，你插到成盤飯都係都唔會改變到佢難食既事實芝士煎蟹餅記得好幾年前係上環分店食過覺得好好食，但今次食就覺得麻麻地。入面有薯仔，蛋，芝士，洋蔥同蟹等等既材料。但唔知係佢撈得唔勻定特登既，成日會一啖全部都係芝士，一啖就得薯仔蛋咁樣，個口感好唔一致。蟹箝上面的確有蟹肉，但食落無蟹味，用罐頭蟹可能重好d唯一好既係佢熱辣辣，加埋芝士點都唔會話食唔落口，只係一d都唔出色。甜品相對無伏，我地叫左雜果麻糬窩夫，賣相都好instagramable去到七點半左右開始人多，環境好迫好嘈，好似要同隔離枱鬥大聲咁。埋單都差唔多500蚊，呢個價位絕對有更加好食，環境更加適合傾

最近見openrice個餐廳滋訊show 左西班牙食物吸引到我，於是就放工同個fd來食！外形藍綠色調的歐陸餐廳裡面外牆用紅色磁磚，一到七點左右己好多人排曬隊，好在我一早book左位！西班牙海鮮炒飯 有青口，蜆肉,大蝦同巴馬火腿，每一種海鮮單獨煎香過，而且份量仲唔多，個飯有少些濕濕地，有五色椒，番茄，仲帶點微辣，好正芝士煎蟹餅個鐵板熱辣辣呈上，侍應叫我小心點掂到鐵板旁，芝士加蛋煎成蟹餅，好香，蟹鉗仲甜又大隻雜果麻糬窩夫我最愛食水果，呢個甜品差不多什麼水果也出齊，水果新鮮又甜，麻糬好煙靭，旁邊還有蜜糖，灑上麻糬上好正，一啖雪糕一啖麻糬食唔停！仲夏水果茶又係我最愛的水果溝茶，味道酸酸甜甜，飲左更加開胃！波蘿莫希特呢波蘿溝薄荷，清甜又醒胃！服務人員不錯！

是日和男朋友晚餐，大家做完野出到尖沙咀已經接近八點了；來到厚福街搵食，看到地下有一家未食過的餐廳，二話不說就入去了。*蜜瓜黑毛豬 (24個月) ($198)先來一個西班牙小食；黑毛豬很有甘味，不會太咸；橙肉的蜜瓜超級甜又多汁。*西班牙海鮮炒飯 (2人) ($298)舛煮這個新鮮煮起的，等得有點耐，不過是值得的；西班牙飯很有蕃茄的酸味，很開胃；海鮮份量一點都不少；青口很厚肉，鮮甜；蜆都很鮮甜，沒有沙；蝦肉稍為煮耐了一點，有少少痴殻。*綠茶麻糬窩夫 (FULL) ($108)窩夫外脆內煙un；上面有一粒粒的綠茶brownies ；綠茶雪糕很冰，要解一解凍；配上紅豆和楓糖漿，甜度剛好！*抹茶拿鐵 ($49)男友點的*Fresh Fruit Mojito ($78)味道不會太甜，有清新的果香和薄荷味。

La Postre 是想吃西餐就會想起的餐廳。有一陣子沒去了又有新菜式。焦糖咖啡仍是一貫的水準荔枝mojito 有原粒荔枝，加上汽泡水，相當清新無花果煙三文魚沙津，沙津醬調得很好，蔬菜新鮮鮮綠，今天的無花果是常溫，我還是喜歡冰涼的口感多一點西班牙豬仔骨是手拿食物，肉醃得入味，以香草調味，中間是蜜糖芥末醬，非常惹味。洋妹子遇上沙巴翁，內餡是大量煮過的雜莓，味道偏酸，配上旁邊的吉士醬也是配合，個人覺得餡料份量可以略減一點。

確實對西班牙有一份情意結，所以每遇到一間西班牙菜都想好好一試。吃過一間在上環的西班牙餐廳，內裏有一個大鐘的牆上裝飾，增加了餐廳裝璜的吸引力，再吃過美味的西班牙菜，更讓人難忘。難得在尖沙咀也找上了同一西班牙菜的餐廳，二話不說都要前來享用，走進餐廳，也是看著一個大鐘在牆上的裝飾，感覺還是坐在同一餐廳內進食，吃著美味的西班牙菜，沒有讓人失望，難得讓人鐘情與鍾情共在於此。******************************尖沙咀美食林立皆因人流眾多，La Postre選址並不在大街之上，也不在大型適場之內，就在橫街之內，雖然如此，但是人流也不少。走進餐廳，裝潢也很新穎，座位非常充足，雖然在橫街之內，但也能滿座。芝士煎蟹餅 HKD168，用上蟹鉗作為賣相的特點，擺放如一個6角飛標似的，在蟹餅之上還加了點木魚絲，木魚絲還有點飄飄下的更加增加動態。蟹餅之內能吃出芝士的香味，還有薯仔。蟹鉗之內還有蟹肉在內，所以吃下時還有蟹肉的香味，確實好吃。只可惜蟹餅口感有點乾，如果能做到滑溜口感，相信更加好。西班牙豬手 HKD388 ，賣相似沙律多一點的豬手，確實很特別。來到西班牙餐廳，除了以Tapas為名

友人係尖沙咀返工，約我係果頭食晚飯，佢想要食好d，帶咗我落 La Postre，當然我明白佢想食好d嘅原因係想搵我占卜問事啦！未入到餐廳，已經被佢地歐陸風格嘅外表吸引，入到去，環境氣氛唔錯，雖然位處尖沙咀，但座位都算闊落，好過尖沙咀D放題鬼噤迫！打開個餐牌，好多菜式都好吸引，其中最吸引嘅就係西班牙乳豬件！自從食過澳門法蘭度嘅烤乳豬，對哩款菜念念不忘，不過，友人話試過食過，想試其他菜色，噤無計啦，朋友請客由朋友話事啦.....黑松露磨菇湯，芝士煎蟹餅，西班牙牛仔蠔肉燉飯，甜品點咗個雜果麻糬窩夫.黑松露湯味道夠濃郁，不單只味道唔錯，份量都俾我想像中大，單單哩份餐湯已經令我好稱心。芝士煎蟹餅唔單只配塔夠特別，連外相都好特別，入口感覺似蛋餅，味道適中唔會太濃味.以為牛仔蠔肉燉飯份量好似平時食開嘅意大利飯份量得少少，但面前嘅牛肉飯份量比我想像中多，牛肉軟同冧，入味，燉飯外觀多汁但食落唔係好重，讚！雜果麻糬中間有個雪糕球架，麻糬唔會甜到漏，雜果亦唔係d罐頭雜果，係新鮮水果架。餐廳入面有部外型好特別嘅咖啡機，再意一下，其實餐廳由咖啡機到餐牌，燈，咖啡拉花，甚至細細張嘅濕紙巾，好多細微環節都好用心處理

第一次係為經過衝咗入去食完真係會掛住掛住啲咩？係佢個松葉蟹芝士意大利麵每次去一定要叫開頭第一啖覺得幾好味但原來加一啖蟹膏層次會跳昇勁高又香又濃蟹味好出價錢超值上圖嘅薯條都幾好之後要提一提呢個芝士蟹餅佢入面主要係蛋同薯仔粒當日因為食得好飽所以我選擇咗打包返屋企返到屋企先知佢好好食哈哈 好香 冇叫錯

1. 黑松露忌廉蘑菇飯（＄118)呢度菜不負我所望，整得好濕潤，食落每啖飯都好creamy😍😍😍充滿香濃嘅黑松露味，加上有土蘑菇陪襯，推薦！🤤彤樂評分：9／102. 芝士煎蟹餅（＄168)🧀🦀底下嗰層其實係芝士蛋，可惜上枱已經太熟，食落乾淨淨☹️仲要冇咩芝士味，好彩有上面嘅蟹肉同木魚絲點綴一下咋🙈彤樂評分：5/103. 西班牙海鮮飯（$298/2人）🥘依款我係好欣賞，街外唔少西班牙海鮮飯上枱時嘅飯都變到一餅野咁，但佢冇，粒粒分明之餘又夠濕潤，微辣作調味🌶加上大量厚肉鮮甜海鮮🦐令成件事好吸引🤩彤樂評分：9/104. 西班牙炒麵包酥（＄88)整體好鹹，辣味提升左個味道，麵包酥好脆，但都係好鹹😖彤樂評分：5/105. 馬蘇里拉芝士蘑菇意粉（＄108)相黎依個意粉味道甜甜辣辣幾特別，只係個意粉就唔係特別出色😅彤樂評分：7/106. 煙雞胸藍芝士忌廉意粉（＄98)雞胸肉唔夠嫩，藍芝士又勁重味，蓋過整體味道🤦🏻‍♀️彤樂評分：4/10

今日個friend生日係openrice見呢間餐廳都唔錯咁訂枱又有9折就book午餐時間同佢慶祝生日。Lunch set都幾多選擇，我揀左個窩夫set。餐湯係海鮮忌廉湯，個湯都幾creamy，又有啲蜆肉，幾鮮甜！Main course 係黑毛豬芝士麻薯窩夫配凱撒沙律，一上餐見到個set已經好驚喜。個窩夫係有麻薯夾係中間，食落煙煙韌韌，再夾埋黑毛豬同芝士一齊食，口感都幾豐富。凱撒沙律幾fresh幾新鮮。仲我最愛嘅有哈密瓜食。甜品仲有個細細個嘅cheesecake，份量預到啱啱好，過下口癮又唔頂肚。仲可以跟埋杯餐茶，我叫左咖啡提神。呢餐慶生飯朋友都食得好開心。

好耐無出街食飯.牛扒意粉有D厭.所以想試下D新嘢.發現左厚福街開左間西班牙菜.好想食西班牙海鮮飯呀.今晚一定要試.間嘢響街尾，不過粉藍色既裝修好易認.裝修好有公主皇宮feel.少女味十足，勁多呃like位. 飲杯嘢醒下胃先.大大吧台，有酒品供應，部咖啡機好大部.頭上面仲有隻鷹好鬼威，原來距仲有咖啡豆賣.嗌左杯berry soda.未飲已經聞到陣陣果香. 飲落好清新朋友嗌左杯抹茶紅豆冰，超呃like.面頭有層厚cream，中間抹茶好香.加埋紅豆好夾.唔算甜，好睇又好飲.等左一陣，海鮮飯上lu.好多送呀，一上台已經有陣海鮮鹹香味，蝦同青口焗得好香.飯有咬口，而且醬汁好夠，粒粒都掛到汁.所以淡淡飯都好惹味.飯既味道好有層次，先係海鮮鹹香味.跟住有小小辣味點綴.兩片火腿都香，畫龍點睛.雖然係碟飯，但每一啖都好滿足.因為味道實在太好.隔離檯韓國客見到都跟住我地嗌左個.Crab cake cheese個樣都幾搞嘢，係芝士蛋蟹鉗mix埋一齊焗.個樣好似太陽咁.甜品係雜果麻糬窩夫.見到已經好開心.好多生果，而且全部都好新鮮，未食已經聞到果香.應該都係即叫即切.窩夫面頭焦脆，但係咬落去好軟.唔會慚口.中

如果想揾一個環境寧靜舒適食物質素高 可以岩傾計既地方首選一定係 La Postre位置好方便係厚福街今日叫左兩個tea set煙鴨胸芝士waffle配黑醋甘藍沙律香腸炒蛋多士加香草煙肉湯意粉加叫左個青檸單骨雞翼餐飲仲夏水果茶炒蛋好香好嫩 香草煙肉湯意粉 浸住湯上熱辣辣好入味甘藍沙律好大碗超足料羽衣甘藍係非常有益既食物煙鴨胸有三片 上面有微辣既醬汁好惹味令人越食越想食青檸單骨雞翼 既青檸味好refreshing外皮好脆 而且雞肉好嫩滑總括黎講好滿意今次既用餐經驗無論環境，服務，食物都冇得彈！

大女又大一歲啦，同佢出去食餐飯慶祝一下，搵間靚靚嘅餐廳等佢開心下先之前行過去厚福街，已經畀呢間餐廳嘅外貌吸引住，天藍色外牆配格仔玻璃，入到去裏面，淺木色地板，襯番外牆嘅天藍色椅墊， 長梳化，昏黃吊燈，充滿浪漫氣氛阿女話好口渴喎，先一人一杯莫卡托Mojito, Mojito材料有冧酒，糖，青檸汁，梳打水同薄荷，呢度有得揀走酒精，啱我哋。我哋揀咗Mojito配荔枝同鮮雜果，酸酸甜甜，加埋清新嘅薄荷葉，好解渴再叫個芝士煎蟹餅，一共六隻蟹鉗，上面鋪滿木魚絲，充滿芝士，蛋，蟹味，好滿足主食叫咗個西班牙牛仔蠔肉燉飯，餐牌寫住 二人份量，但係我覺得如果女仔唔係咁大食，三個人都夠食喎蠔肉好新鮮飽滿，放喺四個角嘅蠔殼，睇得出唔係用劣質貨。牛仔肉加埋香濃燉飯，好滋味我哋仲叫咗個甜品，洋妹子遇上沙巴翁， 賣相一流，洋妹子說穿是紅桑子同黑桑子， 當佢哋遇上沙巴翁嘅時候，味道幾特別呀。 仲有熱熱的酥皮，裏面夾住紅桑莓醬，好睇又好食呢度啲餐具好精美，仲有侍應服務態度好好，抵讚女呀！幾時輪到你請返媽咪食飯呀?

人靠衣妝，舖面都係架，我最初係純粹睇到門口裝修靚靚，而吸引想入去嘅，歐陸式藍色嘅門面好靚，企喺門口，拎menu睇左下，D西班牙海鮮燉飯好吸引下喎，又試下佢先！打開menu，都幾colorful幾吸睛，價錢都ok嘅！雜莓soda鮮藍莓粒和草莓嘅soda,入口酸酸甜甜，又夠曬冰凍，大大杯，好解渴！荔枝Mojito 可選含酒精同非酒精清香荔枝味，加上香草同青檸荔枝肉大大粒，成件事好fresh!呢個飯一黎到我金晴火眼望住四個蠔殼，個蠔殼入面白色，一睇以為芝士焗，刮一刮，冇喎！說好的蠔肉呢？！細心一睇，原來係個飯入面好在冇舉手問waiter,如果唔係真係醜死鬼個飯酸酸甜甜，幾開胃，份量都幾多，飯入面有d切碎嘅紅黃椒青瓜同紅蘿蔔粒，雖然呢個西班牙飯比較濕，但口感又唔會好林wor!不得不close up下呢隻脹卜卜嘅蠔，好鮮味芝士蟹餅賣相成個爆旋陀螺咁有趣嘅入面係蛋，芝士同蟹肉焗嘅，鍾意再香口d加黑椒會仲惹味，不過我自己覺得原汁原味無添加都已經好ok!拉芝等大家葡萄下先！熱辣辣D木魚花郁郁下添呀！鮮果麻薯窩乎看到也心花怒放吧！表面佈滿七彩繽紛的鮮果，最特別竟然有無花果和黑桑莓！呢兩款水果售價唔平架，

環境很歐陸的感覺，裝潢又唔會像傳統的那種歐洲老店那般古舊。因為以用上較為富現代感的綠色主色調，滲透了一點點時代感。在悠然的下午，嘆著冰凍的手搖咖啡，我與友人細訴閑話，優哉游哉。午後陽光照到餐桌上，被斜陽感染之下，使午後懶洋洋的氣氛倍感濃烈。上菜的速度也算很快，都是先上飲品後上主菜。我就選擇了手搖咖啡。因為我對於呢個名字很陌生，平常會聽過很多種咖啡的名字，冰滴咖啡，精品咖啡⋯⋯原來係一杯無落奶的甜咖啡，上面還有一粒咖啡豆。它是微甜的，飲起黎好清新，澀味在舌尖上輕輕帶過，偶爾也會嚐到一點點酸，都算是易入口。沙拉是羽衣甘藍做底，有芝士鋪面。沒有太多的醬；取而代之嘅係黑醋，簡簡單單帶出蔬菜新鮮味道。雖然我唔知道黑醋的年份，但我覺得還欠少少時間，因為我比較喜歡甜，陳醋總是越「陳」越好。窩夫係用鴨胸做材料，我也很少食到鹹的窩夫，總括而言味道尚算可以。窩夫軟軟厚厚的，唔乾身，算係幾好食。