Kampoeng

营业中

休息中

環境4分：地庫餐廳有𨋢同樓梯上落，地方好大位夠闊，燈光暗暗地，猶如置身於東南亞餐廳，可以畀四分。衛生4分：餐枱有刀，叉，紙巾，牙籤，糖呀咁，完全唔立，一樣可以畀四分。服務 5分：樓面顆記快手快腳，唔囉唆，落完單即上飲品，比佢五分。味道4分：1)      二人套餐嘅加多加多沙律，第一次食，好特別好多汁，上面鋪滿蝦片，入面有唔同嘅蔬菜種類，同埋有Ｄ烚熟咗嘅雞蛋。2)      海南雞例牌份量，上枱時發覺係一隻超大雞髀斬碎上，有三款汁比你選擇，雞肉嫩滑，Ｄ皮都唔肥膩，唔錯。3)      雜菇炒金邊粉，個樣有Ｄ似乾炒牛河，但係Ｄ河粉幼Ｄ，同埋冇港式嘅咁油。4)      沙爹雞肉串燒，一出嚟就熱辣辣，非常嫩滑，點埋Ｄ沙嗲醬就一流。5)      加28蚊叫埋個馬拉盞通菜，呢個價錢真係唔可以唔叫。炒得都幾爽，唔會太淋，但係覺得可以辣Ｄ野味Ｄ。抵食5分：百幾蚊食個二人午餐可以食到沙律，沙爹，金邊粉，海南雞，通菜，無加一，好難話唔抵，畀硬五分。

今日天氣好熱，冇乜胃口，想食d濃味d嘅野，刺激下胃口！上網search下，見到呢間印尼野就去試下，原來地方好就脚，就係糖街。餐廳坐位寬敞，餐牌選擇又好多，set dinner價錢唔貴，不過朋友驚太多野食唔哂，最後都係散叫。 上菜速度都好快，首先黎嘅係炸鰂魚，外面炸得好乾脆，但裡面魚肉又唔會太乾身，魚腩位置炸到脆卜卜，可以連骨都食埋，仲配埋一個辣醬，襯啤酒真係一流，好惹味！粟米餅，一放落枱，比我想像中大塊好多，炸得好好，唔會好油膩嘅感覺，除左粟米加埋其他配料又多，口感好豐富。食得辣嘅話，可以連埋佢提供嘅細青辣椒一齊食，食落更加刺激。正！ 炒雜菜好好味，有成好幾種蔬菜一齊炒，好豐富，餸飯一流。巴東牛肉飯佢嘅配菜真係好多，份量好足，就好似有好多唔同口味嘅醬比你撈飯食。有辣，有椰汁味，有咖哩味，又有炸過嘅花生同魚乾，令到成個飯更加多層次。牛肉好入味，好有口感，加埋椰青，真係冇得頂。本來仲想叫串燒，不過已經飽飽地。唯有下次再嚟試過。 兩個人都係食咗3百幾蚊，又坐得舒服，待應好有禮貌，第一次去嘅感覺好好。值得再去。臨走時仲見到餐廳外面放咗好多印尼小食可以買返屋企慢慢食

這間位於銅鑼灣糖街的店舖，是我從前一位印尼女佣介紹的，是地道印尼人開設的，門面相當寛敞，有很多印尼出名小吃 我相信在工人姐姐休假日，這裡必定好生意了！有私家𨋢落去地庫，當然你可選擇做下運動行楼梯的 天氣炎熱到爆 先叫一個香芒雜菓沙律及三色雜菓冰解解暑先 沙律有很多大大片芒果，好 fresh又好甜! 而且有我極愛的红肉火龍果， Superfood 超有抗氧化功能，呵呵，保青春杯三色冰，噢，不是杯，是成＂碗＂ 涼透心，看見色彩甘繽紛，心情都開心d啦! 又甜又好味，又多生果，又可以咬冰冰， 爽呼呼串燒 .牛及雞 ~ 好喜歡吃串燒，有炭香，佐酒一流，個沙爹醬真好香口，提升了燒肉的味道脆炸粟米餅 ~ 為了我未喝完的生啤，追多一份香口食品 嘩，香氣撲鼻，入口咬得扑扑響，又不會太乾身，正 仲有小小餓，再叫多碟 ~ 印尼特色炒飯， 留意跟1條雞肉串燒架! 飯炒得粒粒分明，粒粒都入味，友人一直問： 點解屋企炒吾到嘅!哈哈，鐘意咪嚟吃啦 厨司炒的，點同呢 加埋隻蛋，又有青瓜，配搭著吃，確實不同，認真啱我哋口味

喺糖街地庫 位置唔太顯眼落到去餐廳，驚覺原來地方咁大。應該可以容納100多人。環境都算時尚及優雅。估唔到。餐牌好多選擇，我哋點咗沙嗲雞串，巴東牛肉雜錦飯，青木瓜牛油果沙律，冬陰功湯，蝦醬炒通菜，椰青。食咁多，2個人食，每人都只係大約170左右。 超級經濟實惠。沙爹雞好嫩滑， 附上兩個醬汁。沙嗲醬偏甜，有花生碎喺入面。另一個係豉油加辣椒，對只能食bb辣嘅人嚟講，太辣了。 醬汁各有特色。 首選菜式!巴東牛肉什錦飯，色彩繽紛， 鍾意佢每樣都有啲 ， 啱曬貪心嘅我，可以每樣都試少少。牛肉顏色偏深，但食落去唔算辣，有淡淡香料味。 最辣竟然係小魚仔同花生， 另外有兩小碟似係印尼式咖哩， 幾有風味， 不妨一試。青木瓜牛油果沙律，不得了，點敢多餸樣入面，最辣竟然係呢樣。真係估唔到。幸好濃郁嘅牛油果可以中和木瓜絲嘅辣度。 食下食下，其實有幾開胃。第一次試印尼式的冬陰功湯， 有泰式冬陰功湯嘅 椰香味，但沒有他們的辣味， 海鮮都算多及鮮嫩，仲有一隻青口。 都只係32蚊一份咋，超值。蝦醬炒通菜，不過不失。似我哋中式小炒，都係好美。冰凍椰青，解辣一流!

放假嘅親子活動就係陪阿囡去中央圖書館睇書, 做左成日書僮超倦, 行去糖街搭小巴番屋企, 等緊車嗰陣阿囡話不如食埋飯先番屋企, 指住後面間印尼餐廳Kampoeng話雪櫃入面D糕點好吸引, 見佢口水都流唒, 就同佢落basement坐低慢慢食。望住個餐牌, 唔覺唔覺連我個肚都打鼓!! 點左海南雞飯, 燒醬雞飯, 加$25蚊轉椰青飲。 阿囡好開心海南雞飯上左隻雞脾, 雞脾肉好嫩好滑, 配紅米混飯, 有3款醬汁, 見阿囡瘋狂點甜酸汁成碟清唒好滋味咁; 仲嫌未夠喉, 起唒成個椰青肉黎食, 笑到我流眼水, 平時又唔見咁捧阿媽場。

今日想同個friend過黎食好野，就選擇咗呢間餐廳。這裡原來好像係食印尼菜的，餐廳環境挺好的，裝修精緻，座位也比較寬敞。醬菜蛋豆腐將豆腐炸後再混入蛋，加入秘製的醬汁，吃起來帶有甜味，味道好新穎，真係第一次食。海南雞皮好滑嫩，非常有驚喜，餐廳另外配備三種不同的醬汁，包括黑醬油、酸辣醬、薑蓉，和海南雞一起吃都很配非常好味！香脆炸雞，係一隻大雞脾！好嘅地方係佢有比手套架！口感好香脆再配埋個醬甜酸醬好正！整體賣相和味道都係滿分！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

黎到銅鑼灣食乜好........無意中發現一間落樓梯既餐廳..........平時太趕時間....都冇細心留意........估唔到別有洞天.....！發現一間泰式印尼餐館....！有好多特別嘅菜式.......！沙律......醬汁好有味道喔...！炒芥蘭.....份量好足夠....！👍🏻👍🏻👍🏻炸鰂魚....好特別....！外脆內嫩...👍🏻沙爹串燒.....好飽喔...........！夏天最適合不過....👍🏻

行銅鑼灣經過呢間印尼菜店 見d野幾岩食 就入左去 但其實食落又幾似泰菜 haha 泰菜印尼菜 傻傻分不清楚 😂香茅雞翼 - 炸到熱辣辣好脆好juicy 香茅味重青咖喱軟殼蟹 - 本身已經會跟一塊手抓餅 再另外加多左塊 夠香鬆脆 點咖喱汁一流 軟殼蟹都係新鮮炸起好juciy香脆青口炒金邊粉 - 可揀辣/唔辣 我本身食得辣都覺得辣 唔食得辣既人要注意 炒得都幾香既馬拉盞炒芥蘭 - 炒得幾野味 如果配多碗飯就正喇青檸梳打 - 味道正常凍檸茶 - 茶底唔係港式檸茶底 但都ok

難得星期五放假，看阿拉丁前先到銅鑼灣吃午飯。平常吃飯多選中、西、日和韓式，這次朋友帶我去試這印尼餐廳。餐廳位於糖街，維園附近，因在地庫關係，我一直沒有留意到這餐廳。餐廳環境舒適，餐枱上還有小蠟燭，很寫意呢！我們點了二人餐。首先是加多加多沙律，醬汁有花生香，一點點甜，料理豐富，有豆腐乾、雞蛋、薯仔、豆角、通菜，還有脆口蝦片鋪面。沙爹雞肉、牛肉串燒各有兩串，燒得微焦，雞肉爽滑，牛肉juicy有咬口，沾上沙爹醬汁香濃又惹味。巴東牛肉牛肉很好吃，牛肉煮得鬆化，一點都不乾，應該是用上坑腩的部分，牛肉連著一點點煙韌啫喱狀的牛筋，口感很好，沾上那特別的醬汁，很香濃帶一點辣，很惹味，好吃。重口味人士一定喜歡。雜菌炒金邊粉炒得很香有鑊氣，有各式菇菌、蛋絲，還有很多芽菜，十分爽口。金絲粉不會疊著一束束，根根分明，軟硬度適中，而且入味。我們另外加了$28點了馬拉盞炒通菜。通菜十分爽脆，馬拉盞惹味，大大盤我們都吃清光。最後，歎完凍檸檬茶和凍咖啡，我們都滿足地離開準備去看戲。

想喺銅鑼灣食平價,抵食,份量又大,性價比高嘅餐廳, 可以考慮正間印尼餐廳. 晚巿餐牌種類很多，。套餐還包括湯 主食， 菜和飲品等等。先樉了個冬陰公湯， 又熱又辛辣， 為呢個落雨天驅寒，仲飲到入面有好強嘅椰子奶味。之後上來了炸嘢拼盤， 有春卷，有蝦餅，有生蠔，炸到香脆有熱辣辣，配上泰式辣醬簡直一流。再來了一個炒金邊粉，有點像是港式嘅乾炒牛河飲有芽菜，有洋蔥，蛋，小油但好香口。跟住再有一個馬拉盞炒通菜，通菜好新鮮，食落去颯颯下好滋味。跟住叫咗個牛油果沙律， 有牛油果，沙律菜，青瓜， 蘿蔔絲再加洋蔥絲，睇落去色香味俱全，因為有小辣椒，很野味。海南雞好大碟，雞滑，連埋皮同特色漿色，價錢加味道，性價比好高。最後值得一提嘅係超抵食，勁大個的椰子。食完之後，再挖埋啲肉食。椰子肉甜軟，夏天黎講真係透心涼。

話說最近都只係不斷食西餐 好耐都無食下d重口味既食物 今日男朋友早收工 就帶左佢去銅鑼灣到食印尼菜啦呢間餐廳係地庫 入面上唔到網 就可以同另一半放低個電話 好好享受呢一餐飯我地2個都好肚餓 叫左個巴東牛肉配黃薑飯 燒魚 印尼炒粿條 馬拉炒通菜 仲有一杯青檸梳打值得一提係食物上菜好快 巴東牛肉好香濃 唔會死咸之餘仲好有牛味又夠淋 印尼炒粿條大大份 2個人食已經好夠飽 而個炒通菜仲抵食 個份量係外面普通餐廳既2倍有多 食到飽飽地飲返杯青檸梳打就一解油利感啦

平時較少食印尼嘢，今日放工往銅鑼灣皇室堡，附近糖街有間Kampoeng，在銅鑼灣商業大厦地庫，裝修具東南亞風味，主打印尼菜。春卷炸得很脆口，又唔太油腻，素菜饀料幾清新。馬拉盞炒雜菜有椰菜花，西蘭花，芽菜，芥蘭和椰菜，配合馬拉盞嘅咸香，清淡新鲜又健康。半隻海南雞份量十足，雞肉嫩滑有雞味，油香感豐富，配合薑蓉，醬油和雞醬三種調味，各適其式。軟殼蟹炒金邊粉口感似港式豉油皇炒河，呢啲偏向淡香而唔太油腻，軟殼蟹幾香脆。印尼炒飯炒得好夠鑊氣，雞肉粒蝦乾粒咸香惹味，飯粒夠香夠乾身，令人回味。

今天與朋友在附近放工，所以來到了這間餐廳試試。我們8點來到，未算太多人。我們先點了一份青木瓜牛油果沙律。沙律菜十分新鮮，牛油果很香。我們點了一份東南亞風味二人套餐。當中有冬陰公湯。 冬陰公湯每人一碗，濃郁得來有點辣，十分開胃。另外還有雜錦拼盤，包括吉列炸蠔、炸蝦餅、春卷生菜包，炸得十分香脆。再來了半隻海南雞半隻。海南雞肉質鮮嫩和很滑。而且有雞比位和雞翼，我最喜愛的兩個部位。雞皮也不厚也不肥。點上三種不同的醬汁，十分美味。鮮雜菌炒金邊，不知為何變了炒河粉。但十分大碟，又夠鑊氣。蝦醬炒通菜十分大碟，蝦醬炒出來又不會鹹。我們再點了酥炸軟殼蟹。軟殼蟹炸得很香脆，十分喜歡。我們又點了椰青。椰青十分清甜，而且夠凍，十分解喝。最後我忍不住喝了兩個椰青。今天真的很滿足，想不到印尼菜也這樣出色。很喜歡這間餐廳，下次會再來試試其他東西。

維園附近，經常有不少菲傭逗留，有時多人到看不到此餐廳。加多加多沙律，之前都在其他印尼定還是馬拉式的餐廳見過，原來，有點兒好像串燒醬放在底下，然後可以點蝦片，或是青瓜，或是芽菜等等配料，甜甜的，少許辣，少許肉醬的感覺，味道不錯。小食拼盤，仲有炸蠔，以及炸蝦餅，旁邊亦都有炸蝦片，並且會提供泰式辣醬。這個二人餐，原來份量極之多，隶友人叫我選擇要巴東牛肉定還是要海南雞，結果就點了海南雞。但是，什麼來到之後，非常失望，因為海南雞的賣相極差，好像沒有什麼油水，而且海南雞都完全沒有去骨，除了雞翼之外，其他的部份都是有骨的雞，味道非常清淡。炒通菜，內裏亦都有些炸洋蔥定還是炸蝦米粒粒，亦是口感豐富，通菜都不會吃到油太油，也不錯的。另外有一個選項，就選了炒飯，炒飯炒得不算太乾，有輕微鑊氣，而且炒飯入邊都有些趣的洋蔥粒粒，增添了口感。外加的串燒，反而味道普通，不值再吃回想起來，的確強勁，二人餐有整整5/6道菜式，還有兩杯熱飲，當然可以揀選特飲。兩個人竟然可以吃到這個二人餐那麼多的份量，真是佩服。我們點了兩杯熱咖啡，味道好像淡化了的越式咖啡，也是有種東南亞咖啡那種香料味道。位處於地底的餐廳，因此手機訊號難免會

其實除了營多撈麵，我真的不太認識印尼菜，到底有什麼菜式？之前剛好和朋友去銅鑼灣逛街，找到一間印尼菜餐廳，大開眼界。我們去的時候是中午時段，可以選擇午市套餐，以銅鑼灣來說，價格十分實惠。我點了印尼巴東牛肉雜錦飯($68)，裏面是白飯和很多款色彩繽紛的小菜：巴東牛肉很嫩、微辣；白色的是用椰汁煮過的瓜類；黃色那個頗辣的，裏面有豆卜；有個顏色很紅的菜瓜類，吃不出來是什麼，但超級辣；另外還有蝦餅和青椒炒豆角。好吃，很豐富，但真的很辣。朋友點了印尼特色炒飯($68)，炒飯看似豉油炒飯，顏色很深，但吃下去挺惹味，而且也是有點辣。套餐包含一杯熱飲，朋友加了$12升級為青檸梳打，我則加了$25升級為椰青。原來這裏的特飲和普遍的東南亞餐廳特飲都差不多，都是超解渴的那些飲品。最後，我們還另點了一份甜品，叫香蕉珍多啫喱刨冰($35)，也是色彩斑斕，很美。裏面沒有香蕉，但冰的味道帶香蕉味，挺甜的。總括來說，我挺滿意，因為我和朋友都吃辣，可以好好享受，但如果你不吃辣，我就不太建議你試了。