Kampoeng

营业中

休息中

路過見門面counter整齊地放滿各式糕點，外形已吸引，每款糕點均寫上中文介紹，忍不住買了3款。超級好吃，有口感，饀料夠香，不太甜，本人勁推介！我住大埔，少去香港島，但我將會為了買此處的糕點，而特登前往。So delicious！

從朋友口中得知銅鑼灣糖街地庫有間隱世印尼菜，今日便前往一試。餐廳門口設有售賣地道印尼小食和飲品的攤檔，店內環境舒適，更設有特色小茶檔。餐牌的選擇頗多，可以跟餐或散叫。雞肉串燒的雞肉爽滑，有焦香，配合沙嗲醬吃惹味又香濃。巴東牛肉飯，牛肉是坑腩的位置，帶一點牛筋，入口鬆化。盤碟的配菜也很豐富，有椰汁雜菜、香辣小魚乾和薯仔，配飯一流。馬拉盞炒通菜，通菜新鮮爽脆，馬拉盞香濃，有鑊氣。香葉烤魚的魚肉嫩滑，魚肉上的配料香辣醒胃。飲品點了椰青和熱薑蜜。椰青水新鮮清甜，想不到熱薑蜜很有驚喜，用上花蜜和新鮮的薑絲，味道有層次。Kampoeng不論是環境和食物質素，都很值得推薦。

香港多元文化匯聚，屬於難得的一個能品嚐各國美食的小小城市。這日，又想為味道尋求新衝擊，於是找到了銅鑼灣這間印尼餐廳。向街的店面有個小食櫃檯，可供遊人選購。後面有一道樓梯落地庫，一下去就進入了異國一般，充滿濃厚的印尼村特色。坐下點餐，因已過了中午繁忙時間，比較寧靜舒適，店面很大，後來看過這店可以包場辨派對。餐牌厚重，食品多元，中英雙語，且圖文並荗，十分吸引。有特色風味飯，另有炒飯可選擇辣度，歡迎向店員查詢。餐廳印尼沙律、粉麵、叻沙、小食及飯類等都一應俱全，更有甜品刨冰！特色飲品亦相當多種類，琳瑯滿目。利賓納紅毛丹　$29筆者率先點了杯利賓納紅毛丹，外面未試過，利賓納味較重，但帶有紅毛丹的清香味，紅毛丹果肉大大粒，很鮮甜。印尼村特色炒飯　$78印尼村特色炒飯，充滿風土味，家中的印尼姐姐有教筆者，蝦片可以送飯，這日一試，果然不錯！印尼炒飯不會太乾身，飯中好像是有菇類和大大粒切丁的雞肉，十分惹味。炒飯筆者點了不辣，但也許微辣更香。炸雞卷（3件）　$45雞卷炸得很香口，又不會感到太熱氣，味道像沙律卷，十分開胃，筆者很喜歡！每件雞卷都份量十足，細吃的ＯＬ可能一碟小食已夠飽。

今日經過銅鑼灣.就約個朋友去食印尼菜😋餐館係地糖街地牢,門面吾大.但地牢下既空間都幾大,環境亦好舒服😍餐館既午餐價算得上係性價比高既,我地分別叫左”日式燒秋刀魚配牛仔骨”同“煙鴨胸番紅花意大利飯跟燒牛脷”. 另加”熱薑蜜”同”珍多冰”我地叫完餐冇耐.店員好快就送上餐具同埋兩碗熱辣辣既羅宋湯小小酸辣,正好開胃,幾好👍印尼餐既特色係多數會有埋沙律菜,的沙律菜,食落都幾新鮮,同埋有好幾款吾同既菜混合,口感相當豐富👍朋友話佢個秋刀魚都煎得幾好.火喉岩岩好,吾會太燶.牛仔骨好好味,煮得夠淋,容易咀嚼又吾會肥膩😍我個煙鴨胸紅花意大利飯都幾特別,切細左既煙鴨胸肉混和左紅花同淋身既意大利飯一齊食,味道都幾夾,吾錯😍餐廳地方夠大,又位處銅鑼灣巿中心,不過,因為吾係好多人知道,所以,平時人吾多,想靜地,👍舒舒服服地食餐飯,傾下計既話.都係吾錯既選擇

雖然香港係美食天堂，但咁大個女都未食過印尼菜，決定試下佢！呢間餐廳係銅鑼灣，平時附近都好多印傭聚集，但今日係平日所以就清靜好多。餐廳位於地庫，環境好大，裝修都有當地嘅特色～原個菠蘿炒飯賣相好好睇，有好多海鮮，足料👍🏻旁邊仲有啲炸蝦片，童年嘅回憶，好食～個黃薑飯炒得幾乾身，大蝦爽口，如果多啲菠蘿就更加好啦！馬拉盞炒通菜大大碟，好抵食，而且幾惹味，又唔會太鹹😋雞肉串燒我最鍾意！肉質意外地嫩滑，而且仲好juicy！唔會燒得太燶，就算唔點醬就好食，但點埋就更加正😍印尼菜初體驗，比到驚喜我！👍🏻

同老公睇完戲，銅鑼灣咁多野食，突然想食印尼野，老公話同事介紹過一間，即刻打比同事問下就去試。位置其實蠻方便，就在電車路附近。一入門口擺設了很多印尼東西，頓時充滿印尼感覺。餐牌，價錢以銅鑼灣地段來說不貴。巴東牛肉雜錦飯 - 有幾款配菜在旁邊，加上牛肉，可配撘出不同口味，必試!軟殼蟹手抓餅 - 軟殼蟹炸得很脆，配上咖哩汁，一口脆蟹，一口手抓餅，十分好吃。海鮮忌廉湯 - 奶油味很重，料亦夠多。炸鰂魚，辣醬另上 - 因為本人不能吃太辣，店員很好，替我們分開另上。整條魚炸得十分香脆，連骨也可以吃下去，份量亦算多! 以後要吃印尼野，唔使週圍搵!

銅鑼灣嚟講，可以搵到地方舒服，價錢唔貴既實在係少叫左椰青水係好飲，個煎爐魚比出面既好好味，確實係新鮮，點埋辣醬更加有驚喜。金邊粉味係可以，但唔算話好熱美中不足既係本身book左8:00，好多小食已經冇了，連部分既菠蘿炒飯，春卷都冇得叫。到8點半想再叫餸，待應話要閂門，除左海南雞都冇得再叫。確實係比較失望

朋友在附近上班 我倆亦未試過嘗試過印尼菜 就今晚吧先來點個椰汁海鮮忌廉湯，香茅金不換炒青口金邊粉，印尼特色醬燒爐魚，特色海南雞飯半隻湯很rich 不會水汪汪 海鮮份量多 十分足料朋友說炒雜菜很滋味 沒有想過炒菜都可這麼出色的 金邊粉濕度適中 青口很大隻 沒有腥味 旁邊的蝦片香到不行 喜歡的話 門口亦可購買 回去跟家人分享燒爐魚外皮很爽 醬汁特製 惹味非常 魚不會太多細骨 喜歡濃味的朋友 這個合適不過！ 口渴當然不可不喝椰青吧 爽海南雞肉嫩 另有三款醬汁供你選擇

日期：8月28日人數：3人話說有舊同事轉左去銅鑼灣返工，得閒當然就去銅鑼灣搵佢哋食lunch啦。銅鑼灣lunch time選擇極多，價錢亦都好平好抵食。今次同事就帶咗我去一家東南亞餐廳食飯吹水。餐廳有好多選擇，主要都係東南亞菜，包括海南雞飯，肉骨茶、印尼雜錦飯等等。而平日係有是日套餐，我哋去嗰日係星期三，我就叫左當日嘅青咖喱雞肉飯。套餐有附送例湯同埋一杯熱飲。成個餐先$45 ，仲抵食過連鎖快餐店。青咖喱汁好好味，好送得飯。雞肉因為吸收左濃郁嘅青咖喱汁，都整得好好食。飯上面仲有一隻煎蛋，仲有啲配菜伴碟。例湯係青紅蘿蔔湯，反而有啲頹，當濕下口。同事叫的印尼雜錦椰汁飯睇落都唔錯。餐廳地點方便，落巴士之後一行入糖街就到。係喺左手邊啲東南亞鋪頭其中一間嘅地庫，落咗去地方好大，平日午飯時間人唔多，所以環境比較靜，適合傾計。

今日同朋友係銅鑼灣晚餐，朋友揀左一間係糖街既印尼餐廳KAMPOENG，話之前食過味道正宗惹味餐廳坐位舒適，環境清靜散點有很多東南亞美食選擇，亦有兩款套餐，套餐性價比高，抵食所以我地揀左二人套餐加了各$25轉椰青及紅毛丹冰椰青超級清甜，極度推薦冬蔭公湯酸味較重，少少辣，非常開胃蝦醬炒通菜份量非常大碟雜錦拼盤蝦片非常脆口，一定要盡快食，否則放耐左會淋蝦餅偏薄身，但十分彈牙及有蝦味海南雞半隻肉質嫩滑，半隻黎講都幾多，而且啖啖肉印尼炒飯炒得粒粒分明，惹味可口二人餐份量絕對夠食得飽飽

嘩好耐無幫襯呢間東南亞菜館了，今天再過銅鑼灣幫襯他，他的位置在維園球場旁的糖街，這間名叫「Kampoeng 」東南亞菜館，門面很簡單樸素，其實他是間地庫的店鋪落到去便見到他很簡單柔和的裝修放心他的餐牌有中英對照今次叫來了幾個惹味的小菜巴東牛肉煮得很香濃，食落有小小辣，鹹味也很適中，不會只有鹹的感覺，肉也煮得很軟熟,不會很淋，味也平均不會蓋過牛肉味串燒分別沙爹雞沭雞肉嫩滑不油@沙爹羊也不會帶有騷味，肉汁也很軟熟，兩者都有點點味濃的賣相，再加上他的沙茶醬需微微偏甜但10分之惹味另配上黃薑飯個人比較喜歡酥炸黃立鯧，烤魚表面微焦，肉裡肉剛熟而非常滑嫩，再配上餐廳自己製作辣汁配合正全部都係肉梗係要叫返個炒通菜啦，內裏有炸蝦米粒使口感加豐富，通菜炒得很爽脆又不油飲品也是一個不少得的，分別有利賓納雜果濱治和？鮮芒果涼粉雜果珍多冰

The waitress has the worse attitude. Firstly, she forced us to order more than what we wanted to eat. Then she forced us to leave an hour before closing. Food quality was very poor as well. We will never come back ever again. Highly NOT recommended

打完風嘅天氣都係唔穩定，經常落雨，今日要往銅鑼灣工作，放工和先生在崇光附近嘅Kampoeng食番個晚餐，食店位於地牢，主打東南亞菜，木質藤類傢俬裝修，好有樸實風味。海南雞半隻碟頭十足，雞肉嫩滑有雞味，咸味又啱啱好，點埋羌蓉，雞醬等醬料，更加惹味。炒芥蘭有鑊氣又大碟，爽脆嫩綠，咸香醬汁好啱味。粟米餅炸得夠鬆脆，熱辣甘香，粟米饀料豐富，幾醒胃嘅小食。印尼炒飯好好食，炒飯很有鑊氣，粒粒炒得熱香，雞肉粒咸度適中，真係要食多碗。巴東牛肉飯很惹味，牛肉軟滑入味，又有甘筍豆角等新鲜配菜，白飯軟滑熱暖，幾啱食嘅風味菜。

今日心血來潮想食東南亞菜式，喺糖街附近就見到呢間Kampoeng,見到Menu上面又有炸蝦餅，春卷，冬陰功湯，金邊粉同各式各樣嘅炒飯，樣樣都好想食呀，所以入座了。時間尚早，沒有太多人，店內環境好舒適寬敞，不會好擠迫，仲有免費wifi提供呀。因為同朋友選擇不一，最後選了二人餐。個湯味道挺好，如果熱辣辣會更好味。拼盤好有驚喜喎，雖然蝦餅係薄咗啲，但係好有鮮蝦味，炸蠔係超級好食，好肥美鮮甜呀。海南雞都幾大碟，肉質都幾新鮮滑嫩。真係要大讚印尼炒飯，好好食呀，調味剛剛好，不會過咸，炒飯粒粒分明👍🏻蝦醬通菜都不錯，還可以加辣，成碟菜都很惹味，菜爽脆👍🏻$328呢個價錢，無論係位置同份量都合理，我們都食到好飽， 臨走前見到隔離枱叫咗個菠蘿炒飯，真係好大碟呀，下次會再來一試🤭。

同老公去銅鑼灣買嘢，他如常臨走一定去Kampoeng買蝦片，在店門口老公想起之前食的燒魚，非常美味。於是我們就這入座食晚餐。印尼醬燒魚(甜醬)：魚燒烤至微蕉，表面香脆可口，肉質鮮嫩，配以甜醬更添美味，的確能令人食過返尋味。香茅金不換炒青口金邊粉：加入香茅金不换炒的青口有特別的香味，金邊粉炒得有點濕，味道甜中帶微酸。海南雞半隻：皮爽肉嫩，皮下脂肪不多，配以薑蓉、甜麵醬、酸辣醬，一隻可以以到三種味道，每種口味都不錯。印尼炒麵：炒得香口又夠味，重好夠穫氣，麵彈牙不會太油膩。汽水配有冰底，特别冰凍解喝