La BASE HK (已結業)

星期五晚同朋友放工食飯敘舊，由於我哋都收得夜，時間唔穩定，所以出到嚟先搵食乜。網上見到尖東嗰邊有間樓上西餐廳叫「La BASE」，食物相片睇落好似唔錯，就決定試吓🍽。意式燒走地雞半隻配有機時令蔬菜及串茄($298)，🍗燒雞賣相吸引，切嘅時候已經覺得雞肉幾嫩，食落亦無令人失望。佢唔需要用額外嘅醬汁調味已經夠晒味，雞皮微脆，帶有雞油香🐔。伴菜就有少量燒蔬菜，都OK嘅。意大利煙肉配忌廉蛋汁意大利麵($268)，卡邦尼一放底就散發出好濃忌廉香🍝。意粉係最普通圓條形嗰款，不過麵條質感富嚼勁，而且仲好掛汁添。忌廉蛋汁配以芝士粉同煙肉粒，鹹香惹味🥓，不過要記得襯熱食啊！White Sangria($98)，呢杯Cocktail幾啱女仔飲🍸，以白酒同七喜做底，重果香，就連入面啲水果都可以全部食晒🍎。Virgin Mojito($68)，呢杯Mocktail係老闆娘嘅重點推介，皆因啲薄荷葉係餐廳自家種植🌿，飲落份外清新，果然冇介紹錯。總括嚟講，餐廳嘅食物出品味道不俗️，🍽兩款主食都幾好食。呢度格局有啲似樓上Cafe，但原來出面仲有個隱世大花園，望咗眼發覺環境都幾Chill😃，而且仲可以帶寵物嚟。題外話，今

尖東隱世靚景 有機菜無激素雞呢日老公話帶我去間冇咩人知，但食物勁高質，又有個好chill 嘅打卡位餐廳🤔心諗，今次竟然係佢介紹返我有機田園沙律 $78好新鮮嘅有機羽衣甘藍、羅馬生菜，配埋芒果、腰果、杏仁、提子乾，好豐富又清新👍🏻只係少少橄欖油同黑醋已經好正意式烤本地農塲雞 $298呢個雞真係好正，佢哋用嘅絕對係本地無激素走地雞👍🏻雞肉嫩滑，有雞味😋外皮焗到脆卜卜，入面Juicy👍🏻雞胸都好好食我真係好怕燒雞好乾好鞋，呢個真心好食😋有機菠菜三文魚寬麵 $288本身對佢冇乜期望，食完發覺超驚喜🤩首先好足料，每一啖都可以食到菠菜同三文魚，直到最後一啖！ 每條意粉都掛到汁，個汁好creamy 但唔會好漏，食到好香Parmesan芝士嘅味道（煮過就知其實要落好多先好出到個味）呢個真係好食😋喺香港煮到呢個水準嘅意大利Pasta，講真其實冇幾多間！一個咁簡單嘅菜式，俾佢整到咁出色👍🏻欣賞Mojito 呢杯係老公極度推介！佢就當自己送咗支玫瑰俾我啦😂😂真係好靚，好岩打卡📸值得讚嘅係，佢嘅天台空中花園，種植咗好多香草🌿個侍應仲話唔夠的話可以再出去摘多啲俾我😂😂😂好飲！White Sangria呢杯都令人

上星期去左尖東一間高質餐廳🥂就係La Base啦！一入到去，空間感好大，坐位好闊落好舒服! 窗邊掛有燈飾好浪漫!💕 呢度仲有戶外大露台，夜晚上來邊嘆美食邊睇尖東夜景好有feel!!! 不過是晚我地都係入左室內嘆冷氣食晚餐🤣 我地食左:..🧀意式拼盤 好大份量既前菜，分別有3款凍肉如Parma Ham同肉腸等，配上唔同既芝士同沙律菜，仲有少量堅果! 3款火腿各有特色，口味由淡至濃，配返芝士食，好夾! 沙律菜正好清新一下味蕾，作為前菜真係好不錯! ..🍗意式烤本地走地雞 La Base只用全天然無激素肉，係新鮮既雞! 呢度已經有大半隻，旁伴有車厘茄同時蔬，呢度既蔬菜都係新鮮有機! 一上枱已經聞到好香! 最鍾意雞皮烤得勁脆，雞肉好嫩滑，油香四溢🤤 超好味!!..🍝Classic Carbonara勁多芝士既卡邦尼意粉，濃厚忌廉，再伴以必有的煙肉碎，就已經好惹味! 意粉好creamy，吸收哂醬汁!..🍰Tiramisu食一啖Tiramisu，就已經食到好濃郁既咖啡酒香味撲鼻而來，好香!!! 可可味濃，加上tiramisu既cream好幼滑，好好食!..🥂White Sangria充滿甜香既水果

當炎炎夏日之際，食得fresh 就變得十分緊要。今日去到尖沙咀一間樓上西餐廳闊落之餘，食物都好重質素。有機菜，無激素Ribs 有機田園沙律 今日天氣相當之熱，好想食一些fresh 既starter 沙律相當fresh, 而且上面加左鮮芒果，令個感覺更清新。餐牌標榜係有機菜，變相食得更健康，同埋我一直都支持有機食物，畢竟食落肚既，健康又安全冇添加最緊要。無激素燒BB豬肋骨 $228Ribs 個味道好重豬味，少少黑椒，鹽味已經夠曬，佢個調味有一種香口，有少少似乳豬香口。我鐘意佢無激素既原材料，平日自己買餸都會食無激素肉類。個ribs 煮既時間亦岩岩好，仲係好鮮嫩白酒蜆闊條麵 $288Vongole 其實平日由急凍包裝叮叮食到到高質既意大利餐廳都有。今日味道真係好吾錯。蜆方面，真係隻隻都大隻。仲有就係好滑，吾係用平價蜆。加上本身真係鮮味，令意粉都吸到海鮮鮮味。個汁，白酒味重得黎吾係死咸，有少少蒜香味。又吾會太傑太稀。仲有叫了直壓果汁更保留水果原味同埋營養。今餐chill 得黎，亦健康

今日嚟到尖沙咀一間樓上餐廳, 聽聞戶外有個好浪漫嘅露台位置比人打卡。 好多情侶會喺聖誕節約另一半上去食嘢。 於是今日就走上去試試。 餐廳除了有戶外位置，還有室內位置。聽說該店老闆娘曾經喺澳洲同美國居住過，所以餐廳都採用西式設計。檯櫈嘅顏色採用了強烈的對比色，非常Morden 嘅感覺。 老闆娘亦非常熱情地招待，推薦我哋試食以下三道菜式。紐西蘭羊架配有機五色扒菜新鮮嘅紐西蘭羊假配上五色蔬菜有紅椒、黃椒、茄子。 紐西蘭羊假濺到剛剛好脂肪比例平均食落去唔會太韌，入口非常之好食。Carbonara外觀已好吸引，忌廉汁非常傑身，包住每一條pasta。忌廉再加上煎香左嘅煙肉粒，同喺意粉上再加上超濃厚芝士味嘅芝士切片碎。無得嘆👍🏻意粉煮熟嘅軟硬度亦可叫店主調整。水牛芝士加蕃茄淡味既水牛芝士、再配上新鮮切開嘅蕃茄片及比較傑身嘅醬油。鹹味中帶一點番茄嘅酸味及芝士嘅淡香味。 Cocktail （Mojito + Sangria)該店沖劑嘅Cocktail，加入一個加料薄荷葉喺冰波波球。令到成杯cocktail 外觀感覺有點玩味。 叫Sangria 時，可特別要求選擇淡味/濃味紅酒🍷mix 落杯嘢入面。

呢間西餐廳環境真係好靚✨而且仲有戶外嘅露台位😍推介串燒拼盤 好豐富‼️有牛柳粒、魷魚、豬頸肉、雞肉同煙肉卷 全部都燒到好香口🔥煙肉卷好特別 鹹香脆卜卜嘅煙肉🥓包住清甜爽口嘅荔枝 好好食😋

Happy Friyay! (I meant we had a happy Friday😛)！今次要介紹嘅餐廳係喺尖東嘅酒吧餐廳La Base！位置易到，有齊室內外，室外仲可以遠眺維港海景+帶寵物一齊Chill下！🌟 水牛芝士番茄配自家種蘿勒今次前菜就揀咗個比較清新嘅前菜-水牛芝士番茄片。番茄用上自家種植嘅有機番茄，薄切味道幾清新🍅，唔酸都幾甜👍🏻。Mozzarella Cheese保持Creamy，配埋意大利黑醋🇮🇹、比較Mild嘅橄欖油、自家種植嘅羅勒葉絲(比較薄身，味道更清香🌱)，係非常匹配嘅餐前食物。🌟 意式焗乳豬配有機多色烤菜👦🏻見到佢最愛嘅乳豬🐷，冇理由唔叫！皮極脆！好似食緊薯片，切開肉時肉汁緩緩流出💦，夠曬Juicy。事後同老闆娘傾計，講解返原來脆豬先後焗過三次(頭兩次係烤熟+高溫迫走多餘油份令豬皮更脆，第三次就係食物上枱前)，功夫多多真係算一道功夫菜。調味剛剛好，用上秘製醬料，唔似中式燒肉咁咸！🌟 肉醬意粉 一餐飯就緊係要有啲澱粉質調製下！今次就叫咗個肉醬意粉食下！醬汁酸甜度控制得剛剛好，有啲芝士調味🧀，估唔到食肉醬意粉仲有咁多車厘茄🍅！另外值得一讚意粉質感，係Al D

隨意喺openrice用地區搵食店！平時去開打邊爐食韓燒嘅我今年七月之星既我想搵啲靜靜地，可以傾下偈嘅西餐廳🥰上到去有驚喜。。（食客角度）因為人唔多所以我哋兩個幾乎包場，老闆娘嘅推介亦都係唔錯。所以不知不覺會傾到唔知時間。如果大家想靜靜地傾下偈食下嘢呢間都係一間唔錯嘅推介🤩仲有露天位。 小小地欣賞香港既同時可以輕輕鬆鬆 釋放香港人嘅壓力。Happy hours 時段 生啤買一送一😆仲有其他唔同類型嘅飲品。

小編係尖東行完博物館係附近搵左間幾高質嘅西餐廳同朋友聚下腳🥰呢到好適合一大班朋友黎食飯吹水，餐廳環境佈置得好靚，仲有户外露台位飲下酒打下卡🥳事後先知原來餐廳係採用有機食材，咁價錢貴少少都合理😋.🍢串燒拼盤 $268呢個價錢食串燒拼盤都算偏貴，但拼盤入面嘅食物絕對係值呢個價錢😎包括咗豬頸肉、魷魚、牛柳粒、雞肉同埋煙肉卷，全部都好好食🤩小編就最欣賞個煙肉卷，入面包住荔枝果肉，食落去意外地夾，可以減少煙肉嘅油膩感，效果非常之好😛.🐥意式焗本地走地雞 $298一上枱已經聞到好香好香😚唔單只外皮鬆脆，肉質仲要特別嫩滑，雞肉亦都唔會太鹹，食落juicy而且仲要係啖啖肉，份量足夠兩個人食🤪.💰人均消費～$300.🍽味道：3.5/5🏙環境：3/5👨🏼‍🍳服務：3/5💧衛生：3.5/5💰價錢：3/5

📌La BASE 📍尖沙嘴 Tsim Sha Tsui🔍 環境一入到黎空間感超大!!💙 藍色色調為主, 位置闊落舒適👍🏻 牆上都掛滿花花💐 出面露天茶座如果daytime去一定要去!!☁️ 望出去嘅景觀好開陽🥰🔍 服務老闆娘好熱情招待客人, 會主動介紹唔同菜色俾我地😆-(👑爲推薦）▪️ 有機田園沙律 $78▫️串燒拼盤 $268 👑▪️海鮮蕃茄醬闊條麵 $298 👑▫️Tiramisu $168▪️ Mojito ▫️White Sangria-❥ ❥ 有機田園沙律沙律菜係用有機菜整成,配搭埋芒果、堅果 牛油果、車厘茄等等🥑🥭🍒 味道清新自然✨❥ ❥ 串燒拼盤呢個匯集多種串燒小食🥰有豬沙嗲串, 煙肉荔枝, 魷魚, 燒豬頸肉等等✨每款都烤得香脆可口!! 有埋親手調配嘅辣椒粉🌶️ 更加惹味🔥最滿意係魷魚♥️仲有薯條薯角🤓 包保你食得飽🤣❥ ❥ 海鮮蕃茄醬闊條麵呢個份量真係超多!! 可以見到青口多到就黎甩出黎🤣每條意粉都掛汁, 食得出係新鮮番茄味🍅價錢不便宜, 不過值得一試 ❥ ❥ Tiramisu呢個係用左三層手指餅搭成🤓Creamy得黎唔會太膩✨❥ ❥ MojitoMojito係white rum, 青檸

因為要慶生同friends聚下，就係open rice到睇到呢間可以book嘅餐廳，覺得環境不錯🤩係用餐前兩日老闆娘好nice咁幫我地confirm booking，仲好nice咁幫我地安排座位慶生🥰到左之後嗰環境真係好chill，好溫馨。因為好似自家bar咁，所以客唔算多所以更加顯得舒服舒適☺️幾適合情侶來，一班friends或者family gathering。餐牌嘅選擇唔算話好多，但係每一樣都睇落去好吸引🤣老闆娘好nice咁幫我地推薦必食嘅餐點，我地order左一份BBQ，兩個意粉同半隻炸雞，同埋嘢飲。全部都唔錯，特別係BBQ同嗰半隻炸雞真係好好食😂印象最深係BBQ裏邊有一份煙肉包荔枝或者係龍眼真係出乎意料嘅好食，炸雞嘅皮都好脆，同埋小小辣但整體都好好食😋最後我地幫friends慶生，老闆娘好nice又幫我地影相🥹🥹總體而言係一個唔錯嘅體驗😆價錢上來講就唔算話好平，但同friends出來聚下，食物又OK環境又chill就真係唔錯，同埋嗰bar有時都會有D cultural exchange嘅活動，其實幾啱鍾意同唔同cultural嘅人social，我地去嘅時候好似真係覺得去做外國咁

三號風球阻不主我和好友的敘會，book 了這間近尖沙咀地鐵站p3出口的La base餐廳洒巴。主要受open wise 大大隻清酒煮蜆及餐廳的戶外露天茶座吸引！👍🏻👍🏻👍🏻 原來真的選對了！餐廳環境清幽，食物好味！特別推介燒乳豬，肉嫩皮脆，海鮮意大利飯個汁好正蝦肉好多，清酒煮硯，D蜆每隻都好大及新鮮，好好味！😍😍😍 另外值得一讚，老闆娘事事細心，又幫我們拍照，又介紹食物的煮法，又將order 的紅酒用精致酒瓶悉心裝好，令我們感覺去了外國的意大利高級餐廳，有賓至如歸的感覺！🙏🙏🙏 餐廳外的環境好chill, 面對尖東，風景開約，涼風習習，晚餐一流！誠意推介喜歡把酒談心，吃美食的朋友到訪！🤗🤗🤗

幾年前到過 la base, 感覺裝修後的這裡，變得溫馨了係尖沙咀，要揾到有個戶外平台的地方，其實都幾難坐落係尖東ge la base, 就擁有一個大大的平台好岩同fd 係個到望住d 棕櫚樹，拎住杯酒chill 下以前去呢到，淨係會諗起飲野宜家呢到多左好多野食，特別要讚的係佢地ge 菜全部都係有機架～講真，我唔太識形容有機無機ge 分別但食落口，你就會知個唔同，個種爽脆，同埋新鮮蔬菜ge 甜～你望落以為無乜特別ge 沙律菜，都會可以秒速ko特別喜歡佢地ge 芒果沙田，加埋d nuts口感同味道都一流👍主菜方面，我地order 左燒豬同埋海鮮意大利飯意大利飯，係我鍾意ge 口感，偏硬的索晒濃濃的海鮮汁...真係好唔錯另外佢地個豬都真係signature皮燒的香脆，肉保持嫩滑🤤同行朋友一路叫飽一路快速食晒 hahaha如果去飲杯野ge 朋友，非常推薦佢地ge 串燒拼盤荔枝煙肉捲同埋豬頸肉都整得好好，飲野一流最後，唔小得甜品 tiramisu佢地ge 酒味balance 得好好～唔會太苦澀係傳統ge 軟軟的tiramisu~~整體黎講，一齊食ge 朋友都好滿意👍如果去尖沙咀，又想揾個靜靜地可

一直都好想黎食下，尖沙咀揾間有outdoor嘅西餐好多，但想坐得梳落啲舒服啲，就真係唔多。6點半坐低，開住支酒飲住等朋友，環境係旺中帶靜嘅感覺，仲有啲風，幾舒適四個女仔叫咗三樣嘢，全部都係當日嘅廚師推介白酒煮蜆，味道雖然唔夠，但係每隻蜆都好新鮮，亦都好飽滿，所以算係合格啦之後就上咗個當日推介嘅串燒拼盤，有薯條薯角，煙肉車厘茄，豬頸肉，魚柳，雞肉同埋香腸，本身拼盤裏面有兩樣嘢冇出現到，原來係冇貨好彩嘅係，全部味道都算唔錯，食晒肉眼扒相當好味，好入味，叫咗五成熟，都確實燒得到又係食到一件都冇淨，如果真係要挑剔的話，就係紅酒相當唔掂，擰蓋紅酒最平一支4XX🫣，仲要唔好飲嘅，絕對Over priced🤪雖然嘢食算唔錯，但係收費略嫌高咗啲(以質素計算)，只係可以以環境搭救😌

分享下聖誕節個日食嘅餐廳先~ La Base Hk嘅Outdoor環境好chill，充滿聖誕燈飾～ 閃下閃下好有氣氛～ 坐出面都唔使怕凍因為有暖爐👍🏻有機凱撒沙律沙律菜好新鮮，醬汁開胃，麵包糠增添咗少少口感，唔錯😃 秘制香烤本地走地雞餐廳選用天然無激素肉類，本地農場走地雞。雞肉味道嫩而多汁，比較原汁原味，仲有啲有機配菜，幾健康～海鮮意大利飯青口同蜆都係半生熟，口感軟嫩鮮甜，海水味濃，蝦肉新鮮彈牙，配軟糯意大利飯好夾～