I's Land Cafe (已結業)

難得放假約好友午間小敍，大家都住在觀塘區，朋友提議去觀塘工業區 I's Land Cafe食tea，我哋約4時左右到達，客人不算太多，地方寬敞光猛，佈置綠油油，我哋叫左 all day breakfast 和卡邦尼意粉，all day breakfast 有黑松露炒蛋、牛仔腸、薯條和沙律等，炒蛋味濃蛋味香（份量略少），意粉彈牙醬汁濃郁好味。最後 order 甜品朱古力雪糕心太軟，即焗香甜好味，甜度適中。整體食物質素不錯，甜品有驚喜。

在觀塘個個都追追趕趕，想搵個地方休息下，我估最方便就係搵地方Tea 一 Tea, 當然腳底按摩都係另一選擇，不過是日勁肚餓，而駱駝漆大廈1座既係較小人，所以就“共”去望望。這Cafe 之前都有人介紹過，應該冇咩伏。入去叫了個set （因我見唔到另外既menu 🤣🤣🤣）。由於外面下大雨，飲杯暖野係需要的，叫左個 野莓洛神花茶，標榜抒緩經痛，呢日最啱r 。之後Tea Set 到... 登登登登有驚喜，d 小點係好精緻及新鮮，不過講真，叫得呢d set , 都係搏selfie ，扼like la ! 而呢個set 既三文治真心好食，沙律杯都好新鮮，又有外又有內，真是難得。

觀塘廠廈多嘢食都眾所周知，不過宣傳少店位置又隱世，多數靠朋友帶路先有機會食到，今日上咗去駝駱漆上面一家西餐廳一入到去已經俾環境吸睛，因為好舒服好寛敝(可能我lunch時間去又加上未係咁多人)，不過空間感十足我同朋友叫咗2個lunch sets，價錢都要$70以上，如果据扒更要成舊水，不過價錢唔重要，最緊要貴得值!先上餐湯(忌廉磨菇湯)同餐包(南瓜包)先講呢個南瓜包，真係好好味，仲要係暖暖哋，加上佢哋自製的JAM，酸酸甜甜好MATCH! 蘑菇湯真係有蘑菇碎粒，飲的時侯好有質感，稀濃度適中是日飲品每日都唔同，蘋果汁，但並非鮮榨日式雞扒飯配溫泉蛋，唔會好似吉野家咁罐頭FEEL，雞扒唔會好重雪味，配菜都新鮮好爽，最正當然係隻溫泉蛋，飯軟度適中，燒汁都好香，整體表現對比價錢OK!不得不講的這個主角 - 西冷扒，5成熟，一D血水都冇滲出嚟，唔會太熱暖暖地，一切開見到肉係粉紅色，食落好林好Juicy，佢有汁提供但係基本上落少少鹽都已經OK! 加上碗蔬菜沙律同伴菜翠玉瓜，食完好Fresh唔會好擠!

今日扶老攜幼去食午餐, 見周末全日有English Afternoon tea食, 就叫個雀籠來食下。幾個月前食過一次，發現食物品種有改變。。 還記得上次個紫薯蓉最吸引，但今次就淡味咗少少， 難道唔當造？! 今次跑出是吞拿魚麵包和芝麻芝士蛋糕。至於，海鮮意大利飯竟然淨係得一隻軟殼蟹，味道正常， 沒什麼驚喜。牛扒要7成熟，有點趙頭，較乾， 唯有點多d肉汁才吃。 今次畀沙律，薯角和配菜， 搶曬鏡!是日最吸睛，當然是個士多啤梨窩夫+兩個雪糕球， 窩夫焗得燶咗啲， 所以好脆口。連4杯飲品，2個羅宋湯， 餐包4片， $460，算抵!

Came here today with a friend to chill. The place was easy to find, as long as you know the location. It's a surprisingly big cafe with plenty of seats, so you definitely feel like you've more space and privacy. The interior is nicely decorated with wooden furniture and clean white walls. We ordered the tea set that came with savoury and sweet finger foods and added $28 for a pot of herbal tea. The items on the tea set were alright, they weren't amazing, but were just ok. Considering the price w

I's Land Cafe主打是Tea Set以雀籠既三層架，裝著糕點(三文治,沙律,芝士蛋糕...)但朋友想食主食多D,所以無叫決定叫左ALLDAY BREAKFASTS & SET LUNCHALLDAY BREAKFASTS 跟一杯飲品味道普普通通,唔咩特別我只提提個紫薯蓉,比較特別D,甜甜地LUNCH SET, SERVE WITH SOUP是日係蘑菇湯,西式既湯,味道唔錯西冷就7成熟,其實佢問都無問過我地朋友評價一般,唔太抵食甜品時間WAFFLE內有吉士配雪芭(+$10)有荔枝味同芒果味道唔太FRESH,太甜無左水果本身鮮甜,芒果正常最安全但食後覺得膠膠地既味好失望~$78+10都唔算平嫁今次比上次印象仲差多CP值低左...如果你想打卡OR傾計都可以去下一試對食物要求高既朋友就唔推介

這天離開了九龍灣手作展之後便和朋友們回到他們在觀塘的倉。大家也還沒有吃晚飯，但已經滿累～所以也不想花太多心思去想吃什麼才好於是最後朋友便提議這家他們也常吃的樓上Cafe！其實這家我之前也有吃過啊，不過就是吃下午茶喲～^^晚市套餐的話有2人套餐或是單人套餐。前者的話就是會多了一份小食和甜品吧～主食也有稍微的不同因為怕份量太多，所以我自己點了單人套餐～也有湯、主食和飲品喔！白湯的料還滿多，而且很濃郁！配兩塊香焗蒜蓉包。雖然是晚上的這個時間 (我們落單後半小時就Last Order)，包還是脆身的！蒜蓉味也相當香濃。赤蝦雜菌南瓜意大利飯 ($168) 有2隻超大的赤蝦，可惜的是蝦並不是太新鮮 QAQ飯量也比想像中的要多～味道特別香濃，飯粒的口感也很軟稔。再加上雜菌豐富了味道和增加了口感。最後飲品選了 - 熱奶茶雖然帶少少澀口，但這個滿香滑的耶。

由於颱風迫近,超市早被搶購一空,今晚唯有出街食；今晚到這一間位於觀塘既cafe, 其實一路都有聽朋友提及過, 今晚就順道來試；我們一共有3個人, 在餐前點了小食芝士焗蟹肉西蘭花, 這個小食可以有改進既空間, 西蘭花同芝士同好淡味同埋仲有頗多水份, 呢D都應該可以改良到的😉；到主菜, 我們分別點左豬、牛、雞（香煎西班牙豬鞍架配煙肉蘆筍卷、燒美國頂級肉眼伴香煎鵝肝、蜜糖香草燒春雞）；所有主菜都份量好足, 以價錢計味道及份量絕對值, 還帶給了我幾個驚喜..第一個驚喜係鵝肝, 我叫時都抱住搏既心態, 那塊鵝肝沒有騷味而且煎到外脆內軟👍🏻；第二個驚喜係伴碟的紫薯, 那個紫薯味夠香且清甜加埋用黑醋溝既汁配搭得很好👍🏻；第三個驚喜係蒜蓉包, 佢上菜時不單止包身夠軟、包邊好脆而且好熱👍🏻；這一餐絕對是高勝價比😋

同媽媽黎慶祝生日Book位時已預先點好一個甜品拼盤，包括一個豆腐芝士蛋糕，心太軟，曲奇雪糕。店員覆單時亦表示已mark低及會係食完主菜就會送上。我就放心以為可以為媽媽送上小驚喜。當日我刻意早一點到，提醒店員我訂了甜品，但當時的一位疑似店長和另一位店員既反應令我知道佢地根本無左件事好彩早左到啫，之後佢地左搵右搵終於搵到我訂甜品拼盤既記錄。然後屋企人都到左就開始叫餐，叫了豬手同羊架。豬手一般，偏乾亦無乜味羊架就有味，不過係雪味主菜令人好失望呢，仲要價錢唔算平主菜食完侍應送上跟餐既甜品，咁我個甜品拼盤呢？？🤷🏻‍♀️🤷🏻‍♀️無哂影‼️唯有扮去洗手間問一問啦，店員一面無知既樣同臭寸既態度令我火都黎當日客人2成滿都無，到底要記住要上一個甜品拼盤有幾難⁉️我只係見到佢地圍埋傾計玩佢寸寸地答我:得啦，心太軟要等多10分鐘！Book位時又話食完主菜會上，結果係咁已經嬲嬲地，點知更離譜既仲有。扮完去廁所但仲要等多10分鐘就唯有扮自己唔夠食想叫多個雪糕啦！點知‼️‼️個店員竟然走埋黎大大聲問我雪糕同蛋糕要咩味真係唔該哂‼️咩驚喜都無哂囉‼️結果尷尷尬尬等多10分鐘終於有得食囉一個咁簡單既甜品拼盤要落足3次單真係好嬲，由

去完街街又係食下午茶嘅時候衣間樓上Cafe係OpenRice 見到環境幾靚又有英式下午茶食所以就去試吓,去到見到門口細細但係入到去地方竟然好大，食都食得舒服啲啦跟住一睇餐牌就比佢架下午茶吸引住，諗都無諗就第一時間叫左先跟住再加多個蕃茄意粉同一個all day，其實已經試過好多呢啲一層層嘅下午茶好多都係得個樣，味道就真係麻麻但呢個真係唔錯由係士多啤梨牛角酥但係all day就真係麻麻D料已經冇咩特別都係炒蛋丫腸仔丫茄汁豆嗰D，最慘嚟到凍冰冰好似擺咗好耐咁最後仲叫咗個烤棉花糖果然甜野女仔真係抗拒唔到🙈🙈🙈🙈中間嗰層既chees cake同牛角酥都吾錯成碟野凍冰冰既all day，連隻蛋都凍既吾知罷左幾耐咁意粉味道不錯喔衣個諗左好耐先叫又怕肥又要食 不過係正嘅

210嘅下午茶set，加個沙律set lunch，兩個女仔食咁咁好（其實真係都有D飽）。食物同服務都質素唔錯，又免加一，環境都幾舒服。可以app book位，夠方便。適合weekend嘅時候同fd一齊hea一hea。

去完畫畫培養氣質之後要搵野食，近近地隔離棟就有間cafe, 一於去繼續我地嘅氣質路線。一入門口，餐廳名字嘅佈置擺明就係影相位，我地呢幾個自拍狂魔正想影相嘅時候，職員已經安排到位俾我地，估唔到星期六walk in 竟然咁好彩咁快入得。首先要個all day breakfast打個底：牛油炒菇好食，米熟蛋香滑，牛角包唔會韌，其餘粟米、煙肉、茄汁豆、沙律，正正常常再嚟個tea set, menu張相雖然係擺木箱，但其實上枱時係用雀籠，仲好啦！又係selfie時間青西瓜蛋沙律好fresh嘅感覺藍莓芝士餅好濃郁嘅芝士，食得出落足料去整芒果布甸：正常啦，食開屋企超多芒果版係無得比🤷🏻‍♀️紫薯蓉：啲食評話好食，但個人覺得太多cream咁，紫薯份量可以多啲啲更好朋友為個樽要左支維他命水，非常清新嘅味道（自己响屋企都可以試下浸支水嚟飲）泥漿乜乜乜：其實係Mocha底加沙冰再加朱古力雪糕波，夠濃，唔會沖到淡淡的，合格！唔夠飽再加多個意粉，各式香腸配香濃蕃茄汁，唔錯！ 味道啱啱好！個人口味再加芝士粉會更香濃！甜品：焗棉花糖棉花糖底有朱古力，唔會痴底之餘，令棉花糖唔會死甜，又有朱古力香附有5塊瑪利餅剷啲棉花糖

一行9人因為早訂所以有張唯一的圓枱坐，是晚最值得讚賞的，上網看食評不錯所以便一試，食物確實不錯，但....想像中比較貴，若然二、三知己食環境，慢慢食聚舊不限時飲杯咖啡傾談也是不錯的地方，在觀塘這個多人密雜的地方也算是不錯的選擇，但若然一家大細9人以上，本人就覺得不太適合，因為食物份量太小又細份..食完都唔太飽，選擇又不多，是晚點了一個二人餐加多個沙津、一隻燒春雞（又細隻又唔多肉）和意粉（百幾蚊份量小得驚人，雖然味道不錯）...所以多人就不是好選擇吧⋯⋯

觀塘區工廈多，近年樓上舖行街食飯都多左好多選擇， 今次黎到呢間位置都算近地鐵站，係駱駝漆。 餐廳範圍好大， 好多位， 檯面亦唔算係逼逼夾夾個種， 而且行簡約木裝修配啲田園起風既擺設，感覺都幾舒服。 而且最後面仲有個用玻璃間開左既房, 相信包後面個場自己開party 都得~因為今次食early dinner, 我同男人都未係話好餓, 所以就叫左Main 就算, 唔叫餐喇。今次叫左豬手(因為有薯條食~哈哈)同埋一個pasta. 後來見到menu上有好多飲品好吸引, 包括花茶同近期好紅既detox water(仲送埋個樽), 好可惜我想試既味都無哂, 咁我地就唔叫喇。食物上檯速度快,但唔似係因為一早整定左,因為係部野都熱辣辣~~~豬手個皮好脆, 少少韌但豬都係嫩既~性一係有少少咸, 薯條係粗身薯條, 好好味, 但好可惜佢​無honey mustard呀><""" 然後係risotto, 我地個risotto係海鮮底, 好多好多料~!有蝦有帶子有青口有蜆, 比起坊間同等價錢既餐廳佢係好食同埋料多, 所以更抵。席間我地見到人地都有啲waffle好正, 可惜今晚兩個人食左兩個Mai

同朋友行完apm去找晚餐吃，這個時間商場好吃不好吃必定排長籠，為了避開等位時間，行入工廠大廈樓上食肆，必定是個最好的選擇。因為今日三點才吃下午茶，其實唔係好肚餓，所以叫咗一個主菜及一個甜品，二人share吃。這裏出名是果茶、朋友揀咗士多啤梨燕麥沙冰，飲落有粒粒士多啤梨及燕麥，我就揀咗餐廳的特飲delight，兩樣都OK。（飲完仲可以帶走個玻璃樽）主菜加＄30有一個湯及兩塊蒜蓉包，湯同蒜蓉包都普普通通，冇必要可以唔加。主菜A5和牛，食過和牛都知食少少已經好滯，因為好多油，今次呢個A5充滿濃郁牛味、兩個人share真係啱啱好，出去買A5都要過＄200，收你＄268，呢個價錢十分抵食，其中一個配菜由紫心蕃薯代替薯蓉，超級好味 。（紫心蕃薯比牛扒遮住）甜品叫咗雜莓吉士窩夫、可加2球雪糕，我哋揀咗牛奶及朱古力雪糕，下面鋪左鮮忌廉，雜莓有士多啤梨及藍莓，切開窩夫入邊有吉士醬，上碟時候重熱，配上冰凍雪糕食一流，不過如果多啲雜莓就好了，不過＄68價錢亦不能要求太多。食飯講地點講氣氛講環境，呢度應該滿足到你的要求，朋友都非常滿意。