JK Brother's (已搬遷) 新店位置

呢幾日忽然好想食炸雞，或者日本串燒之類，上網搵搵，睇到呢間位於觀塘工廠區的韓式食店，就過去試下D炸雞。看到牆上掛著三款炸雞的海布(蜜糖牛油、芝士、柚子蜜炸雞)，最後點了柚子蜜炸雞(跟薯條一客)。本來在想，一個人又不太肚餓，點半隻炸雞，還跟一客薯條是否有點過份？已作好可能有部份食物要打包拿走的準備，結果越吃越開胃，全部吃光光。雞炸得唔錯、冇炸過龍、肉嫩feel，調味OK唔會太重手，配上柚子蜜感覺比較清新，不會有太多油膩感，很合夏天吃。半隻雞(跟一客薯條)的價錢+份量+食物水準一起黎計=至少及格以上。

同朋友行行吓街，心血來潮想食清酒煮蜆，當然第一時間諗起J K Brothers ，因為佢個“真露煮大蜆”真係無得頂㗎！二話不說梗係上Openrice睇睇，19:00仲可以book到19:15，仲有95折，即book。上到去剛剛好七點三，得兩枱人，呢度客人主打後生仔(可能因為都算平啩……)😅後來差不多坐滿。一坐低就聽到朋友話：“只要有芝士就乜都得啦”，所以叫咗個“溶岩芝士……咩炒飯”，大蜆就梗係要食啦，想叫埋炸雞又怕食唔晒，為咗懶係健康要食菜，就叫咗炸雞沙律。全部嘢都好味道，不過……個場實在係太嘈啦！😣😣係好嘈！爆炸嘈同嘈到爆炸！😖😖因為全部傢俬都係硬嘢(啲櫈真係唔好坐……😒)，完全唔吸音，啲年輕人又成日無端端We wa 鬼叫(係癲到呢一邊怪叫一聲，另一邊會回應一聲，癲㗎！點解可以咁無品？？咁無公德心？？😥😖😣)所以實在頂唔順😥，一食飽就即走……😒☹

今天是星期六，我和另一半都要上半天工作，下班打算一同去上次未能去的JK Brother's吃過豐富午餐，我又預先當天一個小時前訂了位我們早了些來, 可能是星期六的原故, 餐廳人不多, 服務員安排了我們很寬闊的座位。我們看看Menu, 很多很多都想試，結果我們考慮了十五分鐘才下單先上來的是凍熱朱古力, 我覺得好合我們心水, 第一不會太甜，第二價錢合理($12熱朱古力 $15凍朱古力)然後我點的流心玉子雞扒泡菜石鍋飯來到了, 我個人很喜歡吃石鍋飯, 所以我滿懷期望，果然没令我失望，而我覺得流心蛋和芝麻是最值得給個讚, 而且份量不少呢另一半點的鐵板野牛漢堡伴岩漿炒飯，另一半非常喜歡這個炒飯，味道很開胃, 我自己覺得很不錯，而漢堡亦很鬆軟，不像快餐店吃到的, 當然價錢很抵食！在我們享受之中, 來了我們非常期待的.....芝士玉子燒, 服務員溫馨提醒我們要盡快吃, 然後另一半溫柔的切開五份, 想不到一切, 芝士就湧住流出來，我們馬上品嘗，玉子燒的面藏住熱騰騰的芝士, 相信喜歡這兩様的食家也會同我們感受一樣總括這餐我們非常滿意，不知道我們下次來會品嘗什麼美食呢？

這間主打食炸雞，我對炸物沒興趣，不過還有其他韓式料理，還有烤肉。今次2人不是勁勁食，我們只叫了豆腐沙律和五花腩烤肉。豆腐的清淡加了蟹子和千島醬配搭剛好。五花腩附了很多蔬菜，加埋醬汁和芝士一起炒，味道夠又不辣，如想辣點可追加泡菜，我哋追加了拉麵，好味。這裏服務不錯，有禮。如果要煎煮的都有專人現煮，等食就得啦！用埋openrice訂位有95折，埋單$202

朋友介紹我來試，佢話又好食又抵食，我終於試到喇，佢個PIZZA 真係好過分，過分到呢，咁平咁大個，仲要味道加口感，整個配搭簡直是無得彈，好好味，比張相大家睇下啦我都好少比評價，真係值得一讚菜式既味道，同埋佢個泡菜係自己整架，唔會太辣，岩晒香港人口味另外有一個芝士烤香蔥雞串燒，抵食夾大件，不過如果再加多少少芝士更好，味道都係一百分其實我同朋友點左好多款野食，飲品都係抵飲，樣靚又好飲這個泡菜爆炒芝士豚肉，有專人一直幫我地炒，火氣十足，不過我就唔太食辣，其他朋友食到今唔到口，不錯，夠大份果下正

因上次試過呢間餐廳d野食唔錯，所以突登搵埋朋友黎試下。事緣是早前呢間餐廳攪左個Facebook 送午餐活動，咁我就like左呢間餐廳的fan page,之後近排佢地推近菜式炸雞，都是我最喜歡，咁當然要黎試試。到場發現佢地客人愈來愈多，可能係宣傳功效啦。好彩都唔洗等位，點了芝士雞，明洞pizza，步隊鍋，還有一杯特飲。炸雞是預期的好，pizza都好足料，呢間餐廳勝在價錢平，但希望日後都保持到就好，幾十蚊一個菜，晚餐黎講都算差唔多。

今天來這裡食個Quick Lunch。Lunch menu上四款均$70有找，送章魚小丸子2粒。有一款叫可惜我是雙魚座，一問之下原來是三文魚拼吞拿魚刺身飯，不過見可以$9加三文魚2片就冇叫到了。最後點了海賊鳥羽辛辣麵。辛辣麵先上，有3隻雞翼，然後見到個辛辣麵係煮都冇煮，成個麵餅就咁掉落去搵湯浸住就算 (見圖) 要自己搵筷子整鬆個麵，連個湯都唔夠熱又唔夠辣，唔係好整得開個麵餅嚕。其實連最簡單嘅麵都懶得煮又煮唔好嘅時候，係咪真係有資格將佢擺落menu賣成$56呢？章魚小丸子係凍嘅，味道不過不失。2塊三文魚刺身好薄好瘦，完全覺得連$9都俾多了。服務態度係友善，唔會話黑哂面，值得一讚。由於佢係open kitchen，所以一入去就好大油煙味，坐一陣就覺得自己成陣味，聞住食野有點反胃。諗返轉頭覺得自己叫個屋企都煮得好過佢嘅雞翼辛辣麵好蠢 唔知第d野食點啦… 但個煮都唔煮嘅麵加埋陣油煙味，對我黎講冇下次。

難得聽日放假，又唔洗ot 🤦🏻‍♂️緊係搵下公司附近有咩新餐廳試下 😋😋搵左陣，就搵到依間餐廳見佢開左沒幾耐，決定放膽一試PS: 位置有少少遠，就快行到海旁因為聽日係紅日，驚多人，就book 左位八點上到去，發現其實好多位，可能係因為新餐廳，沒人知掛 😆坐低打開個menu發覺其實選擇唔算多所以好快都簡好食咩lu 🙋🏻‍♂️燈燈燈燈，鐵板炒雜菜野食黎到，我哇左一聲，好大份價錢唔貴，份量十足，抵我最鍾意佢超多木魚 😍😍😍😍豚肉炒年糕，不過不失唔會話剩係得年糕沒肉。不過我略嫌果道太濃，哈 🙄最後係主角！！果酷醬烤雞，又係大大份而且依家食超抵原價168，依家試食價68味道唔係特別好芝士太硬，唔creamy不過用價錢角度睇係可以接受而且，有專人幫你去卷芝士同雞最後黎個總結啦用價錢去衡量，值得推介韓國餐廳黎講，叫平 😆

愈是邪惡的食物，就愈令人難以抗拒收工後就搵到依間係工廈既新韓食， 雖然今日係假期前夕，但8:00黎到都仲有好多位。果醋醬烤雞~~🍗果醋醬甜絲絲粘滿雞表面，食落酸甜，仲有專人炒雞包芝士，雖然唔係靚仔oppa ，但總算貼心。但要趁熱食，因為芝士好快變硬。鐵板炒雜菜～🥗香甜炒雜菜，份量比一般餐廳多， 菜上有大量木魚， 賣相十足豚肉辣炒年糕～～味道不算特別出色，有豬肉片同葱花，鍾意辣味既你可以一試

本人好少食韓國野，今日朋友話想食，所以黎到觀塘一工廈入麵食韓菜。先講環境都幾舒服，唔會坐得好逼。首先觀察下隔離枱食乜先😂，我見到好多食客都點炸雞，唔好執輸點半隻蜜糖牛油炸雞試試看，皮脆肉嫩，甜甜地帶點牛油香，幾好食。店長推介流心芝士千層黑豚當然係必食啦，我朋友就係比呢個廣告吸引左上黎，切開真係好流～～～😍，喜歡芝士嘅朋友一定要試！又一芝士推介芝士溶岩蛋漿炒飯，有圖有真相，見到拉起嘅芝士絲已經流曬口水了🤤。仲有我地成班朋友都覺得燒牛肋骨好好味，搞到食完一份唔夠喉再要encore多一份先得😂。朋友就最鐘意真露煮大蜆，我本身唔係咁鐘意食蜆，但試左兩隻都覺得蜆隻幾鮮甜嘅，反而我更喜歡個真露湯底，夾埋啲菜食好入味，好香楜椒味😋😋😋，真材實料👍，食左啲熱氣野可以食下啲新鮮清清地嘅野中和下都幾好😌，好驚喜，冇諗過可以咁出色。

又係時候搵新餐廳去食嘅時候啦，今日見到有兩間餐廳係之前未食過嘅，一間係中式嘅小菜餐廳，另外一間係新開嘅韓式餐廳。咁當我想打個電話問下間中式餐廳午餐會唔會有小菜嘅時候，竟然發現間餐廳暫停營業，所以就去試一試間韓國餐廳。一點半嘅時候去到個場都幾爆，我前面仲有一台大概七個人嘅喺度等緊位。我地就無等左5分鐘左右，等緊嘅時候發現有啲客喺度等咗好耐都未有得食，有少少嘈，向侍應追緊嘢食。所以都有d擔心要等好耐。一心就諗住嚟食佢最吸引嘅步兵鍋，即係韓式嘅部隊鍋，一人有一個，仲有一個火爐哄住，好似好吸引咁，但係當我地坐低嘅時候已經話啱啱賣晒，真係好失望。我就唯有食石鍋飯，等左差唔多五至8分鐘左右，就已經有得食。但係好奇怪地食落去嗰啖飯係暖嘅。。我哋摸落個石鍋嗰度，個石鍋竟然係一啲都唔燙手，所以佢就要求拒整番熱。再等都差唔多要10分鐘先至攞得返出嚟，食今次真係熱辣辣，攞出嚟個石鍋都出煙，而且就真係有飯焦啦，但係得等候時間長。我食嘅係豚肉石鍋飯，佢肉嘅份量都幾多，係薄切片，但口感略鞋。仲會有泡菜同埋韭菜做配菜，鍾意食淡味嘅而家食咗啱啱好，但我鍾意食濃少少，就要再加多少少韓式辣醬撈埋先好食。另外我同事叫咗一個

小學同學聚會~ 同學仔介紹觀塘有新開嘅餐廳，食日韓野，地點係觀塘上樓嘅一間工廈。今晚7:30到達，入面已有5枱客人，呢度環境都幾好，地方夠大而且乾淨，啲位好濶落，令人感覺好舒服，係度聚會傾偈一流。粉紅珍珠 (荔枝特飲) $68/瓶 – 呢度款款特飲，顏色都好靚。呢杯紅紅橙橙，望落已好醒神，飲落唔太甜，有淡淡荔枝味，好香好清新。自家制芝士蛋卷 $46 – 蛋卷面層係沙律醬。切開蛋卷，入面芝士已流出黎。蛋卷煮得啱啱好，仲有蛋汁，加埋半溶嘅芝士，芝士味道香濃，啱晒芝士控嘅我。芝士果醋醬烤雞 $68 – 做緊限定價，份量都算多。盤內裝住烤雞，芝士同年糕，再用爐慢慢將芝士整熱至半溶。果醋醬烤雞微辣，再配上香濃芝士，口感好豐富，好好食。麵豉豬軟骨伴岩漿炒飯 $68 - 麵豉湯就飲得多，麵豉豬軟骨真係未食過。豬軟骨整得好入味，兩樣野好夾。炒飯亦炒得好乾身，味道都OK，但比起前兩樣，就唔係太突出。之前從未試過係工廈食飯，因為一直感覺麻麻。但經過今次，我完全改觀。 雖然餐廳係工廈樓上，但今晚到8:30已經滿座，証明呢間餐廳質數唔錯，回頭率好高

依期潮流韓風，今日lunch time走左去試下公司附近新開既韓式餐廳先。試左個濟州鯖魚定食，份量比出面食既大份啲，幾鮮味。仲有熱柚子蜜唔駛加錢，價錢都唔算貴。同事試左個流心芝士千層黑豚定食，熱辣辣啲芝士溶哂係塊豚肉到，好味呀 值得一試呀。佢鋪頭仲有個芝士果醋醬烤雞，見佢而家做緊限定價68蚊，下次一定要叫依個黍食先得。總括黍講 依間新野可以一星期黍食一兩次既，鍾意食既朋友仔都可以黍試試啦！聽個待應講好似黍緊有野推出tim🤓

哈哈，咁快又黎第二次，約朋友食飯想近近地就諗起呢間餐廳喇，貪佢坐得舒服嘛，啱曬傾計😝。呢度食物好多完化，花多眼亂，對於我地呢啲有選擇困難症嘅人黎講確係有點苦腦嘅，最後唯有叫店員推介啦！佢地推介左「芝士果醋醬烤雞」又真係幾好味喎，店員親自幫我地燒又教我地等底下啲芝士燒熔左再撈埋同雞一齊食，芝士口感煙韌，雞肉甜甜地少少辣，又唔會好漏，我好鐘意😋。今次兩個人叫左三樣野食，食到飽飽每人都係一百蚊多啲都幾抵食👍

午歺要食步隊鍋真不容易，終於有一人份量$58,好豐富好飽，會再去試其他菜式，招呼，將裝修都合格，走時才看到有折扣卷，雖然只是$10，但店員同我們講聲，感覺更佳，下次會試探吓，韓式小食拼盆，好睇，可能太飽，食唔晒，我們4人，點了3個步兵鍋一個拼盤