影片
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
相关文章
朋友买咗杜拜朱古力开心果脆脆蛋糕，睇相呃到人，蛋糕沿边黏满开心果碎，以为开心果味好澎湃。希望越大，失望越大，切蛋糕时已预计唔系好得，蛋糕入面冇乜开心果元素。根据Italian Tomato(IT)的网站资料，呢款蛋糕有杜拜开心果朱古力夹心、朱古力海绵蛋糕、海绵蛋糕、开心果朱古力忌廉、开心果吉士忌廉、红桑子酱、开心果碎、开心果朱古力片、新鲜士多啤梨同蓝莓。首先，开心果碎唔脆；开心果吉士忌廉的开心果味非常单薄，冇果仁香，似食忌廉多啲。当食紧件蛋糕时，真系有少少想放弃，觉得浪费quota。最有印象系佢的朱古力海绵蛋糕同红桑子酱，呢2种口味「突」咗出嚟，不过唔「突出」！朱古力海绵蛋糕占咗呢个蛋糕好大部分，似坊间的忌廉蛋糕。红桑子酱带酸咪咪的味道，所以食得出、分得到，但同开心果配搭时就大缆都扯唔埋，味道唔夹。呢个蛋糕的尺寸系15cm，特价$268，以知名少少的连锁饼店嚟讲，索价唔高，但以呢个味道同质素，如果IT谂住食正开心果热潮而推出，就好难杀出重围，成为话题食品~就算系想平平哋试下开心果蛋糕，都唔推介，以免失望。
继续阅读
间中都会买件蛋糕奖励自己，因为生活真系需要多一点甜。平时好少食这间餐店的蛋糕，但在朋友强烈推介下，忍于住买了这款挞试试。一睇这件焦糖香蕉朱古力批 Caramel Banana Tart ($38)就知有多邪恶，一层厚厚的忌廉在挞面，还唧上香甜的焦糖酱，中间用焦糖忌廉包着新鲜香蕉，而底层就系厚厚的朱古力曲奇挞底。忌廉好香滑，而焦糖忌廉就更加甜美；朱古力曲奇挞底味道浓郁，可惜实硬咗少少；香蕉较生，唔香甜。这个配搭都真系几饱几漏，我就一般，但朋友就非常喜欢。
继续阅读