影片
终于等到内地超火嘅 Fufuland 登陆香港啦！今次专程过嚟朝圣～ 内地分店长期大排长龙，香港店暂时人流还好，而且做紧「买三送一」优惠，趁未爆红快啲拉埋朋友一齐试！ 主打生乳舒芙蕾＋限时优惠Fufuland嘅舒芙蕾外层微脆，内里松软绵密，口感轻盈得嚟又带微微空气感，配上冰凉嘅生乳馅，真系一绝！🧀 纽约芝士（超级推荐！）芝士控必食！馅料超浓郁，Cream Cheese嘅咸香同微酸平衡得好好，食完一整个都唔会腻，绝对系我今次嘅最爱！ 🍫 榛子朱古力一入口就谂起金莎！榛子酱香浓，朱古力味突出，加上脆脆嘅外皮，真系有种食紧高级版金莎嘅感觉～ 🐮 北海道牛乳经典口味稳阵之选，牛乳馅香甜滑溜，奶味浓郁，钟意简单纯粹味道嘅朋友会钟意！ 🌊 海盐Oreo咸甜交织，Oreo碎增加口感，海盐中和咗甜度，食落几有层次，不过个人觉得略甜，适合蚂蚁人～ 💡 小总结＋优惠TipsFufuland嘅舒芙蕾水准的确高，尤其系 纽约芝士 同 榛子朱古力，绝对值得回购！而家做紧 「买三送一」，平均每件$25左右，抵食好多～ 建议约埋朋友Share，一次过试多几款口味！
继续阅读