La Postre (厚福街) (已結業)

朋友今晚請食飯，一早就去左尖沙咀拎位環境都幾靚，裝修多用淺藍色芝士煎蟹餅，呢個拎到上台好熱，而且好大份，味道食落去好重蛋味同芝士味，好食每一隻蟹鉗都有好多肉西班牙海鮮飯，呢個真係好食到不得了，2個女仔食差d食唔晒，因為真係好多！蝦非常爽脆，青口味道好香，而蜆都新鮮！雜果麻糬窩夫，2個人叫呢個就已經夠食，都係大大個，上面有好多生果，估唔到仲有無花果，全部生果都好甜，雪糕係雲呢拿味，窩夫外脆內軟，好食我叫左杯鮮雜果莫希托，入面到好多生果，好香水果味，好飲朋友叫左杯熱飲，佢話都ok

今晚約了一位舊同事來尖沙咀食晚餐,當然要搵間又坐得耐又舒服既地方la,因為我地都好耐冇見,打算邊食邊傾計~約了她來厚福街,地點好易搵,而且餐廳以藍色外牆,裝修得十分華麗,入面既環境都好光鮮,舒服~STAFF為我們預備了MENU,staff的service十分好同有禮~令人覺得好舒服~跟朋友研究一番之後,決定點了一份前菜,一份正餐,一份甜品...一同share來食~~飲品都好正呢...點了一杯宇治抹茶紅豆~紅豆抹茶一向都是perfect match~呢杯飲品都好好飲呢....幼滑既CREAM...香香既green tea口味~又林又綿身既紅豆~好正~!!!!!!!!!!仲有呀...杯上面仲有大大pat cream~女生至愛呢....!我朋友點了鮮雜果mojito....超多唔同款既生果架...好fresh好juicy~!!!!!!!!!!朋友話岩曬黎配野食~~哈哈~傾傾下....我地既前菜到了....其實都唔細份架...係..又香又芝味既芝士煎蟹餅~~~金黃色巴外皮,好靚..而且..味道真係好香~當切開之後...仲會有拉絲..芝士份量都不少...入面除了有蛋.芝士...仲有蟹~蟹肉好清甜

朋友約左食晚飯,book左呢間la postre, 外面望間鋪頭好靚入到去都幾多人,7點左右~幾個staff都好有禮貌,加分呢包濕紙巾黎既唔好亂諗蜜瓜黑毛豬,有4大塊!唔似出面d鋪頭死咸,密瓜好多件加上好甜,一齊食一d都唔漏,前菜黎講算大份牛仔蠔肉燉飯,超!大!兜! 餐牌寫2人份量!呢兜飯筆極都仲有,食左好耐好耐,有4 5隻大蠔肉,有d蠔碎,牛肉似牛腩煮到好淋身鮮什果沙冰,酸酸地幾好飲最後甜品叫左麻糬窩夫,外面整得好脆,入面麻糬好煙un 好食

幾年前在上環，剛開業不久已經嘗試過佢哋出名嘅，黑毛豬意大利粉， 果時感覺到味道不俗，而且過汁非常之juicy ,好味。 對呢碟意粉留下 非常好的印象。每次去必叫意粉今日行過厚福術，見到有佢哋嘅分店，就入去試下， 我食的是下午茶餐 ，叫咗個 吞拿魚肉醬意大利粉 ，结果大失所望，個意粉跟本同個汁係分開，食咗二啖就唔想食，個汁好酸。肉醬同吞拿魚味道都好一般。再講，杯凍咖啡淡到好似水， 咖啡與冰的比例根本上也不協調，水準在普通的之下在中途進膳中，有一對講普通話的男女進場，不知為什麼，侍應員會安排他坐在我的旁邊，但我眼見 成間餐廳只有三張枱是有人，其他都是吉枱，既然有那麽多吉枱的話，為什麼不安排一張，比較遠一點的枱。令我們顧客上傾計或 進膳的時候， 私隱度比較高呢下午茶餐成為$89元，連加一，剛好100元。剛想離開的時候，就進了洗手間一會，結果出來的時候，侍應們竟把我的杯碟全收， 我又 沒有叫到結帳， 不明白會把我的東西收掉，想出來飲番啖水都不能，完全不尊重客人！好差！

厚福街可算是尖沙咀的一條小食街，這裏食肆林立,有平有貴。由街頭直行到街尾，就會見到一間粉藍色極其搶眼的西班牙餐廳 「La Postre」。餐廳內顏色和諧，左右兩旁是梳發座，中央放有方枱座，酒吧旁則有吧座，是一個適合朋友食嘢傾計嘅地方。前菜：無花果煙三文魚沙律沙律材料豐富，有各式沙律菜、紫椰菜、紫洋蔥、青瓜粒、三色辣椒粒、芝士片..等等，當然還有主角三文魚及新鮮無花果。食前可把餅乾條壓碎洒在沙律上面，所有材料放埋一齊，五顏六色，三文魚卷成花朵形狀放喺中間，好靚，望見都想食。新鮮無花果清新而微甜，再配以凱撒沙律醬汁，非常醒胃。主菜：西班牙海鮮炒飯（2人）一上枱已經聞到香噴噴嘅蝦味，蝦和青口大大隻，蜆肉也很飽滿，由於係焗，所以海鮮顯得比較乾身而且香口。炒飯則較為濕潤，此乃西班牙炒飯的特色，唔會太乾身，剛焗起的飯熱辣辣和帶有鹹香味的火腿片一齊食，非常惹味，微辣更增食慾。望落啲飯好似唔係太多，但原來食起上嚟兩個人都好夠。甜品：雜果麻薯窩夫（全份）窩夫形狀好特別好靚，是用四個心形切成一朵花，上面鋪左好多不同嘅生果，有新鮮無花果、橙、奇異果、士多啤梨、藍妹和黑霉，再加埋一球雲呢拿雪糕，賣相異常吸晴，

餐廳裝修好靚 好岩姊妹傾下計食飯。今次係慶祝朋友生日，所以買了蛋糕慶祝。餐廳還準備左即影即有，送了一張生日卡比我地。講下食物先，整體黎講不過不失。前菜叫左個蜆 湯底好清甜另外呢個蟹餅比較失望 蛋煮得過熟，只係得面頭既芝士好食呢道豬手見到果時，以為係沙律黎，原來係用沙津汁配上豬手，味道幾清新。不過豬手份量唔算多呢碟龍蝦汁蟹肉意粉，伴上蟹羔 好好味另外， 我地仲叫左兩杯水果茶，但味道好一般😐一黎到，大家都對呢幾包濕紙巾好感興趣😂 唔知大家覺得似咩呢？

下午茶黎食甜品開心下，同朋友叫咗兩個tea set。 店內環境舒適，坐得好舒服，適合同朋友傾計。抹茶雪糕吉士撻個味道唔錯，又唔會太甜， 抹茶味嘅雪糕明顯食到佢嘅cream比較少而牛奶味比較多令到雪糕嘅texture好似冰咁樣都幾好食 紫薯撻 味並唔係好濃，又唔係甜，比較清淡。整體都係幾好味嘅😂雜果西班牙油條配雪糕雜果嘅種類都幾多，有橙芒果奇異果士多啤梨同埋桑莓等等，而且大部分都好甜，應該都係有浸到糖水。至於油條就比較硬同埋脆，整體嘅味道都唔錯。雪糕方面佢畀咗應該海鹽味雪糕我哋😂😂食落有些少嘅鹹味之後，又會有甜味，感覺既有趣。但係叫tea set甜品係冇嘢飲嘅，感覺都頗貴啦，價錢方面唔係話好值，叫set但冇飲品令人覺得有啲吝嗇😂😂

上次同朋友經過，見到外面裝修幾靚，就隨便講起話下次食呢間。今日就真係去左食，我地有預早book位，星期日夜晚人流都ok，但都冇full。入正題講食物，我地3個女仔叫左3個小食加1個2人份既西班牙海鮮飯，再加3杯飲品。#1-西班牙青豆煮蜆 $168賣相1般，但食落都幾鮮甜，同份量非常足夠，好似食極都仲有咁，鍾意食蜆既朋友值得1試。#2-青檸蜂蜜單骨雞翼 $88本身自己都好鍾意食雞翼，但係街食就有d麻煩，但單骨雞翼就方便得多，女仔都可以斯斯文文咁食。味道方便，青檸味我就唔係好食得出，但蜂蜜味就好夠，雞翼本身咸，再加上蜂蜜甜甜地咁，好好味。#3-芝士煎蟹餅 $168呢道係我最期待食既菜，首先我係1個蛋控加蟹控，2樣我好鍾意既食物放埋1齊煮，真係非食不可。另外，呢道菜係最多人推介既菜，所以就令我更加期待。賣相好靚同好香，1放上枱，我地都忍唔住，即刻試，果然好味，有好香既蛋味，食完都好滿足，值得試！#4-西班牙海鮮飯 (2人份) $298呢個飯係有分2人份同4人份揀，我地3個人就揀左2人份，份量都合理，係比正常既飯大d，海鮮都算多，好夠食。但個人認為味道就1般般，冇乜特別，整體海鮮比飯出色。#5

十月五日，今天是朕的牛一。好開心老婆豬訂左位同我食生日飯。一開始老婆豬叫我着靚仔Ｄ，到我著靚仔左之後又詰平時咁普普通通就得=.=不過唔緊要啦，同老婆豬一齊過，食咩都得～我話ＯＫ就ＯＫ！到左尖東果邊，一直行行行，原來老婆豬豬仔帶我食ＬＡ　ＰＯＳＴＲＥ＠＿＠呢間之前經過，唔知咩黎，原來咁出名，夜晚勁多人＠＠＂我地坐低左之後就叫左個雞翼、２人份量既海鮮飯同兩杯野飲。最先上黎既係青檸蜜糖雞翼，我覺得Ｄ雞翼整得幾有創意，佢將成隻雞翼中間破柴式切開一半再煮，咁樣食既時候可以方便好多。至於味道方面都係好味既，酸多過甜，幾開胃，做頭盤係得既。不過我就覺得Ｄ雞翼太細隻，而且Ｄ肉有Ｄ硬，唔係脆，可能烤太耐縮左水？之後就到二人份野既海鮮飯，一睇落其實都幾足料，有蝦有蜆有青口，Ｄ飯食落有Ｄ辣郊地，一開始覺得都幾辣，食下食下慣左又冇咩。呢個飯都幾好味，而且份野夠大，海鮮夠多，Ｄ蜆又冇沙，仲有四隻大蝦～好味～好味～到最後幫老婆豬剝埋蝦Ａ＿Ａ兩杯野飲，其實我覺得都算貴，我呢杯就係青檸密桃沙冰，食落幾正，酸酸甜甜，好似結左冰既益力多咁=.=老婆豬果個就係雜果ＳＯＤＡ～好似幾好飲。到最後老婆豬點左個ＷＯＦＵ，點知格黎台

同朋友行到攰想食tea,就黎左呢度。嗌左個抹茶麻糬窩夫窩夫鬆脆有奶味！抹茶味要靠上面的蛋糕仔和綠茶蓉補上，都好多抹茶味，加埋紅豆真係超滿足，紅豆煮到好林，又唔會太甜，非常到位！係近期食過水準高嘅窩夫

一走進餐廳 ，服務員有禮，詳細解釋 餐單上面嘅菜式 ，裝修環境 也很有心思， 食物質素都唔錯。我地 叫咗個蠔仔芝士焗菇，正!推介。另外叫咗個蟹肉餅， 賣相就唔錯， 但食落就一般， 味道都唔差但啲蛋已經焗到老晒，又食唔到D蟹味囉! 我哋都叫咗個大蝦墨魚汁意粉，好味， 除了有大蝦外 仲有櫻花蝦在蝶錦上添花， 墨汁上有著海鮮嘅喊香味! 叫咗個什果特飲(有酒精)，賣相同味道都幾好!又有生果食!女仕們應該幾like。 大蝦墨汁意粉 芝士煎 蟹餅 芝士蠔焗大菇

今晚同朋友黎到La Postre- 尖沙咀店晚餐！ 平時經過，巳經覺得門口好靚、好吸引、好高尚的食肆，原來是一間食西班牙菜既餐廳！西班牙海鮮炒飯： 新鮮嘅海鮮，有大蝦,青口,蜆肉等等，放滿曬成個鑊，鮮味無窮!!加上少少辣的西班牙炒飯，味道會濃一點，配上海鮮既鮮味，是絕配！這個飯炒得夠乾身的，香味很夠，一點也不油膩，值得推介！芝士煎蛋餅：溶溶的芝士係蛋餅上面，加上鮮甜的蟹肉，十分好的配搭！雜果麻糬窩夫：整個窩夫面都鋪滿雜果，麻糬的口感很豐富的！特別是熱食！很脆的窩夫裡面就是軟棉棉的麻糬，外脆內軟，味道跟口感十分好，加上雜果同雪糕，很美味！

又一次來食超值西班牙菜，看來我也愛吃西班牙菜，之前也來過這間，上次已覺得味道不錯，價錢合理，今次仲約埋朋友，緊喺食大佢！餐廳很有歐陸風味，地方寬敞。我們四人點了不同的飲品，我點了凍士多啤梨朱古力咖啡，士多啤梨糖醬用鮮士多啤梨肉製成，加上濃郁的咖啡和香滑的朱古力，味道吸引。朋友點了荔枝茉莉綠茶，清新怡人，還有整粒荔枝；鮮雜果莫希托，上次朋友也有點，配上不同的生果，經典之作。以及荔枝莫希托，配上薄荷葉和整粒荔枝，味道清新香甜，朋友都讚賞味道不錯。先來一客芝士煎蟹餅，蟹餅在鐵盤上煎好，平均放上六小隻蟹鉗，十分精緻，加上濃郁的芝士味，讓人停不了口。接下來是黑毛豬煙肉欖油意粉，煙肉味香，簡單用欖油炒上意粉，已味美可口。西班牙黑豆鴨腿，有三四隻鴨腿，以傳統煮化配上黑豆及其他香菜炮製而成，品嚐傳統西班牙料理。西班牙海鮮飯，又算能錯過？份量十足，青口、海蜆、大蝦，配上西班牙火腿及番茄湯慢煮香米至熟透，海鮮的味道完全滲透入米飯當中。西班牙豬手，真是推薦之選，整隻豬手用傳統香料腌製，再以燒烤方法煮好，豬手燒得皮脆肉嫩。加上沙律菜混和，以創新的手法配合傳統的烹調方式，沙律完全除去平時吃豬手必有的肥膩感，實在

今晚老公帶我黎呢間西班牙餐廳浪漫下, 呢個藍色門口係厚福街當中好搶眼, 我地6 點半到, 餐廳唔算多人。呢到座位闊落, 環境裝修得好有情調, 充滿浪漫氣氛, 岩晒拍拖人士, waitress 服務態度都好好。menu 有好多款式, 睇圖已經好多野想食, 不過眼闊肚窄啦>< 所以2個人叫左一個前菜, 一個主菜, 一個甜品。未食野, 大家先叫返杯飲品先, 我叫左最愛既水果茶($42), 老公就叫左杯什果Mojito ($78)前菜叫左老公最鍾意既硯, 西班牙青豆煮硯($168), 一上枱已經聞到好香既蒜香牛油味, 份量唔少, 硯肉肥美, 隻隻硯都有肉嫁, 唔係得D 空殼,  湯底清清地忍唔住都飲左幾啖。食西班牙菜, 唔少得更係西班牙海鮮炒飯啦, 我相信都係呢間餐廳既主打, 因為見到好多枱都有叫, 有2人份($298)同4人份($458)。上枱好吸睛呀, 份量好大呀, 有6 隻青口, 4 隻大蝦, 大約7, 8隻硯, 仲有2片巴馬火腿, 好豐富呀! D 海鮮都好新鮮, 我欣賞佢煮既西班牙飯粒粒分明, 又唔會太乾身, 有少少微辣, 味道岩岩好。細心D 睇,4隻蝦係擺成2 個心形

有一次無意經過la poster 門口 被那藍色的大門，內部控制的裝修吸引力，決定要約舊同事來試下.係openrice 翻閱菜單，發現有好多都好吸引想試下，二話不說約同事先.位置寬敞做的舒服，餐具都很精緻，連餐具都很有西班牙的感覺服務唔錯，見到你杯就快無水會主動幫你倒水（很貼心之舉）我們叫了1⃣️黑松露薯條（主要係黑松露奶醬）2⃣️芝士烤大啡菇3⃣️松葉蟹芝士義粉（不得不說整個蟹蓋裡面滿滿的蟹膏）好邪惡，讓人膽固醇上升🔝濕紙巾都好有創意，讓人有點遐想