La Mensa Grill & Bar (Plaza 88)

营业中

休息中

十二點零黎到唔算太多人，地方夠大，之後坐多幾枱客都唔會太嘈。午餐套餐有唔少選擇，仲包前菜同飲品，抵食！散叫左份芝麻吞拿魚塊面頭係茫果+蕃茄碎，酸酸甜甜甘，好開胃！下面係個邊沾左黑白芝麻，煎香，所以好脆口，內裡係半生熟既吞拿魚。整個配合食好特別，醒胃！套餐前菜我選擇了蕃茄醬肉丸個醬超好食！蕃茄味濃，唔會太酸，點麵包食都好夾，我食晒成個醬！主菜係新西蘭肋眼扒煎同擺碟都好靚，好大份！牛扒好有牛肉味，雖然我order左熟啲，但都唔會韌晒，仲好juicy!好滿足！最後+多件芝士蛋糕好creamy ，濃芝士味！食埋佢真係飽到上心口😋😋😝😝好味既一餐！

今次想同大家介紹嘅係位於荃灣嘅一間西餐廳，呢間餐廳嘅特色係有好多唔同類型嘅食物㗎。無論係亞洲菜墨西哥菜，定係歐洲菜都應有盡有。今次我就趁住午市時段嚟呢度試吓餐廳嘅嘢食✨，想知我食咗咩嘅就一定要繼續睇落去啦～黑松露薯條首先想介紹嘅小食就係呢份黑松露薯條，個人認為真係好有誠意，唔單止有超多芝士，仲要有超多黑松露❤️。當中嘅芝士仲做到拉絲嘅邪惡效果㗎。另外松露味都好龍質素好高，我欣賞用鑄鐵鍋上菜，可以令薯條一直保溫。泰式牛肉沙律至於午市套餐嘅頭盤，我就選擇呢份泰式牛肉沙律，牛肉一啲都唔韌，而且調味好開胃。作為前菜真係啱晒。新西蘭肉眼扒至於主角就當然要介紹呢份肉眼扒啦，當日我就叫咗三成熟嘅。外觀睇落都見到煎得相當完美，口感軟嫩，紅酒黑椒汁嘅配搭都加晒分。另外餐廳嘅薯菜全部都有烤過，所以都好惹味。芝士蛋糕至於甜品方面，我都好鍾意餐廳嘅芝士蛋糕。食落一啲都唔膩，而且有好香濃嘅芝士味！評分以🌕表示（滿分為5）賣相：🌕🌕🌕🌕🌑味道：🌕🌕🌕🌕🌑

呢到環境闊落的異國菜西餐廳和酒吧，提供扒餐和各類小食，餐廳設有大電視機直播球賽，讓食客可以在晚上和朋友邊睇波，邊飲酒聊天😎 鋪內裡面積不大，但高樓底與落地玻璃感覺開揚，瀰漫著一片隨意悠閒的氣氛🤩餐牌大部分是墨西哥菜😉Grilled FAJITAS 雞肉 $175以鐵板烤盤上熱辣辣，雞肉早已切好一片片，方便搭配墨西哥薄餅，食的時候在薄餅上自己加上牛油果醬、乳酪、蕃茄莎莎醬，捲埋就食得架喇😆BEEF LASAGNA 牛肉意大利千層麵$155🍝不單是漫畫加菲貓最愛的美食，呢到菜有大量巴馬臣芝士，口感滋味無窮🐮Happy Hour近近地過黎荃灣西鐵站呢到chill下飲野🍻

✡️ 新西蘭牛里脊肉🐮🔹牛里脊肉🐮（12oz）：表面有烤印，見到都食指大動😋，切落裏面有嫩粉紅色 ，入口 肉質軟腍🔹Portobello Mushroom🍄：肉厚多汁，濃濃的菇味，正🔹火箭菜☘️：新鮮，伴有 sea salt🧂同橄欖油，好味😋🔹烤蕃茄仔🍅：脆甜🔹烤蒜🧄：烤到好甜✡️ 自製的玉米片 Nachos（雞肉）💯🔸説不出的好味：Nachos +牛油果醬🥑 +sour cream🤍 +番茄沙沙醬🍅🔸不停口咁食😆🔸份量唔少✡️ 松露蘑菇 Pizza🍕🍄🔹香氣四溢，令人垂涎欲滴🤤🔹松露 🍄滿滿、火箭菜☘️都好多🔹入口冇失望，焗得滋味，餅底同松露 🍄唔會分離，pizza 邊厚度適中，軟中帶脆香，有咬口😋🔹pizza size 比相象中 大氣氛：chill，cheerful，仲有播放 english songs🎼環境：有坐戶外座位，室內又多望外玻璃窗🪟職員：充滿笑容、十分友善CP 值：高👍🏻，會 encore😊

今日出開荃灣就順手約個好耐無見既朋友食lunch，近近地見PLAZA88 地下開左間西餐，叫La Mensa Grill & bar裝修又靚靚囝囝就入去試下。 11點幾坐低 個場唔算好full,加埋佢d位好寬躺，樓底又夠高坐得好舒服。我哋叫左個黑松露芝士薯條餐廳提供左兩種調味料俾我哋，一個係凍芝士醬，一個係普通茄汁。好好食，薯條好脆而且份量好多，1 d都唔吝嗇，但如果變左做粗身既薯條或者會更好（純粹個人喜好)另外叫左個蜆肉意粉上枱嘅時候俾佢嘅買相吸引住，忍唔住手機食左先，一盤細細既意粉入面有勁多蜆，好重鮮味。除左好味😋仲要用底食黎形容👍🏻👍🏻👍🏻 最後仲有個大大pizza最後先上，夠哂熱(唔知會唔會係即叫即整)同大份，我諗4個人食都得。醬汁好特別皮好薄料又係好多夠晒脆口，唔會有d似食緊包既感覺。總括而言呢間西餐廳係性價比高又好食，差唔多食晒d野都開始晏，全場爆滿。睇嚟呢個新大陸好早已經俾人發現咗，會再幫襯。

Tue 29th Aug 開學+打風 前夕呢間嘢留意咗好耐，喺新商場 G/F corner 位 大玻璃，可以坐出邊，地方好舒服。印度菜打底，酒吧，扒房 融為一體。超高嘅樓底，空間感好強。坐得好舒服。唔好以為印度菜選擇少就唔專。呢個 Butter Chicken Curry 好正宗，好好味。燒烤雞 肉嫩多汁 入味。嗰 curry 微微微辣，黃薑、小豆蔻莢 香料味足，風味飽滿。strongly recommend。牡丹雖好都要綠葉扶持 佢呢個 Naan bread 一樣好食。即場新鮮焗出嚟，香噴噴。餅底微脆卜卜，好嘢未，追住食唔停口。唔好睇小佢，份量唔使。先叫咗佢先，食到咁上下先追加其他主菜。one at a time。其他嘢攤凍咗，都冇咁好食啦。跟住食咗佢哋兩個自家製嘅甜品：Apple CrumbleTiramisu

星期日，因為去到冇左open rice.. discount....咁唯有正價照食叫左個墨西哥粟米餅。。三大塊內有牛由果醬， 乳酪， 蕃茄蓉菜。。。好好味之後再黎半份Baby pork ribs....半份都要9支骨。。份量十足。勁肉多而厚身，吾會好肥，醬汁好好味。薯條普通但份量也充足。R星期二。。Oback..完全比下去原先想加個pizza..但兩人食完兩個菜已飽。。。冇追加，下次多D人一定試埋。原來佢用openrice要ordrr過500才有折，所以今次冇賺亦冇蝕

今晚同朋友黎荃灣La Mensa食飯，佢環境好好，落地大玻璃。叫左西班牙海鮮飯。佢哋嘅海鮮飯係用正宗嘅西班牙食譜煮嘅，味道好濃郁。米飯軟糯，每粒飯都吸收咗海鮮湯汁嘅精華，真係咬落去好有層次感。海鮮方面，有新鮮嘅大蝦、墨魚同埋青口，clam，令個飯更加豐富。牛肉fajitas鐵板上，熱辣辣好食，配上煙燻嘅辣椒同埋洋蔥，味道更加豐富。自己可以自由牛油果醬，salsa同sour cream，令個口感更加多元化。同friend share 最好，佢分量好d。我地仲叫左chicken tikka。佢係串串上，雞肉煮得好嫩滑，印度香料嘅味道好香濃。佢哋嘅雞肉串配上清爽嘅薄荷醬，勁好食！總括而言，食物質素高，野食大份，價錢都好合理。

今日約咗朋友去荃灣街市攞嘢，食晏時行過對面Plaza 88食飯，朋友想食pizza，所以選擇了西餐廳La Mensa Grill & Bar入到去感覺環境幾好，座位闊落，睇睇餐牌後，叫咗個＂羽衣甘藍石榴鱷梨藜麥沙律🥗＂同埋朋友想食嘅＂松露蘑菇pizza ＂沙律配搭好特別，非常清新，牛油果🥑綿香，羽衣甘藍新鮮唔澀味。Pizza賣相好靚，面頭鋪滿晒蘑菇同埋火箭菜，入口黑松露味濃郁，齒頰留香，批底都幾脆，朋友大讃好味。

Today I went Tsuen Wan with my friend, we found that there was a footbridge in Citywalk 2 to The Aurora, and then quickly another footbridge to Plaza 88. What a big surprise to us! And then we discovered a very chilling Western restaurant on the ground floor! The dining area is very spacious and relaxing, with beautiful paintings and interior design!😌😌 The staff was very friendly and served in English. Very nice that they offered peppermint water and set lunch! For starters, I chose the soup of

今次黎到荃灣呢間餐廳，未入去已經覺得好正😍入面裝修又靚又chill，仲有部大電視可以睇，侍應態度好好之餘又nice又熱情😆😆同埋餐廳會播音樂，一路同朋友食住飯一路聽歌，真係好relax😚😚情侶黎都好適合同好浪漫架💕💕餐牌有好多唔同嘅選擇，我哋今次揀咗墨西哥🇲🇽菜式黎食😋😋😋🧡4片軟玉米餅+雞肉和牛肉混合法士達 $150 超級正！！😆😆第一次食呢種菜式，覺得好好味，玉米餅唔會過厚仲好香，雞肉同牛肉都好嫩好多汁，而且份量好多👍🏻👍🏻將玉米餅包住雞肉牛肉，再點特配嘅醬汁，超級滋味🤤🧡香蒜雞肉意大利麵 $143意大利麵煮得好入味😚啲蒜勁香~雞肉好鮮嫩，配埋意大利麵一齊食好夾😋🧡Margaritta Cocktail

平時去開Plaza 88上瑜珈，行過見到呢間La Mensa Grill & Bar裝修好有情調，搵晚落堂同同學仔一齊去食。⭐️Soup of the day 是日精選餐湯(松露蘑菇）$75松露蘑菇湯好香濃，啖啖都好creamy🥰松露味突出，配埋脆卜卜既蒜蓉法包好正⭐️Prawn Mango Avocado Salad 大蝦芒果牛油果沙律 $150呢個沙律高質，大蝦本身有預先炒香，爽口又香辣，芒果同牛油果都好新鮮👍呢個組合既沙律唔錯⭐️Beef Lasagna 牛肉意大利千層麵 $155呢個千層麵係chef signature🍴牛肉味香濃，加埋🧀拉絲芝士一流😋⭐️Mocktail - Fruit Punch $50我地唔飲酒，所以叫左fruit punch, 就算係mocktail 都大大杯，好抵飲👍 餐廳每日12 Noon to 7 pm 都有Happy Hour, 岩哂係附近收工後想飲兩杯既朋友仔⭐️Vanilla Creme Brulee 香草焦糖布丁 $80焦糖表面燒到好脆，布丁軟熟，好香Vanilla 🥰 最後食埋甜品，完美的句號

星期六同太后食lunch，諗緊食乜之際，經過呢間餐廳，我哋被佢舒適的環境所吸引。入咗去之後，果然冇揀錯，餐廳內部裝飾著溫暖色調，散發出一種獨特的藝術氛圍。座位之間的間隔很大，提供左舒適且私密既用餐體驗。加上，左右服務人員都好友好和專業，他們迅速為我們提供左一個舒適座位，並詳細解釋了菜單上各種選項。我們首先點左一個青醬海鮮比薩，這是招牌菜之一。10分鐘左右，一個比薩被送到枱上。外觀非常誘人，金黃酥脆外皮上鋪滿勵新鮮海鮮，比薩厚度剛剛好，每一口都帶來了濃郁既海鮮風味。青醬係喱道菜既亮點，它帶來一種獨特既香氣點同微妙既辣味。除左比薩，我們仲點左份自家製墨西哥玉米片。一上枱，成兜玉米片散發著誘人既香氣，份量好多。薄脆可口，配有豐富的番茄醬、莎莎醬同酸奶酪。每一口都充滿了墨西哥風味，帶來了一種辛辣和微酸口感。喱道菜好岩同朋友share，作為開胃菜或送酒小食點心都好出色。

今日同朋友試下新野，黎左呢到。環境呢到環境唔錯，有空間感。係冷氣凍左啲。叫左Butter Chicken with Naan，我從來無食過Curry或Butter Chicken既雞係滑既，汁方面好濃，而且有打碎左既蓉，味道好正宗。不過因為冷氣太勁，第2件Naan bread已經硬到咬唔開，好在有汁整淋黎食去到邊我都未定叫黑松露芝士薯條，大大份，黑松露同芝士都唔慳，好讚，可惜因為冷氣太勁，芝士超快硬晒，好在有Butter Chick3n啲汁，如果唔係又係無法食用。2杯熱Latte，比出面既咖啡大杯，夠熱因為太凍，無法唔叫多杯野飲。朋友飲左Chamomile tea，我叫Earl Grey，雖然45蚊一杯唔算貴，但有咩理由用某超市品牌既茶葉，真係估佢唔到。仲有，衛生方面麻麻，碟有蚊滋、杯有印。

這間西餐坐得很舒服，環境很優美，而家食物都很高質，性價比很高喔。我們分別叫了兩個set lunch，有一個前菜，一個主菜及飲品，亦可以加$20多一個甜品。🚩Set lunch 1 $125主菜：新西蘭肋眼扒、前菜：蕃茄醬肉丸、飲品：熱檸茶這個前菜肉丸是非常有誠意，真材實料，啖啖肉味有口感，再有一塊多士，沾上茄醬吃非常夾。而主菜牛扒的肉質也很嫩，不過對於五成熟而言有一點太熟，但仍然很容易入口。🚩Set lunch 2 $118 + 甜品$20主菜：Meat lover pizza、前菜：經典凱撒沙律、飲品：熱檸水作為前菜的沙律的份量比想像中大很多，沙律非常新鮮。而主菜的Pizza要大讚，皮底很脆，而餡料非常充足，完全是meat lover的最愛。Pizza的餡料：雞肉、Pepperoni、火腿🍵 而餐飲的份量也很多，用一個壺可以自己沖水，不會只有小小的一杯。